რა ქონებას ფლობენ თვითმმართველი ქალაქების მერები

რა ქონებას ფლობენ თვითმმართველი ქალაქების მერები

access_time2020-06-22 23:55:01

საქართველოში ქონებრივ დეკლარაციას ყოველწლიურად 2800-ზე მეტი თანამდებობის პირი ავსებს.„ბიზნესპრესნიუსი“ ამჯერად დაინტერესდა, რა უძრავ-მოძრავ ქონებას ფლობენ ქვეყნის თვითმმართველი ქალაქების მერები. ცნობისათვის, საქართველოში 5 თვითმმართველი ქალაქია - თბილისი, ქუთაისი, ბათუმი, რუსთავი და ფოთი.


თბილისი - დედაქალაქის მერის კახა კალაძის 2020 წლის 31 იანვარს შევსებული დეკლარაციის მიხედვით, თბილისის მერის საკუთრებაშია:


მშენებარე, 650 კვ.მ ფართობის საცხოვრებელი სახლი დაბა წყნეთში, რომელშიც 2013 წელს 500 000 ლარი გადაიხადა. 101 კვ.მ მიწის ნაკვეთი თბილისში, სამი ავტოსადგომი, ასევე 258,54 კვ.მ სახლი, რომელშიც 2018 წელს 928 414 ლარი გადაიხადა. იმავე მისამართზე მდებარე მეორე ბინა, კერძოდ, 203,04 კვ.მ ფართობის, რომელშიც 774 875 ლარი აქვს გადახდილი. კახა კალაძის საკუთრებაშია 2017 წელს შეძენილი ორი ავტოფარეხი ჭავჭავაძის გამზირზეც, რომლის ჯამური ღირებულება 14 000 აშშ დოლარია. ორი ბინა ჭავჭავაძის გამზირზე, რომელშიც 2017 წელს 160 000 აშშ დოლარი გადაიხადა. 2006 წელს აქვს შეძენილი კიდევ ერთი ბინა ვაკეში, რომლის ღირებულებაც 71 280 ლარია.


კალაძის საკუთრებაშია, ასევე: სახლი სამტრედიაში, ორი აგარაკი წყნეთში, 396 კვ.მ ფართობის ბინა თბილისში, 2380 კვ.მ მიწის ნაკვეთი სამტრედიაში, სამი მიწის ნაკვეთი წყნეთში, ავტოფარეხი თბილისში, ბურძგლას ქუჩის მიმდებარედ, ორი ბინა უკრაინაში და ორი არასაცხოვრებელი ფართი სამტრედიაში.


ასევე თბილისის მერს ეკუთვნის: მსუბუქი ავტომობილები: FIAT 500 ABARTH, TOYOTA CAMRY და BRABUS ULTIMATE 125. ამასთან, მოტოსატრანსპორტო საშუალება -HARLEY-DAVIDSON VR1, მოტოსატრანსპორტო -HARLEY-DAVIDSON, მოტოსატრანსპორტო საშუალება -HARLEY-DAVIDSON.


კახა კალაძის დეკლარაცია სრულად: https://declaration.gov.ge/Home/DownloadPdf/123014



ბათუმი - ქალაქის მერმა ლაშა კომახიძემ ქონებრივი დეკლარაცია 2019 წლის 25 ოქტომბერს შეავსო. დეკლარაციის მიხედვით, მის მფლობელობაშია 2011 წელს შეძენილი 70,27 კვ.მ ფართის ბინა ბათუმში, რომლის ღირებულება 32 000 აშშ დოლარია, ასევე ბ.მ. ამხანაგობა ,,ახალი ერ–86" საერთო კრების გადაწყვეტილებით გადაეცა 73,7 კვ.მ არასაცხოვრებელი ფართი ამავე მისამართზე.


რუსთავი - ქალაქის მერმა ირაკლი ტაბაღუამ ქონებრივი დეკლარაცია 2020 წლის 29 იანვარს შეავსო. დეკლარაციის მიხედვით, მის საკუთრებაშია ორი მიწის ნაკვეთი გორის რაიონში, რაშიც ჯამში 2000 ლარი აქვს გადახდილი. ასევე ბინა, რომელიც ჩუქებით გადაეცა, თუმცა მისამართი მითითებული არ არის. გარდა ამისა, კიდევ ერთი მიწის ნაკვეთი გორში.


ფოთი - ქალაქის მერმა გოჩა კურდღელიამ ქონებრივი დეკლარაცია 2020 წლის 30 იანვარს შეავსო. დოკუმენტის მიხედვით, გოჩა კურდღელიას საკუთრებაშია - 380 კვ.მ არასაცხოვრებელი ფართი ფოთში, რომელშიც 30 000 ლარი გადაიხადა; 601 კვ.მ მიწის ნაკვეთი ფოთში, რომლის ღრებულება 25 000 ლარია; 152,1 კვ.მ ფართობის საცხოვრებელი სახლი, რომელიც 25000 ლარად აქვს შეძენილი. ასევე, 100000 კვ.მ მიწის ნაკვეთი შინდისში, რომელშიც 2008 წელს 320 842 აშშ დოლარი გადაიხადა.


გარდა ამისა, ფოთოს მერის საკუთრებაშია 68,1 კვ.მ კომერციული ფართი და 3349 კვ.მ მიწის ნაკვეთი ფოთში.


დეკლარაციის მიხედვით, გოჩა კულდღელიას ეკუთვნის მსუბუქი ავტომობილები: Toyota Land Cruiser 200, რომელშიც 77 000 დოლარი აქვს გადახდილი და Lexus NX300 - რომლის ღირებულება 123 357 ლარია.


