რა პირობებით მოექცევა მიწები სახელმწიფო საკუთრებაში – რას გულისხმობს ახალი საკანონმდებლო ინიციატივა

რა პირობებით მოექცევა მიწები სახელმწიფო საკუთრებაში – რას გულისხმობს ახალი საკანონმდებლო ინიციატივა

access_time2016-03-14 14:29:26

სოციალურ ქსელში ეკონომიკური პოლიტიკის ექსპერტთა ცენტრისა და ეკონომიკური განათლებისა და სტრატეგიული კვლევის ცენტრის მიერ ერთობლივად შემუშავებული  მცირე ვიდეორგოლი გამოჩნდა, სადაც  მთავარი აქცენტები კერძო საკუთრების ფორმირებაზეა გაკეთებული, სადაც ერთ-ერთი მნიშვნელოვანი თემა სასოფლო-სამეურნეო მიწებია. მთავრობის მიერ პარლამენტში წარდგენილი კანონპროექტით, თუ პიროვნებას მიწაზე მართლზომიერი მფლობელობის დამადასტურებელი დოკუმენტი არ ექნება, მისი მიწა სახელმწიფო საკუთრებაში მოექცევა. ამ თემაზე კომენტარი „კომერსანტმა“  პროექტის და იდეის ერთ-ერთ თანაავტორსა და ცენტრის წარმომადგენელ, ქეთევან კრიალაშვილს სთხოვა. 


- რამდენად მართებულია აღნიშნული ინიციატივა და რა დადებითი და უარყოფითი შედეგი შეიძლება ჰქონდეს? ასევე ნაციონალურმა მოძრაობამ წარადგინა ალტერნატიული და მას როგორ აფასებთ?


– მიწები,  რომლებიც არ არის კერძო საკუთრებაში, ითვლებოდა და დღესაც ითვლება სახელმწიფო საკუთრებაში არსებულ მიწებად.  აქ  ჩვენთვის რაიმე სიახლეს ვერ ვხედავ. აუცილებელია მიწების დიდი ნაწილის გადასვლა კერძო საკუთრებაში! თუმცა იმისთვის რათა ეს მოხდეს, აუცილებელია არსებობდეს სამართლებრივი საფუძველი, რომელიც ამ პროექტში არ ჩანს. შესაბამისად, ახლაც და ადრე წარდგენილ კანონპროექტებში არსებულმა ხარვეზებმა გამოიწვია ის უკმაყოფელება, რომელიც დღეს მოსახლეობაში არსებობს.   პროცედურულად ვერ ხორციელდება მფლობელობაში არსებული მიწების საკუთრებაში ფორმირება.  აღნიშნული მოდელის დახვეწაც რომ მოხდეს, ამ ფორმით, შეუძლებელი იქნება  მიწების კერძო საკუთრებით ფორმირება, ამიტომაც ალტერნატიული მოდელი შევიმუშავეთ, რომელსაც საზოგადო და ფართო განხილვებს მოიცავს და შესაბამისად მისი სამთავრობო დონეზე წარდგენაც იგეგმება 


– ფაქტია, რომ გლეხები გარკვეულ მიწებს აქამდეც იყენებდნენ... 


– დიახ, ეს ასეა, მაგრამ სამწუხაროდ ბევრ ასეთ მიწაზე არავითარი საკუთრების დამადასტურებელი დოკუმენტი არ არსებობს. შესაბამისად ისინი კერძო საკუთრებად ვერ ჩაითვლება.


– რა უნდა მოიმოქმედოს მთავრობამ ამ მიწების დასაკუთრებისთვის?


– ჩვენს მიერ შემუშავებული გეგმა, ვფიქრობ იდეალურია და ამ პრობლემას ძალიან სწრაფად წყვეტს. სახელმწიფო ქონების უფასო განკერძოების პილოტის პარალელურად, თითოეულ სოფელს ეძლევა უფლება გამოაცხადოს დახურული აუქციონი. ამ დახურულ აუქციონებზე, ოჯახები შეძლებენ თავიანთვის სასურველი (მფლობელობაში, მაგრამ არა კერძო საკუთრებაში არსებული) მიწების ყიდვას.  ამისთვის ისინი გამოიყენებენ არა ჩვეულებრივ ფულს, არამედ გამოიყენებენ მთავრობის მიერ ნაჩუქარ "ინვესტებს". 


