"პარლამენტი, რომელსაც არცერთი მნიშვნელოვანი ეკონომიკური ინიციატივა არ ჰქონია" – ექსპერტები დეპუტატების 4–წლიან საქმიანობას აფასებენ

"პარლამენტი, რომელსაც არცერთი მნიშვნელოვანი ეკონომიკური ინიციატივა არ ჰქონია" – ექსპერტები დეპუტატების 4–წლიან საქმიანობას აფასებენ

person access_time2016-07-18 09:45:00

„ქართული ოცნების" მმართველობის პერიოდის პირველი მოწვევის პარლამენტმა მუშაობა დაასრულა. 


მიღებულ კანონებზე მეტად ამ პარლამენტმა საზოგადოებას თავი უფრო იმ კანონპროექტებით დაამახსოვრა, რომელთა დამტკიცებისადმი დიდი მოლოდინი იყო, თუმცა მათი კანონად ქცევა ვერ მოხერხდა და ისინი დეპუტატებმა დასამტკიცებლად მომდევნო მოწვევის უმაღლეს საკანონმდებლო ორგანოს დაუტოვეს.


"კომერსანტმა" მათ შორის ყველაზე მნიშვნელოვანი და რეზონანსული კანონპროექტები გაიხსენა და ექსპერტების შეფასებებიც მოისმინა – რატომ ვერ მიიღო პარლამენტმა აქტიურად დაანონსებული კანონპროექტები და ინიციატივები, და რა დაკარგა ამით ქვეყანამ?


ერთ-ერთი ინიციატივა, რომლის მიღებაც ამ მოწვევის პარლამენტის პირობებში ვეღარ მოესწრო, ონლაინ სესხების კომპანიების რეგულირებას უკავშირდება.


ონლაინ სესხების შეზღუდვის საჭიროებაზე ეკონომიკის მინისტრმა დიმიტრი ქუმსიშვილმა 2016 წლის მარტში ისაუბრა. მაშინ მინისტრი აცხადებდა, რომ ონლაინ სესხების მიმართულებით რეგულირება უნდა არსებობდეს. მისი ინფორმაციით, ეროვნული ბანკი აქტიურად მუშაობს ამ მიმართულებით.

 

"ალბათ უახლოეს მომავალში ჩვენ ვნახავთ ამ რეგულაციებს. თუ ჩვენ ვსაუბრობთ სესხებზე, ეს არის ერთმნიშვნელოვნად ეროვნული ბანკის პრეროგატივა და ეროვნულმა ბანკმა უნდა გააკეთოს ეს. ჩემი მონაცემებით, მათი ხედვა ემთხვევა ჩემს ხედვას", - განაცხადა დიმიტრი ქუმსიშვილმა. მიუხედავად ამ პათოსისა, რეგულაციების მიღება დღემდე ვერ მოხერხდა.


„ახალგაზრდა ფინანსისტთა და ბიზნესმენთა ასოციაციის" ანალიტიკოსი ზურაბ კუკულაძე ამბობს, რომ ეროვნული ბანკი ამზადებს რეგულაციებს მთავრობასთან კონსულტაციით, თუმცა, აღნიშნული კანონპროექტის გატანა მიმდინარე პარლამენტის პირობებში ვეღარ მოესწრება. „პარლამენტი პრაქტიკულად აღარ ფუნქციონირებს და ის წინასაარჩევნო რეჟიმშია გადართული"-ამბობს ზურაბ კუკულაძე.


კიდევ ერთი კანონი, რომლის მიღებაც ამ პარლამენტის პირობებში ვერ მოხერხდა, თამბაქოს ინდუსტრიისთვის ახალ რეგულაციებს ეხება. ახალი რეგულირების შესახებ ამ დროისთვის მხოლოდ კანონპროექტი არსებობს, რომელიც საკანონმდებლო ორგანოში პარლამენტის წევრმა გუგული მაღრაძემ შეიტანა, თუმცა მისი განხილვა საშემოდგომო სესიისთვის გადაიდო.

