„ქვეყანაში ბიზნესს ვერ გააკეთებ თუ „ქართული ოცნების“ ლიდერებთან შეთანხმებული არ გაქვს“

„ქვეყანაში ბიზნესს ვერ გააკეთებ თუ „ქართული ოცნების“ ლიდერებთან შეთანხმებული არ გაქვს“

access_time2020-02-19 18:00:32

2012 წლის 1 ოქტომბრის საპარლამენტო არჩევნებით, საკანონმდებლო ორგანოს უმრავლესობა და მთავრობა კოალიცია „ქართული ოცნების“ გუნდით დაკომპლექტდა. ახალი ხელისუფლების წინასაარჩევნო პლატფორმა და დაპირებები მართვის სისტემის დეპოლიტიზაციას, კერძო სექტორის სახელისუფლებო წნეხისგან გათავისუფლებას, ადამიანის უფლებების დაცვის მხრივ არსებული მდგომარეობის გამოსწორებას და მოქალაქეთა ცხოვრების ხარისხის გაუმჯობესებას ითვალისწინებდა.


„ქართული ოცნების“ მმართველობის თითქმის 8 წლიანი პერიოდი „კომერსანტთან“ „ახალი საქართველს“ თავმჯდომარემ გიორგი ვაშაძემ შეაფასა და ის ძირითადი ეკონომიკური მოვლენები გამოყო, რომლებმაც ქვეყნის განვითარების შეფერხებაზე მნიშვნელოვანი გავლენა მოახდინეს.


„არ არსებობს სფერო, სადაც წინსვლა გვაქვს. მაგალითად, ავიღოთ ენერგეტიკა, 80%-ით გაიზარდა მოხმარება და ფაქტობრივად არ გაზრდილა ქვეყნის შიგნით წარმოების პოტენციალი, ჩვენ თვითონ არ ვაწარმოებთ, შესაბამისად, კიდევ უფრო გავხდით იმპორტზე დამოკიდებული. ასევე გეგმავდნენ საქართველოს ლოჯისტიკურ ჰაბად ქცევას, მაგრამ სატრანსპორტო ლოჯისტიკის რეიტინგებში 40 ადგილით დავქვეითდით, უკრაინის და სომხეთის რკინიგზა უფრო კარგ შეფასებებს იმსახურებს ვიდრე ქართული, რადგან ტვირთბრუნვა დაეცა. რეგიონების განვითარების კუთხით ხომ საერთოდ არაფერი გაკეთებულა, ფაქტობრივად, მიტოვებულია ქალაქები და რაიონები ყოველგვარი სტრატეგიის გარეშე. სამუშაო ადგილები საჯარო სექტორში გაიზარდა და კერძო სექტორში წლიდან-წლამდე ან იგივე რჩება ან მცირდება. ლარის კურსი გაუბედურებულია, ხოლო საგარეო ასპარესზე სულ უფრო გვლანძღავენ და გვაკრიტიკებენ. ასოცირების შეთანხმებასაც კი უკვე საფრთხე დაემუქრა და ყოველმხრივ უმძიმეს ვითარებაში ვართ“, - აცხადებს გიორგი ვაშაძე.


მისივე თქმით, იმის გამო რომ ქვეყანაში ახალი არაფერი კეთდება და საბანკო სფეროში მონოპოლიაა, ინვესტიციების მოზიდვას დიდი პრობლემები ექმნება. გარდა ამისა, ტურიზმის და სოფლის მეურნეობის კუთხითაც სავალალო მდგომარეობაა.



