რეგულაციების გამკაცრებით ქვეყანა ავტოსასაფლაოდ არ უნდა გადაიქცეს

რეგულაციების გამკაცრებით ქვეყანა ავტოსასაფლაოდ არ უნდა გადაიქცეს

access_time2018-07-12 19:00:49

„ქვეყანაში ძველი მანქანების შემოდინება უნდა შეფერხდეს როგორც ეკოლოგიის  ასევე კომერციული თვალსაზრისით“ - ასე ეხმაურება „კავკასიის ავტოიმპორტის დირექტორი გიორგი სურგულაძე  მამუკა ბახტაძის განცხადებას დაბალი სტანდარტების იმპორტის აკრძალვასთან დაკავშირებით. მისი თქმით, ინიციატივა მნიშვნელოვანი და დროულია. სურგულაძეს 2006 წელზე ქვევით მანქანების ქვეყანაში შემოყვანა მიზანშეწონილად არ მიაჩნია.

 

„ჩვენმა მეზობლებმა ყველამ მიიღო „ევრო 5“ -ის კანონი, საქართველში ეს სტანდარტი არ არის, რაც რეექსპორტს აფერხებს. თუ ერთი და იგივე სტანდარტში მოვექცევით, ეს კიდევ უფრო წაახალისებს და გაზრდის რეექსპორტს რომელიც, ახლა ძალიან გაზრდილია. დაბალი სტანდარტების მანქანების რიცხვი ისეთი მაღალი არ არის, როგორიც ადრე იყო. ეს განპირობებულია განბაჟების ტარიფების ცვლილებით,“ - აცხადებს გიორგი სურგულაძე.   

 

„კავკასიის ავტოიმპორტის დირექტორი იმ ეკოლოგიურ საფრთხეებზე საუბრობს, რომლის წინაშეც შესაძლოა საქართველო აღმოჩნდეს.

 

„მნიშვნელოვანი ფაქტია ის, რომ ევროპაში უახლოეს თვეებში დიზელის აკრძალვა მოხდება, ანუ პრაქტიკულად დიზელის ყიდვა-გაყიდვა და დიზელის მანქანით სარგებლობა დიდი ალბათობით აიკრძალება. ეს მანქანები კი აღმოსავლეთ ევროპის ქვეყნებს მოაწყდება. ხელისუფლებამ ეს კანონმდებლობა სწრაფად თუ არ დაახვედრა, დიზელთან მიმართებაში მოკლე დროში გარემოსთვის სერიოზულ ზიანს მივიღებთ“, - აღნიშნავს გიორგი სურგულაძე.

 

მისი თქმით, ცვლილებები იმ ადამიანებისთვისაც მისაღები იქნება, ვინც ძელი მანქანების შემოყვანით არის დაკავებული.


 

„დღეს ვინც მუშობს ავტომობილების ყიდვა-გაყიდვაზე, ყველა მოერგება ახალ სტანდარტს. საბოლოო ჯამში, ვისაც დღეს ძველი მანქანები შემოჰყავს და ამითი აკეთებს ბიზნეს, იძულებული იქნება გადაეწყონ ახალ სტანდარტზე, რაც საბოლოო ჯამში მისთვისაც კარგი იქნება, რადგან რეგიონის მიმართულებით დაიწყებს მუშაობას  და მარტო საქართველოს ბაზარზე არ იქნება  ორიენტირებული. ასევე  მნშვნელოვანია ჩვენი ეკონომიკისთვისაც , რადგან უცხოური ვალუტა ქვეყანაში დარჩება“, - განაცხადა გიორგი სურგულაძე.

 

გიორგი სურგულაძის მოსაზრებას ეთანხმება ეკონომიკის ექსპერტი რატი აბულაძე. თუმცა, მისი თქმით,  ქვეყანაში კანონები მოსახლეობის კეთილდღეობის ზრდის პარალელურად უნდა გამკაცრდეს, წინააღმდეგ შემთხვევასი მივიღებთ უმუშევართა არმიას.

 

„იმპორტის შეზღუდვა ისეთივე მტკივნეული საკითხი არ იქნება, როგორც ტექნიკური დათვალიერების გამკაცრების პოლიტიკა. ტექნიკური დათვალიერების მოთხოვნები მკაცრი არ უნდა იყოს.   არსებული საავტომობილო პარკის ერთი ხელის მოსმით შეცვლით  ქვეყანა ავტო სასაფლაოდ არ ინდა იქცეს.  ძველი მანქანის მფლობელები, რომელთა დიდი ნაწილისათვის მანქანა არის ოჯახის რჩენის საშუალებაა, პოლიტიკამ არ უნდა გააკოტროს. ბუნებრივია, ყველას უნდა ახალი მანქანა, მაგრამ რისი საშუალებაც აქვს იმას იძენს“, -  განაცხადა რატი აბულაძემ

 

ეკონომიკის დოქტორი აცხადებს, რომ აღნიშნული გადაწყვეტილებით, ქვეყანა  შემცირებულ იმპორტს  და განახლებულ საავტომობილო პარკს მიიღებს. მისი თქმით, რეგულაციები სატრანსპორტო პოლიტიკას მოაწესრიგებს შედეგად კი გადატვირთული გზები  განიტვირთება. აბულაძე იმ უარყოფით მხარეებს ამახვილებს ყურადღებას რომელიც შესაძლოა ინიციატივის მოჰყვეს.

