რატომ უჭირთ მცირე მეწარმეებს ქსელურ მარკეტებში პროდუქციის შეტანა - „კარფურის“ ქსელში შესვლისთვის 10 000 ლარს ითხოვს

რატომ უჭირთ მცირე მეწარმეებს ქსელურ მარკეტებში პროდუქციის შეტანა - „კარფურის“ ქსელში შესვლისთვის 10 000 ლარს ითხოვს

access_time2019-04-16 09:00:07

ქართველ მცირე და საშუალო  მეწარმეებს ქსელურ მარკეტებში შესვლა უჭირთ. ამის შესახებ „კომერსანტთან“  ადგილობრივი მწარმოებლების  ნაწილი საუბრობს. მათი ინფორმაციით,  ქსელში პროდუქციის შეტანის სანაცვლოდ თანხის გადახდაა საჭირო,ეს კი მცირე წარმოებისთვის   საკმაოდ რთულია.


კომპანია „ჭკვიანი თხილის“  დამფუძნებელი ნინო ანდრიაძის განცხადებით,  ქსელურ მარკეტებში რომ მოხვდე, ამისთვის გარკვეული კაპიტალია საჭირო. „იმისთვის, რომ ქსელურ მარკეტში მოხვდე, სტანდარტულად დაწესებულია 5000 - 7000 ლარი. გარდა ამისა, უნდა გადაიხადო „ქეშბექები“, კონკრეტული სივრცეები იყიდო, რაღაც მარკეტინგული აქტივობები განახორციელო და ა.შ. ეს ყვლაფერი კი სaკმაოდ დიდი რაოდენობის  თანხას მოითხოვს, რაც მცირე და საშუალო  ბიზნესისთვის საკმაოდ ძნელი გადასახდელია. გასულ წელს ვცადე დიდ მარკეტებში შესვლა და ასეთი მდგომარეობა იყო“-აღნიშნავს ანდრიაძე.


მისი თქმით, კარგი იქნება თუ მცირე მეწარმეებს, განსაკუთრებით კი ადგილობრივ მწარმოებლებს  განსხვავებულ პირობებს შესთავაზებენ, ვიდრე მულტინაციონალურ ბრენდებს.


რითეილ ბაზარზე მოხვედრის სირთულეებზე საუბრობს  შოკოლადის მწარმოებელი კომპანია „ბუერის“ დამფუძნებელი ლაშა თოფურიაც. მისი განცხადებით, ქსელური მარკეტებისათვის ეს ერთგვარი არაპროფილური საქმიანობაა, რომელიც აუცილებლად უნდა აეკრძალოთ.


„როგორც ბანკს აქვს აკრძალული არაპროფილური აქტივების ფლობა, ასევე მაღაზიას უნდა ჰქონდს აკრძალული. მაღაზიაში უნდა ფორმირდებოდეს ბაზარი, დღეს ასე არ ხდება. ბაზარი არის ხარისხის და ფასის კონკურენცია. ჩვენთან  კი ხარისხის და ფასის კონკურენცია მეათასეხარისხოვანია. ჩვენთან მიმწოდებელი მაღაზიას უხდის ფულს იმიტომ, რომ მისი პროდუქცია კარგ ადგილზე დადონ. არ აქვს მნიშვნელობა ხარისხს და ფასს. ჩვენ, ფაქტობრივად,  ბაზარი არ გვაქვს. ამიტომაა, რომ  ქვეყანაში ეკონომიკა არ ვითარდება. მით უმეტეს, მცირე და საშუალო ბიზნესი.


აუცილებელია სახელმწიფოს დახმარება. ის მაღაზიაც ბიზნესია, თუმცა, ამის მაგივრად სხვა რამეს აკეთებს და სხვის ბიზნესებს უშლის ხელს. ფორმდება ეგრეთ წოდებული „ქეშბექები“, რომელიც გაყიდული პროდუქციიდან შემოსული თანხის 15-20%-ის მაღაზიისთვის გადარიცხვას გულისხმობს. იღებენ ქრთამებს. გამოდის წილში ჯდება მაღაზია. ყველა დიდ ქსელში ასეთი სიტუაციაა. ქეშბექებს ემატება შესვლის თანხა, თაროს ქირაობის თანხა, პერიოდულად სარეკლამო ხარჯი, რათა მაღაზიამ შენი პროდუქციის პრომოუშენზე იზრუნოს,“  აცხადებს თოფურია.



