რა პრობლემები აქვს საქართველოში მზის და ქარის ენერგიებს?

რა პრობლემები აქვს საქართველოში მზის და ქარის ენერგიებს?

access_time2019-04-15 09:25:28

საქართველოს სახელმწიფო ელექტროსისტემის ინფორმაციით, ამ ეტაპზე ქართულ ენერგოსისტემას საერთო ჯამში, 330 მეგავატი დადგმული სიმძლავრის ქარის სადგურების, 150 მგვტ კი – მზის სადგურების ინტეგრირება შეუძლია.


როგორც BM.GE–ს სსე–ს ელექტრული რეჟიმებისა და განვითარების სამსახურის უფროსმა არჩილ კოხტაშვილმა განუცხადა, მზის და ქარის ენერგიების ქსელთან მიერთების შეზღუდვებთან დაკავშირებით მოცემული პარამეტრები გერმანელ კონსულტანტებთან მუშაობის შედეგად დადგინდა, თუმცა მიუხედავად ამისა, სახელმწიფო ელექტროსისტემა ინტეგრაციის მაქსიმიზაციაზე მუშაობას განაგრძობს.


პირველი, ეს არის ქარის პროგნოზირება. ამასთან დაკავშირებით, USAID-თან ერთად ვმუშაობთ, რათა სრულყოფილი იქნას ქარის პროგნოზირების სისტემები და მივიღოთ ზუსტი პროგნოზი იმის შესახებ, თუ როგორი იქნება ქარის გენერაცია. ეს აუციელებლია იმისთვის, რომ რეზერვები სწორედ დაინერგოს და მობილიზებული იყოს სისტემაში სადგურები, რომ თუ ქარი ამოვარდა, სიმძლავრეები მოიხსნას და თუ ქარი ჩადგება, სადგურებმა სიმძლავრე აიღონ, – განმარტა მან.


გარდა ამისა, სსე ელექტროენერგიის შემნახველი ბატარეების საქართველოში დანერგვის სტრატეგიაზე მუშაობს. კერძოდ, არჩილ კოხტაშვილის განმარტებით, ამ სტრატეგიის მიხედვით დადგინდება, თუ ვინ, როგორ უნდა შეიძინოს ბატარეები, როგორ უნდა იქნას სხვადასხვა იურიდიულ დოკუმენტაციაში ეს ყველაფერი აღწერილი და თუ საჭიროა, საკანონმდებლო დონეზე როგორ იქნას ცვლილებები შეტანილი, რათა საინტერესო იყოს როგორც ინვესტორებისთვის, ისე – სისტემისთვის.



შემნახველი ბატარეების სისტემის დანერგვა  შესაძლებლობას მოგვცემს, რომ თუ ქარი ჩადგა, ბატარეები უზრუნველყოფენ გენერაციას და ამით სისტემის პარამეტრები, ისეთი როგორიც არის სიხშირე, არ გაუარესდება და თუ ქარი ამოვარდება, საკმარისი დამატებითი მოხმარება შეიქმნება და ამით დაბალანსდება სისტემა, – განმარტა მან.


კონკრეტულად მზის სადგურებს რაც შეეხება, არჩილ კოხტაშვილის განმარტებით, ამ შემთხვევაში უფრო რთულად არის საქმე, რადგან ქარისგან განსხვავებით, იმის პროგნოზირება, თუ როდის გადაეფარება მზეს ღრუბელი, უფრო რთულია.


მზეს გააჩნია ასეთი თავისებურება – თუ ღრუბელი გადაივლის მზის სადგურის თავზე, გენერაცია რამდენიმე წამში 80%–მდე მცირდება, ანუ სისტემაში დეფიციტი წარმოიქმნება. ერთი ლოკაციიდან დაახლოებთ 10 მეგავატის ფარგლებში, დეფიციტებს სისტემა აიტანს, თუმცა შესაძლებელია 20, 30 და მეტი მეგავატის სიმძლავრის მზის სადგურების ქსელთან მიერთებაც, მაგრამ მათ უნდა ჰქონდეთ ძალიან პატარა სიმძლავრის ბატარეები, რომლებიც უზრუნველყოფენ იმას, რომ მყისიერად არ შეწყდეს გენერაცია ღრუბლის გადავლისას, – განაცხადა მან და დასძინა, რომ ეს ტექნოლოგია ვითარდება და იაფდება, ამიტომ მალე საქართველოში ინვესტორებსაც შეეძლებათ მათი ინსტალაცია.


