რა გამოწვევების წინაშე შეიძლება აღმოჩნდეს წელს რთველი?- „კომპანიები ნაკლებ ყურძენს ჩაიბარებენ“

რა გამოწვევების წინაშე შეიძლება აღმოჩნდეს წელს რთველი?- „კომპანიები ნაკლებ ყურძენს ჩაიბარებენ“

access_time2019-08-17 18:00:58

ღვინის ეროვნული სააგენტო ვარაუდობს, რომ წელს ღვინის მწარმოებლებმა, შესაძლოა, ნაკლები ყურძენი შეისყიდონ. სააგენტოს ხელმძღვანელი ლევან მეხუზლა ამ ვარაუდს ივნისის ბოლოს განვითარებული პოლიტიკური მოვლენებს უკავშირებს და ამბობს, რომ ეს იყო იმის მიზეზიც, რომ ქართული ღვინის ყველაზე დიდ ბაზარზე ექსპორტი შემცირდა.

 

შეგახსენებთ, 2019 წლის ივლისში საქართველოდან რუსეთში 3 550 264 ბოთლი ღვინის ექსპორტი განხორციელდა, რაც გასული წლის ანალოგიური პერიოდის მონაცემებზე (4 542 496) 21.8%–ით, მიმდინარე წლის ივნისთან შედარებით კი 27%-ით შემცირებული მაჩვენებელია.

 

აქედან გამომდინარე, მეხუზლა ვარაუდობს, რომ ყურძნის ჩაბარების ფასი წელს დაბალი იქნება და რთველის პროცესი გარკვეული გამოწვევების წინაშე დადგება.

 

„რუსეთის მხრიდან ქართული ღვინის იმპორტზე მოსალოდნელი შესაძლო სანქციების დაწესებამ, გამოიწვია ქართული ღვინის ყველაზე დიდ საექსპორტო ბაზარზე ექსპორტის შემცირება და გააჩინა მოლოდინი, რომ მიმდინარე წლის რთველის პროცესში ღვინის მწარმოებლების მხრიდან, ყურძნის შესყიდვის მოთხოვნა შეიძლება იყოს ნაკლები“-განმარტა მეხუზლამ.

 

ღვინის ეროვნული სააგენტოს აზრს იზიარებს ღვინის კომპანიების ნაწილიც. მათი თქმით, წელს სავარაუდოდ ნაკლებ ყურძენს ის კომპანიები ჩაიბარებენ, რომლებიც ყველაზე მეტად იყვნენ დამოკიდებული რუსულ ბაზარზე და აქვთ ნეგატური მოლოდინი.

 

„არსებობს რისკები, რომ დღეს თუ არა ხვალ იქნება ემბარგო და კომპანიები, რომელთაც გათვლილი ჰქონდათ, რომ უნდა გაეყიდათ გარკვეული რაოდენობის ღვინო, შესაბამისად, ექნებათ გარკვეული ეჭვები, რომ მას ვეღარ გაყიდიან და ყურძნის იმ რაოდენობას ჩაიბარებენ, რომლის სხვა ბაზარზე გაყიდვის საშუალებაც აქვთ. ამას სხვა კომპანია არ გააკეთებს, ამას გააკეთებს რუსეთის ბაზარზე დამოკიდებული კომპანიები.

 


ღვინის ფასიც შესაბამისად დაიკლებს, რომ ამ კომპანიების ღვინო შევიდეს სხვა ქვეყნების ბაზრებზე“-აცხადებს bm.ge-თან გიორგი ნათენაძე, კომპანია „

ვარძიის ტერასების“ დამფუძნებელი.

 

მეღვინე რუსულ ბაზარზე ქართული ღვინის ექსპორტის შემცირების მიზეზადაც იმ ნეგატიურ მოლოდინებს ასახელებს, რაც შეიძლება კომპანიებს რუსულ ბაზარზე დამოკიდებულებამ შეუქმნას.

 

„ჩვენი კომპანია ნაკლებად არის დამოკიდებული რუსულ ბაზარზე, ჩვენი საექსპორტო ბაზრებიდან რუსული ბაზრის წილი მხოლოდ 5-6%-ია.

 

ყურძნის შესყიდვის ჩვენი გეგმა არ შეიცვლება, სავარაუდოდ ეს პროცესი შეეხება ყველა იმ კომპანიას, რომელიც დიდად არის დამოკიდებული რუსეთის ბაზარზე.

 

ლოგიკურია თუ ღვინო გაუყიდავი გაქვს აღარ დაიმატებ, ხარჯს აღარ გაზრდი. თუ მოთხოვნა შემცირდა, შესყიდვაც შემცირდება.

 

ისტორია გვაჩვენებს, რომ რუსეთი არაპროგნოზირებადი ბაზარია. ძველი ანდაზაა, რომ “ყველა კვერცხი ერთ კალათაში არ უნდა ჩააწყო”- ეს ნიშნავს, რომ შენი აქტივები უნდა განათავსო სხვადასხვა ბაზარზე, რათა ერთის უარყოფითი ტრენდის შემთხვევაში, საშუალება გქონდეს რაღაცით კომპენსაცია გააკეთო. იგივე ეხება ღვინის ბაზარსაც, რაც უფრო დივერსიფიცირებული იქნება გაყიდვები, მით მეტად დაცული ხარ,“-აცხადებს ზურაბ რამაზაშვილი, „თელავის ღვინის მარანის“ დამფუძნებელი.

 

შეგახსენებთ, რთველისთვის მზადების პროცესი ღვინის ეროვნულმა სააგენტომ უკვე დაიწყო.

 

„წელს ველოდებით 200-დან 250 ტონამდე ყურძნის მოსავალს და მოთხოვნა სავარაუდოდ დაბალი იქნება“-ამის შესახებ სააგენტოს ხელმძღვანელმა, ლევან მეხუზლამ სპეციალურად გამართულ ბრიფინგზე გუშინ განაცხადა.


BMG

თეგები:
რთველი



კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ...

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“
access_time2020-01-24 18:30:53
„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“- პარლამენტის წევრი, ლევან კობერიძე ტვ პირველის გადაცემაში „რეაქცია“ პოლიტიკურ და ელიტურ კორუფციაზე საუბრობს. ის აღნიშნავს,რომ არსებობენ „მსხვილი ჯგუფები“, რომლებიც ქვეყანაში არსებულ პროცესებს მართავენ. „ეს ის ჯგუფებია,რომლებმაც თავის დროზე არაერთი ფინანსთა მინისტრი და პრემიერ მინისტრიც კი...

„კომერსანტის“ 24 იანვრის TOP 10 თემა

„კომერსანტის“ 24 იანვრის TOP 10 თემა
access_time2020-01-24 21:30:35
„კომერსანტის“ 24 იანვრის TOP 10 თემა 1.მმართველი გუნდის წევრები კორუფციის აღქმის ინდექსის შედეგებს არ იცნობენ 2.„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად...


მსგავსი სიახლეები

up