""ბოინგთან" დადებული გარიგებით თითქოს დასრულდა ეკონომიკური სანქციების ეპოქა ირანისთვის"

""ბოინგთან" დადებული გარიგებით თითქოს დასრულდა ეკონომიკური სანქციების ეპოქა ირანისთვის"

access_time2016-12-12 15:00:00

გასულ კვირას, "ბოინგის" კომპანიამ გამოაცხადა ირანისთვის საკუთარი წარმოების სამგზავრო თვითმფრინავების მიყიდვის შესახებ. გაზეთ "ნიუ-იორკ თაიმსის" სტატიის ავტორის ქრისტოფერ დრიუს თანახმად, მიღწეული გარიგებით, რომელიც 16 მილიარდ 600 მილიონ დოლარს შეადგენს, თითქოს დასრულდა ეკონომიკური სანქციების ეპოქა ირანისთვის, რამეთუ ეს უკანასკნელი ათეული წლების მანძილზე ამერიკის "შავ სიაში" ირიცხებოდა. "ბოინგის" კომპანიაში ირანთან მიღწეულ გარიგებას ხსნიან ამერიკაში ათობით ათას სამუშაო ადგილებზე მზრუნველობით.

 

 


აშკარაა, რომ "ბოინგის" გზავნილის ადრესატი ახლადარჩეული პრეზიდენტია, დონალდ ტრამპი.

 

 

"ბოინგის" მიერ საკმაოდ ფრთხილი ფრაზეოლოგიით შედგენილი განცხადება მანიშნებელია იმ დელიკატური ვითარებისა, რომელშიც აღმოჩნდნენ ამერიკის მსხვილი ექსპორტიორები. როგორც ცნობილია, დონალდ ტრამპი არაერთგზის დაიმუქრა რომ სერიოზულად გადახედავს მისი წინამორბედის - ბარაქ ობამას ვაჭრობის შეთანხმებებს, განსაკუთრებით ირანთან, რომლის მიმართ ამერიკა გარკვეულ დათმობებზე წავიდა ბირთვულ პროგრამაში მიღწეული კომპრომისის გამო. ამის შემდეგ მოეხსნა ირანს სანქციები რამაც შესაძლებელი გახადა მისთვის "ბოინგის" თვითმფრინავების მიყიდვა.

 

 


დონალდ ტრამპი ხშირად ლაპარაკობს ტარიფებზე, რომლებსაც იგი ჩინურ იმპორტს დაუწესებს. ტარიფებს ასევე შემოიღებენ იმ ამერიკული კომპანიების ნაწარმის მიმართ, რომლებიც მექსიკასა თუ სხვა ქვეყნებში გადაიტანენ წარმოებას. თუმცა, ახლად არჩეულ პრეზიდენტს არაფერი უთქვია იმის თაობაზე, თუ რა საპასუხო ზომებია მოსალოდნელი ხსენებული ქვეყნების მხრიდან არსებული სავაჭრო შეთანხმებების გაუქმების შემთხვევაში და როგორ იზარალებს ამით მსხვილი კომპანიების მუშახელი, იქნება ეს "ბოინგის" თუ "ჯენერალ ელექტრიკის" ფირმები.

 

 


"ბოინგის" ხელმძღვანელობისთვის რა თქმა უნდა არ იყო სასიამოვნო დონალდ ტრამპის ამასწინანდელი შენიშვნა ახალი საპრეზიდენტო თვითმფრინავის აგების ჭარბ ღირებულებასთან დაკავშირებით. გარდა ამისა, ფირმის ოფიციალური პირები მოელიან გარკვეულ სირთულეებს რესპუბლიკელთა კონგრესში ირანთან ხსენებული გარიგების გატარებისას. არავინ არაა სრულად დარწმუნებული რომ ხსენებულ გარიგებას კონგრესი აუცილებლად დაამტკიცებს.

 

 



უნდა ითქვას, რომ "ბოინგის" გარდა, შეშფოთებას გამოხატავენ სხვა კომპანიებშიც, რომლებსაც ექსპორტზე გააქვთ თვითმფრინავის ძრავები, მაღალ-ტექნოლოგიური ნაწარმი, თუ მძიმე დანადგარები, აღჭურვილობა. საკითხი ეხება მაღალ-ანაზღაურებად სამუშაო ადგილებს, რომლებსაც ტოპ-მენეჯერთა აზრით, საფრთხე ემუქრება თუკი დონალდ ტრამპმა სავაჭრო ომი დაიწყო" - ნათქვამია გაზეთის სტატიაში.

