"რეზონანსი": ქვეყანაში 150 000 ჯართად ქცეული მანქანაა

"რეზონანსი": ქვეყანაში 150 000 ჯართად ქცეული მანქანაა

access_time2017-05-31 19:30:31

გახშირებული ავტოავარიების, უცხოეთიდან ძალიან მოძველებული მანქანების მუდმივი შემოდინებისა და ავტოპარკის დაძველების გამო ქვეყანაში მომრავლდა სატრანსპორტო საშუალებები, რომლებიც ვეღარ დადის და ქალაქის ქუჩებში წლობით უქმად არის გაჩერებული. 

 

როგორც გაზეთი „რეზონანსი" წერს, სპეციალისტები ამბობენ, რომ ჯართად ქცეული მანქანების რიცხვი საგრძნობლად მოიმატებს 2018 წლიდან, როცა სავალდებულო ტექნიკური დათვალიერება შევა ძალაში.

 

მაშინ, როცა დედაქალაქში მანქანების რაოდენობა ბევრად აღემატება საპარკინგე ადგილის რაოდენობას, დიდ პრობლემას ქმნის ეზოებში, კორპუსებთან, ქუჩებში მუდმივად მდგომი ავტომობილები, რომლებიც თვეების განმავლობაში იკავებენ ადგილს. მათი 99% საერთოდ გამოუსადეგარია.

 

პრობლემა აშკარაა, თუმცა კანონში არ არსებობს არავითარი რეგულაცია ჯართად ქცეული მანქანის მფლობელთათვის. ჯერჯერობით არც ის არის ცნობილი, ტექდათვალიერების ამოქმედების შემდეგ როგორ შეიძლება შეიზღუდოს და რა სანქციები დაწესდეს ავტომობილებისათვის, რომლებიც უკვე გამოუსადეგარია და მთელი ქალაქის მასშტაბით ადგილს იკავებს.

 

ეზოში წლების განმავლობაში უფუნქციოდ მდგომი ავტომობილი დისკომფორტს უქმნის ნინაკა ბეროძეს, რაც ის საცხოვრებლად ახალ სახლში გადავიდა, მას შემდეგ ამჩნევს, რომ რამდენიმე მანქანა თითქმის უმოძრაოდაა, მათგან ერთ-ერთი, "ვოლგის" მარკის ავტომობილი ერთხელაც კი არ დაძრულა ადგილიდან. ეს უკვე მნიშვნელოვან პრობლემად იქცა, რადგან მანქანების რაოდენობა მატულობს, საპარკინგე ადგილები კი თითქმის აღარ არის.

 

"6 წლის წინ სახლი შევიცვალეთ. რაც ახალ კორპუსში გადმოვედი, მას შემდეგ ეზოში დგას "ვოლგა", რომელიც არც ერთხელ არ გაუყვანია მფლობელს და ეჭვი მაქვს, არც არის ვარგისი. ყოველთვის, როცა საღამოს სახლში ვბრუნდები და მანქანის გასაჩერებელი ადგილი არ მხვდება, საშინლად ვბრაზდები მის მეპატრონეზე. კერძო სახლი და ეზო რომ ჰქონდეს ან ფარეხი, რა თქმა უნდა, არ იქნებოდა პრობლემა არც "ვოლგის" და არც ლიმუზინის გაჩერება, მაგრამ ეს მეზობლების საერთო ავტოსადგომია, სადაც მანქანების რიცხვი მკვეთრად აღემატება საპარკინგე ადგილს.

 


დიდი იმედი მაქვს, კანონს შემოიღებენ, აკრძალავენ ან რამე ჯარიმას დააკისრებენ იმ ავტომობილების მფლობელებს, რომლებიც აშკარა ჯართს ცოცხალი თავით არ ყიდიან და არ იცილებენ თავიდან", - განუცხადა "ბიზნეს-რეზონანსს" ნინაკა ბეროძემ.

