3+3 ფორმატი როგორც ახლაა წარმოდგენილი, მაინცდამაინც საქართველოსთვის დიდად მოგებიანი არაა, რადგან ეს ითვალისწინებს აზერბაიჯანის საქართველოს სომხეთისა და ასევე სამი არადემოკრატიული ქვეყნის თანამშრომოლობას და ეს კი საქართველოს ინტერესებში არ შედის, - ასე ფიქრობს საქართველოს პოლიტიკის ინსტიტუტის ხელმძრვანელი კორნელი კაკაჩია და ამტკიცებს, რომ თუ ამ ფორმატს ევროკავშირი და აშშ შეუერთდება, მაშინ პრობლემა არ იქნება.
თუ ჩვენ ამ ფორმატში გვინდა მონაწილეობა, საქართველომ დაჟინებით უნდა მოითხოვოს, რომ ამ ფორმატს ევროკავშირი და შეერთებული შტატები შემოუერთდეს, ამის შემდეგ უკვე საქართვლოსთვის უკვე არავითარი პრობლემა არ იქნება. მით უმეტეს როგორ შეიძლება ვისაუბროთ სამხრეთ კავკასიაში სტაბილურობაზე, მარტო რეგიონალური ქვეყნებზე, მითუმეტეს რომლებიც დემოკრატიულები არ არიან და ჩვენთვის მნიშვნელოვანი სტრატეგიული პარტნიორები არ შემოვიყვანოთ, ანუ ევროკავშირი და აშშ, ამათი შემოყვანის გარეშე მე დიდ აზრს ვერ ვხდავ. საქართველოს ამოცანაც სწორედ ეს უნდა იყოს, რომ ეს ქვეყნები დაარწმუნოს, რომ თუ საქართველოს ჩართულობა უნდათ, მაშინ ეს პირობები გვაქვს, რადგან რუსეთთან ის მარტო ვერ დარჩება. ეს უკვე იქნება არა 3+3, არამედ ვთვათ 3+5. რუსეთი და კიდევ ბევრ სახელმწიფოს, რომელიც ამ ფორმატის ინიციატორია, სწორედ ეს უნდათ, რომ რეგიონალურმა სახელმწიფოებმა პრობლემები თვითონვე მოაგვარონ, როგორც ყარაბაღის ამბები მოხდა, მაგრამ ეს საქართველოს ინტერესებში არ შედის, რადგან ჯერ ერთი რუსეთთან კონფლიქტი გვაქვს და ტერიტორიები ოკუპირებული აქვს, ირანთანაც უსაფრთხოების თვალსაზრისით რა ურთიერთობა გაქვს და ამ მხრივ ჩვენ რატომ უნდა ვენდოთ არ ვიცი, თურქეთიც ბოლო პერიოდშიც უკვე მაინცდამაინც ძალიან პროგნოზირებადი პარტნიორი აღარაა. აქედან გამოდინარე, საქართველოს ამ ქვეყნებთან მიმართებაში ნდობის დეფიციტი უჩნდება, თუ ჩვენ გვინდა, რომ საქართველო ამ ფორმატში ჩაერთოს, იქ ისეთი ქვეყნები უნდა იყვნენ, რომელსაც ენდობა,- ამბობს კაკაჩია.
შეგახსენებთ, საქართველო რუსეთის ფედერაციასთან ერთად 3+3 ფორმატში მონაწილეობას არ განიხილავს. ქართული მხარე აქამდეც უარს ამბობდა 3+3 ფორმატში, იგივე 6 ერის პლატფორმაში მონაწილეობაზე. 2020 წლის მთიანი ყარაბაღის კონფლიქტის შემდეგ, თურქეთის პრეზიდენტმა, რეჯეფ თაიფ ერდოღანმა წამოაყენა ექვსი ერის პლატფორმის შექმნის იდეა. ეს გულისხმობს თურქეთის, აზერბაიჯანის, სომხეთის, საქართველოს, რუსეთისა და ირანის კოოპერაციას რეგიონში სტაბილურობისა და მშვიდობის დასამყარებლად. ერდოღანმა ეს ინიციატივა კიდევ ერთხელ გაიმეორა 2021 წლის ივნისში, აზერბაიჯანში ვიზიტის დროს და თქვა, რომ კავკასიის რეგიონში მშვიდობის დამყარება რეგიონული კოოპერაციითაა შესაძლებელი და ეს მთელი მსოფლიოსთვის სასიკეთო იქნება. 2021 წლის მარტში, დავით ზალკალიანსა და თურქეთის საგარეო საქმეთა მინისტრ მევლუთ ჩავუშოღლუს შორის გამართულ შეხვედრაზე განხილვის ერთ-ერთი საგანი 3+3 ფორმატიც იყო. შეხვედრის შემდეგ მევლუთ ჩავუშოღლუმ თქვა, რომ მას ესმოდა თბილისის ფრთხილი პოზიცია ამ რეგიონალურ იდეასთან დაკავშირებით და ხაზი გაუსვა თურქეთის მხარდაჭერას საქართველოს ტერიტორიული მთლიანობის მიმართ.
ცნობისთვის, ცოტა ხნის წინ 3+3 ფორმატზე საქართველოს პოზიციასთან დაკავშირებით დავით ზალკალიანმაც საქართველოს პირველ არხთან ისაუბრა. ჟურნალისტის შეკითხვაზე, როგორია საქართველოს პოზიცია ამ ფორმატთან დაკავშირებით, ზალკალიანმა განაცხადა, რომ ამ ფორმატში საქართველოს მონაწილეობა ძალიან გაჭირდება, ოკუპანტ ქვეყანასთან, თუმცა საქართველო ამ დიდ გეოპოლიტიკურ პროექტებში და ურთიერთობებში რაღაც ფორმით მაინც უნდა იყოს, რომ ქვეყანამ თავისი როლი და ფუნქცია არ დაკარგოს, რა თქმა უნდა, არა სახელმწიფო ინტერესების და ოკუპანტთან დათმობის ხარჯზე.
აშშ-ის ყოფილმა ელჩამა, იან კელიმ, დავით ზალკალიანს რუსეთის წინააღმდეგ კატეგორიული ტონი დაუწუნა და თქვა, რომ მინისტრს რუსეთთან რაიმე სახის მოლაპარაკებებზე სიტყვა ძალიან ძნელის ნაცვლად, შეუძლებელი უნდა გამოეყენებინა.
წყარო: რეზონანსდეილი