აფრიკა ქართული ღვინისთვის პერსპექტიული ბაზარია

აფრიკა ქართული ღვინისთვის პერსპექტიული ბაზარია

access_time2019-12-05 11:30:47

მსოფლიო ბაზარზე ქართული ღვინო დღითიდღე მოთხოვნადი ხდება.ღვინის ექსპორტი წარმატებით ხორციელდება, ევროპაში, აზიასა და ამერიკაშიც.„კომერსანტი“ დაინტერესდა როგორი პოტენციალი აქვს ქართულ ღვინოს აფრიკაში, სადაც სამხრეთ აფრიკელმა  მეღვინეებმა საფერავი გააშენეს.

 

არსებობს პროექტი, რომელსაც საქართველოს საელჩო სამხრეთ აფრიკაში, საქართველოს საკონსული სამხრეთ აფრიკაში, ღვინის ეროვნული სააგენტო და სამხრეთ აფრიკა-საქართველოს სავაჭრო პალატა უდგანან სათავეში, რომლის ფარგლებში ღვინის კომპანიებს შორის ხდება თანამშრომლების გაცვლა.


გაცვლითი პროგრამის ერთ-ერთი მონაწილეა ახალგაზრდა ქალი მეღვინე ანანო ვეკუა, რომელიც  სამხრეთ აფრიკაში, ქვეყანაში სიდიდით მეორე ქარხანაში,  რობერტსონში მოხვდა და მიეცა საშუალება მიეღო მონაწილეობა ღვინის დამზადებაში, მათი ტექნოლოგიების მიხედვით.


„სამხრეთ აფრიკა არის ათვისებადი ბაზარი და სავსებით შესაძლებელია ქართულმა ღვინომ საკუთარი ნიშა დაიკავოს, რადგან მათი მხრიდან ქართულ ღვინოზე ინტერესი დიდია„- ამის შესახებ „ კომერსანტს“ მეღვინე ანანო ვეკუამ განუცხადა. 

 

„არ მესმის რატომ იკავებენ თავს  ქართული კომპანიები, რომ სამხრეთ აფრიკის ბაზარზე გავიდნენ. ახალი მეღვინეობის ქვეყანაა სამხრეთ აფრიკა და ეს სფერო საკმაოდ განვითარებულია. ძალიან დიდი რაოდენობით ღვინოს აწარმოებენ.დიდი საწარმოები და მაღალი დონის ტექნიკა აქვთ. ქართული ღვინით დაინტერესდნენ, მაგრამ დიდი რაოდენობით ექსპორტი არ გვაქვს, სულ რამდენიმე ბოთლს თუ წავაწყდებით. ჩემი იქ ყოფნის პერიოდში, დაინტერესდნენ ქართული  სხვადასხვა ჯიშის  ვაზით, ასევე გააშენეს საფერავი. კონტინეტზე, ჩვენი ღვინის ცნობადობა იზრდება. მინდა ვთქვა, რომ სამხრეთ  სავაჭრო პალატა,  ცდილობს ქართული ღვინის პოპულარიზაციას სამხრეთ აფრიკაში, დაკისრებულ მოვალეობას თავს ნამდვილად ართმევენ. რამდენიმე ქართველი მეღვინე ვიყავით აფრიკაში და იქიდანაც გვყავდნენ სტუმრად მათი მეღვინეები.  გამოცდილება გავუზიარეთ ერთმანეთს.“-ამბობს ანანო ვეკუა.



აფრიკაში ღვინის ექსპორტითაა დაინტერესებული ბიზნესმენი ბერდია ყამარაული, რომელიც 16 წელია დიდ ბრიტანეთში მოღვაწეობს და ინგლისში ქართული ღვინო შეაქვს. ბიზნესმენს „კომერსანტი რამდენიმე დღის წინ ესაუბრა, სადაც მან ხაზი აფრიკის ბაზრის მნისვნელობას გაუსვა. „ძალიან მნიშვნელოვანია სკანდინავიის და აფრიკის ბაზრებიც. აფრიკის მიმართულებით ჩვენც გვაქვს გეგმები და მოლაპარაკებებს ვახორციელებთ. აფრიკის ბაზარი ძალიან სერიოზული ბაზარია, ცუდია, რომ ამ მიმართულებით არავინ ინტერესდება.“

 

„ექსპორტისთვის ყველა ბაზარს განვიხილავთ, თუმცა ამ ეტაპზე  აფრიკის ქვეყნებში დიდ პოტენციალს ვერ ვხედავთ“-ამის შესახებ  „თელავის მარნის“  დამფუძნებელმა ზურაბ რამაზაშვილმა   კომერსანტს  განუცხადა. 