ქუთაისს ამ დროისთვის მერი არ ჰყავს, გიორგი ჭიღვარია 2020 წლის აპრილში გადადგა. ამ დროისთვის მერის მოვალეობის შემსრულებელი დავით ერემეიშვილია, რომელსაც მანამდე მერის პირველი მოადგილის პოსტი ეკავა.


დავით ერემეიშვილის ფლობს თბილისში 2013 წელს 26 650 დოლარად შეძენილ 39,81 კვადრატულ მეტრ ბინაში 25%-ს. ასევე ის ფლობს 168 კვადრატულ მეტრ მიწის ნაკვეთს ქუთაისში, 152 კვადრატულ მეტრ ბინას ქუთაისში, რომლის „გაცვლაშიც“ 5 ათასი დოლარი გადაიხადა. მის საკუთრებაშია მსუბუქი ავტომობილი VW JETTA, 2011 წლის გამოშვების, რომელიც 2017 წელს 4 200 დოლარად შეიძინა.


bpn.ge





პანდემიის დროს ბორჯომის მხარეთმცოდნეობის მუზეუმმა 6000 ლარამდე იზარალა

პანდემიის დროს ბორჯომის მხარეთმცოდნეობის მუზეუმმა 6000 ლარამდე იზარალა
access_time2020-08-14 16:30:58
ბორჯომის მხარეთმცოდნეობის მუზეუმმა კორონავირუსის პანდემიის გამო 5000-დან 6000 ლარამდე იზარალა. როგორც „კომერსანტს“ მუზეუმის დირექტორმა თინათინ მამასტარაშვილმა უთხრა, სხვა მუზეუმების მსგავსად ივნისის თვეში მუშაობის განახლება  ვერ შეძლეს, რადგან ფინანსების არქონის გამო რეგულაციებით გათვალისწინებული ნივთები ვერ  შეიძინეს. „ბორჯომის მხარეთმცოდნეობის მუზეუმი კულტურული მემკვიდრეობის დაცვის ეროვნული სააგენტოს დაქვემდებარებაშია და...

„სმარტმა“ „ხაჭაპურის ფესტივალი“ გამართა

„სმარტმა“ „ხაჭაპურის ფესტივალი“ გამართა
access_time2020-08-14 12:55:34
„სმარტმა“ ზესტაფონსა და ქუთაისს შორის, სოფელ არგვეთას მონაკვეთზე მდებარე „ვისოლ ჯგუფის“ დასვენებისა მომსახურების კომპლექსში „ხაჭაპურის ფესტივალი“ გამართა და ამიერიდან მომხმარებლებს „სმარტის“ ქსელში ყველაზე გემრიელი „დედა ხაჭაპურის“ დაგემოვნება გამარჯვებული ხაჭაპურის ავტორის რეცეპტით შეეძლებათ. „დედა ხაჭაპური“ იგივე იმერული ხაჭაპურია, რომელიც კონკურსის მონაწილე „სმარტის“ თანამშრომლემა კომპეტენტური ჟიურის რეკომენდაციებით და წინასწარ განსაზღვრული კრიტერიუმების მიხედვით მოამზადეს. „გასტრონავტის“...

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან
access_time2020-08-14 14:10:52
რუსეთმა შესაძლოა, ვაშლისა და ქლიავის იმპორტზე კვოტები დააწესოს. სწორედ ამ მოთხოვნით მიმართეს ადგილობრივმა ფერმერებმა სოფლის მეურნეობის სამინისტროს. მათ აზრით, იმპორტირებული ხილის დიდი რაოდენობა, ადგილობრივი პროდუქციის ფასებს ამცირებს. ამის შესახებ ინფორამციას AgroTimes ავრცელებს. აღსანიშნავია, რომ საქართველოსთვის რუსეთი მთავარი სავაჭრო პარტნიორია. მეტიც, გასულ წელს იმპორტირებული ვაშლის 87,2 %, ხოლო ქლიავის 89,2% სწორედ რუსეთში...

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე
access_time2020-08-14 13:00:41
„საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით, ბირჟიდან მოხსნის შემდეგ ლიკვიდურობა შენარჩუნებულ იქნა, GHG კერძო კომპანია გახდა და მისი აქციები Georgia Capital-მა გამოისყიდა, რომელიც აქამდე „საქართველოს ჯანდაცვის ჯგუფის“ 70.6%-იანი წილის მფლობელი იყო. ბოლო დღეებში ქართულ მედიაში საქართველოს საფონდო ბირჟის დირექტორი გიორგი ფარესიშვილის და რამდენიმე ექსპერტის მიერ გამოთქმული გამამართლებელი არგუმენტების...

ივლისში ფულადი გზავნილები 22.1%-ით გაიზარდა

ივლისში ფულადი გზავნილები 22.1%-ით გაიზარდა
access_time2020-08-14 15:20:52
2020 წლის ივლისში ქვეყანაში შემოსული ფულადი გზავნილების ნაკადების მოცულობამ 188.7 მლნ აშშ დოლარი (578.0 მლნ ლარი) შეადგინა, რაც 22.1%-ით (34.2 მლნ აშშ დოლარით) მეტია 2019 წლის ივლისის ანალოგიურ მაჩვენებელზე. ინფორმაციას ეროვნული ბანკი აქვეყნებს. უცხოეთიდან საქართველოში ფულადი გზავნილების 94.6% იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ ივლისში 1 მლნ აშშ დოლარს გადააჭარბა. იმავე 18 ქვეყანაზე გასული წლის ივლისში მთელი ფულადი გზავნილების...


მსგავსი სიახლეები

up