რა გადათამაშება მოხდა გარე რეკლამების ბაზარზე

რა გადათამაშება მოხდა გარე რეკლამების ბაზარზე

access_time2019-01-20 16:00:29

„გარე რეკლამის ბაზრის ერთ-ერთ უმსხვილეს კომპანიას „აუთდორჯის“ ახალი ბიზნესჯგუფი დაეპატრონა“.

ამის შესახებ „პალიტრანიუსის“ გადაცემაში „360 გრადუსი“ დედაქალაქის საკრებულოს წევრმა ვატო შაქარიშვილმა განაცხადა.

„აუთდორჯის“ ახალი მფლობელის შესახებ, „ბიზნესპრესნიუსი“ ჯერ კიდევ 2017 წლის აპრილში წერდა. „აუთდორჯის“ გაყიდვას მისი ყოფილი მფლობელი - რუსეთში მოღვაწე ბიზნესმენი დავით იაკობაშვილიც ადასტურებდა, თუმცა, კომპანიის ახალი მფლობელის ვინაობა არ დაუსახელებია. „ბიზნესპრესნიუსის“ მაშინდელი ინფორმაციით კი, „აუთდორჯი“ გარე რეკლამის ბაზრის კიდევ ერთმა მსხვილმა კომპანიამ „ალმა“-მ შეიძინა.

აღსანიშნავია, რომ რეესტრის ბოლო, 2018 წლის 22 ნოემბრის ამონაწერით, „ალმა“ შპს „აუთდორ.ჯის“ მფლობელების ჩამონათვალში უკვე ფიგურირებს. კერძოდ, „აუთდორჯის“ ერთ-ერთი მთავარი, 70%-იანი წილის მფლობელი ოფშორში რეგისტრირებული კომპანია Adprojects-ია. რაც შეეხება სხვა მფლობელებს, 20%-ს შპს „სამკუთხედი“ ფლობს, რომლის 100%-იანი წილის მფლობელი ასევე „ედპროჯექტსია“; 10% კი შპს „ჯეოტეკს“ ეკუთვნის, რომლის 100%-იანი წილის მფლობელად რეესტრში შპს „ალმა“ ფიქსირდება. შესაძლოა, გარკვეული გადათამაშება "აუთდორჯის" მფლობელ, ოფშორში რეგისტრირებულ მეწილეებს შორისაც მოხდა, რომლის ნახვაც შესაძლებელი არ არის.



ცნობისთვის, სარეკლამო კომპანია „ალმა“ Wissol Group-ის ნაწილია. რაც შეეხება კომპანია „აუთდორჯის“, ის „ნაციონალური მოძრაობის“ ხელისუფლების ერთ-ერთი მაღალჩინოსნის, ყოფილი თავდაცვის მინისტრის დავით კეზერაშვილის სახელთან იყო დაკავშირებული. 2012 წელს ხელისუფლებაში „ქართული ოცნების“ მოსვლის შემდეგ კი, კეზერაშვილმა კომპანია რუსეთში მოღვაწე ბიზნესმენს დავით იაკობაშვილს მიყიდა. მართალია, ამის დამადასტურებელი ინფორმაცია რეესტრში არ დაფიქსირებულა, მაგრამ შესაძლოა, ცვლილება ოფშორში რეგისტრირებული კომპანიის მეწილეებს შორის განხორციელდა, რადგან გარიგებას თავად კეზერაშვილი და იაკობაშვილი ადასტურებდნენ.

„საერთაშორისო გამჭვირვალობა-საქართველოს“ ინფორმაციით, გარე რეკლამის სარეკლამო ბაზარი 2017 წელსაც მთელი სარეკლამო ბაზრის 10%-ს იკავებს და 4.7 მლნ დოლარს შეადგენს.

BPN




„ქართული ეკონომიკა წინ მიდის, მაგრამ ეს ხალხის ჯიბეზე არ ისახება“ - აშშ-ს სავაჭრო პალატის წარმომადგენელი IRI-ს კვლევას აფასებს

„ქართული ეკონომიკა წინ მიდის, მაგრამ ეს ხალხის ჯიბეზე არ ისახება“ - აშშ-ს სავაჭრო პალატის წარმომადგენელი IRI-ს კვლევას აფასებს
access_time2019-11-20 10:00:10
„ქართული ეკონომიკა წინ მიდის, მაგრამ ამას ხალხი ვერ გრძნობს, ამ ყველაფერზე პასუხისმგებლობა კი  ბიზნესსაც აქვს და მთავრობასაც. 22 წელია რაც აქ ვმოღვაწეობ და მთავარ გამოწვევად რჩება  ის, რომ ეკონომიკის წინსვლა ვერ აისახა მოსახლეობის კეთილდღეობაზე“- საქართველოში ამერიკის სავაჭრო პალატის წარმომადგენელმა მაიკლ ქაუგილმა „კომერსანტთან“ IRI-ს კვლევის შედეგები მიმოიხილა. საერთაშორისო რესპუბლიკური ინსტიტუტის (IRI) საქართველოში ივნისის აქციების შემდეგ...