მისივე მტკიცებით, თუ ეს საკითხი სახელმწიფო დონეზე არ დარეგულირდა, მცირე და საშუალო ბიზნესი ქვეყანაში ვერ განვითარდება.


მცირე და საშუალო ბიზნეს საწარმოთა ასოციაციის პრეზიდენტი მიხეილ ჭელიძე  აცხადებს, რომ აღნიშნული საკითხი თითქმის ყველა რითეილერთან დგას.  ითხოვენ ქეშბექებს, პოზიციონირენის გადასახადებს და  ასე შემდეგ.როგორც ჭელიძე განმარატავს, მაგალითად „კარფურის“ ქსელში შესვლისთვის 10 000 ლარს ითხოვს,  ამას ემატება გაყიდვიდან 13%-იც.


„ეს კერძო ბიზნესია, გინდა 10 000 ლარს დაადებ და გინდა 100 000 ლარს. ამაში მთავრობა ვერ ჩაერევა, მაშინ საბჭოთა კავშირში უნდა დავბრუნდეთ. ასეა  ყველა განვითარებულ ქვეყნებში.ამას   პოზიციონერობის გადასახადი ჰქვია,“ აცხადებს ჭელიძე.


სუპერმარკეტ „უნივერსამის“ დირექტორის მოადგილე დავით ფარესაშვილი აცხადებს, რომ სექტორში მსგავსი სქემა ნამდვილად მოქმედებს. როგორც ფარესაშვილი განმარტავს, როდესაც კომპანიის წარმომადგენელი მათთან მიდის, პროდუქციის ფასში უკვე ასახული აქვთ ეგრეთ წოდებული „ქეშბექიც“. შესაბამისად, მათი პროდუცია იმპორტირებულთან შედარებით არაკონკურენტულია, ეს კი ისევ ქართველ მომხმარებელს აწვება და ადგილობრივი პროდქუციის გაყიდვებს ამცირებს.


მისი განცხადებით, ეს სფერო უკონტროლოდაა. „გადაიხდი შეხვალ არ გადაიხდი და ვერ შეხვალ,“ აცხადებს ფარესაშვილი. მისი მტკიცებით, სანამ იარსებებს, თუნდაც ერთი პრეცედენტი იმისა, რომ რომელიმე კომპანია დახლზე დადების სანაცვლოდ ფულს  გადაიხდის, ქსელური მარკეტების მიდგომა არ შეიცვლება.



„უკვე ყველამ იცის, რომ უნდა გადაიხადოს. ამიტომ, ჩემთან მოდიან და მეუბნებიან რამდენი უნდა გადაიხადონ. რადგან ის მზად არის გადასახდელად, იხდის, თუმცა, იმდენს არა, რამდენსაც სხვა ქსელები სთავზობენ. ქართული ბიზნესის პრობლემაა ის, რომ ერთიანად უნდა ჩადებული თანხა ამოიღოს. ამიტომ, მოდის იმხელა ფასით, რომ რა გითხრათ. როგორ შეიძლება ქართული წარმოების კომპოტი ღირდეს 40%-ით ძვირი ვიდრე იმპორტული? თვითონვე აქვთ ასეთი დამოკიდებულება აცხადებს ფარესაშვილი.


სოფო ქსოვრელი 

 

 






აშშ-მ თურქეთი წინააღმდეგ სანქციების დაწესება დაიწყო

აშშ-მ თურქეთი წინააღმდეგ სანქციების დაწესება დაიწყო
access_time2019-07-22 20:00:40
“ვაშინგტონმა აუკრძალა ანკარას მონაწილეობა გამანადგურებლის F-35-ის შექმნის და წარმოების პროგრამაში. ამის მიზეზია თურქეთის მიერ რუსული საზენიტო კომპლექსების ს-400-ის ყიდვა,“  - ნათქვამია თეთრი სახლის ოფიციალური განცხადებაში. დოკუმენტში წერია, რომ ამერიკული სამხედრო თვითმფრინავების გამოყენება რუსულ სადაზვერვო ტექნიკასთან გვერდით დაუშვებელია, რადგანაც ამ ტექნიკის ერთ-ერთი ამოცანა არის სწორედ F-35-ს საბრძოლო მახასიათებლებზე ინფორმაციის...

