რა აფერხებს საქართველოში ფასიანი ქაღალდების ბაზრის განვითარებას - არჩილ გაჩეჩილაძის მოსაზრება

რა აფერხებს საქართველოში ფასიანი ქაღალდების ბაზრის განვითარებას - არჩილ გაჩეჩილაძის მოსაზრება

access_time2019-03-31 23:15:09


საქართველოს ბანკის CEO-ს არჩილ გაჩეჩილაძის განცხადებით საქართველოში ფასიანი ქაღალდების ბაზრის განვითარება მრავალ ფაქტორზე არის დამოკიდებული, მათ შორისაა ეკონომიკაში დანაზოგების წილის ზრდა, საპენსიო რეფორმა, რომელიც ბონდებსა და სხვა საფინანსო ინსტრუმენტებზე მოთხოვნის ზრდას შეუწყობენ ხელს. გაჩეჩილაძის თქმით, ამის მთავარ შემაფერხებელ ფაქტორად საქართველოს ბაზრის სიმცირე რჩება. Forbes-ის კვირასთან ინტერვიუში გაჩეჩილაძემ განაცხადა, რომ ამ ბაზრის განვითარება ხანგრძლივ პროცესს წარმოადგენს.


კაპიტალის ბაზრის განვითარება იმდენი სხვადასხვა დეტალის მომცველი თემა არის, რომ შეიძლება ცალკე გადაცემა ამას მივუძღვნათ და არ გავჩერდებით, ვინაიდან ბევრი დრო და ენერგია გვაქვს ჩადებული ამ კუთხით. ერთს ზოგადად ვიტყვი, საქართველოს ბაზრის მცირე ზომა დიდად შემზღუდველია. კაპიტალის ბაზრები როდესაც ვითარედა, ჯერ სახაზინო ვალდებულებების თემა ვითარდება, შემდეგ არის ობლიგაციების ბაზარი, განსაკუთრებით, ვინაიდან ობლიგაციების დაგირავების საშუალება მისცა ბაზრის მონაწილეებს სებ-მა რამოდენიმე წლის წინ, შესაბამისი რეიტინგის შემთხვევაში და ამ ყველაფრისთვის საჭირია რომ მოსახლეობას მეტი დაგროვილი თანხები ჰქონდეს. ამ კუთხითაც ზრდა არის ბოლო წლების განმავლობაში. საპენსიო რეფორმის შედეგად, მოლოდინი გვაქვს, რომ გაჩნდება ისეთი ტიპის ფონდები, რომლებსაც მოთხოვნა ექნებათ რომ თანხა განათავსონ არა მხოლოდ საბანკო დეპოზიტებზე, არამედ ობლიგაციებზე. მოლოდინი იმისა, რომ საქართველოს საფონდო ბირჟა გახდება დიდი მოთამაშე კაპიტალის ბაზრებზე, ამას დიდი ხანი დაჭირდება. ეს მარტივად არ ხდება. ვინაიდან ნებისმიერ სეფროს, ნებისმიერ ბაზარს, იქნება ეს საფონდო ბაზარი თუ საყოფაცხოვრებო პროდუქტების ბაზარი - მას დიდი ბრუნვა სჭირდება იმისთვის რომ ეს იქცეს საინტერესო წერტილად,- ამბობს გაჩეჩილაძე.


არჩილ გაჩეჩილაძემ საქართველოს ბანკის მიერ მოზიდულ $100-მილიონიან კაპიტალზეც ისაუბრა. 21 მარტს საქართველოს ბანკმა 5.25 წლიანი ვადიანობის ობლიგაციები გამოუშვა, რომლის განაკვეთიც 11.125%-ს შეადგენს. არჩილ გაჩეჩილაძის თქმით, ამ ინტრუმენტის მიმართ განსაკუთრებული ინტერესი საქართველოს საფინანსო სექტორის განვითარებასა და მისდამი ნდობის ზრდაზე მეტყველებს.


“$100 მილიონი დოლარი, რომელიც ახლახანს მოვიზიდეთ არის ჰიბრიდული კაპიტალი. ორი სიტყვით ავხსნი რას ნიშნავს ეს სიახლე, ეს არის ჩვეულებრივი ობლიგაცია, სესხი, თუმცა რთულ ვითარებაში იქცევა როგორც კაპიტალი. ამ ობლიგაციას ჩვეულებრივ ვემსახურებით, თუმცა თუ ბანკის კაპიტალის დონე მოთხოვნილთან ახლოს მივიდა, მისი მომსახურება წყდება და ეს ინვესტორებისთვის მისაღებია. რაღაც დონეზე ქვემოთ თუ ჩამოვიდა კაპიტალის დონე, საერთოდ ქრება ეს ვალდებულება. collapse-ს ეძახიან მას, ანუ 5.1%-ზე ქვემოთ თუ ჩამოვიდა ძირითადი კაპიტალის მაჩვენებელი ის საერთოდ ქრება. ეს საფინანსო ინსტრუმენტი ერთის მხრივ თითქოს ობლიგაციაა, მეორე მხრივ ეს არის დაზღვევა უბედურების შემთხვევაში. ასეთი ტიპის ინსტრუმენტები შედარებით ახალია საერთოდ მსოფლიო ბაზრებისთვის, ის შემოვიდა ბაზელ სამთან ერთად. ეს ნიშნავს, რომ როდესაც ასეთი ტიპის ინსტრუმენტზე მოთხოვნა არის, მოლოდინი იმისა, რომ რაღაც საშინელება მოხდება არ არის.