 

„ღვინო არის ბაზრის  ზედა სეგმენტი, სადაც  ცხოვრების დონე დაბალია ღვინის მოხმარება შედარებით შეზღუდულია. თან ეს ქვეყნები არის ღვინის არატრადიციული მომხმარებელი.აფრიკის კონტინენტის  ჩრდილოეთ ნაწილში არის მუსულმანური ქვეყნები, სადაც ღვინის მოხმარება შარიათის კანონით იკრძალება.


ზოგადად, პროდუქტის გაყიდვის დიდი წილი მის ცნობადობაზე მოდის, აფრიკაში კი ქართული ღვინის ცნობადობა 0-მდეა, შესაბამისად, გაყიდვის პერსპექტივაც დაბალია. სამომავლოდ არ გამოვრიცხავთ მათ ბაზარზეც, რომ შევიდეთ, თუ თავად აფრიკის ბაზარმა მოითხოვა და მომხმარებელი დაინტერესდა ჩვენი ღვინით.ამჯერად დიდ აზრს ვერ ვხედავ ამ ქვეყანაში რესურსის ჩადებაში. რაც შეეხება სკანდინავიის ქვეყნებს, გაგვაქვს ექსპორტზე ღვინო. ვართ როგორც შვეციაში, ნორვეგიაში, ასევე დანიაში და ფინეთშიც.“-ამბობს ზურაბ რამაზაშვილი.


ღვინის ეროვნული სააგენტოს მარკეტინგის დეპარტამენტის უფროსის ირაკლი ჩოლობარგიას განმარტებით,აფრიკის ბაზრისთვის ქართული ღვინო უცხოა. შესაბამისად, ცნობადობის არ არსებობის გამო მისი გაყიდვები, ისეთივე მაღალი არ იქნება, როგორიც ევროპისა და აზიის ქვეყნებშია.


„არ ვიცით აფრიკის ბაზარი როგორ მუშაობს, რადგან არ გვქონია არასდროს სტაბილური გადაზიდვები. ჩვენი რესურსი, სადაც სტაბილურად ვანხორციელებთ ექსპორტს არის  5 ქვეყანა:  ამერიკა, ჩინეთი, ინგლისი, იაპონია და პოლონეთი. საშუალებას გვაქვს, მოვსინჯოთ, შვეიცარია, ავსტრია.  გამოფენების ფარგლებში დამატებით აქტივობები ჩავატაროთ და აქაც ჩამოვიყვანოთ მათი მედია, რომ აქტიურად გააშუქონ ჩვენი პროდუქცია. აფრიკაზე არასდროს გვიფიქრია, ექსპორტზე, რომ გავიდეთ აუცილებელია შესაბამისი ნიადაგი გვქონდეს. თუ მათ ბაზარზე გაჩნდა ქართული ღვინის მოთხოვნა, აუცილებლად გავიტანთ ჩვენც.“-ამბობს ირაკლი ჩოლობარგია.

 

ნათია ლომიძე






The Economist: მთავრობები ბიზნესის დამორჩილებას ცდილობენ

The Economist: მთავრობები ბიზნესის დამორჩილებას ცდილობენ
access_time2022-01-24 20:00:57
სახელმწიფოსა და ბიზნესს შორის ურთიერთობები იცვლება. 1945 წლის შემდეგ ბევრი ქვეყანა დაქსაქსული საზოგადოების გაერთიანებას სახელმწიფოს კუთვნილი ან მის მიერ მართული კომპანიების მეშვეობით ცდილობდა.  1980-ანი წლებისთვის მთავრობებმა უკან დაიხიეს და არბიტრის როლი მოირგეს, ხოლო მსოფლიო ბაზარზე ერთმანეთს კერძო კომპანიები ეჯიბრებოდნენ.   დღეს ჩვენ საწინააღმდეგო პროცესს ვხედავთ - სახელმწიფო კერძო ბიზნესის საქმეებში სულ უფრო აქტიურად ერევა, პირველ...

