რა მიზნით ჩამოვიდნენ ამერიკელი სენატორები საქართველოში?

რა მიზნით ჩამოვიდნენ ამერიკელი სენატორები საქართველოში?

access_time2017-01-03 10:00:44

საქართველოში გუშინ დასრულდა ამერიკელი სენატორების ჯონ მაკკეინის, ლინდსი გრემისა და ემი ქლობუჩერის შვიდდღიანი ტურნე ყოფილ საბჭოთა რესპუბლიკებში, რომლის დროსაც, სენატორებმა 5 ქვეყნის დედაქალაქი და ორი ფრონტისპირა ხაზი მოინახულეს.


არიზონელი, სამხრეთ კაროლინელი და მინესოტელი სენატორები თბილისში შეხვდნენ საქართველოს პრემიერს, პრეზიდენტს, საგარეო საქმეთა და თავდაცვის მინისტრებს, ოპოზიციას. ეწვივნენ მთაწმინდის ტექნოლოგიურ პარკს და NATO-საქართველოს სასწავლო ცენტრს, სოფელ კრწანისში.


სენატორების მთავარი მესიჯი იყო, რომ ამერიკა ახალი ადმინისტრაციის პირობებშიც, არ მიატოვებს თავის მოკავშირეებს. საერთაშორისო სანქციები რუსეთის წინააღმდეგ კიდევ უფრო გამკაცრდება და პროპორციულად გაიზრდება როგორც სამხედრო, ისე პოლიტიკური მხარდაჭერა.

 

ორშაბათს ისინი NATP-საქართველოს წვრთნებისა და შეფასების ერთობლივ ცენტრს ეწვივნენ, სადაც მათ საქართველოს თავდაცვის მინისტრმა ლევან იზორიამ უმასპინძლა. სენატორებმა გვირგვინით შეამკეს საერთაშორისო და სამშვიდობო მისიებსა და სამშვიდობო ოპერაციებში დაღუპულ გმირთა მემორიალი. NATO-საქართველოს წვრთნებისა და შეფასების ერთობლივ ცენტრში ქართველი სამხედრო მოსამსახურეებისა და ამერიკელი ქვეითებისადმი მიმართვისას ლევან იზორიამ განაცხადა: „საქართველოსთვის უმნიშვნელოვანესია აშშ-სთან თანამშრომლობა. ჩვენ ვაფასებთ ქვეყნებს შორის სტრატეგიულ პარტნიორობას. მწამს, რომ საქართველო ყოველთვის იქნება დემოკრატიული ფასეულობების ერთგული და აშშ-სთან ერთად წვლილს შეიტანს დემოკრატიული ღირებულებების განმტკიცების საქმეში, ვინაიდან ჩვენ, ჩემო თანამებრძოლებო, ჩემო ძმებო და დებო, მუდამ ერთად ვართ ჭირშიც და ლხინშიც".

 


სენატორმა ჯონ მაკკეინმა განაცხადა, რომ მისთვის პატივია თავის ორ კოლეგასთან ერთად საქართველოში ყოფნა: „უპირველეს ყოვლისა, მინდა მადლობა გადავუხადო ამერიკელ საზღვაო ქვეითებს, რომლებიც ამ სადღესასწაულო დღეებში თავიანთი სახლებიდან და ოჯახებისგან შორს არიან და იღვწიან მშვიდობისათვის თავიანთ მამაც ქართველ კოლეგებთან ერთად. მინდა მადლობა გადავუხადო ქართველებს, ვინც აქ მსახურობს და მათ ამხანაგებს, რომლებიც დღეს ავღანეთში არიან და იბრძვიან ჩვენი მოკავშირეების მხარდამხარ ბოროტი ძალის - თალიბანის წინააღმდეგ. ვლადიმირ პუტინის გამო, მსოფლიო გაცილებით საშიში გახდა. 2008 წელს ამ ქვეყანაში უკანონოდ და ამორალურად შემოიჭრნენ რუსები. დღეს ჩვენ გვაქს ანექსირებული ყირიმი და ამორალურად დაპყრობილი უკრაინის სუვერენული სახელმწიფო. რუსეთი ახორციელებს უდიდეს ზეწოლას ბალტიისპირეთის მამაც სახელმწიფოებზე. გუშინ ვეწვიეთ საქართველოს ნაწილს, რომელიც ანექსირებულია ვლადიმირ პუტინისა და რუსეთის მიერ. იყო მსოფლიოს გამოცდის სხვა დროც, როცა ჩვენი ლიდერი იყო რონალდ რეიგანი. მას ეკუთვნის ძალიან მარტივი ფრაზა - „მშვიდობა ძლიერების გზით". თქვენ წარმოადგენთ რონალდ რეიგანის მემკვიდრეობას. თქვენ ხართ ძლიერების გზით მშვიდობის მიღწევის ხორცშესხმა და ეს არის გზავნილი რუსეთისა და მსოფლიოს ამ ნაწილისთვის. მწამს, რომ ჩვენი დემოკრატიები გაიმარჯვებენ. ისინი ეფუძნებიან საერთო ცნებებს - ადამიანები შექმნილი არიან როგორც თანასწორი არსებანი, მათ ღმერთმა მიანიჭა გარკვეული ხელშეუვალი უფლებები, როგორიცაა სიცოცხლე,თავისუფლება და ბედნიერებისკენ ლტოლვა".


