ოქროს ფასი საქართველოში თითქმის 35 %-ით გაიზარდა -  ფასის მომატების გამო  მოვაჭრეები “ოქროს ბირჟას“ ტოვებენ

ოქროს ფასი საქართველოში თითქმის 35 %-ით გაიზარდა - ფასის მომატების გამო მოვაჭრეები “ოქროს ბირჟას“ ტოვებენ

access_time2019-08-16 12:00:09

„ოქროს ბირჟაზე ძალიან ბევრი გაკოტრდა იმიტომ, რომ ვერ ყიდიან ოქროს ნაწარმს. პურის ფული თუ არ აქვს ხალხს, ოქროს ხომ არ შეჭამს, აიღო და გაყიდა თავისი ოქრო და გავიდა ბაზრიდან,“ - ასე აფასებს “ოქროს ბირჟის“ თანამშრომელი და ექსპერტი ალექსანდრე ბარსეგიანი ქვეყანაში ოქროს ფასის ზრდას, რომელიც ერთდროულად ძვირფას მეტალზე მსოფლიოში ფასების მატებამ და საქართველოში ლარის კურისი გაუფასურებამ გამოიწვია.


მსოფლიოს საფონდო ბირჟებზე ოქროს ფასი პერიოდულად იზრდება. ბოლო მონაცემებით Comex-ის ბირჟაზე დეკემბრის მიწოდების ფიუჩერსებზე ოქროს ფასმა 0,65%-ით მოიმატა და 1 უნციაზე 1,527 დოლარს მიაღწია.


 ამ ნიშნულზე ოქროს ფასი 2013 წელს  იყო დაფიქსირებული.


რა მდგომარეობაშია საქართველოს ოქროს ბაზარი? რამდენად გაიზარდა ოქროს ფასი და შემცირდა თუ არა გაყიდვები? ამ თემასთან დაკავშირებით „კომერსანტი“ ექსპერტს და დილერს ალექსანდრე ბარსეგიანს ესაუბრა. რომელიც ამბობს, რომ ამ ეტაპზე ბირჟა გაუსაძლის მდგომარეობაშია, ოქროს ფასი გლობალური ფასის ზრდის ფონზე საქართველოში 35 პროცენტითაა გაზრდილი, ხოლო გაყიდვები შემცირებული.


„ოქროს ბიზნესი, რა თქმა უნდა, დამოკიდებულია მსოფლიო ბაზარზე. ეს იგივე მყარი ვალუტაა - როგორც იზრდება მსოფლიოში ასევე გაზრდილია ჩვენთანაც.  ერთი უნციის ფასი ასულია  1500 დოლარამდე  99,9- ის სინჯის ოქროზე.  როგორც კი გაიზარდა მსოფლიოში ოქროს ფასი  აიწია ჩვენთანაც. გაყიდვები  კი ძალიან ცუდად მიდის, ჩვეულებრივი სინჯის ოქრო,  ერთი გრამი გამოდის სულ მცირე 115 ლარი, მაშინ როდესაც ადრე იყო 80-90 ლარი.



რომ შევადაროთ ანუ  მომატებულია ფასი 30-35 პროცენტით. ყველაზე ძვირიანი არის ბაჯაღლოს ოქრო გრამი 142 ლარად უნდა შევიძინოთ,  როცა იყო 95- 105 ლარი. შეიძლება ითქვას, რომ ძვირფასი მეტალის ფასი ძალიან სწრაფად გაიზარდა და ახლაც იზრდება, დილას თუ არის 140 ლარი, შუადღეს შეიძლება 145 გახდეს. ხალხის მდგომარეობა ძალიან ცუდია, ვისაც შეეძლო 1000 ლარში ეყიდა 10 გრამი ბაჯაღლოს ბეჭედი, დღეს უკვე 1500 ლარამდე ურტყამს ეს ფასი, ამას დაემატა ლარის კურსის გაუფასურებაც.


ზოგადად ამ ბიზნესს სჭირდება საკმაოდ დიდი თანხა. ვისაც ბანკი არ აწუხებს ის არ დატოვებს ბირჟას, თორემ ძირითადად მუშაობენ 10 პროცენტზე.“ - ამბობს ალექსანდრე ბარსეგიანი.


გასული წლის აგვისტოსთან შედარებით, წელს უმაღლესი ხარისხის ოქროს საშუალო ღირებულებამ 16 ლარით მოიმატა. კერძოდ, 999 სინჯის ოქროს ფასი დღეის მდგომარეობით, 115.6 ლარია, მაშინ როცა გასული წლის ივნისის მდგომარეობით, 99 ლარი ღირდა.


გაძვირდა ვერცხლიც. სექტემბრის მიწოდების ფიუჩერსებზე ფასმა 1,27%-ით მოიმატა და ერთ უნციაზე 17,288 დოლარი შეადგინა.


