ორი მიზეზი, რის გამოც ქუთაისის ტექნოლოგიურ უნივერსიტეტში სტუდენტების მიღება ერთი წლით გადაიდო

ორი მიზეზი, რის გამოც ქუთაისის ტექნოლოგიურ უნივერსიტეტში სტუდენტების მიღება ერთი წლით გადაიდო

access_time2019-05-24 11:00:32

“ქუთაისისთვის ისტორიული საგანმანათლებლო კერის დაბრუნების იდეა ბატონ ბიძინა ივანიშვილს ეკუთვნის... აქ შეიქმნება ყველა ის კომფორტი, რაც მსოფლიოს საუკეთესო უნივერსიტეტებშია“.


ეს განცხადება ყოფილმა პრემიერ-მინისტრმა გიორგი კვირიკაშვილმა ჯერ კიდევ  ქუთაისის საუნივერსიტეტო ქალაქის პროექტის პრეზენტაციაზე, 2016 წლის 8 ოქტომბრის არჩევნებამდე, 27 დღით ადრე გააკეთა.



ორი თვის წინ „კომერსანტი“ ახალი უნივერსიტეტის შესახებ წერდა, სადაც ოპოზიცია აცხადებდა, რომ მშენებლობა ჭიანურდებოდა, თუმცა ცოტა ხნის წინ სამუშაოები გააქტიურდა. ამიტომ დეტალების გარკვევას შევეცადეთ - მანამდე გეტყვით, რომ მთავრობის მიერ დაანონსებული ინფორმაციით, უნივერსიტეტს სტუდენტთა პირველი ნაკადი 2019 წელს უნდა მიეღო და ის ჯამში 60 000 ახალგაზრდაზე იქნებოდა გათვლილი.


დღეს, ადგილზე მისული  ნებისმიერი დაინტერესებული პირი, მიმდინარე სამუშაოების მიხედვით, მარტივად შენიშნავს, რომ დათქმულ ვადებში სწავლა ნამდვილად ვერ დაიწყება.




რა გახდა პროექტის გაჭიანურების და მშენებლობის დასრულების გადავადების მიზეზი   ჩვენს კითხვებს უნივერსიტეტის რექტორის მოვალეობის შემსრულებელმა თემურ მურღულია უპასუხა.


მისი თქმით, სამუშაოები აქტიურ ფაზაშია, თუმცა პროექტი დაგეგმილ ვადებში  ორი მიზეზის გამო ვერ დასრულდება:


 „პირველი ეს არის ის, რომ გერმანელ პარტნიორებთან თანამშრომლობამ გამოავლინა ბევრი ფაქტორი: როგორი უნდა იყოს პროექტი, რა დეტალებია გასათვალისწინებელი, ხოლო მეორე მიზეზი - პროექტის მასშტაბის ზრდაა. დაემატა ახალი ფაკულტეტები და მიმართულებები, რამაც შესაბამისი დამატებითი სივრცეების გაჩენის აუცილებლობა გააჩინა. ამ ყველაფრის გამო ვადებმა გადაიწია. რაც შეეხება სამუშაოების ნაწილს, ამჟამად 4 ზონა კეთდება. აქედან  სამი უნივერსიტეტის საოპერაციო კორპუსებია და ერთიც საერთო საცხოვრებელი“.



2017 წლის ივნისში, საქარველოს განათლებისა და მეცნიერების მინისტრის მოადგილემ, თეიმურაზ მურღულიამ და მიუნხენის საერთაშორისო ტექნიკური უნივერსიტეტის მმართველმა დირექტორმა, დანიელ გოტშალდმა შეთანხმებას მოაწერეს ხელი. დოკუმენტის თანახმად, ქუთაისის უნივერსიტეტის სასწავლო და კვლევითი პროგრამების შემუშავების და მართვის, სამეცნიერო და ადმინისტრაციული პერსონალის შერჩევის პროცესში, TUM International-ის ხარისხის მართვის სტანდარტები იქნება გამოყენებული. გერმანელი სპეციალისტები ქართველ არქიტექტორებს უნივერსიტეტის ინფრასტრუქტურის დაგეგმარებაში დახმარებასაც დაპირდნენ.





ოფიციალური განცხადება, მედიისთვის ნებისმიერი საინტერესო საკითხის დაზუსტება და პროექტის ფარგლებში დაგეგმილი ცვლილებების დეტალები თემურ მურღულიას თქმით, ივნისის ბოლოს გახდება ცნობილი. სწორედ ამ დროს დაგეგმილია მთავარი ღონისძიება, სადაც პროექტის კიდევ ერთი პრეზენტაცია გაიმართება.


შეგახსენებთ, რომ ქუთაისის ტექნოლოგიური უნივერსიტეტის მასშტაბური პროექტის  პირველი ფაზა 2020 წლის აგვისტოში უნდა დასრულდეს, მანამდე კი სტუდენტების მიღება იგეგმება. უნივერსიტეტი მუხნარის ტყის მიმდებარე ტერიტორიაზე შენდება და  ხუთსართულიანი იქნება. მისი სიგრძე 200 , სიგანე კი 150 მეტრია.




