"პროკრედიტ ბანკის“ დირექტორი: წარმოების დაფინანსება არ არის იმ დონეზე, რაც უკეთესი იქნებოდა ქვეყნის ეკონომიკისთვის და ბანკისთვის

"პროკრედიტ ბანკის“ დირექტორი: წარმოების დაფინანსება არ არის იმ დონეზე, რაც უკეთესი იქნებოდა ქვეყნის ეკონომიკისთვის და ბანკისთვის

access_time2016-03-02 11:30:38

"პროკრედიტ ბანკმა“ 2015 წლის შედეგები შეაჯამა და 2016 წლის სტრატეგია წარადგინა. ბანკისთვის პრიორიტეტად ისევ მცირე და საშუალო ბიზნესი რჩება. 


რა შედეგი მოუტანა ბანკს მიკროსეგმენტიდან გამოსვლის გადაწყვეტილებამ და რას ფიქრობენ ბანკის ტოპმენეჯერები არაპროფილურ აქტივების ფლობაზე. კითხვებს "პროკრედიტ ბანკის" ხელმძღვანელები ქეთევან ხუსკივაძე და ალექსი მატუა პასუხობენ:


-   როგორი იყო 2015 წელი „პროკრედიტ ბანკისთვის“, რა სიახლეები შესთავაზეთ მომხმარებელს და რა შედეგებით დაასრულეთ გასული წელი?


„პროკრედიტ ბანკის“ დირექტორი ქეთევან ხუსკივაძე: ვფიქრობ, საინტერესო წელი იყო, კიდევ უფრო საინტერესო წელი წინ გველოდება ბევრი გამოწვევით, სიანტერესო გეგმით, როგორც ბანკისთვის, ასევე კლიენტებისთვის.

 

ჩვენ მოვიცავთ თითქმის მთელ საქართველოს, ფილიალები წარმოდგენილია ყველა მნიშვნელოვან ქალაქსა თუ რეგიონში, სადაც არის ბიზნესპოტენციალი. ძირითადად კონცენტრირება არის თბილისსა და ბათუმზე და ასევე ქუთაისზე. ეს ლოგიკურიც არის, რადგანაც ბანკის ძირითადი  სამიზნე ჯგუფი არიან მცირე და საშუალო ბიზნესები. შესაბამისად, ბიზნესი საქართველოში მეტწილად წარმოდგენილია უფრო მსხვილ ქალაქებში. სწორედ ამიტომ ჩვენი ფილიალებიც ინტენსიურად არის წარმოდგენილი ამ ქალაქებში.

 

2015 წელს დავნერგეთ ახალი ბიზნესკონცეფცია მომსახურებაში, ე.წ. 24/7-ზე მომსახურების სივრცე, რომელიც მომსახურებას კლიენტებისთვის ძალიან მომხიბვლელს და ადვილს ხდის. ამ სერვისით შეუძლიათ ისარგებლონ ბიზნესის იმ წარმომადგენლებმა, რომელთა ბიზნესი, შესაძლოა, აწყობილია სხვა ციკლით, შესაძლოა, მათ საღამოს საათებში სჭირდებოდეთ მომსახურების მიღება.

 

2015 წელს დავნერგეთ სხვა ინოვაციური პროექტიც, რომელიც საქართველოში არ არსებობს. ეს არის უნივერსალური ბანკომატი, რომელიც როგორც თანხის გამოტანის, ისე შეტანის საშუალებას იძლევა. ასევე არის დროპბოქსი. ამ მანქანის მუშაობის პრინციპი არის ინოვაციური, ბიზნესკლიენტებს არ მოუწევთ თანხის შესატანად რიგში დგომა.


რაც შეეხება წლევანდელ წელს, ვფიქრობთ, გავაკეთოთ 2 განსაკუთრებული ფილიალი, ეს იქნება ცენტრალური თბილისში და ბათუმში, განსხვავებული დიზაინით. იქნება კომფორტული და ინოვაციური. იქნება ხელმისაწვდომი ყველა კლიენტისთვის, ანუ ეს არ იქნება ხელმისაწვდომი მხოლოდ ერთი კონკრეტული ჯგუფისთვის. რატომ გადავწყვიტეთ თბილისი და ბათუმი? რადგან ეს ორი ლოკაცია არის ყველაზე ინტენსიური, ბიზნესკლიენტების დიდი კონცენტრაცია მოდის.