 

„რეგულაციების შედეგად ბაზარი თავისუფალი გახდება მხოლოდ მსხვილი ავტოდილერებისთვის და „განთავისუფლებული“  - მცირე კაპიტალით მოქმედი ავტო დილერებისგან. სოციალურ-ეკონომიკური ფაქტორებიდან გამომდინარე, ქვეყანაში გვყავს იაფფასიანი მანქანების მომხმარებელთა დიდი სეგმენტი და ძვირადღირებული მანქანების მსყიდველოუნარიანი მცირე სეგმენტი. შესაბამისად, ბაზრის მსყიდველობითუნარიანობისა და ავტოდილერების მცირე საბრუნავი კაპიტალის ფონზე (მათი დიდი ნაწილი ოჯახებს   არჩენს  ხანდაზმული და დაბალ ფასიანი მანქანების იმპორტით) კიდევ ერთი სეგმენტი დაემატება უმუშევართა არმიას, რაც ისევ ბიუჯეტს დააწვება ტვირთად“, - აცხადებს რატი აბულაძე.

 

ბაჩო ადამია




უორენ ბაფეთმა კიდევ $2,9 მილიარდის დონაცია განახორციელა, ხოლო 2006 წლიდან მისი მთლიანი შემოწირულობა $37 მილიარდს უტოლდება

უორენ ბაფეთმა კიდევ $2,9 მილიარდის დონაცია განახორციელა, ხოლო 2006 წლიდან მისი მთლიანი შემოწირულობა $37 მილიარდს უტოლდება
access_time2020-07-12 18:58:27
უორენ ბაფეთმა კიდევ $2,9 მილიარდი დოლარის დონაცია განახორციელა, 2006 წლიდან კი მისმა მთლიანმა შემოწირულობამ $37 მილიარდი შეადგინა, - ამის შესახებ ინფორმაციას...

Oxfam-ი: მსოფლიოში შიმშილით მეტი ადამიანი დაიღუპება, ვიდრე - კორონავირუსით

Oxfam-ი: მსოფლიოში შიმშილით მეტი ადამიანი დაიღუპება, ვიდრე - კორონავირუსით
access_time2020-07-12 17:00:05
მსოფლიოში კორონავირუსის პანდემიით გამოწვეული შიმშილით უფრო მეტი ადამიანი დაიღუპება, ვიდრე კორონავირუსით. პროგნოზს...

რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს

რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს
access_time2020-07-12 13:00:24
ჯერ კომუნიკაციის სფეროში გასატარებელი სკანდალური ცვლილებები არაა მონელებული და მთავრობამ მორიგი ანტისაბაზრო კანონპროექტი შემოაგდო ორშაბათის ბიუროზე," - ამის შესახებ ფრაქცია "ნაციონალური მოძრაობის"...

Handelsblatt: მეგაპოლისებს სულ უფრო მეტი ამერიკელი ტოვებს

Handelsblatt: მეგაპოლისებს სულ უფრო მეტი ამერიკელი ტოვებს
access_time2020-07-12 20:00:18
  სულ უფრო მეტი ამერიკელი დიდი მეგაპოლისების დატოვებას და შედარებით მცირე ქალაქებში დასახლებას ცდილობს.   ამ ტენდენციის ძირითადი მიზეზებია პროვინციაში ცხოვრების უფრო მაღალი ხარისხი და შედარებით იაფი უძრავი ქონება.   ეს ტრენდი უკვე წლებია არსებობს, თუმცა პანდემიამ ის კიდევ უფრო გაძლიერა - დღეს უკვე დისტანციური მუშაობის საშუალება გაჩნდა, და ამავე დროს კორონავირუსის ძირითადი ეპიცენტრები  სწორედ მსხვილი მეგაპოლისები...

როგორ დავიცვათ თავი კორონავირუსისგან ტრანსპორტში და ოფისებში?

 როგორ დავიცვათ თავი კორონავირუსისგან ტრანსპორტში და ოფისებში?
access_time2020-07-12 14:00:21
ზაფხულია და კონდიციონერების გამოყენების საკითხი ძალიან აქტუალური გახდა - პანდემიის პერიოდში ეს არც თუ ისე უსაფრთხო სიამოვნებაა, განსაკუთრებით, დახურულ სივრცეში - მაგალითად, საზოგადოებრივ ტრანსპორტში და ოფისებში.   როგორც ჩანს, დახურული სივრცე კორონავირუსის გავრცელებას ხელს განსაკუთრებით უწყობს. ჩინეთში ჩატარებულმა კვლევამ ცხადყო, რომ 120 ქალაქში დაფიქსირებული 318 კლასტერიდან ღია სივრცეში მხოლოდ 1 დაფიქსირდა, შესაბამისად, ცხადი ხდება, რომ დაინფიცირების...


მსგავსი სიახლეები

up