 

გამოუსადეგარ და უკვე ჯართად ქცეულ მანქანას ფლობს ბერდია გეგენავა. მან ზუსტად იცის, როგორი დისკომფორტია მეზობლებისათვის მუდმივად სადგომზე მდგარი "ჟიგული", როცა ადგილი ისედაც არ არის, სადაც მანქანის გაჩერება მოხერხდება. მიუხედავად ამისა, გარდაცვლილი მამის ავტომობილს ოჯახი ვერ ელევა.

 

"მამაჩემის დანატოვარი "ჟიგული"  მყავს, რომლითაც გადაადგილება შესაძლებელია, მაგრამ წლებია, არც კი დამიქოქავს. მამა 14 წლის წინ გარდაიცვალა და მაშინაც კი ძალიან მოძველებული იყო, მით უფრო ახლა. რამდენიმეჯერ ვთქვი სახლში, გავყიდი ან ჯართში ჩავაბარებ-მეთქი, მაგრამ დედა და მამიდა კატეგორიულად მეწინააღმდეგებიან - მამაშენის დანატოვარია და იყოს, რას გიშლისო, არადა, მე თვითონაც მძღოლი ვარ და ყოველ ღამით ვხედავ, რამხელა პრობლემაა, როდესაც სამსახურიდან დაბრუნებული მანქანას ვერსად აჩერებ.

 

ბენზინის გაძვირების შემდეგ მუდმივად ეზოში მდგარი მანქანები ისედაც მომრავლდა და წარმომიდგენია, რამხელა დისკომფორტია მეზობლებისთვის, გაჩერებული "ჟიგული" ადგილს რომ იკავებს. იმედია, მოვახერხებ და დავიყოლიებ ოჯახის წევრებს, როგორმე შეელიონ ყოვლად გამოუსადეგარ ნივთს, რომელიც დისკომფორტს მიქმნის მეც და კორპუსის მობინადრეებსაც", - აცხადებს ბერდია გეგენავა.

 

ფონდ "პარტნიორობა საგზაო უსაფრთხოებისათვის" ხელმძღვანელი გელა კვაშილავა "ბიზნეს-რეზონანსთან" აცხადებს, რომ ქვეყანაში 150 000 ჯართად ქცეული მანქანაა და სავალდებულო ტექდათვალიერების შემოღების შემდეგ მათ მფლობელებს, იმედია, სანქციები დაეკისრებათ მანქანების უვადოდ გაჩერების გამო.

 

"ტექნიკური დათვალიერება კერძო ავტომობილებისათვის 2004 წლიდან გაუქმდა. ამჟამად მთელი ქვეყნის მასშტაბით ავტომობილების დიდი ნაწილი, დაახლოებით 150 ათასი ავტომობილი, გაჩერებულია და საერთოდ არ მოძრაობს. გარდა ამისა, არის ავტომობილები, რომლებსაც ძალზე იშვიათად იყენებენ მფლობელები და ისეთებიც, რომელთა ექსპლოატაცია დაუშვებელია ტექნიკური გაუმართაობის გამო. რამდენადაც ახლა ტექდათვალიერება არ არსებობს, კონტროლი შეუძლებელია.

 

ყველა ქვეყანაში მუშაობს მეორადი ავტომობილების განსაკუთრებული მონიტორინგის პროგრამა, რაც ჩვენთანაც აუცილებლად დასანერგია. გარდა ამისა, შესაცვლელია და ბევრ ხარვეზს შეიცავს პარკინგის შესახებ კანონიც. მაგალითად, ერთჯერადად გადაიხდი თანხას და თვეობით შეგიძლია დატოვო მანქანა შუა ქალაქში. ასეთი რამ არსად ხდება.

 

სამი ძირითადი პუნქტია, რაც აუცილებლად უნდა განხორციელდეს. პირველი - უნდა მოხერხდეს აღრიცხვა, რათა რეალურად ვიცოდეთ, რამდენი ავტომობილია ქვეყანაში და აქედან რამდენი გაჩერებული. მეორე - კანონი უნდა აკისრებდეს რაიმე სახის სანქციას მფლობელს, რომელიც უვადოდ აჩერებს მანქანას. მესამე და მთავარი კი პარკინგის საკითხის დარეგულირებაა.