ასევე გვაქვს 3 ფილიალი, სადაც მომსახურება შესაძლებელია მანქანებით. კლიენტებს ძირითადად ყველა საბანკო ოპერაციის მიღება შეეძლებათ კლიენტთა მრჩევლის გარეშე.


- გასულ წელს თქვენ სტრატეგია შეცვალეთ და უარი თქვით მიკრომეწარმეების დაფინანსებაზე. ამ სტრატეგიას აგრძელებთ მომავალ წელსაც?


 

– უდიდესი ნაწილი ჩვენი კლიენტებისა არის მცირე და საშუალო ბიზნესი და ჩვენი სტრატეგიაც ასეთია ზუსტად. რადგან ჩვენი აზრით, ეს არის ეკონომიკის ის ნაწილი, ის მოთამაშეები,  რომლებიც ქმნიან მნიშვნელოვან დოვლათს, ხელს უწყობენ ეკონომიკის სტაბილურ განვითარებას, შესაბამისად, კლიენტთა ეს ჯგუფია ჩვენთვის საორიენტაციო. ფიზიკურ პირებს ჩვენთან მხოლოდ 5% უკავიათ.


ჩვენი კლიენტების 61%-ში გვყავს ძალიან მცირე და მცირე ბიზნეს კლიენტები, 34%-ია მცირე და საშუალო ბიზნესი.  თუმცა, ძალიან მცირეზე აქცენტს უკვე აღარ ვაკეთებთ. დაკრედიტებას და მომსახურებას ვიწყებთ 30 ათასი დოლარიდან. მაგრამ დღეს მაინც გვყავს ძალიან მცირე ბიზნეს კლიენტები, რომელთა მომსახურებასაც განვაგრძობთ, სანამ კლიენტი არ დაფარავს სესხს.


-  რა შედეგი მოგიტანათ მიკროსეგმენტიდან გამოსვლის გადაწყვეტილებამ?


„პროკრედიტ ბანკის“ დირექტორი ალექსი მატუა:  2015 წელს მოხდა სტრატეგიის ცვლილება, რაც გულისხმობს მიკროსეგმენტიდან გამოსვლას და მთავარ მიზნობრივ ჯგუფად მცირე და საშუალო ბიზნესის განსაზღვრას.  2015 წელს ჩვენ პორტფელის 5% გავყიდეთ. დღეს არსებული პორტფელით, მიკრო მეწარმეებს მთლიან პორტფელში მაქსიმუმ 6%-7% უჭირავს. ეს ნიშნავს, რომ ჩვენ 90% ის კლიენტები გვყავს, რომლებიც ჩვენი მიზნობრივი ჯგუფია.

 

რაც შეეხება  იმას, მომავალში როგორ იქნება, ჩვენ ამაზე საბოლოოდ უარს ვამბობთ და გადავდივართ მცირე და საშუალო ბიზნესის დაფინანსებაზე.

 

ბაზარზე დღეს მცირე და საშუალო ბიზნესის წილი არის უფრო მაღალი. მთავარი ამბიცია 2016 წლისთვის არის ის, რომ კიდევ უფრო გაიზარდოს ამ სეგმენტის წილი. მიკროზე უარის თქმა ავტომატურად ნიშნავს, მთელი რესურსების მიმართვას მცირე და საშუალო ბიზნესზე.

 

-    თქვენი ბანკის მაგალითზე რომ გვითხრათ, ეკონომიკის რომელ დარგებზეა ძირითადი ინტერესი საბანკო სფეროში?


-   თუ ავიღებთ საბანკო სექტორს მთლიანად, პირველ ადგილზე არის ვაჭრობა, თუმცა, ტენდენცია თანდათან იცვლება -  ვაჭრობა, მომსახურების სფერო, წარმოება. დღევანდელ პირობებში, როცა სახელმწიფო ახორციელებს შეღავათიანი აგროკრედიტის პროგრამას, ასევე „აწარმოე საქართველოში“ პროექტს, ამის ფონზე წარმოების დაფინანსება შედარებით გაზრდილია, თუმცა, არ არის იმ დონეზე, რა დონეზეც იქნებოდა უკეთესი როგორც ქვეყნის ეკონომიკისთვის, ასევე ბანკისთვის.