„ქვეყანაში ახალი რომ არაფერი კეთდება ინვესტიციებსაც დაეტყო და უკვე სერიოზული ჩამოშლაა, მას გასულ წელს ყველაზე მეტად კორუფციამ და ნეპოტიზმმა დაარტყა. ქვეყანაში ბიზნესს ვერ გააკეთებ, თუ „ქართული ოცნების“ ლიდერებთან არ გაქვს შეთანხმებული, ამიტომ ინვესტიცია ასეთ სიტუაციაში არ შემოვა. საბანკო სექტორში კი ბაზარი 2 ბანკს აქვს მონოპოლიზირებული, გარდა ამისა ჩვენ არცერთი საერთაშორისო ტრენდული ბანკი არ გვყავს ქვეყანაში და ეს ინვესტიციების მოზიდვას დიდ პრობლემებს უქმნის. ტურიზმი კი რომელიც ითვლებოდა, რომ ვითარდებოდა - საშინელ კრიზისში შევიდა, იმიტომ რომ ნაკადების ზრდა მიზერულია, მაშინ როცა სასტუმრო ოთახების რაოდენობა ძალიან სწრაფად იმატებს. სოფლის მეურნეობაში მილიარდები დაიხარჯა და შედეგი ნულია, რადგან 207 ათას ჰექტარს როგორც ვამუშავებდით ისევ იგივეს ვამუშავებთ, ფაქტიურად მილიარდები გადაიყარა წყალში და სოფელში მცხოვრები ადამიანების გამომუშავება ისევ 57 ლარია ანუ ფაქტობრივად თუ ამას ლარის გაუფასურებას დავამატებთ - მკვეთრად შემცირდა. ეკონომიკური განვითარებისთვის მოსახლეობის რიცხოვნობას განსაკუთრებული და გადამწყვეტი მნიშვნელობა აქვს. დემოგრაფიული კუთხით უფრო და უფრო მცირდება საქართველოში მოსახლეობა და ძალიან დიდი ემიგრაცია გვაქვს. ძალიან ბევრი სფეროა კრიზისში და ვითარება სულ უფრო უარესდება“, - განმარტავს გიორგი ვაშაძე.


რამდენიმე თვის წინ კი „ქართულმა ოცნებამ“ განვლილი მმართველობის წლები ასე შეაფასა: კონსტიტუციური რეფორმა, სასამართლო რეფორმა, ძალოვანი სტრუქტურების რეფორმა, მედიის, ბიზნესის და საზოგადოებრივი ორგანიზაციების თავისუფლება, დემოკრატიის, საჯაროობის, მართვის გამჭვირვალობა, სოციალური პასუხისმგებლობა, ევროპული და ევროატლანტიკური ინტეგრაცია. მათივე განცხადებით, დღეს მიღწეულია დემოკრატიის მაღალი სტანდარტი და ამის კიდევ ერთი დასტურია მიმდინარე საკონსტიტუციო პროცესი, რომელიც 2020 წლის საპარლამენტო არჩევნების პროპორციული სისტემით ჩატარებას ისახავს მიზნად.


ამ განცხადების გამოქვეყნებიდან რამდენიმე თვეში, „ქართული ოცნების“  35-მა დეპუტატმა პროპორციული საარჩევნო სისტემის კანონპროექტს, რომლის ინიციატორიც თვითონ იყვნენ, ხმა არ მისცა და ბიძინა ივანიშვილის მთავარი დაპირება არ შესრულდა, 2020 წლის არჩევნები პროპორციული არ იქნება.


ნინო თამაზაშვილი





კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...

2019 წელს ტელევიზიების ჯამური შემოსავალი 13.9%-ით გაიზარდა

2019 წელს ტელევიზიების ჯამური შემოსავალი 13.9%-ით გაიზარდა
access_time2020-07-11 18:00:17
ტელევიზიების ჯამური შემოსავალი 2019 წელს, წინა წელთან შედარებით, 11.3 მლნ ლარით (13.9%) გაიზარდა. ამის შესახებ „საერთაშორისო გამჭვირვალობა - საქართველოს” მიერ გამოქვეყნებულ კვლევაშია...

რას ხედავენ ამერიკელები საქართველოში და ვის მოეთხოვება "ჭკუით მოქცევა"

რას ხედავენ ამერიკელები საქართველოში და ვის მოეთხოვება
access_time2020-07-11 16:00:42
რისი მანიშნებელია ამერიკის საბიუჯეტო კანონპროექტის ჩანაწერი საქართველოსთვის შესაძლო სასჯელის დაწესების თაობაზე? რისი მანიშნებელია ოლიგარქებისა და არაფორმალური მმართველობის ხსენება თანდართულ განმარტებებში? არის ეს დიდი სურათის ნაწილი თუ მხოლოდ ცალკეული კონგრესმენების იდეებია? აქვს ...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...


მსგავსი სიახლეები

up