ქვეყანაში არსებული 1,2 მლნ ავტომობილიდან ახალი მხოლოდ 50 ათასია

ქვეყანაში არსებული 1,2 მლნ ავტომობილიდან ახალი მხოლოდ 50 ათასია

access_time2016-06-09 15:40:08

საქართველოში ავტომობილების რაოდენობა საოცარი სისწრაფით მატულობს. როგორც გაზეთი "რეზონანსი" წერს, ბოლო მონაცემებით, მანქანების რაოდენობა ქვეყანაში 1,2 მლნ-ს აღწევს. წლის დასაწყისში ეს მაჩვენებელი 1,1 მლნ-ს არ აღემატებოდა. ბუნებრივია, ამ სტატისტიკაში იგულისხმება გაჩერებული და ამორტიზებული მანქანებიც, რომლებიც საერთო ავტოპარკის დაახლოებით 10%-ს შეადგენს.


სპეციალისტების ინფორმაციით, ავტომობილების რიცხვის მატება გამოწვეულია მარჯვენასაჭიანი მანქანების იმპორტის გააქტიურებით. როგორც ექსპერტები ამბობენ, ამ კატეგორიის სატრანსპორტო საშუალებების რეექსპორტი, იშვიათი შემთხვევის გარდა, არ ხოციელდება და მათი უმეტესობა საბოლოოდ ადგილობრივ ბაზარზე რჩება.


დაახლოებით 400 000-მდეა იმ მანქანების რიცხვი, რომელთა ასაკი 20 წელს აღემატება. ტრანსპორტისა და გზების ასოციაციის ხელმძღვანელ დავით მესხიშვილის განმარტებით, ეს არის ის კატეგორია, რომელთაც ტექდათვალიერების გავლა გაუჭირდება. დამატებით 400 000-ზე მეტია 10-დან 20 წლამდე ასაკის ავტომობილიც. რაც შეეხება სრულიად ახალ მანქანებს (0-დან 3 წლამდე), მათი ოდენობა 50 ათასს არ აღემატება, რაც ძალიან დაბალი მაჩვენებელია.


მესხიშვილის აზრით, საქართველოში აუცილებელია საზოგადოებრივი ტრანსპორტის განვითარება და პარალელურად ხალხის წახალისებაც.


"ავტომობილების ჭარბი რაოდენობა სულაც არ ნიშნავს, რომ ქვეყანაში ეკონომიკური მდგომარეობა გაუმჯობესდა. ეს არის შედეგი იმისა, რომ დარგი არასწორი მიმართულებით ვითარდება. მანქანების უმეტესობა განკუთვნილია იმისათვის, რომ ადამიანებმა მცირე შემოსავალი მიიღონ.


მნიშვნელოვანია ის გარემოებაც, რომ საზოგადოებრივი ტრანსპორტიც არასწორად ვითარდება. ევროპაში ამ მხრივ სერიოზული ღონისძიებები ტარდება. მაგალითად, ავტომობილების რაოდენობის შესამცირებლად ბელგიის მუნიციპალიტეტმა თანამშრომლებს საზოგადოებრივ ტრანსპორტზე უფასო ბილეთები დაურიგა. შედეგად მიიღო ის, რომ ერთმა ავტობუსმა დაახლოებით 100 მანქანა გააჩერა", - აცხადებს მესხიშვილი.


მანქანების რეგისტრაციასთან დაკავშირებით კვლევა ბოლოს ახალგაზრდა ფინანსისტთა და ბიზნესმენთა ასოციაციამ ჩაატარა. როგორც კომპანიაში განმარტავენ, ამ ეტაპისთვის მანქანების რაოდენობა 1,2 მილიონს აღწევს, რაც საგანგაშო სტატისტიკაა.



აფბა-ს ანალიტიკოსი პაატა ბაირახტარი ამბობს, რომ მოსალოდნელი რეგულაციის მიუხედავად, კატასტროფულად მატულობს მარჯვენასაჭიანი მანქანების იმპორტიც.


"საქართველოს ავტოპარკი უმძიმეს მდგომარეობაშია, რაც დღეს ამ ბაზარზე ხდება, სრული ბაკქანალიაა, თამამად შემიძლია ასე ვუწოდო. ფაქტობრივად, მანქანის ყიდვა შეუძლია ყოველ მეორე და მესამე მოქალაქეს, ეს პროცესი ძალიან გამარტივებულია. გარდა ამისა, ავტოპარკის 30%-ზე მეტი ამორტიზებული მანქანაა, 20-25 წელს გადაცილებული.