- ასეთი პროექტების დაფინანსების დროს რისკებს რა აბალანსებს? არის თქვენთვის მნიშვნელოვანი სახელმწიფოს სუბსიდია?


- ამ პროექტებში რისკები მოდის ბანკზე, მაგრამ პროცენტების სუბსიდირება ხდება სახელმწიფოს მხრიდან. კლიენტისთვის საკმაოდ მნიშვნელოვანია ის ფაქტი, რომ სახელმწიფო სუბსიდირებას ახდენს, რადგან ჩვენ ვართ ორიენტირებული ამ ბიზნესის განვითარებაზე. ამ ბიზნესის განვითარება კი არის ჩვენი განვითარება და ამას პოზიტიურად ვაფასებთ.


- გასულ წლებში აგრომიმართულებით გაცემული სესხები მთლიან საბანკო სივრცეში 2%-ს არ აღემატებოდა და ამ 2%-ში 60% მოდიოდა “პროკრედიტ ბანკზე“. დღეს რა მდგომარეობაა თქვენს შემთხვევაში?


 

- აგრომიმართულებით ქვეყანაში ტენდენციები მზარდი იყო ბოლო წლების განმავლობაში. ჩვენს შემთხვევაშიც არამიკროკლიენტების მოცულობა იზრდება. თუნდაც, იმ მოტივაციის გამო, რაც შექმნა აგროპროექტმა, გაამართლა.

 

–  როგორც ვიცით, მცირე და საშუალო ბიზნესის  შეფასების მსოფლიო სტანდარტი არის განსხვავებული, ვიდრე საქართველოში. რას გულისხმობთ თქვენ, როდესაც პატარა ბიზნესზე საუბრობთ?


- არ არის ჩამოყალიბებული ზუსტი სტანდარტი, მაგრამ შეგვიძლია დავყოთ ყველაფერი 3 ნაწილად: მიკრო დაფინანსება, საშუალო დაფინანსება, კორპორატიული სეგმენტი. ჩვენი პარამეტრებით მცირე ბიზნესი იწყება 30 ათასი დოლარიდან, ანუ საკრედიტო ლიმიტი იწყება ამ თანხიდან და ადის 5-6 მილიონამდე.


-  რას ფიქრობთ ბანკების მიერ არაპროფილური აქტივების ფლობაზე? რამდენად არის დარეგულირებული ეს საკითხი დღეს?


- ვერ დავიწყებთ სხვა ბანკების კრიტიკას დღეს, მაგრამ ვფიქრობთ, რომ ბანკი უნდა იყოს ორიენტირებული იმ საქმიანობაზე, რაც მისთვის ძირითად საქმიანობას წარმოადგენს. 



ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი

ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი
access_time2020-10-31 16:30:39
„მაქსიმალურად, ბოლო წვეთამდე უნდა ეცადოს ახალი ხელისუფლება, რომ ლოქდაუნი არ გამოაცხადოს ქვეყანაში იმიტომ, რომ ვერ გაუძლებს ქვეყანა. მოგვიწევს ვისესხოთ ფული და ისეთი ძვირი დაგვიჯდება მორიგი ლოქდაუნი, ამის წარმოდგენაც არ მინდა,“ - ამის შესახებ „კომერსანტთან“ East Gate Group-ის სამეთვალყურეო საბჭოს ხელმძღვანელმა, ბიზნესმენმა ირაკლი იაშვილმა ისაუბრა. არჩევნების შემდეგ მმართველი გუნდის მთავარ გამოწვევას ისევ COVID 19-თან ბრძოლა წარმოადგენს. „კომერსანტი“ დაინტერესდა რა ძირითადი...