ქუთაისის ტექნოლოგიური უნივერსიტეტის პროექტის ჯამური ინვესტიცია 500 მილიონი ევროა . პროექტს ბიძინა ივანიშვილის „ქართუ ფონდი“ აფინანსებს.




სალომე ლემონჯავა





The Wall Street Journal: ნავთობი სწრაფად ძვირდება

The Wall Street Journal: ნავთობი სწრაფად ძვირდება
access_time2021-03-08 20:30:41
OPEC+-მა ახალ შეთანხმებას მიაღწია, რომელიც მოკლევადიან პერიოდში ნავთობის ბაზარზე მნიშვნელოვან გავლენას მოახდენს - ალიანსის ქვეყნები მოპოვების მაჩვენებელს უცვლელად დატოვებენ. გამონაკლისის სახით, რუსეთს და ყაზახეთს ჯამური მოპოვების დღე-ღამეში 150 000 ბარელით გაზრდის უფლება მიეცა.შესაბამისად, პადნემიამდელ პერიოდთან შედარებით მოპოვების შემცირდება 6,9 მლნ. ბარელი იქნება, მაშინ, როდესაც აპრილში ეს მაჩვენებელ 9 მლნ.-ს...

Focus: ევროკავშირის ერთიანობა ვაქცინაციას ეწირება

Focus: ევროკავშირის ერთიანობა ვაქცინაციას ეწირება
access_time2021-03-08 19:00:31
ევროკავშირის ერთიანი ვაქცინაციის ფრონტი, არასაიმედოობის გამო, იშლება - სულ უფრო ხშირად სხვადასხვა ქვეყნები ინიციატივას საკუთარ თავზე იღებენ. ეს არა მხოლოდ ვაქცინაციის პრობლემებთან, არამედ ევროკავშირში ძალის ახალი ცენტრების გამოჩენასთანაცაა დაკავშირებული.კერძოდ, ავსტრია და დანია ისრაელთან ე.წ.  სავაქცინო ალიანსის შექმნას გეგმავენ. ევროკავშირის რეაქცია ამ დემარშზე მოზომილი იყო - ევროკომისიის წარმომადგენლის ერიკ მამერის თქმით, „ევროკავშირის...

"კომენდანტის გადაწევის შემთხვევაში შეიძლება რესტორნებს რამე ეშველოს" - გურამ ბაღდოშვილი

access_time2021-03-08 14:30:54
სარესტორნო ქსელ „ჩვენის“ დამფუძნებელი, გურამ ბაღდოშვილი „ბიზნესპარტნიორთან“ რესტორნების შიდა სივრცეებში მუშაობის დღეიდან განახლებას ეხმაურება და აცხადებს, რომ შიდა სივრცეებისთვის გამკაცრებული რეგულაციები ისეთია, რომ შესაძლოა რესტორნების ნაწილი არც გაიხსნას.   „ზოგიერთ რესტორანს შიდა სივრცის ნაწილი ძალიან მცირე აქვს, აქედან გამომდინარე მგონია გახსნა არ უღირს. წარმოიდგინეთ, თუ 50 კვადრატული მეტრის ფართი გაქვს, სულ 5-6 ადამიანის მასპინძლობა შეგიძლია,“ - აცხადებს...

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს
access_time2021-03-08 16:00:00
საქართველოდან ცოცხალი ყვავილების ექსპორტი გაიზარდა, ქვეყანაში იმპორტი კი შემცირდა. კერძოდ, სტატისტიკის ეროვნული სამსახურის მონაცემებით, 2020 წელს საქართველოდან 39 870 აშშ დოლარის ცოცხალი ყვავილები გავიდა, ხოლო 2019 წელს - 28 830 აშშ დოლარის. რაც შეეხება იმპორტს, 2019 წელს საქართველომ 2,531 მლნ დოლარის ყვავილები შეიძინა, ხოლო 2020 წელს - 1,518 მლნ აშშ დოლარის. „ბიზნესპრესნიუსი“ დაინტერესდა, სად ვყიდით და ვყიდულობთ ცოცხალ...

როგორი იქნება გერმანიაში ლეგალურად დასაქმებულების ანაზღაურება?!

როგორი იქნება გერმანიაში ლეგალურად დასაქმებულების ანაზღაურება?!
access_time2021-03-08 12:28:25
საზღვარგარეთ დროებითი დასაქმების მსურველი საქართველოს მოქალაქეებისთვის სარეგისტრაციო პორტალი მიმდინარე წლის 15 თებერვალს ამოქმედდა და გერმანიაში სოფლის მეურნეობის სექტორში, სეზონურ სამუშაოზე ლეგალური დასაქმების მიზნით, საქართველოს 95 000-ზე მეტი მოქალაქე უკვე დარეგისტრირდა.როდის და რა პირობებით შეძლებენ საქართველოს მოქალაქეები გერმანიაში დასაქმებას, როგორია შერჩევის კრიტერიუმები და კიდევ რომელი ქვეყნების დამატება მოხდება...


მსგავსი სიახლეები

up