რაც შეეხება უმოძრაო მანქანების ჩამოწერაზე საუბარს, ეს პროცესი ტექდათვალიერების გარეშე კანონზომიერი არ იქნება, ამას სჭირდება გარკვეული პროცედურა. ყველაზე იოლი გამოსავალი სრული ტექდათვალიერების სისტემის შექმნაა, ცხადია, იგი უნდა იყოს გამჭვირვალე და 

 

ევროპულ სტანდარტთან მიახლოებული.რაც შეეხება ზოგადად ბაზარს, ავტოპარკი არის გადატვირთული, რამდენადაც ქვეყანაში შემოდის განუსაზღვრელი რაოდენობის ავტომობილები, რასაც ხელს უწყობს მარჯვენასაჭიანების იმპორტის ასევე წარმოუდგენელი სისწრაფით ზრდა. ყოველწლიურად გვაქვს მზარდი ტენდენცია და ვიღებთ საგანგაშო სურათს, რაც დღესაა", - განმარტავს ბაირახტარი.


ის ასევე პარტნიორ ქვეყნებზეც საუბრობს და აღნიშნავს, რომ მარჯვენასაჭიანი ავტომანქანები, ძირითადად, ქვეყნის შიგნით რჩება და რეექსპორტზე არ გადის.


"მარჯვენასაჭიანი ავტომობილების შეძენით დიდად არ არიან დაინტერესებული ჩვენი სავაჭრო პარტნიორი ქვეყნები. აზერბაიჯნაში, რომელიც დღემდე ერთ-ერთი მთავარი საექსპორტო მიმართულებაა, საერთოდ აკრძალულია მარჯვენასაჭიანი ავტომობილების შეყვანა.


რაც შეეხება სომხეთს, მართალია, ქვეყანაში მარჯვენასაჭიანი ავტომობილების შეყვანა კანონით არ იკრძალება, მაგრამ იგი გაწევრიანებულია საბაჟო კავშირში, რაც, ფაქტობრივად, უკეტავს არაწევრი ქვეყნებს ბაზარს", - განმარტავს აფბა-ს ანალიტიკოსი.


იმპორტიორების ინფორმაციით, მიმდინარე წლის პირველ კვარტალთან შედარებით, მარტო აპრილ-მაისში მანქანების იმპორტი 7-8%-ით არის გაზრდილი.


სატრანსპორტო სფეროს სპეციალისტი, კომპანია "რობანო მოტორსის" თანადამფუძნებელი ელგუჯა ჯამაგიძე განმარტავს, რომ იმპორტის ზრდა სეზონური ცვლილებით არის გამოწვეული და ტენდენცია ამ მხრივ გვიან შემოდგომამდეც შენარჩუნდება.


"მანქანების შემოყვანის სწრაფი ტემპი შეიძლება ცოტათი შენელდეს ზაფხულში, მაგრამ არსებული ტენდენცია დიდად არ შეიცვლება. შეიძლება ითქვას, რომ შემოდგომის ბოლომდეც შენარჩუნდება.


ეს გამოწვეულია იმით, რომ დიდია იაფი მანქანების რეალიზაცია. შემთხვევითი არაა, რომ ქვეყანაში ყველაზე კარგად 2000-დან 4000 დოლარამდე ღირებული მანქანები იყიდება. ამდენად, სტატისტიკაც მზარდია.


ბოლო მონაცემებით, მანქანების რაოდენობა ქვეყანაში 1,2 მილიონამდეა. მართალია, ამ მაჩვენებელში ამორტიზებული მანქანებიც შედის, მაგრამ ამას არსებითი მნიშვნელობა არ აქვს, სანამ ამ კატეგორიის ავტოსატრანსპორტო საშუალებების ჩამოწერა არ მოხდება", - აცხადებს ელგუჯა ჯამაგიძე.




რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა

რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა
access_time2021-08-02 16:00:48
საქართველოში თხილის მოსავლის აღება მომავალი კვირიდან იწყება. გასული სეზონი აღდგენითი ხასიათის იყო, როდესაც ბოლო 5 წლის განმავლობაში ყველაზე მაღალმოსავლიანობა იყო (33 000 ტ). მეწარმეები მიმდინარე სეზონზე კიდევ უფრო მეტ მოსავალს ელიან, თუმცა მსოფლიო ბაზარზე წარმატების მისაღწევად თხილის ხარისხის გაუმჯობესებაა აუცილებელი. EastFruit–ის ქართული ჯგუფი ბლაი ლორტ მარტის ესაუბრა, აგრონომსა და ტექნოლოგიების სპეციალისტს, FRUSESA, BAIN BORGES International Group–ის ყოფილ...

ცესკოს თავმჯდომარე 6 თვით გიორგი კალანდარიშვილი იქნება

ცესკოს თავმჯდომარე 6 თვით გიორგი კალანდარიშვილი იქნება
access_time2021-08-02 13:55:18
საქართველოს ცენტრალური საარჩევნო კომისიის თავმჯდომარე 6 თვით გიორგი კალანდარიშვილი იქნება. პარლამენტმა ის მეოთხე მცდელობაზე დღეს, 2 აგვისტოს აირჩია. კალანდარიშვილის კონკურენტმა გიორგი სანტურიანმა ხმების საჭირო რაოდენობა ვერ მოაგროვა. გიორგი კალანდარიშვილის კანდიდატურას 83 მომხრე და 3 წინააღმდეგი ჰყავდა;გიორგი სანტურიანს კი 4 მომხრე და 1 წინააღმდეგი.დღესვე ცესკოში პროფესიული ნიშნით ორი წევრი აირჩიეს, გია ცაცაშვილი და მაია ზარიძე. წევრობის...

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს
access_time2021-08-02 14:00:48
ტურიზმის სამნიშნა პროცენტული ზრდის ფონზე, ამერიკის შეერთებული შტატების სახელმწიფო დეპარტამენტი საკუთარ მოქალაქეებს კოვიდის გამო საქართველოში მოგზაურობისგან თავის შეკავებიკენ მოუწოდებს. დამატებით რისკებად კი შესაძლო ძალადობის შემთხვევებს ასახელებს. გასათვალისწინებელია ის ფაქტიც, რომ ანგარიში 16 ივნისითაა დათარიღებული, მაშინ როცა კოვიდის შემთხვევათა 7 დღის საშუალო მაჩვენებლი 704-ს შეადგენდა და უცხოელებზე თავდასმხებიც არ იყო გახშირებული. ივნისში ვიზიტორების რაოდენობა, გასული წლის...

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა
access_time2021-08-02 15:00:10
სამხრეთ კავკასიის მილსადენის ტექნიკური ოპერატორის როლი კომპანია ბი-პი ექსპლორეიშენ (შაჰ დენიზ) ლიმიტედმა კომპანია სოკარ მიდსთრიმ ოპერეიშენს ლიმიტედს გადააბარა. სამხრეთ კავკასიის მილსადენი ერთ-ერთია სამხრეთის გაზის კორიდორის ოთხი სეგმენტიდან, რომელიც ემსახურება ბუნებრივი გაზის ექსპორტს აზერბაიჯანიდან თურქეთსა და ევროპაში საქართველოს გავლით. სოკარ მიდსთრიმ ოპერეიშენს ლიმიტედი კი სოკარის შვილობილი კომპანიაა. ტექნიკური ოპერატორობის გადაცემა...

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი
access_time2021-08-02 13:00:52
„სეისმურ ინფორმაციაზე ხელმისაწვდომობა შეზღუდულია და დაინტერესებული მეცნიერებისა თუ პოტენციური ინვესტორებისთვის ის, პრაქტიკულად, დახურულია“, -ამის შესახებ სპეციალურ ბრიფინგზე არასამთავრობი ორგანიზაცია „ახალგაზრდა ადვოკატების ასოციაციის“  ხელმძღვანელმა, არჩილ კაიკაციშვილმა განაცხადა. აღნიშნული პრობლემის გადაჭრისკენ მან ილიას სახელმწიფო უნივერსიტეტის რექტორ გიგა ზედანიას მოუწოდა. სწორედ ილიუნის ერთეულია „დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი“,...


მსგავსი სიახლეები

up