 

როგორც ჩემთვის ცნობილია, ამჟამად შვეიცარიული კომპანია მუშაობს ტექდათვალიერების საკითხზე, ამ ეტაპზე იქმნება საკანონმდებლო ბაზა და კრიტერიუმი. იმედი მაქვს, ამ დაურეგულირებელ საკითხსაც მიეხედება", - აცხადებს გელა კვაშილავა.

 

 



დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია
access_time2020-09-23 19:00:54
„დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან“, - ასე ეხმაურება „არქი ჯგუფის“ დამფუძნებელი ილია წულაია კომერსანტის სტატიას, სადაც თამარაშვილის ქუჩაზე მცხოვრები მოსახლეობის პროტესტზეა საუბარი. მმართველი გუნდის დეპუტატი აცხადებს, რომ ძველი იპოდრომის ტერიტორიაზე დეველოპერული კომპანია მშენებლობას დარღვევების გარეშე, კანონის სრული დაცვით ახორციელებს.   „მესმის რომ მეზობლებს არ სიამოვნებთ მშენებლობა, ერჩიათ როდესაც ​გადმოიხედავდნენ...

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს
access_time2020-09-23 18:13:22
საქართველოში ამერიკის შეერთებული შტატების სამი ყოფილი ელჩი, ჯონ ტეფტი, უილიამ კორტნი და კენეტ იალოვიცი საქართველოში დემოკრატიისა და ბიზნესგარემოს უკუსვლის შესახებ გამოცემა The National Interesrt-ში ერთობლივ სტატიას აქვეყნებენ.   დიპლომატები აღნიშნავენ, რომ პოლარიზებული პოლიტიკური ვითარება, საარჩევნო პროცესში არსებული დარღვევები და საერთაშორისო ინვესტორთა შევიწროების...

23 სექტემბერი - რეგიონში ქართული ლარი და თურქული ლირა უფასურდება

23 სექტემბერი - რეგიონში ქართული ლარი და თურქული ლირა უფასურდება
access_time2020-09-23 18:05:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. დღეს გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 23...

ქართული მოცვი ევროპაში ვერ გადის

ქართული მოცვი ევროპაში ვერ გადის
access_time2020-09-23 16:00:59
იმის მიუხედავად, რომ ლურჯ მოცვზე  ევროკავშირში საქართველოდან შესაძლო ექსპორტზე დიდ იმედებს ამყარებდნენ, ამ პროდუქტმა ევროპის ბაზარზე ადგილი ჯერ ვერ დაიმკვიდრა.   2020 წლის განვლილ პერიოდში ექსპორტზე 650 ტ ლურჯი მოცვი გავიდა, თუმცა 99%  რუსეთში გაიყიდა.   კომპანია „ეფკოს“ დირექტორის იოანე მორჩილაძეს თქმით, ქართული ლურჯი მოცვი სრულფასოვნად ევროპაში ექსპორტზე არც გასულა.   „თუ ვსაუბრობთ მნიშვნელოვან რაოდენობაზე, ევროკავშირში...

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე
access_time2020-09-23 15:30:13
საქართველოს ეროვნული ბანკის პრეზიდენტი კობა გვენეტაძე ლარის გაცვლითი კურსის შესახებ საკუთარ facebook გვერდზე პოსტს აქვეყნებს. კობა გვენეტაძის განცხადებით, პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ეროვნული ბანკის პრეზიდენტი კობა გვენეტაძის პოსტს „კომერსანტი“ უცვლელად გთავაზობთ: „ბოლო დროს ხშირად ისმის განცხადებები: „ეროვნულმა ბანკმა XX მილიონი დოლარი გაყიდა, მაგრამ ლარი მაინც ვერ გაამყარა“. ეს...


მსგავსი სიახლეები

up