სუიციდის  საგანგაშო სტატისტიკა - “ქვეყანაში გახშირებული თვითმკვლელობები  ეკონომიკურ სასოწარკვეთას უკავშირდება და პასუხისმგებლობა ხელისუფლებას ეკისრება“

სუიციდის საგანგაშო სტატისტიკა - “ქვეყანაში გახშირებული თვითმკვლელობები ეკონომიკურ სასოწარკვეთას უკავშირდება და პასუხისმგებლობა ხელისუფლებას ეკისრება“

access_time2019-10-04 12:00:13


წყალტუბოში 18 წლის ბიჭი ცხრასართულიანი კორპუსიდან გადმოხტა და გარდაიცვალა. შემთხვევა 29 სექტემბერს მოხდა. თუმცა ტრაგედია ამით არ დასრულებულა. შვილის გარდაცვალების გამო უცხოეთიდან დაბრუნებული დედა ქუთაისში, მრავალსართულიანი სახლის სახურავიდან გადმოხტა.


ახალგაზრდა ბიჭის თვითმკვლელობის ოფიციალური მიზეზი უცნობია, თუმცა ერთ-ერთ ვერსიად ინტერნეტთამაში ლურჯი ვეშაპი სახელდება.

 

ჯგუფური ძარცვისა და სიტყვიერი შეურაცხყოფის შემდეგ, ვარკეთილში 16 წლის მოზარდი სავარაუდოდ 9 სართულიანი კორპუსის სახურავიდან გადმოხტა და თავი მოიკლა.

 

თერჯოლის მუნიციპალიტეტის სოფელ ჭოგნარში 14 წლის ბავშვი გარდაცვლილი იპოვეს. მოზარდის სუიციდის ფაქტს, ახლობლები ინტერნეტ თამაშ - „ლურჯ ვეშაპს“ უკავშირებენ.

 

22 წლის ბიჭმა თავი მოიკლა. თვითმკვლელობამდე რამდენი წუთით ადრე ახალგაზრდამ თავის საუკეთესო მეგობარს ასეთი შინაარსის წერილი მისწერა;


„ ზაზა, მიყვარხარ ძმაო, შემპირდი რომ არასოდეს ითამაშებ’’ — მოგვიანებით ოჯახმა გაიგო, რომ მათი შვილი აზარტულ თამაშებზე იყო დამოკიდებული და იმ ღამეს გურჯაანის სლოტკლუბში ფული წააგო.

 


ეს ბოლო დროს საქართველოში მომხდარი სუიციდის ფაქტებია. ქვეყანაში 2019 წელს სუიციდი და სუიციდის მცდელობის ფაქტები საგრძნობლადა რომ გაზიარდა, ამას საქართველოს შინაგან საქმეთა სამინისტროს სტატისტიკაც ადასტურებს. ოფიციალური დოკუმენტის მიხედვით, იანვარი–ივნისის მდგომარეობით სუიციდის 207 შემთხვევა დაფიქსირდა, ხოლო სუიციდის მცდელობა 219 ადამიანს ჰქონდა. რაც შეეხება 2018 წელს სუიციდის 389 შემთხვევაა აღიცხული, თვითმკვლელობის მცდელობის კი 477 ფაქტი.


კონკრეტულად რა ხდება ადამიანების თვითმკვლელობის მიზეზი, ამაზე ზუსტი ანალიზი ან კვლევა სახელმწიფოში არ გაკეთებულა. ციფრების მიღმა არც შს სამინისტროს სტატისტიკაში ჩანს დანაშაულის მიზეზი. ფსიქოლოგები და დარგის სპეციალისტები კი ახალგაზრდებში თვითმკვლელობის მიზეზად უმეტესად აზარტულ თამასებს, ბულინგს, „კიბერ ბულინგს და „მკვლელ თამაშებს“  ასახელებენ.



საქართველოს შინაგან საქმეთა სამინისტრო კი  “კომერსანტს“ უდასტურებს, რომ   კიბერდანაშაულის გამო სუიციდის ფაქტები  ოფიციალურად დადასტურებული არ არის. 

 

„საქართველოს შინაგან საქმეთა სამინისტროში არასრულწლოვანთა სახიფათო ინტერნეტ თამაშებში ჩართვის ფაქტებზე შემოსული შეტყობინებების და განცხადებების საფუძველზე, სისხლის სამართლის საქმეზე ჩატარებული იქნა ხანგრძლივი და მასშტაბური გამოძიება. გამოკითხული იქნა რამდენიმე ათეული მოზარდი, მათი მშობლები და მათთან კავშირში მყოფი პირები, დათვალიერებული იქნა მათი სოციალური ქსელის პროფილები, მობილური ტელეფონები, კომპიუტერული ტექნიკა და ა.შ.