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“
access_time2019-07-22 19:00:11
ყაზბეგის გამზირზე, ყოფილი ინფექციური საავადმყოფოს ტერიტორიაზე, ორი წლის წინ დაავადებული და გამხმარი ფიჭვების მოჭრა სექტემბერში დაიწყება და მათ ადგილას როგორც წიწოვანი, ასევე ფოთლოვანი ხეები დაირგვება.  ამის შესახებ “კომერსანტს“  „ავერსი-ფარმას“ გენერალურმა დირექტორმა ირაკლი ფურცელაძემ განუცხადა.   როგორც ირაკლი ფურცელაძე ამბობს,  საავადმყოფოს ტერიტორიაზე ფიჭვების დაავადების შესახებ დაახლოებით...

თემურ ჭყონია: „თუ ეროვნული ბანკი არ ერევა ლარის გამყარებაში, მაშინ მისი ფუნქცია უნდა გადაიხედოს„

თემურ ჭყონია:  „თუ ეროვნული ბანკი არ ერევა ლარის გამყარებაში,  მაშინ მისი ფუნქცია უნდა გადაიხედოს„
access_time2019-07-22 16:30:05
ბიზნესმენი, „კოკა–კოლა ბოთლერს ჯორჯიას“ დამფუძნებელი თემურ ჭყონია ლარის  არასტაბილურობის გამო,  ეროვნული ბანკის ფუნქციების გადახედვის საჭიროებას ხედავს. მისი განმარტებით, ლარის არასტაბილურობა ქვეყნის ეკონომიკის განმსაზღვრელია და არამარტო ბიზნესის. გარდა ამისა, არასტაბილური  ლარი მოქმედებს ყველაფერზე, მათ შორის ბიზნესზე, რადგან ქვეყანაში ყველაფერი სწორედ ბიზნესისგან...

ბანკებს მოგება თითქმის გაუნახევრდათ

ბანკებს მოგება თითქმის გაუნახევრდათ
access_time2019-07-22 15:00:41
2019 წლის ივნისში კომერციული ბანკების წმინდა მოგებამ 33,993 მლნ ლარი შეადგინა, რაც წინა თვესთან შედარებით, 29,991 მლნ ლარით, ხოლო წინა წლის ანალოგიურ პერიოდთან შედარებით 13,940 მლნ ლარით ნაკლებია. კერძოდ, ეროვნული ბანკის ვებ-გვერდზე გამოქვეყნებული სტატისტიკის მიხედვით, 2018 წლის ივნისში ბანკების წმინდა მოგება/ზარალი 47,933 მლნ ლარი, ხოლო 2019 წლის მაისში - 63,984 მლნ იყო. ამასთან, მიმდინარე წლის ივნისში, ბანკების შემოსავლებმა 345,001 მილიონი ლარი,...

რატომ ურჩევს სებ-ი ბიზნესებს ფორვარდული გარიგებების დადებას

რატომ ურჩევს სებ-ი ბიზნესებს ფორვარდული გარიგებების დადებას
access_time2019-07-22 14:37:52
ქართული ბიზნესები მუდმივ რეჟიმში ცდილობენ, რომ საკუთარი სავალუტო რისკები მინიმუმამდე შეამცირონ. იმის გამო, რომ საქართველოში გაყიდული საქონლის ნახევარზე მეტი არის იმპორტირებული, საქონლის რეალიზაცია კი, ეროვნულ ვალუტაში ხდება, ბიზნესი ბუნებრივად სავალუტო რისკის წინაშე დგება. ლარის მერყეობის ზრდასთან ერთად ამ ბიზნესებისთვის ოპერირება გართულდა. მოიმატა გაურკვევლობამ იმის შესახებ, თუ რა უნდა იყოს იმპორტირებული პროდუქციის სარეალიზაციო ფასი და სადამდე შეიძლება ის...


მსგავსი სიახლეები

up