გარდა ამისა, ეს შეზღუდვა არის დაახლოებით 2021 წლამდე. ამის შემდეგ, განვსაზღვრავთ, თუ როგორ შეიცვლება სისტემის განვითარება – ვგულისხმობ იმას, რომ თუ მოხდება სისტემაში ისეთი სადგურების ინტეგრირება, როგორიც არის მაგალითად, ხუდონჰესი და ნამახვანი ჰესი, რომელთაც აქვთ დიდი რეგულირების საშუალებები, ეს გარკვეულწილად გახსნის ახალ შესაძლებლობებს მზისა და ქარის ელექტროსადგურების ქსელთან უფრო მეტი ინტეგრირებისთვის, – აღნიშნა არჩილ კოხტაშვილმა.


შეგახსენებთ, რომ ამ ეტაპზე საქართველოში ქარის მხოლოდ ერთი – ქართლის ქარის ელექტროსადგური მუშაობს, რომლის სიმძლავრე 20 მგვტ–ია, მზის პირველი სადგურის მშენებლობა კი მიმდინარე წლის ბოლომდე, სოფელ უდაბნოში იგეგმება – დადგმული სიმძლავრით 5 მგვტ.


BMG





კორონავირუსით კიდევ ერთი პაციენტი გარდაიცვალა

კორონავირუსით კიდევ ერთი პაციენტი გარდაიცვალა
access_time2020-04-05 11:25:08
კორონავირუსით კიდევ ერთი პაციენტი გარდაიცვალა. ამის შესახებ ლევან რატიანმა განაცხადა. მისი თქმით, საუბარია 81 წლის ქალზე, რომელიც 3 აპრილს თბილისის ზღვის ჰოსპიტალიდან გადაიყვანეს. მისი მდგომარეობა თავიდანვე კრიტიკული...

საქართველოში კორონავირუსის შემთხვევათა რაოდენობა 162-მდე გაიზარდა, მათგან 36 გამოჯანმრთელდა

საქართველოში კორონავირუსის შემთხვევათა რაოდენობა 162-მდე გაიზარდა, მათგან 36 გამოჯანმრთელდა
access_time2020-04-04 22:31:55
საქართველოში კორონავირუსის შემთხვევათა რაოდენობა 162-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებგვერდზე ცოტა ხნის წინ...

„ქვეყანას დასჭირდება დახმარება უცხოეთიდან, ამის გარეშე ამ პრობლემებს ვერ მოვერევით“

„ქვეყანას დასჭირდება დახმარება უცხოეთიდან, ამის გარეშე ამ პრობლემებს ვერ მოვერევით“
access_time2020-04-05 14:00:43
„ქვეყანას დასჭირდება დახმარება უცხოეთიდან, ამის გარეშე ამ პრობლემებს ვერ მოვერევით“ - ამის შესახებ ბიზნეს ასოციაციის პრეზიდენტმა სოსო ფხაკაძემ რადიო „პალიტრასა“ და „პალიტრანიუსის“ გადაცემაში „საქმე“...

ლიბერთის 500 000 ლარიანი მხარდაჭერა ბავშვთა მცირე საოჯახო სახლებს

ლიბერთის 500 000 ლარიანი მხარდაჭერა ბავშვთა მცირე საოჯახო სახლებს
access_time2020-04-04 16:25:37
...

კორონავირუსის გადამტანი ყოველი მე-4 ადამიანი სავარაუდოდ ასიმპტომურია — ყველაფერი, რაც ამ საკითხზე ცნობილია

კორონავირუსის გადამტანი ყოველი მე-4 ადამიანი სავარაუდოდ ასიმპტომურია — ყველაფერი, რაც ამ საკითხზე ცნობილია
access_time2020-04-05 12:30:58
კორონავირუსის პანდემიის გამო, მსოფლიოს თითქმის მესამედი კარანტინშია; ვირუსის გავრცელების შესაჩერებლად, მსოფლიოს მრავალი ქვეყანა იძულებული გახდა, სოციალური დისტანცირებისათვის სხვადასხვა ზომები მიეღო. ამის მიზეზი კი ის არის, რომ COVID-19 ხშირად აშკარა სიმპტომების გარეშე მიმდინარეობს. „გადადების მნიშვნელოვანი ნაწილი მოდის...


მსგავსი სიახლეები

up