საქართველოს ყოფილი ელჩი ამერიკის შეერთებულ შტატებში ბათუ ქუთელია ამბობს, რომ სენატორების ეს ტურნე არის ძლიერი პოლიტიკური სიგნალი, როგორც რუსეთისთვის, ისე დონალდ ტრამპის ახალი ადმინისტრაციისთვის. „დღეს მსოფლიოში უსაფრთხოების ახალი გამოწვევებია და მიდის მცდელობა, რომ შეიქმნას შემაკავებელი ფაქტორები იმისთვის, რომ თავისუფალი და დემოკრატიული ქვეყნები, მიუხედავად მათი ზომისა და პოლიტიკური წონისა, უკეთ იყვნენ დაცულნი. ეს ვიზიტი უფრო იყო მხარდაჭერის დემონსტრირება. ამაზე ტურნეს მარშრუტიც მიუთითებს, ეს არის ქვეყნები, რომლებიც ყველაზე უფრო მოწყვლადნი არიან ან შეიძლება, მომავალში იყვნენ, რუსეთის ახალი პროვოკაციების შემთხვევაში.

 

ეს არის ერთის მხრივ, ძლიერი პოლიტიკური სიგნალი რუსეთისთვის, და ასევე, თეთრი სახლის ახალი ადმინისტრაციისთვის, იმის ხაზგასასმელად, რომ აღმოსავლეთ ევროპელი მოკავშირეების, მათ შორის, ჩვენი ქვეყნის მხარადჭერა, აშშ-ის საკანონმდებლო ორგანოში საკმაოდ დიდი პრიორიტეტია“.

 

ამერიკის შეერთებულ შტატებში საქართველოს ახალი ელჩი დავით ბაქრაძე ამბობს, რომ სენატორების ეს ვიზიტი ძლიერი მხარდაჭერის დემონსტრირება იყო. „ძალიან ძნელი წარმოსადგენია უკეთესი მეკვლე საქართველოსთვის, ვიდრე ჩვენი მეგობარი ქვეყნის სენატორების დელეგაცია. მეტი მხარდაჭერა უსაფრთხოებისა და თავდაცვის სფეროში, მეტი მხარდაჭერა სავაჭრო-ეკონომიკურ ურთიერთობებში - ეს არის მთავარი გზავნილები რაც მათ ჩამოიტანეს.

 

შევთანხმდით, მომავალ მჭიდრო თანამშრომლობაზე, მათ შორის, საქართველოს ახლადარჩეულ პარლამენტსა და აშშ-ის ახლადარჩეულ კონგრესს შორის, რა თქმა უნდა, აშშ-ის ახალ ადმინისტრაციასთან, მას შემდეგ, რაც პრეზიდენტ ტრამპის ინაუგურაცია მოხდება“,

 

გამოყენებულია „ამერიკის ხმის“ მასალას

 



„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია "თიბისი ბანკის ჯგუფმა" ლონდონის საფონდო ბირჟაზე გამოაქვეყნა. ცვლილება უკვე აისახა...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...

გურულები წყალზე სიარულს სწავლობენ

გურულები წყალზე სიარულს სწავლობენ
access_time2020-01-25 15:00:06
“სამი წლის წინ ვცხოვრობდით ჩვენთვის მშვიდად, რაც მოგვყავდა...

Bloomberg: კორონავირუსმა ჩინური ბიზნესი დააზარალა

Bloomberg: კორონავირუსმა ჩინური ბიზნესი დააზარალა
access_time2020-01-25 13:30:14
  ახალმა კორონავირუსმა, რომელიც ჰაერ-წვეთოვანი გზით გადადის, შეამცირა ინვესტორების ენთუზიაზმი ჩინური საფონდო ბაზრისადმი, რომელიც ბოლო თვეებში სწრაფად იზრდებოდა.   დანაკარგებს ძირითადად ითვლიან სამომხმარებლო ბაზრის მოთამაშეები, ტუროპერატორები, და ავიაკომპანიები.   საფონდო ინდექსი FTSE China A50, რომელიც ასახავს ჩინეთის 50 უმსხვილესი კომპანიის კაპიტალიზაციას, 22 იანვარს შემცირდა 1,7%-ით, რაც არის ბოლო 6 თვის ყველაზე ძლიერი...


მსგავსი სიახლეები

up