"საგზაო მოძრაობის წესების დარღვევებზე ჯარიმების ადმინისტრირება არის ძალიან სუსტი"

"საგზაო მოძრაობის წესების დარღვევებზე ჯარიმების ადმინისტრირება არის ძალიან სუსტი"

access_time2017-03-17 12:00:33

სოციალური ფონი ქვეყანაში და საგზაო ჯარიმები? რამდენად ადექვატურია საქართველოში მოქმედი ჯარიმები?რას ცვლის ახალი კანონპროექტი და რა გამოწვევების წინაშე დგას საპატრულო პოლიცია? - ამ და სხვა თემებზე რადიო „კომერსანტის" გადაცემაში „კომერსანტის დროით" „ალიანსი უსაფრთხო გზებისთვის ალიანსის" თავმჯდომარემ ეკატერინე ლალიანშვილმა და ტრანსპორტისა და გზების ასოციაციის ხელმძღვანელმა დავით მესხისშვილმა ისაუბრეს. "კომერსანტი" გთავაზობთ გადაცემის მოკლე ვერსიას. 

 

 

- ბოლოს მომხდარი მოვლენებიდან გამომდინარე, რამდენად ადეკვატურია ჩვენს ქვეყანაში არსებული საჯარიმო სისტემა?

 

 

ეკატერინე ლალიაშვილი: ვერ ვიტყვით, რომ ჯარიმები არის იმდენად დიდი, რომ მისი გადახდა შეუძლებელია, მაგრამ არის ადამიანთა ჯგუფი, რომელთათვისაც მათი გადახდა რთულია. მაგრამ ბათუმში მომხდარი შემთთხვევების დროს ჯარიმებს შორის განსხვავება იყო ძალიან დიდი 10 და 200 ლარი. კომიტეტში პირველ მოსმენაზე თავად შსს-ს წარმომადგენელი საუბრობდა, რომ ეს არის შესაცვლელი, რადგან ჩვენ თბილისშიც გვონია მსგავსი შემთხვევა, როცა პატრულმა დაიყო 200 ლარიანი ჯარიმების გამოწერა და თითქოს ამას კამპანიური ხასიათი ჰქონდა, რამაც დედაქალაქშიც გამოწვია გრაკვეული უკმყოფილება. აქედან გამომდინარე, თავად სამინისტრომაც იცის, რომ ეს არაადეკვატურია. ჯერ ერთი – არ არის სამართლიანი ქვეითის და მძღოლის თანაბარ პირობებში ჩაყენება, იმიტომ, რომ თუ ჩვენ ქვეითის კუთვნილ სივრცეს – ტროტუარს დავიკავებთ, 10 ლარიანი ჯარიმაა და თუ პირველ ზოლში დავაყენებთ და შესაძლოა საერთოდაც არ ვქმნიდეთ ავარიულ სიტუაციას, მაგრამ გავაჩერებთ სხვის სავალ ნაწილზე, ითვალისწინებს 200 ლარიანი ჯარიმას და ამას წყვეტს პოლიციელი. სწორედ სუბიექტური და პირადი გადაყვეტილება იწვევს მძღოლის უკმაყოფილებას. ამიტომ კანონი ისე უნდა დავარეგულიროთ და მე იმედი მაქვს ახალ კანონში ასეც იქნება, რომ ჯარიმები გათანაბრდება, ანუ 10 ლარიანი ჯარიმა ოდნავ აიწევს და 200 ლარიანი შემცირდება, იმიტომ, რომ ჯარიმა უნდა იყოს დარღვევის ადეკვატური და პროპორციული. იმ ქვეყნების გამოცდილებამ, რომლებიც ჩვენზე 30 წლით წინ არიან, გვაჩვენეს გამოცდილება, რომ ჯარიმას უნდა დავუმატოთ საგანმანათლებლო კამპანია.

 

 

- ბათუმის შემთხვევის შემდეგ ბევრმა აღნიშნა, რომ ბათუმში არ აჯარიმებდნენ მანამდე, ასეთი მოსაზრებები გაჟღერდა თბილისთან დაკავშირებითაც, რომ სადაც დასაჯარიმებელია, იქ პატრული არ აჯარიმებს?

 

 

დავით მესხიშვილი: ბათუმში პოლიციის როტაციის შემდეგ, პოლიცია გახდა აგრესიული არა მარტო ამ კონკრეტულ შემთხვევაში. ფაქტია, რომ მათ ჰქონდათ დავალება და როტაციაც, ამიტომ განხორციელდა, რომ ბათუმელები ბათუმელებს ვერ დააჯარიმებდნენ და ამიტომ ჩავიდა გორის შემადგენლობა, რომელიც იყო აგრესიული, ეს მე ჩემი მეგობრებისგანაც ვიცი. იქ არის სუბიექტური მიდგომა და სამწუხაროდ, კანონიც იძლევა იმის შესაძლებლობას, რომ პოლიციელმა გადაწყვიტოს ჯარიმა 10 ლარიანია თუ 200 ლარიანი, აქ აშკარად საზოგადოებასთან ურთიერთობის მიმართულებით პატრული არის გადასამზადებელი.

