რა საფრთხეს ელის ბრიტანეთი რუსეთისგან - თავდაცვის შტაბის უფროსი ახალი ტიპის ომზე ალაპარაკდა

რა საფრთხეს ელის ბრიტანეთი რუსეთისგან - თავდაცვის შტაბის უფროსი ახალი ტიპის ომზე ალაპარაკდა

access_time2019-10-01 20:15:52

რუსეთის მხრიდან მომდინარე საფრთხეებზე დღეს უკვე დიდი ბრიტანეთიც აქტიურად ალაპარაკდა - წლების განმავლობაში რუსეთის არაერთი აგრესიული ქმედება ვნახეთ, თუმცა, ბრიტანეთი კრემლისგან რეალურ საფრთხეს დღეს უფრო მეტად ხედავს, ვიდრე ხუთი წლის წინ. მეტიც, ევროპაში უკვე „მომავალ ომზეც" საუბრობენ, რაც იმით აიხსნება, რომ „დიდი ომის შემთხვევაში, ევროპაში ბირთვული ომიც კი არ არის გამორციხული".

 

„გამომდინარე იქიდან, რომ ბრიტანეთს ევროპასთან სახმელეთო საზღვრები არ აქვს და მითუმეტეს რუსეთთან, პირველ საფრთხე ეს არის საზღვაო და და საჰაერო სივრციდან მომდინარე საფრთხეები.

 

"ყველა საფრთხე მაინც ბირთვულ ომს უკავშირდება. რუსული ტანკების გამოჩენა ბრიტანეთის ქალაქებში ნაკლებად რეალურია, თუმცა, დიდი ომის შემთხვევაში, თუკი ახალი ცივი ომი დაიწყო, ევროპაში ბირთვული ომი გამორიცხული დღეს უკვე არ არის," - აცხადებს „რეზონანსთან" ჟურნალ „არსენალის" მთავარი რედატორი ირაკლი ალადაშვილი.

 

გავიხსენოთ 2008 წლის აგვისტოში საქართველოზე თავდასხმა, რომლის შედეგადაც ჩვენი ქვეყნის 20% რუსების მიერ არის ოკუპირებული და უკრაინის მიმართ განხორციელებული აგრესია, რომელიც 2014 წლის მარტში ყირიმის ანექსიით დასრულდა. ამ თავდასხმებისგან განსხვავებით, დღეს დიდი ბრიტანეთი კიბერომზე საუბრობს, რაც სამხედრო შეტაკებისა და კლასიკური ომისაგან რადიკალურად განსხვავებულია.

 

დიდი ბრიტანეთის თავდაცვის შტაბის უფროსის ნიკ კარტერის განცხადებით, სისტემატური კიბერთავდასხმების გამო, რუსეთიდან და სხვა ქვეყნებიდან ბრიტანეთი ყოველდღე ომშია. კარტერმა აღნიშნა, რომ განსხვავება მშვიდობასა და ომს შორის თანამედროვე მსოფლიოში აღარ არსებობს, ხოლო კონკურენციასა და კონფლიქტს შორის მკაფიო ზღვარის გავლება უკვე აღარ შეიძლება.

 


„რუსეთთან ფაქტობრივად კიბერომის პირობებში ვიმყოფებით. ომის ხასიათი იცვლება, ჩვენ გვჭირდება დებატების გამართვა იმის დასადგენად, თუ როგორი იქნება მომავალი ომი," - განაცხადა კარტერმა და დასძინა, რომ „რუსეთი დღეს უფრო დიდ საფრთხეს წარმოადგენს, ვიდრე ხუთი წლის წინ". ამის შესახებ ინფორმაციას ბრიტანული „ტელეგრაფი" ავრცელებს.

 

ალადაშვილის თქმით, 2008 წლის რუსეთ-საქართველოს ომის შემდეგ, ჩრდილოატლანტიკურმა ორგანიზაციამ რუსეთიდან მომდინარე რეალური საფრთხე სწორად ვერ შეაფასა, რადგან კრემლმა 2009 წლიდან საკუთარი შეიარაღებული ძალების უმნიშვნელოვანესი მოდერნიზება დაიწყო.

 

„რუსეთმა დიდი ბრიტანეთის მიმართულებით სტრატეგიული ბომბდამშენების ე.წ. პატრულირება და ფრენები აღადგინა; ის, რა თქმა უნდა, ბრიტანეთის საჰაერო სივრცეს არ არღვევს, მაგრამ ყველაფერი მის სიახლოვეს ხდება, როგორც ეს ცივი ომის დროს იყო.

 

"საერთო სტატეგიულ ბომბდამშენებს, რომელსაც ფრთოსანი რაკეტების გაშვება შეუძლია, სულ არ სჭირდებათ სხვა ქვეყნის საჰაერო სივრცეში შესვლა, რადგან რამდენიმე ასეული კილომეტრიდან შეიძლება მათი გაშვება.

 

„გარდა ამისა, ატომური წყალქვეშა ნავების პატრულირება აღდგა, რომლებიც თვითმფრინავებისგან განსხვავებით, არ ჩანს, თუმცა, სპეციალური წყალქვეშა სენსორები აფიქსირებენ. ეს ყველაფერი ცივი ომის დროს ხდებოდა და ახლაც გრძელდება; ეტყობა ეს არის ბრიტანელი გენერლების შეშფოთების საფუძველი.

 

„რუსეთი გაძლიერდა და არაერთხელ მითქვამს, რომ საქართველოსთან ომის შემდგომ, მან საკუთარი შეიარაღებული ძალების დიდი სისუსტე ნახა. ჩვენზე ოდნავ ძლიერი ქვეყანა რომ ყოფილიყო, სამხედრო აგრესიის შედეგად რუსეთის არმიას ბევრად სერიოზული პრობლემები შეექმნებოდა.

 

„რუსები ამას მიხვდნენ და 2009-2010 წლიდან საკუთარი შეიარაღებული ძალების კარდინალური მოდერნიზება დაიწყეს, რამაც ამ ეტაპზე საკმაოდ მაღალ დონეს მიაღწია. ეს იმის ფონზე, როდესაც ნატო-ს წევრი ქვეყნები, ფაქტობრივად, გაყინული იყვნენ ერთ ადგილას. მათ ეს საფრთხე ვერ დაინახეს და მხოლოდ უკრაინაში შეჭრის შემდეგ, ყირიმის ანექსიის შედეგად ნელ-ნელა ნატო-მ გაიღვიძა," - განაცხადა ირაკლი ალადაშვილმა.

 

resonancedaily.com





შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...


მსგავსი სიახლეები

up