– მოცემული "ინვესტები" უფასოდ ურიგდებათ მოქალაქეებს?


– დიახ,  პილოტი გრძელდება 18 თვის განმავლობაში. ამ პერიოდში, თვეში ერთხელ თითოეული მოქალაქე იღებს 1000 "ინვესტს" საჩუქრად. დახურული სოფლის აუქციონები იქნება პარალელური პროცესი. ღია აუქციონებზე კი, თითოეულ თვეს გავა შესაბამისი ქონება.


– კონკრეტულად რა ქონებაზეა საუბარი?


– ყოველთვიურად უფასოდ განკერძოვდება ღია აუქციონებზე 1800 მიწის ნაკვეთი, 540 შენობა-ნაგებობა, 16 საბადოს აქციები (ყოველ ტვე გარკვეული პროცენტულობით), 34 სახელმწიფო კომანიის აქციები. 


– პრობლემური მიწების დასაკუთრება რატომ გადაწყვიტეთ დახურული აუქციონებით?


– ამის მიზეზი ისაა, რომ ეს ადამიანები დიდი ხნის განმავლობაში იყენებდნენ ამ მიწას. დახურულ აუქციონებზე მათ არ მოუწევთ კონკურენციაში შესვლა მთელი ქვეყნის მოქალაქეებთან. რაც ვთვლით რომ სამართლიანია! 


– თვლით რომ ეს პროცესი 18 თვეში დამთავრდება?


– პრობლემური მიწების დარეგისტრირება და მისი კერძო საკუთრებაში  უმტკივნეულოდ გადასვლა ამ პერიოდში აუცილებლად დამთავრდება.



Liberation: მსოფლიო შიმშილის პანდემიის ზღვარზეა

Liberation: მსოფლიო შიმშილის პანდემიის ზღვარზეა
access_time2020-05-31 14:00:14
მდიდარ და ღარიბ ქვეყნებში, ლათინურ ამერიკაში, ინდოეთში, პაკისტანში, აფრიკაში, ევროპაში  - ღარიბი ადამიანები, რომლებიც პანდემიის გამო კიდევ უფრო ღარიბები გახდნენ, კარანტინს, იზოლაციას, და ეკონომიკის გაჩერებას სულ უფრო აქტიურად აპროტესტებენ. მთელ მსოფლიოში სასურსათო დახმარებაზე მომუშავე ორგანიზაციები ღარიბთა მხრიდან უფასო კვებაზე მოთხპოვნის ზრდაზე საუბრობდნენ. მდიდარ საფრენგეთში კი, უფასო სასადილოებში ღარიბების და სტუდენტების მოზღვავების...

„ვაშინგტონ პოსტი“ - შავ ზღვაზე საქართველო პანდემიისგან საკურორტო თავშესაფრად სახელდება

„ვაშინგტონ პოსტი“ - შავ ზღვაზე საქართველო პანდემიისგან საკურორტო თავშესაფრად სახელდება
access_time2020-05-31 12:30:54
შავ ზღვაზე საქართველო პანდემიისგან საკურორტო თავშესაფრად სახელდება – ამ სათაურით სტატიას გამოცემა...

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა
access_time2020-05-30 23:58:40
სფეის იქსის“ რაკეტა „ფალკონ...

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს
access_time2020-05-31 10:00:08
ევროპის 20 ყველაზე უსაფრთხო სამოგზაურო მიმართულებაზე European Best Destinations-ის მიერ გამოქვეყნებულ რეიტინგში თბილისი პირველ ადგილს იკავებს. „კოვიდ 19“-ის თვალსაზრისით, ყველაზე უსაფრთხო მიმართულებად ევროპაში სწორედ თბილისი...

ქუთაისში მდებარე საწარმომ მზის პანელები აშშ-ში ექსპორტზე გაიტანა

ქუთაისში მდებარე საწარმომ მზის პანელები აშშ-ში ექსპორტზე გაიტანა
access_time2020-05-30 21:00:36
ძალიან სასიხარულოა, რომ საწარმო კორონავირუსის პანდემიის შემდეგ, როცა ჩვენ ვხსნით ეკონომიკას, საწარმო გაფართოებას გეგმავს. მის გეგმებში დიდი კორექტირება არ...


მსგავსი სიახლეები

up