დადებითი ის არის რომ 11.5% როდესაც გამოვაცხადეთ, იმდენად დიდი იყო ინტერესი, რომ განაკვეთი 11.1%-მდე შემცირდა. სადღაც $200 მილიონი დოლარი იყო მოთხოვნა, მაშინ როდესაც $100 მილიონი ლარი გვინდოდა განგვეთავსებინა. ბევრი გვეუბნეობდა რატომ მეტი არა? - ამასაც თავის ლიმიტები აქვს, $100 მილიონი ოდნავ აჭარბებს იმ ლიმიტს რაც ჩვენ გვინდოდა, მაგრამ ასე ვთქვათ გამოვუშვით. ეს არის უდიდესი ნდობის გამოცხადება როგორც საქართველოს ეკონომიკის მიმართ, ისე, საქართველოს საბანკო სექტორს მიმართ. ვინაიდან მართლაც გამორჩეულად სტაბილური საბანკო და კარგად კაპიტალიზირებული საბანკო სექტორი გვაქვს მთელ რეგიონში,”- ამბობს გაჩეჩილაძე.



bmg.ge





გამოიწვევს თუ არა ახალი კორონავირუსი გლობალურ ფინანსურ კრიზისს

გამოიწვევს თუ არა ახალი კორონავირუსი გლობალურ ფინანსურ კრიზისს
access_time2020-02-23 18:00:01
ჯანდაცვის მსოფლიო ორგანიზაციამ კორონავირუსი გლობალური მნიშვნელობის საფრთხედ გამოაცხადა. იმავე დღეს საერთაშორისო სავალუტო ფონდმა აღიარა, რომ ეპიდემია გავლენას მსოფლიო ეკონომიკაზეც იქონიებს. ექსპერტების აზრით, აშკარაა, რომ...

„ეროვნული ბანკის რეგულაციების გარეშე მომავალში მოსახლეობის მასობრივ გაკოტრებას და სისტემურ კოლაფსს მივიღებდით“ - ლაშა ნიკოლაიშვილი

„ეროვნული ბანკის რეგულაციების გარეშე  მომავალში მოსახლეობის მასობრივ გაკოტრებას  და სისტემურ კოლაფსს მივიღებდით“ - ლაშა ნიკოლაიშვილი
access_time2020-02-23 17:00:10
„საბანკო რეგულაციებმა ადმინისტრირება ბოლო ორი წელია რაც დაიწყო, თუმცა, რეალურად,პროცესს საფუძველი  4-5 წლის წინ ჩაეყარა. იყო ძალიან დიდი მოსამზადებელი პერიოდი. რეგულაციები ფინანსური ინსტიტუტებისთვის მოულოდნელი არ ყოფილა,“- ამის შესახებ მიკროსაფინანსო ორგანიზაცია „რიკო ექსპრესის“ სამეთვალყურეო საბჭოს თავმჯდომარემ, ლაშა ნიკოლაიშვილმა რადიო „კომერსანტის“, გადაცემაში „ეკონომისტის დრო...

რა ეკონომიკურ და პოლიტიკურ დივიდენდებს მოუტანს TANAP-ი საქართველოს

რა ეკონომიკურ და პოლიტიკურ დივიდენდებს მოუტანს TANAP-ი საქართველოს
access_time2020-02-23 15:00:35
“სამხრეთის დერეფნის კონცეფცია საქართველოს მნიშვნელოვან პოლიტიკურ დივიდენდსა და ენერო უსაფრთხოებას მოუტანს,” – ამის შესახებ საქართველოს ნავთობისა და გაზის კორპორაციის გენერალურმა დირექტორმა, გიორგი ბახტაძემ, report.ge-ისთან საუბრისას განაცხადა. მისი განმარტებით, ტრანს-ანატოლიური გაზსადენის – TANAP ამოქმედებამდე საქართველო გაზის მხოლოდ რეგიონული მნიშვნელობის სატრანზიტო ქვეყანას წარმოადგენდა. ახლა იგი საერთაშორისო მასშტაბის მოთამაშედ ჩამოყალიბდა. ამიერიდან...

საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...


მსგავსი სიახლეები

up