“რა ფასადაც არ უნდა გაიყიდოს ქარის ელექტროსადგური, ყველა შემთხვევაში სახელმწიფოსთვის წაგებიანია, რადგან კარგავს გარანტირებულ შემოსავალს“

“რა ფასადაც არ უნდა გაიყიდოს ქარის ელექტროსადგური, ყველა შემთხვევაში სახელმწიფოსთვის წაგებიანია, რადგან კარგავს გარანტირებულ შემოსავალს“

access_time2019-10-10 16:30:59

სს „საქართველოს ენერგერგეტიკის განვითარების ფონდმა” და სს „საქართველოს ნავთობისა და გაზის კორპორაციამ“ შპს „ქართლის ქარის ელექტროსადგურის“100%-იანი წილის პრივატიზების მიზნით საჯარო აუქციონი გამოაცხადეს. საქართველოში პირველი ქარის ელექტროსადგურის საწყისი ფასი 14.25 მილიონი დოლარია. აუქციონი 2019 წლის 15 ნოემბერს გაიმართება. თავის დროზე  ქართლის ქარის ელექტროსადგურის მშენებლობა 26 მილიონი ევრო დაჯდა. 


ენერგეტიკოსი ლადო ვახტანგაშვილი საეჭვოდ უყურებს ამ ფაქტს და აღნიშნავს, რომ ეს არალოგიკურია, მიუხედავად იმ ვალდებულებისა, რომელიც მას EBRD-ს წინაშე აქვს. გარდა ამისა, ქართლის ქარის ელექტროსადგურს, სახელმწიფო ელექტროსისტემას, საქართველოს მთავრობასა და ელექტროენერგიის კომერციულ ოპერატორს (ესკოს) შორის გაფორმებული მემორანდუმით ესკო იღებს ვალდებულებას, 10 წლის განმავლობაში შეისყიდოს სადგურის მიერ გამომუშავებული ელექტროენერგიის 100%, კილოვატის დადგენილი ღირებულება 6.89 ცენტს შეადგენს. შესაბამისად, გამომუშავების აღნიშნული მოცულობის მიხედვით, სახელმწიფო ელექტროსისტემა ქართლის ელექტროსადგურს წლიურად 5,795,000 დოლარს, ანუ 10 წლის განმავლობაში 57,500,000 დოლარს გადაუხდის.



„როგორც ცნობილია სადგურის სამშენებლო ღირებულებამ შეადგინა 34 მილიონი დოლარი (26 მილიონი ევროს ეკვალენტი), ხოლო მისი საწყისი ფასი აუქციონზე 14 მილიონ დოლარად განისაზღვრა, ამას ემატება სესხის ვალდებულება 17 მილიონი დოლარი, რომელიც სახელმწიფოს ევროპის რეკონსტრუქციის და განვითარების ბანკიდან აქვს აღებული. თუ ჩავთვლით, რომ აუქციონის ბიჯი 150 ათასი დილარია, სრულიად შესაძლებელია ეს სადგური გაიყიდოს 15 მილიონ დოლარად. საერთო ჯამში გამოდის, რომ სადგურის მინიმალურმა გასაყიდმა ღირებულებამ შეიძლება შეადგინოს 32 მილიონი დოლარი.



აქაც რამხელა დისონანსია. სახელმწიფო ყიდის 34 მილიონიან კაპიტალს მინიმუმ 32 მილიონად, არადა მისი წლიური შემოსავალი 6 მილიონია (გაფორმებული მემორანდუმის თანახმად 10 წელიწადში 60 მილიონი დოლარი იქნება შემოსავალი). ეს იმ დროს, როდესაც სადგურის ნომინალური მუშაობის პედიოდი შეადგენს 30 წელს. აქედან გამომდინარე, მისი გასაყიდი ღირებულება გაცილებით მაღალი უნდა იყოს.



საგულისხმოა ის ფაქტიც, რომ მემორანდუმის თანახმად, ქარის სადურის მიერ გამომუშავებული ერთი კილოვატი ელექტროენერგიის ღირებულება შეადგენს 6.89 ცენტს (ანუ 20 თეთრს), რომლის 10 წლიანი შესყიდვის ვალდებულება გააჩნია სახელმწიფოს. ანუ რა გამოდის, ეს სასიცოცხლოდ მნიშვნელოვანი ელექტროენერგია თავისი წმინდა მოგებით, რომელიც გარანტირებული შესყიდვის ხელშეკრულების პირობებით აშენდა, უნდა გადავიდეს კერძო მესაკუთრის ხელში. 10 წლის შემდეგ კი გარანტირებული შესყიდვის ხელშეკრულების გასვლისას, კერძო მესაკუთრე გახდება ბაზრის თავისუფალი მოათამაშე და დამოუკიდებლად შეძლებს აღნიშნული სიმძლავრის ნებასურვილისამებრ გაყიდვას,“
- განმარტავს ლადო ვახტანგაშვილი.




საქართველოს ენერგეტიკის განვითარების ფონდის ხელმძღვანელი გიორგი ჩიქოვანის განცხადებით, ქართლის ქარის ელექტროსადგურის საწყისი საპრივატიზაცაიო ღირებულება, კომპანიის ვალდებულებების გათვალისწინებით, აუდიტორულმა კომპანია „ბიდიომ“ დაადგინა.