 

 


"ზოგიერთი სახეობის სამუშაო ადგილთა დაცვის მცდელობას შეუძლია საფრთხე შეუქმნას სხვა არსებულ სამუშაო ადგილებს - ამბობს ერერთი ექსპერტი-ანალიტიკოსი, რომლის აზრით, იქნება ეს ვაჭრობა ირანსა თუ ჩინეთთან, სახეზეა ამერიკის ტენდენცია - ზურგი აქციოს დანარჩენ მსოფლიოს. ცხადია, რომ ასეთი პოლიტიკა მეტად არასასურველ შედეგებს მოუტანს "ბოინგსა" და სხვა ექსპორტიორებს.

 

 

 

ფირმა "ბოინგი", ჩიკაგოში კონცენტრირებული საწარმოებით, ამერიკაში ერთერთი უდიდესი ექსპორტიორია, რაშიც შედის საშუალო და გიგანტური სიდიდის სამგზავრო თვითფრინავების გაყიდვები ჩინეთსა და აზიის სხვა რეგიონებში, ახლო აღმოსავლეთის ჩათვლით. უნდა აღინიშნოს, რომ "ბოინგის" თვითმფრინავების გაყიდვები დიდი ხანია რაც ამერიკული დიპლომატიაში შედის. მყიდველი ქვეყნების გადასაწყვეტია თუ რომელი ფირმის სამგზავრო თვითმფრინავებზე გააკეთონ არჩევანი, "ბოინგი" იქნება ეს, თუ მისი კონკურენტი ევროპული "აერობუსი". პრეზიდენტ ობამას არაერთგზის უთქვია, რომ საზღვარგარეთ მოგზაურობისას, იგი ხშირად ეწევა "ბოინგის" რეკლამირებას.

 

 


ამგვარად, "ბოინგი" და ექსპორტზე ორიენტირებული სხვა ფირმები ცდილობენ წარმოსახონ საკუთარი თავი დონალდ ტრამპის მოსაწონ კომპანიებად.

 

 


"ბოინგში" დღეს 150,000 კაცია მუშახელია დასაქმებული. ფირმა მეტწილად შეერთებულ შტატებში აწარმოებს მზა თვითმფრინავებს, სათადარიგო ნაწილებსა და კომპონენტებს. ექსპორტიდან კი ვალუტა შემოდის ქვეყანაში. ბოლო დროს, "ბოინგმა" გაზარდა საკუთარი საწარმო სიმძლავრეები ვაშინგტონისა და სამხრეთ კაროლინის შტატებში.

 

 


ასევე აღსანიშნავია ის გარემოება რომ "ბოინგი" ამერიკაში სიდიდით მეორე სამხედრო კონტრაქტორია და ბუნებრივია, ფირმის ხელმძღვანელობა მოელის, რომ დონალდ ტრამპი შეასრულებს წინასაარჩევნო დაპირებებს და მნიშვნელოვნად გააძლიერებს ქვეყნის თავდაცვის-უნარიანობას, რაც სამხედრო დაკვეთების ზრდას მოასწავებს" -ნათქვამია გაზეთის სტატიაში.

 

 

 

 

 

საერთაშორისო მიმომხილველი გიორგი ჩხუბიანიშვილი

 

 

 



კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ

კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ
access_time2020-07-05 20:00:36
კორონავირუსის პანდემიამ მსოფლიოს მასშტაბით არნახული ეკონომიკური კრიზისი გამოწვია და მასშტაბებიდან გამომდინარე 2008 წლის ეკონომიკურ კრიზისსაც გადააჭარბა. პანდემიის გამო მსოფლიოს...

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები
access_time2020-07-05 18:30:55
სამუშაო ადგილებზე ახალი კორონავირუსით გამოწვეული ინფექციის გავრცელების თავიდან აცილების მიზნით, განახლდა და დამტკიცდა ახალი რეკომენდაციები. მათ შორისაა რეკომენდაციები ტურ-ოპერატორებისთვის, გიდებისთვის და...

დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში
access_time2020-07-05 11:30:02
აზარტული თამაშების რეგულირებასთან დაკავშირებით პარლამენტის ვიცე-სპიკერი გია ვოლსკი აცხადებს, თუკი ამ ბიზნესს ჩავკეტავთ, იგი იატაკქვეშ გადაინაცვლებს და გაცილებით უფრო მძიმე მაფიოზური სიტუაცია შეიქმნება. როგორ უნდა ავიცილოთ თავიდან მსგავსი სიტუაცია, რომ...


მსგავსი სიახლეები

up