5 ცვლილება, რომელიც ხვალიდან ამოქმედდება ქვეყანაში

5 ცვლილება, რომელიც ხვალიდან ამოქმედდება ქვეყანაში
access_time2020-10-31 15:31:23
1-ლი ნოემბერს საქართველოს მოსახლეობას უკვე ეცოდინება თუ რა შემადგენლობის მე-10 მოწვევის პარლამენტი ეყოლება მომავალი 4 წლის განმავლობაში.   თუმცა, ამას გარდა ქვეყნის მასშტაბით 1-ელ ნოემბერს რამდენიმე ცვლილებაც ამოქმედდება.   „ბიზნესპრესნიუსი“ გთავაზობთ, ინფორმაციას იმის შესახებ თუ რა შეიცვლება ხვალიდან ქვეყანაში.   1-ლი ნოემბრიდან საქართველოდან რეგულარული რეისები კიდევ 10 მიმართულებით აღდგება   1-ლი ნოემბრიდან...

დავით უსუფაშვილი - დაფიქსირებულია ე.წ საარჩევნო კარუსელი

დავით უსუფაშვილი - დაფიქსირებულია ე.წ საარჩევნო კარუსელი
access_time2020-10-31 12:47:41
დაფიქსირებულია ე.წ საარჩევნო კარუსელი. როგორც კი ფაქტები გვექნება, ჩვენ გავაჟღერებთ ოლქს და უბანს, - ამის შესახებ „ლელოს“ ერთ-ერთმა ლიდერმა დავით უსუფაშვილმა ბრიფინგზე განაცხადა. დავით უსუფაშვილმა და თაზო დათუნაშვილმა ბრიფინგზე არჩევნების მიმდინარეობის დროს არსებულ დარღვევებზე ისაუბრეს. მათი ინფორმაციით, “ლელოს“ დამკვირვებლებმა ამ დროისთვის რამდენიმე საჩივარი დაწერეს. ერთი ნაძალადევის მე- 13 უბანზე, სადაც საკონტროლო ფურცელში ჩაწერეს ადამიანი, რომელიც გადასატანი ყუთის...

ნათია მეზვრიშვილი - ბოლო 24 საათში კორონავირუსის 1 673 ახალი შემთხვევა გამოვლინდა, ხოლო 2 881 პირი გამოჯანმრთელდა

ნათია მეზვრიშვილი -  ბოლო 24 საათში კორონავირუსის 1 673 ახალი შემთხვევა გამოვლინდა, ხოლო  2 881 პირი გამოჯანმრთელდა
access_time2020-10-31 10:49:45
დღეის მდგომარეობით, ბოლო 24 საათის განმავლობაში გამოვლენილია ინფექციის 1 673 ახალი დადასტურებული შემთხვევა, - ამის შესახებ საქართველოს მთავრობის ადმინისტრაციის უფროსმა ნათია მეზვრიშვილმა, მთავრობის ადმინისტრაციაში გამართულ ბრიფინგზე განაცხადა.       მან კორონავირუსთან დაკავშირებით უახლეს სტატისტიკურ მონაცემებსა  და ბოლო 24 საათში მთავრობის მიერ გატარებული ღონისძიებების შესახებ ისაუბრა.       „დღეის...

როგორ უნდა მივცეთ ხმა კორონავირუსის პანდემიის პირობებში [ვიდეო]

როგორ უნდა მივცეთ ხმა კორონავირუსის პანდემიის პირობებში [ვიდეო]
access_time2020-10-31 08:32:01
ცენტრალური საარჩევნო კომისია ავრცელებს ვიდეოინსტრუქციას, თუ როგორ უნდა მივცეთ ხმა კორონავირუსის პანდემიის პირობებში.   ცესკო-ში აღნიშნავენ, რომ კენჭისყრის პროცესი უსაფრთხოა და კენჭისყრის შენობაში გათვალისწინებულია ინფექციის გავრცელების ყველა პრევენციული ღონისძიება.   „საარჩევნო უბანზე მისვლისას გაიარეთ მარკირების შემოწმების პროცედურა; კენჭისყრის ოთახში შესვლამდე დაიმუშავეთ ხელები შესასვლელში განთავსებული სადეზინფექციო სითხით; ნაკადის მომწესრიგებელს...


მსგავსი სიახლეები

up