რა არგუმენტებით აძლევენ ხმას პარლამენტარები კანონპროექტებს?

რა არგუმენტებით აძლევენ ხმას პარლამენტარები კანონპროექტებს?

person access_time2016-02-03 16:15:11

მედიასა და სოციალურ ქსელებში პერიოდულად განიხილება ქართველ პარლამენტართა პროფესიონალიზმის თემა, რასაც თავად დეპუტატების განცხადებები თუ გადაწყვეტილებები იწვევს.


იმას, რომ პროფესიონალიზმის მხრივ ამჟამინდელ პარლამენტში პრობლემებია, არაერთი ექსპერტი აღიარებს. ერთერთი პრობლემა, რომელიც აქედან გამომდინარეობს, არასწორი პრიორიტეტებია – როდესაც პარლამენტი ოპერატიულად და ზოგჯერ დაჩქარებული წესითაც კი იღებს ამა თუ იმ კანონპროექტს, ხოლო კანონპროექტების ნაწილი, მათ შორის სოციალური მნიშვნელობის, ხშირად თვეობით და წლობით თაროზეა შემოდებული. 


სწორედ ამ კუთხით აგრძელებს „კომერსანტი“ ბანკებთან დაკავშირებული საკანონმდებლო ცვლილების თემის გაშუქებას. ჩვენ დავინტერესდით, ბიზნესკომპანიების არაერთი ინიციატივის გადადების პირობებში, რატომ მოხერხდა პარლამენტში იმ საკანონმდებლო ინიციატივის სწრაფი განხორციელება, რომელიც პირველ რიგში მსხვილი ბანკების ინტერესში შედის? 

 

როგორც უკვე ვიუწყებოდით, ახლადმიღებული საკანონმდებლო ცვლილების თანახმად, ბიუჯეტში თანხების შეტანისგან თავისუფლდებიან კომპანიები, რომლებიც საერთაშორისო ბირჟებზე გადიან. პარლამენტის მიერ დამტკიცებული ცვლილების შედეგად, აღნიშნული კომპანიები პარლამენტმა ბიუჯეტში მილიონობით ლარის შეტანის ვალდებულებისგან გაათავისუფლა. აინტერესოა, რომ ცვლილებების თანახმად, აღნიშნული შეღავათი 2012 წლის იანვრიდან წარმოქმნილ ვალდებულებებზეც გავრცელდება,


"კომერსანტის" მიერ ამ თემაზე გამოქვეყნებულმა სტატიამ დაინტერესებული საზოგადოების დიდი ინტერესი გამოიწვია და სოციალურ ქსელებში აქტიური დისკუსიის საგანი გახდა. საკითხის აქტუალობიდან გამომდინარე, „კომერსანტი" აგრძელებს თემას და სვამს კითხვებს, რომლებიც ბუნებრივად ჩნდება ნებისმიერი საკანონმდებლო ცვლილების დროს. რამდენად საქმის კურსში არიან საკანონმდებლო ორგანოს დეპუტატები იმაში, რასაც სესიაზე ხმას აძლევენ? გარდა ამისა, რა პოზიცია აქვთ მათ კონკრეტულად აღნიშნული ცვლილების ირგვლივ და რატომ აღმოჩნდა მათთვის ეს თემა პრიორიტეტული სხვა ბიზნესსექტორების პრობლემებთან შედარებით?


პარლამენტის საფინანსო-საბიუჯეტო კომიტეტის თავმჯდომარის მოადგილე ნოდარ ებანოიძე აცხადებს, რომ საგადასახადო კოდექსში ეს მუხლი აქამდეც არსებობდა, ახლა კი უბრალოდ მისი დაზუსტება მოხდა. „საგადასახადო ორგანოს ეძლეოდა ინტერპრეტაციის საშუალება. საგადასახადო კოდექსში ასეა, რომ შემოსავლის მიღებასთან დაკავშირებული ყველა ხარჯი გამოიქვითება. ინტერპრეტაციის გაკეთება,რომ ეს „საქართველოს ბანკს" და „თიბისი ბანკზეა" მორგებული, სისულელეა. ეს ისედაც იყო, უბრალოდ ახლა დაზუსტდა".



პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილე თემურ მაისურაძე კი აცხადებს, რომ ქვეყანაში ეკონომიკა გაცილებით ნელა ვითარდება, ვიდრე საბანკო სექტორი. მიუხედავად ამისა, საბანკო სექტორი ვერ განვითარდა ისე, რომ ქვეყანაში საფონდო სისტემა გვქონოდა. მაისურაძე განმარტავს, რომ საგადასახადო კოდექსში შესული ეს კონკრეტული ცვლილება გაკეთდა იმისთვის, რათა საბანკო სექტორი კიდევ უფრო მეტად დაინტერესებულიყო ფასიანი ქაღალდების ბაზრით.