ჩატარებულმა გამოძიებამ აჩვენა, რომ არცერთ განცხადებაში ან შეტყობინებაში მოყვანილი ფაქტი რეალურად არ დასტურდებოდა. უმეტეს შემთხვევაში მოზარდების პირველადი მონაყოლი ისტორია წარმოადგენდა მათი ფანტაზიის ნაყოფს, რაც განპირობებული იყო სხვადასხვა გარემოებებით, კერძოდ მშობლების ყურადღების მიქცევის, თანატოლებში თავის გამოჩენის და უბრალოდ ხუმრობის მიზნით.


მიუხედავად იმისა, რომ არცერთი კონკრეტული ფაქტი არ დადასტურდა, შინაგან საქმეთა სამინისტროში გამოძიება გრძელდება“, - განმარტავენ უწყებაში.




კიბერუსაფრთხოების ექსპერტი ანდრო გოცირიძე კი  კიბერდანაშაულთან ბრძოლის რეალურ პრობლემებზე საუბრობს:


„კიბერ ბულინგი და „მკვლელი თამაშები“ სოციალური ქსელების გამოწვევაა. რეალურად ეს არ არის ტრადიციული თამაში, რომლის ყიდვაც შეიძლება, ან რომელიც რაიმე კვალს ტოვებს, ან პროგრამული უზრუნველყოფა ხდება,  ამიტომაც შინაგან საქმეთა სამინისტროს ამასთან გამკლავება უჭირს“,- ასე აფასებს  ექსპერტი ანდრო გოცირიძე ბოლო დროს გახშირებულ არასრულწლოვანთან სუიციდის გახშირებულ ფაქტებს. 


მისი თქმით, „მკვლელი თამაშების“ დაბლოკვა შეუძლებელია, რადგან ეს არ არის ცენტრალიზებული სოფტი და ყველა ზრდასრულ ადამიანს შეუძლია ამ ტიპის ბულინგის განხორციელება.


ექსპერტი „კომერსანტთან“ იმ სქემაზე საუბრობს თუ როგორ ერთვება მოზარდები „მკვლელი თამაშებში“:


„ლურჯი ვეშაპი“ რუსეთიის ფედერაციაში, რამდენიმე წლის წინ ფსიქოლოგიის ფაკულტეტიდან გარიცხულმა სტუდენტმა შექმნა, 3 წლის წინ ამ თამაშის შემქმნელი დააკავეს, მაგრამ თამაში არ შეწყდა. თამაში ემყარება გარკვეული დავალებების მიცემას მოზარდებისთვის, რომლიც ბოლოს თვითმკვლელი დავალებით სრულდება. ხშირად ესეთი დავალება არის სიმაღლიდან გადმოხტომა, სხვა სახის დავალებებია სხეულზე თვითდაზიანების მიყენება, ასევე საშინელებათა ფილმის ყურება. დავალების მიცემა ხდება გამთენიისას, 50 დავლების განმავლობაში, როდესაც მოზარდ აღვიძებენ ის მწყობრიდან გამოდის და ვეღარ აკონტროლებს საკუთარ თავს. მოზარდი თვითონ ეძებს და ერთვება ამ თამაშებში. ის გარკვეული ჰეთეგებით ატყობინებს ე.წ კურატორს, რომ მზად არის ამ თამაშისთვის. თამაშს პოულობენ ისეთი მოზარდები, რომლებიც განწყობილები არიან დეპრესიისკენ, მელანქოლიისკენ. გარდატეხის ასაკში ძალიან ბევრს აქვს ფსიქოლოგიური პრობლემები. როდესაც მოზარდი ჩაებმება თამაშში ეუბნებიან, რომ მისი კომპიუტერი გატეხილია მასზე ფლობენ გარკვეულ მაკომპრომატირებელ ინფორმაციას სურათების ან ფაილების სახით ამიტომ, მოზარდს ამის სჯერა , რის გამოც ვეღარ გამოდის თამაშიდან. რელურად ეს ესე არ არის, უბრალოდ ასეთ აღქმას ქმნიან“,- განმარტავს ექსპერტი.



ანდრო გოცირიძე ამბობს, რომ კიბერ ბულინგი და „მკვლელი თამაშები“ დიდი ქალაქების პრობლემაა, სადაც მოზარდი უფრო მეტად გრძნობს თავს მარტოდ, სადაც უფრო მეტად სოციალურ ქსელშია ჩართული ვიდრე პირად ურთიერთობებში. მისი თქმით, პრობლემასთან ბრძოლა მხოლოდ ცნობიერების ამაღლებითაა შესაძლებელი.