 

 

ამავე დროს, გამაღიზიანებელია ორმაგი მიდგომა, ჩვენ გვინახავს როგორ აჩერებენ თავად ავტომობილებს საკვების ან სიგარეტის საყიდლად და შემდეგ იგივე ქმედებისთვის სხვას უწერენ ჯარიმას. ეს მიგვანიშნებს, რომ სტრუქტურული პრობლემები გვაქვს საპატრულო პოლიციაში და ყველაფერი არის შესაცვლელი. უნდა ვთქვათ, რომ ჯარიმებთან დაკავშირებით ადმინისტრირება არის ძალიან სუსტი. ჩვენ საერთაშორისო გამოცდილება გვეუბნება, რომ იქ ყველაფერი ხდება უკონტაქტოდ, კომპიუტერიზებულად და მძღოლსა და პატრულს შორის ურთიერთობა დაყვანილია ნულამდე, რაც ამცირებს კონფლიქტების რაოდენობას. ანუ რეფორმა უნდა გულისხმობდეს, რომ საპატრულო პოლიცია უნდა დასდევდეს ქურდს, ყაჩაღს და არა საგზაო მოძრაობის წესების დამრღვევს, თუ რაღაც საოცრებას არ აკეთებს მძღოლი. ჩვენ თბილისშიც ვხედავთ, რომ შემცირებულია რეაგირება და ადმინისტრირება. ჩვენ გვაქვს კამპანიური ხასიათის ადმინისტრირება, რაღაც დარღვევა ერთ დღეს ხდება ძალიან პოპულარული და რაღაც დარღვევები საერთოდ გვავიწყდება.

 

 

ეკატერინე ლალიაშვილი: ასეთი კამპანიური მიდგომა რეალურად არსებობს ევროპის ქვეყნებშიც, თუმცა აქ საუბარია ნასვამ მდგომარეობაში მართვაზე. ასეთი სოციალური თუ აღსრულებითი კამპანიები დაგეგმილია წლის განმავლობაში და ეს ემსახურება ქცევის შეცვლას. ჩვენი კანონის მთავარი მიზანიც იქნება ქცევის შეცვლა როგორც მძღოლის, ასევე პატრულის. თითოეულმა პოლიციელმა უნდა გააცნობიეროს, რომ მათი ურთიერთობა ნებისმიერ დამრღვევთან არის საპატრული პოლიციის რეპუტაცია.

 

 

- ეს კანონპროექტი, რომელიც პირველი მოსმენით დამტკიცდა რეალურად ცვლის თუ არა იმ პრობლემებს, რომლებიც ახსენეთ, პატრულს ექნება კიდევ სუბიექტურად გადაყვეტილების მიღების საშუალება, მძღოლის განათლების დონე იზრდება?

 

 

ეკატერინე ლალიაშვილი: ამ კანონპროექტით უფრო მეტი კამერები იქნება, საშუალება გვაქვს გაუმჯობესდეს ადმინისტრირება, აქ იგულისხმება უკონტაქტო პატრულირებაც, რაც ნამდვილად გვჭირდება. 100 ქულიანი სისტემა გვექნება და მათი ჩამოკლება მოხდება უშუალოდ პატრულის გაჩერებას და დაჯარიმების შემდეგ. აქ კი ჩვენ შეიძლება წავაყდეთ ძალიან დიდ წინაღმდეგობას, რადგან ქულის ჩამოკლება, რითიც შესაძლოა, მძღოლს გამოცდის თავიდან ჩაბარება მოუწიოს, ორმაგ აგრესიას გამოიწვევს, თუ პატრული არ იქნება მზად. ჩვენი რეკომენდაცია იყო, რომელისაც სავარაუდოდ, ნაწილობრივ გაითვალისწინებენ, რომ კამერების საშუალებითაც მომხდარიყო ქულების ჩამოკლება. მაგრამ თუ კამერებმა დააფიქსირა, რომ არის მუდმივად დამრღვევი მძღოლი, ის მოხვდება დამრღვევთა სიაში და ქულებს უკვე პატრული ჩამოაკლებს, თუ ის გაფრთხილების შემდეგ განაგრძობს დარღვევებს. ანუ ჩვენ ისევ პატრულის ხელში ვრჩებით და ამისთვის უნდა მოემზადოს პატრული.

 

დავით მესხიშვილი: მეც ვარ ამ კანონპროექტის ერთ-ერთი მხარდამჭერი, თუმცა ვხედავ ძალიან ბევრ გამოწვევას. ამ კანონით ჩვენ რეალურად მივიღებთ, რომ მოკლევდიან პერიოდში ავტოსაგზაო შემთხვევების რაოდენობა შემცირდება. ამასთან, ჩვენ ამით შევამცირებთ იმ დარღვევების რაოდენობასაც, რომლებიც რეალურად იყიდებოდა, იმიტომ, რომ ადამიანები, ვისაც ჰქონდა ფული, არღვევდნენ და შემდეგ იხდიდნენ ჯარიმებს და ასეთი მძღოლების რაოდენობა საკმოდ დიდია. თუმცა არის ბევრი ჩანაწერი, რომელსაც არ ვეთანხმები, საგზაო მოძრაობის კანონი საერთოდ თავიდან არის დასაწერი. ამ ცვლილებების შემდეგ, თუ პოლიცია არ გადამზადდება, ჩვენ შეიძლება მივიღოთ ბათუმის მსგავსი შედეგები.