24 იანვარი - ლარის კურსი დოლართან, ევროსთან და რუბლთან მიმართებით გამყარდა

24 იანვარი - ლარის კურსი დოლართან, ევროსთან და რუბლთან მიმართებით გამყარდა
access_time2022-01-24 18:00:29
24 იანვრის ვაჭრობის შედეგად ლარი აშშ დოლართან მიმართებაში 0.31 თეთრით 3.0763- მდე გამყარდა. Bloomberg-ის პლატფორმაზე დღის ბოლოს კურსმა 3.0712 შეადგინა. საერთაშორისო ვალუტებიდან ლარი ევროსთან 1 თეთრით 3.4808-მდე, ბრიტანულ ფუნტთან 2.76 თეთრით 4.1515-მდე, 100 რუსულ რუბლთან 11.10 თეთრით 3.9149-მდე, თურქულ ლირასთან 0.10 თეთრით 0.2287-მდე გამყარდა. 1000 სომხურ დრამთან კი 0.22 თეთრით 6.3916-მდე, აზერბაიჯანულ მანათთან 0.33 თეთრით 1.8134-მდე...

ვირტუალური დავოსი 2022 წელს ინფლაციის შენელებას პროგნოზირებს

ვირტუალური დავოსი 2022 წელს ინფლაციის შენელებას პროგნოზირებს
access_time2022-01-24 19:00:35
ამ დღეებში ონლაინ-რეჟიმში ჩატარდა ტრადიციული დავოსის მსოფლიო ეკონომიკური ფორუმი, რომლის მთავარი თემები ინფლაცია და ფასების ზრდა იყო.   დისკუსია ფორუმზე საკმაოდ წარმომადგენლობითი აღმოჩნდა - მასში, სხვებთან ერთად, მონაწილეობა საერთაშორისო სავალუტო ფონდის დირექტორმა კრისტალინა გეოგრიევამ, ევროპის ცენტრალური ბანკის პრეზიდენტმა კრისტინ ლაგარდმა და აშშ-ის ფინანსთა მინისტრმა...

2022 წელს ეკონომიკა 5.5%-ზე მეტად გაიზრდება - „თიბისი კაპიტალი“

2022 წელს ეკონომიკა 5.5%-ზე მეტად გაიზრდება - „თიბისი კაპიტალი“
access_time2022-01-24 17:00:17
2022 წელს საქართველოში სავარაუდოდ 5.5%-ზე მაღალი ეკონომიკური ზრდა იქნება, ამის შესახებ თიბისი კაპიტალის მთავარი ეკონომისტის ყოველკვირეულ განახლებაშია აღნიშნული.  "საქართველოში, ინფიცირებისა და სიკვდილიანობის მაჩვენებლები კვლავ პრობლემურია, თუმცა, იანვრის წინასწარი მაჩვენებლების მიხედვით, ტურიზმის აღდგენის დინამიკა მნიშვნელოვნად დაჩქარდა. ეს გვაძლევს საშუალებას ვივარაუდოთ, რომ 2022 წელს, ძირითადად უკვე სწორედ ტურიზმის აღდგენაზე დამოკიდებული ეკონომიკის ზრდა ჩვენს...

იტალია ყავა ესპრესოს „იუნესკოს“ სიაში შეტანას ითხოვს

იტალია ყავა ესპრესოს „იუნესკოს“ სიაში შეტანას ითხოვს
access_time2022-01-24 16:00:00
იტალიის მთავრობა ყავა ესპრესოს „იუნესკოს“ არამატერიალური მემკვიდრეობის სიაში შეტანას ითხოვს. ქვეყნის სოფლის მეურნეობის მინისტრის მოადგილის, ჯანმარკო ჩენტინაიოს განცხადებას ადგილობრივი წამყვანი სააგენტო, ANSA (Agenzia Nazionale Stampa Associata) ავრცელებს. „ყავა იტალიაში უბრალო სასმელზე ბევრად მეტია: ეს არის ნამდვილი რიტუალი, ეროვნული იდენტობის განუყოფელი ნაწილი და სოციალურობის გამოხატულება, რაც იტალიელებს სხვებისგან განასხვავებს,“ - აცხადებს ჯანმარკო...


მსგავსი სიახლეები

up