ჩვენ არ გვაქვს ცუდი შედეგები, 5%-იან ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ

ჩვენ არ გვაქვს ცუდი შედეგები, 5%-იან  ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ
access_time2019-11-19 20:10:10
„IRI- კვლევებს დიდ პატივს ვცემ მაგრამ იმ ხალხს ვინც საქართველოში სამუშაოებს ასრულებს მე მათი კვლევების არ მჯერა, რადგან შედეგები არასდროს გამართლებულა“ -ასე აფასებს საფინანსო-საბიუჯეტო კომიტეტის თავმჯდომარის პირველი მოადგილე პაატა კვიჟინაძე საერთაშორისო რესპუბლიკური ინსტიტუტის კვლევას, რომლის მიხედვითაც გამოკითხულთა 80% მიიჩნევს, რომ მათი უმთავრესი პრობლემებად უმუშევრობა, საცხოვრებელი ხარჯები და სიღარიბეა.   რატომ ვერ მიიღო მოსახლეობამ...

„საქართველოს ბანკი“- ახლო მომავალში ლარი იმ ნიშნულს დაუბრუნდება, რომელიც მის გაცვლით კურსს რეალურად ასახავს“

„საქართველოს ბანკი“- ახლო მომავალში ლარი იმ  ნიშნულს დაუბრუნდება, რომელიც  მის გაცვლით კურსს რეალურად ასახავს“
access_time2019-11-19 18:35:56
„საქართველოს ეკონომიკა ბოლო მონაცემებითაც აჩვენებს ისეთ შედეგებს, რომელიც მყარ საფუძველს იძლევა, იმისთვის რომ ლარი ახლო მომავალში დაუბრუნდება ნიშნულს, რომელიც რეალურად ასახავს მის გაცვლით კურსს“--ამის შესახებ „კომერსანტს“  „ საქართველოს ბანკის“ გენერალური დირექტორის მოადგილე სულხან გვალიამ განუცხადა.  მისივე განმარტებით,  ყველა კვლევაც ასე აჩვენებს, ლარის კურსი დაახლოებით 10%-ით მეტადაა გაუფასურებული. „აქვე, ერთმნიშვნელოვნად უნდა...

„ნამახვანი ჰესის მშენებლობა წყალტუბოს განვითარების გეგმას ჩააგდებს“

„ნამახვანი ჰესის მშენებლობა წყალტუბოს განვითარების გეგმას ჩააგდებს“
access_time2019-11-19 18:00:17
„როდესაც ქვეყანაში ისეთი პროექტების მშენებლობა გრძელდება, რომელიც გარემოს აზარალებს, ჩნდება ეჭვი, რომ მსგავსი დიდი პროექტების მეშვეობით ქვეყანაში ფული თეთრდება“- ამის შესახებ „კომერსატს“ არასამთავრობო ორგანიზაცია ”მწვანე ალტერნატივის” ბიომრავალფეროვნების კოორდინატორმა ირაკლი მაჭარაშვილმა განუცხადა. მისი თქმით, წყალტუბოს განვითარებაც შეიძლება ასეთ საკითხად მივიჩნიოთ თუ წინასწარ არ იქნა მისი დადებითი და უარყოფითი შედეგები...

ბრონქიტი -როგორ ავიცილოთ თავიდან გართულებები?

ბრონქიტი -როგორ ავიცილოთ თავიდან გართულებები?
access_time2019-11-19 14:30:24
ბრონქების ლორწოვანი გარსის ანთებას ბრონქიტი ეწოდება, რომელის ყველაზე ხშირი მიზეზიც ვირუსული ინფექციაა. კორონავირუსებს, რომლებიც ამ დაავადებას იწვევენ,ბევრი საერთო აქვთ გრიპისა და ატოპიური პნევმონიის გამომწვევ ვირუსთან. ერთი შეხედვით გარეგნულად სრულიად უწყინარი , თუმცა უკიდურესად სახიფათო არიან. გერმანელი სპეციალისტების გამოთვლით , ზამთრის სეზონზე მხოლოდ გერმანიაში გაციებისა და მისი გართულების შედეგად 12 ათასი ადამიანი იღუპება! ბრონქიტი ნამდვილად ეპიდემიად იქცა, რამდენადაც...


მსგავსი სიახლეები

up