 

 



ვალუტის გადამცვლელი პუნქტები მუშაობას 8 ივნისიდან განაახლებენ

ვალუტის გადამცვლელი პუნქტები მუშაობას 8 ივნისიდან განაახლებენ
access_time2020-06-03 10:53:08
საქართველოს მთავრობის დადგენილების მიხედვით, 2020 წლის 8 ივნისიდან საქართველოს მთელ ტერიტორიაზე ვალუტის გადამცვლელი პუნქტები ჩვეულ სამუშაო რეჟიმს დაუბრუნდებიან. ეროვნული ბანკი მოუწოდებს ვალუტის გადამცვლელ პუნქტებს მკაცრად დაიცვან პროფესიონალთა რეკომენდაციები და რჩევები.ერთობლივი ქმედებებით, ჩვენ სწრაფად შევძლებთ ვირუსის დამარცხებას და საქმიანობის ჩვეულ რეჟიმში დაბრუნებას.

რა გავლენა იქონია საცხოვრებელი უძრავი ქონების შეძენით დაინტერესებული პირების გადაწყვეტილებასა და ქცევაზე პანდემიამ

რა გავლენა იქონია საცხოვრებელი უძრავი ქონების შეძენით დაინტერესებული პირების გადაწყვეტილებასა და ქცევაზე პანდემიამ
access_time2020-06-03 09:50:46
 უძრავი ქონების სერვისებისა და მარკეტინგული საკონსულტაციო კომპანია „არეა ჯგუფი“ კვლევას აქვეყნებს „უძრავი ქონების მომხმარებელთა მოლოდინებისა და ქცევის შესახებ COVID 19-ის გავრცელებამდე და მის შემდგომ“, რომლის მიხედვითაც მომხმარებლების 78%-ისთვის პანდემია შემაფერხებელი ფაქტორი აღმოჩნდა.   რაოდენობრივი კვლევა ჩატარდა უძრავი ქონების შეძენით...

მსოფლიოს უმდიდრესი ფეხბურთელი, რომელსაც 1 ბინა აქვს და კარიერა "ხეტაფეში" დაასრულა

მსოფლიოს უმდიდრესი ფეხბურთელი, რომელსაც 1 ბინა აქვს და კარიერა
access_time2020-06-02 21:30:26
სათაურის წაკითხვისა და ფოტოს ნახვის შემდეგ ურთიერთსაწინააღმდეგო განცდა დაგეუფლებოდათ - რადგან, როცა "უმდიდრეს ფეხბურთელს" წავიკითხავთ, თავში, პირველ რიგში, კრიშტიანო რონალდო და ლიონელ მესი ამოტივტივდებიან, რომლებიც წლიურად 100 მილიონ ევროზე მეტს შოულობენ.   თუმცა ფეხბურთელთა შორის ყველაზე მდიდარი ვარსკვლავებთან შედარებით ნაკლებად ცნობილი ფრანგი ფეხბურთელია, რომელმაც 2019 წელს "ხეტაფე" დატოვა და თავისუფალი აგენტი გახდა. მისი სახელი მეტიო ფლამინი...

ჯანდაცვის სამინისტრო ბიზნესის გახსნას აფერხებს - სახელმწიფო უწყებაში კომუნიკაციის პრობლემაა

ჯანდაცვის სამინისტრო ბიზნესის გახსნას აფერხებს - სახელმწიფო უწყებაში კომუნიკაციის პრობლემაა
access_time2020-06-03 11:10:07
„ვერ გავხსენი ობიექტი იმიტომ, რომ კეთილსინდისიერად ველოდები და მივყვები იმ ინსტრუქციებს, რაც იყო დაანონსებული“,- ამის შესახებ „კომერსანტს“ ტურიზმის ეროვნული ადმინისტრაციის ყოფილმა ხელმძღვანელმა მაია სიდამონიძემ განუცხადა. როგორც ირკვევა სასტუმრო/რესტორან „ტერასას“ მფლობელი ბიუროკრატიული პრობლემების გამო რესტორნის გარე სივრცეს ვერ ხსნის. სიდამონიძის თქმით, ამის მიზეზი არის ის, რომ ჯანდაცვის სამინისტროს შესაბამისი პირები შემოწმებაზე ამ დრომდე არ მისულან. ტურიზმის ეროვნული...

2 ივნისი - ქართული ლარი და თურქული ლირა გამყარებას განაგრძობს

2 ივნისი - ქართული ლარი და თურქული ლირა გამყარებას განაგრძობს
access_time2020-06-02 19:00:51
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 2 ივნისის ვაჭრობის შედეგად, ქართული ლარის კურსი 4 თეთრით გამყარდა და ერთი აშშ...


მსგავსი სიახლეები

up