ანალიტიკოსების განცხადებით, ოქროს ფასის ზრდას ხელს უწყობს აშშ-ჩინეთს შორის მიმდინარე სავაჭრო ომი და მსოფლიოს საფონდო ბირჟებზე ინდექსების კლება.


მარიამ მორგოშია






სუპერმარკეტებში რძის პროდუქტების დეფიციტია

სუპერმარკეტებში რძის პროდუქტების დეფიციტია
access_time2020-01-17 20:00:46
სუპერმარკეტების ქსელებში ახალი წლის პირველივე რიცხვებიდან რძის პროდუქტების დეფიციტი შეიმჩნევა, მომხმარებლები ამბობენ, რომ ბოლო პერიოდში დახლებზე იმაზე ბევრად ნაკლები მაწონი, ხაჭო და სხვა რძის პროდუქტებია, ვიდრე აქამდე.  „კომერსანტი“ თემასთან დაკავშირებით რძის პროდუქტების მწარმოებელთა ასოციაციას გაესაუბრა. კითხვაზე, თუ რატომ ვერ ხდება იმ მოთხოვნის დაკმაყოფილება, რაც ბაზარზეა ასოციაციის პრეზიდენტი პასუხობს, რომ საწარმოები არ აღმოჩნდნენ მზად ახალი წლის პერიოდში...

„კომერსანტის“ 17 იანვრის TOP 10 თემა

„კომერსანტის“ 17 იანვრის TOP 10 თემა
access_time2020-01-17 21:30:37
„კომერსანტის“ 17 იანვრის TOP 10 თემა 1.„ფინანსთა სამინისტროს საქმიანობაში ხარვეზები არის, მაგრამ ბევრი კარგიც კეთდება“ - ბიზნესი NDI-ს კვლევას...

საპრივატიზაციოდ გამოტანილი ქონებიდან 18 ფიზიკურმა პირმა შეიძინა - საყოველთაო პრივატიზაციის 7-კვირიანი შედეგი

საპრივატიზაციოდ გამოტანილი ქონებიდან  18 ფიზიკურმა პირმა შეიძინა - საყოველთაო პრივატიზაციის 7-კვირიანი შედეგი
access_time2020-01-17 19:00:02
ბიზნესისთვის შეთავაზებული 100 საინვესტიციო ობიექტიდან 38 უკვე გაიყიდა, საიდანაც 18 ფიზიკურმა პირმა შეიძინა. კერძოდ, ამ დროისთვის გაყიდული ქონების საერთო მოცულობამ 47 მლნ ლარს გადააჭარბა, საიდანაც 8 მლნ ლარზე მეტი (8 387 700 ლარი) კერძო პირებმა გადაიხადეს. ამასთან ერთად, ყველაზე ძვირად თბილისში ხოშარაულის ქუჩაზე მდებარე შენობა/მიწის ნაკვეთი და მესტიაში პრეზიდენტის ყოფილი რეზიდენცია გაიყიდა. შეგახსენებთ, რომ ეკონომიკისა და მდგრადი...

გარდაბანში უახლესი ტექნოლოგიებით აღჭურვილი თბოელექტროსადგური გაიხსნა

გარდაბანში უახლესი ტექნოლოგიებით აღჭურვილი თბოელექტროსადგური გაიხსნა
access_time2020-01-17 13:00:43
გარდაბანში უახლესი ტექნოლოგიებით აღჭურვილი, 230 მეგავატი დადგმული სიმძლავრის მქონე „გარდაბნის თბოელექტროსადგური 2“  გაიხსნა.  მაღალი ეფექტიანობითა და გარემოს დაცვითი ტექნოლოგიით გამორჩეული ობიექტი საქართველოს ნავთობისა და გაზის კორპორაციის  180 მილიონამდე აშშ დოლარის ინვესტიციით  აშენდა. თბოელექტროსადგურის სამშენებლო ფაზა 2018 წლის თებერვლიდან 2019 წლის დეკემბრამდე გრძელდებოდა და ელექტროენერგიის გენერაციას მიმდინარე წლის ზამთრის...

მთავრობის ადმინისტრაცია სამთო კურორტებზე წყალგაყვანილობის პრობლემას აღიარებს

მთავრობის ადმინისტრაცია სამთო კურორტებზე წყალგაყვანილობის პრობლემას აღიარებს
access_time2020-01-17 17:00:50
ზამთრის კურორტებს წელს რთული სეზონი ჰქონდათ. უჩვეულოდ თბილი და უთოვლო ზამთრის გამო,საქართველოს სამთო კურორტები  ტურისტების შემცირებულ რაოდენობას მასპინძლობენ. თოვლის გარდა, მთის კურორტები სხვა გამოწვევის წინაშეც იდგნენ, უწყლობის გამო, ბაკურიანსა და გუდაურში ტურისტები ან არ ჩადიოდნენ ან უკვე დაჯავშნილ სასტუმროებს ტოვებდნენ. კერძო სექტორის თქმით, უწყლოდ დარჩენილ კურორტზე ზამთრის სეზონი...


მსგავსი სიახლეები

up