„ეს გაზრდის ნდობას, საქართველოში ინვესტიციები უფრო მეტად წამოვა. რაც ყველაზე მნიშვნელოვანია - ის მოგება, რომელიც კომპანიის აქციონერებმა ჯიბეში უნდა ჩაიდონ, ახლა რეინვესტირებაში დააბანდონ. ამან შეიძლება კრედიტები გააიაფოს, შემოვიდეს უფრო იაფი ფული. მოგება, რომელიც შეიძლებოდა განაწილებულიყო პირად ინტერესებში, ეს მოემსახურება საფონდო სისტემის განვითარებას, რაც ძალიან მნიშვნელოვანია. თუ ქვეყანაში არ შემოვიტანეთ ფასიანი ქაღალდების სისტემა, თუ ქვეყანაში არ დაიწყო ამიერკავკასიის მასშტაბით ფასიანი ქაღალდების გაყიდვა და ბირჟა არ შეიქმნა, ჩვენ ამ მნიშვნელოვან სექტორში სერიოზული წარუმატებლობა გვექნება"-აცხადებს მაისურაძე.


„კომერსანტის" კითხვაზე, რატომ ვრცელდება ცვლილება 2012 წლის 1 იანვრიდან შესულ ვალდებულებებზე, მაისურაძეს პასუხი არ აქვს, თუმცა აცხადებს, რომ პარლამენტში მისი განხილვისას ამ ჩანაწერზე დამაჯერებელი არგუმენტები იყო წარმოდგენილი.

 

პარლამენტის დარგობრივი ეკონომიკისა და ეკონომიკური პოლიტიკის კომიტეტის წევრი ვახტან ლემონჟავა აცხადებს, რომ მიუხედავად იმისა, რომ ოპოზიციურ პოლიტიკურ ძალას, „ნაციონალური მოძრაობას" წარმოადგენს, ამ ინიციატივას მაინც ემხრობა. მისი თქმით, „ნაციონალური მოძრაობის" პოზიცია მუდმივად არის საგადასახადო სისტემის ლიბერალიზაცია, რათა ამის ფონზე მოხდეს ეკონომიკის განვითარების სტიმულირება. დღე კი საქართველოს ამის პრობლემა ნამდვილად აქვს.


„თქვენ ხედავთ ლარის კურსის დევალვაციას, ეკონომოკურ სტაგნაციას, ეკონომიკურ უკუსვლას, ქვეყანაში ჩვენ გვაქვს მთლიანი შიდა პროდუქტის შემცირება. თუ მთავრობა გადადგამს ნაბიჯებს საგადასახადო ლიბერალიზაციის და ბიზნესის კეთების გამარტივების თვალსაზრისით, ეს ეკონომიკას აღმავლობას გააძლიერებს და ქვეყანა ფეხზე დადგება. ჩვენი მიზანიც ასეა"-აცხადებს ლემონჯავა.


მისი თქმით, როდესაც ხდება ბანკების საქმიანობის სტაბილიზაცია, მცირე და საშუალო ბიზნესიც ავტომატურად ებმება ამაში.


პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილე პაატა კვიჟინაძე აცხადებს, რომ ის არ იცნობს აღნიშნულ ცვლილებებს და შესაბამისად. კომენატრს ვერ გააკეთებს.


კომენტარის გაკეთებისგან თავს იკავებს პარლამენტის საფინანს-საბიუჯეტო კომიტეტის თავმჯდომარე თამაზ მეჭიაური. მისი განცხადებით, მან ინფორმაცია მაინც აპარატის უფროსისგან უნდა გამოითხოვოს, ამიტომ ჯობს „კომერსანტმა" ან მას დაურეკოს, ან მის მოადგილე ნოდარ ებანოიძეს.


დეპუტატმა რევაზ შავლოხაშვილმა „კომერსანტის" კითხვას არ უპასუხა. 


დეპუტატი ვაჟა ჩიტაშვილი აცხადებს, რომ ეს ცვლილება ზღვაში წვეთია და დადებით ელემენტებს შეიცავს, თუმცა ამ ცვლილებით ბიზნესი ვერ განვითარდება. მისი თქმით, მან ცვლილებას მხარი არ დაუჭირა.



ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up