„აუქციონზე იყიდება ელექტროსადგურის 100%-წილი, მისი საბაზრო ფასი შეფასებულია აუდიტორული კომპანია „ბიდიოს“ მიერ, თუმცა კომპანიას აქვს EBRD-სგან 17,5 მილიონი დოლარის ოდენობის კრედიტი და ვინც ამ 100%-იან წილს იყიდის შესაბამისად იღებს ამ ვალდებულებასაც, ამ ყველაფრის გათვალისწინებით განისაზღვრა მისი საბაზრო ფასი. ასევე მას აქვს გარანტირებული შესყიდვა ხელშეკრულების თანახმად ,“ - განმარტა საქართველოს ენერგეტიკის განვითარების ფონდის ხელმძღვანელმა, გიორგი ჩიქოვანმა.


აღსანიშნავია, ის ფაქტიც, რომ 2017 წელს ყოფილმა პრემიერ-მინისტრმა გიორგი კვირიკაშვილმა ქართლის ქარის ელექტროსადგურის აქციების საქართველოს საფონდო ბირჟაზე განთავსა დაანონსა, რის თანახმადაც ქარის ელექტროსადგურის აქციების შეძენა ნებისმიერ მოქალაქეს და ინვესტორს შეეძლებოდათ, თუმცა ვითარება შეიცვალა და მისი 100%-იანი წილის პრივატიზების მიზნით საჯარო აუქციონი გამოცხადდა.



„სახელმწიფომ ენერგეტიკული პოლიტიკა რამდენჯერმე შეცვალა და ჩამოყალიბებული აზრი ამასთან დაკაშირებით მთავრობაში არ არსებობს. მთავრობის გაცხადებული პოლიტიკა იყო ის, რომ აღნიშნული სადგურის მფლობელი არ უნდა გამხდარიყო კერძო მესაკუთრე თუ მისი გასხვისება მოხდებოდა. ის უნდა გაყიდულიყო არაკომერციული მიზნით, რათა მოსახლეობის მეტი ჩართულობა ყოფილიო მწვანე პოლიტიკის და გლობალური დათბობის წინააღმდეგ წარმოებულ კამპანიაში. ეს პირობაც დარღვეულია.
რა ფასადაც არ უნდა გაიყიდოს ქარის ელექტროსადგური, ყველა შემთხვევაში სახელმწიფოსთვის წაგებიანია, რადგან კარგავს იმ გარანტირებულ შემოსავალს, რომელიც მემორანდუმითაა განსაზღვრული.



ენგურის მიერ გამომუშავებული ერთი კილოვატი ელექტროენერგიის ღირებულება 1.818 თეთრს შეადგენს, იმ დროს როდესაც ქარის სადგურის მიერ გამომშავებული ენერგიის ღირებულება 20 თეთრია“,
- განაცხადა ენერგეტიკოსმა ლადო ვახტანგაშვილმა.



შპს “ქართლის ქარის ელექტროსადგურის” ქონება 11 ჰექტარის ფართობის მიწის ნაკვეთისა და მასზე განთავსებული 6 ქარის ტურბინისგან (ტურბინის მოდელი: V117-91.5HH) შედგება, თითოეული ტურბინის სიმძლავრე 3.45-მეგავატია.



ელექტროსადგური ექსპლუატაციაში იქნა მიღებული 2016 წლის 20 დეკემბერს. 2016 წლის 10 ნოემბრიდან შპს „ქართლის ქარის ელექტროსადგური“ საცდელი გაშვების რეჟიმში რეგისტრირებულ იქნა სს „ელექტროენერგეტიკული სისტემის კომერციულ ოპერატორთან“ საბითუმო ვაჭრობაში მონაწილედ, ხოლო 2017 წლის 27 იანვრიდან, შპს „ქართლის ქარის ელექტროსადგური“ სს „ელექტროენერგეტიკული სისტემის კომერციულ ოპერატორთან“ დარეგისტრირდა როგორც კვალიფიციური საწარმო აღრიცხვიანობის ერთიან რეესტრში.


ნინო თამაზაშვილი




„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა
access_time2020-09-25 16:05:44
სადაზღვევო კომპანიების სავალდებულო საწესდებო კაპიტალის მინიმალური ოდენობის ზრდის გადავადების შესახებ განცხადება დაზღვევის სახელმწიფო ზედამხედველობის სამსახურის უფროსმა, დავით ონოფრიშვილმა, საქართველოს ბიზნეს ასოციაციიაში გამართულ შეხვედრაზე გააკეთა. შეხვედრას ასოციაციის პრეზიდენტი, სოსო ფხაკაძე უძღვებოდა. სადაზღვევო კომპანიების წარმომადგენლებს, აღნიშნულ საკითხზე მთავრობის მოსაზრება, პრემიერ-მინისტრის მრჩეველმა ეკონომიკურ საკითხებში, ბექა ლილუაშვილმა გააცნო. აღსანიშნავია,...


მსგავსი სიახლეები

up