„მიუხედავად იმისა, რომ ინტერნეტი და სოციალური ქსელი არის ჩვენი ცხოვრების ყოველდღიური შემადგენელი ნაწილი, ჩვენ არ ვსწავლობთ უსაფრთხოდ მისი მოხმარების წესებს. არ გვაქვს ასეთი დისციპლინა, არც სკოლებში და არც სხვა დაწესებულებებში. ამიტომ პედაგოგსაც და მშობელსაც, სჭირდება გარკვეული უნარ ჩვევები, რათა ამ გამოწვევებს გაუმკლავდნენ. რეალურად ინფორმაციას რითაც გვაშანტაჟებენ, ჩვენ გავცემთ სოციალურ ქსელში. მოზარდები სხვადასხვა ტიპის ფოტოებს აქვეყნებენ ან უგზავნიან თავიანთ მეგობრებს ან პარტნიორებს, რაც შანტაჟის საფუძველი ხდება. ხანდახან არის ის, რომ ჩვენ ვწერთ ბევრ ისეთ სტატუს რომელიც ჩვენ ფსიქოლოგიურ, იმ წუთიერ განწყობაზე მეტყველებს“, - განმარტავს კიბერუსაფრთხოების ექსპერტი.



კიბერუსაფრთხოების ექსპერტი ანდრო გოცირიძე აცხადებს, რომ რთულია იმ მტკიცებულებების მოპოვება, რომლითაც დადგინდება, რომ მოზარდმა თავი იმის გამო მოიკლა, რომ თვითმკვლელ თამაშებში იყო ჩართული. მისივე თქმით, საგამოძიებო ორგანოებს შესაბამისი ცნობიერება სჭირდებათ, რათა ამ ტიპის დანაშაულებს სწორად გაუმკლავდნენ. ექსპერტი კომერსანტთან სახელმწიფოს როლზე საუბრობს.


„სახელმწიფოს პასუხისმგებლობა არის შემდეგი: როდესაც შემოვიდა ავტომობილი, დაიწყეს მოძრაობის წესების სწავლება, დღეს კომპიუტერს ბავშვს ვაძლევთ ნული კლასიდან შესაბამისად უნდა ვასწავლოთ კომპიუტერთან და ინტერნეტთან უსაფრთხო მომხმარეების წესები. 2008 წელს 100 მოსახლიდან 7 იყო ინტერნეტის მომხმარებელი, დღეს ეს რიცხვი დაახლოებით 30- მდე გაიზარდა. არ არის ჩვენ კულტურაში ინტერნეტის უსაფრთხოდ მოხმარება. ძალიან ხშირად ვარღვევთ უსაფრთხოების ელემენტარულ ნორმებს“, - განაცხადა ანდრო გოცირიძემ.



სუიციდთან დაკავშირებით სახელმწიფოს პასუხისმგებლობაზე საუბრობს იუსტიციის არამოსამართლე წევრი, დოქტორი ანა დოლიძე. იგი ქვეყანაში თვითმკვლელობის  შემთხვევების ზრდას მძიმე სოციალური და ეკონომიკური ფონით ხსნის.


იურისტის განმარტებით პასუხისმგებლობა ქვეყანაში შექმნილ მდგომარეობაზე სრულად საქართველოს მთავრობას აკისრებს.


„ქვეყანაში გახშირებული თვითმკვლელობები რეალურად უკავშირდება ეკონომიკურ სასოწარკვეთას, მენტალური ჯანმრთელობის არარსებობას ქვეყანაში, რის გამოც ადამიანები  საკუთარ თავს ვერ ეხმარებიან და მათ გადარჩენას საზოგადოებაც ვერ ახდენს.  სახელმწიფო კი ყურს არ იბარტყუნებს ამ პრობლემით. მათ მიაჩნიათ, რომ ეს არის ადამიანების პირადი პრობლემა.  არადა ეს არის სოციალური და ჯანმრთელობის პოლიტიკის საკითხი. ჩვენ სახელმწიფოს აწყობს წარმოაჩინოს, რომ ეს არის მხოლოდ პირადად ადამიანების და მათი ოჯახების უბედურება. არადა, სინამდვილეში, ყველა ნორმალურ სახელმწიფოში, სუიციდი არის სოციალური პოლიტიკის ნაწილი. დღეს სახელმწიფოს ყველა პრობლემა იგნორირებული აქვს და ეს იმიტომ, რომ ჩვენი პარლამენტარები და თანამდებობის პირები დაკავებულები არიან საკუთარ კეთილდღეობაზე ზრუნვით და არა საჯარო პრობლემების გადაწყვეტით“,- განმარტავს ანა დოლიძე.



 

 

ბაჩო ადამია




ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up