 

კანონპროექტისადმი პარლამენტში ერთგვაროვანი მიდგომა არ არსებობს, რამდენადაც დეპუტატების ნაწილი მიიჩნევს, რომ ასეთი დოკუმენტის მიღება ნაჩქარევად არ შეიძლება.

გაჭიანურებული კანონპროექტების ნუსხაში ხვდება ანტიდემპინგური კანონიც. კანონის შემოღებასთან დაკავშირებით ინფორმაცია 2014 წლის იანვარში ეკონომიკის მაშინდელმა მინისტრმა გიორგი კვირიკაშვილმა გააჟღერა. კვირიკაშვილის თქმით, კანონის შემოღების მიზანი ადგილობრივი წარმოების არასამართლიანი კონკურენციისგან დაცვაა.


მაშინ კვირიკაშვილი აცხადებდა, რომ კანონმდებლობა ყველასთვის მოსაწონი ვერ იქნებოდა და შეიძლება იმპორტიორისთვის მიუღებელი, ხოლო ადგილობრივი მწარმოებლისთვის მოსაწონი ყოფილიყო.


ყოფილი მინისტრისა და ამჟამად პრემიერის პროგნოზმა გაამართლა - ანტიდემპინგურ კანონპროექტს ბიზნესის ნაწილი მართლაც უარყოფითად შეხვდა და ეს კონკურენციის შეზღუდვად აღიქვა.

 


ანტიდემპინგური კანონპროექტი უკვე დიდი ხანია პარლამენტიდან მთავრობამ გამოითხოვა. როგორც პარლამენტარი თემურ მაისურაძე „კომერსანტთან" მიმდინარე წლის მაისში აცხადებდა, კანონპროექტში დასამატებელი იყო იმ დოკუმენტების სია, რომელიც საჭიროა დემპინგური ფასების ბრალდებით კონკრეტული კომპანიის წინააღმდეგ საჩივრის შესატანად. თუმცა, ამ დრომდე მთავრობას კანონპროექტი საკანონმდებლო ორგანოსთვის არ დაუბრუნებია.


პარლამენტარი მაშინ ფიქრობდა, რომ კანონპროექტის გაჭიანურების ერთ-ერთი მიზეზი შეიძლება ყოფილიყო ის, რომ „ვიღაცას ამის მიღება არ სურს".


ბიზნესმა დამატებით რეგულაციად აღიქვა "მომხმარებლის უფლებების დაცვის შესახებ" კანონპროექტიც, რომლის ინიციატორი პარლამენტის ევროპასთან ინტეგრაციის კომიტეტია. კანონპროექტის განხილვები პარლამენტში მიმდინარეობდა, თუმცა, მისი დამტკიცება ამ დრომდე არ მომხდარა. კანონპროექტს ბიზნესის შენიშვნები ახლავს. ბიზნეს ასოციაციის განმარტებით, აღნიშნული კანონი ბევრი კომპანიის დახურვასა და გაკოტრებას გამოიწვევს.


კანონპროექტზე მუშაობა 2013 წლიდან მიმდინარეობს. კანონი 2014 წელს უნდა ამოქმედებულიყო.


2017 წლის 31 დეკემბრამდეა გადადებული სავალდებულო ტექდათვალიერების შემოღება და მარჯვენასაჭიანი ავტომობილების რეგისტრაციის აკრძალვა.


ბოლოს ავტოტექდათვალიერების შემოღების გადადების გადაწყვეტილება 2015 წელს მიიღეს. საქართველოს მთავრობამ პარლამენტს ცვლილების გადადების ინიციატივით 2015 წლის თებერვალში მიმართა. შედეგად, ტექდათვალიერება 2017 წლის 31 დეკემბრიდან უნდა ამოქმედდეს. ევროდირექტივებით კი სავალდებულო ტექნიკური დათვალიერების ამოქმედების ვადა საქართველოს 2019 წლამდე აქვს.


ხელისუფლებამ მარჯვენასაჭიანი ავტომობილების რეგისტრაციის აკრძალვის ვადის გადატანის გადაწყვეტილებაც მიიღო. მიუხედავად იმისა, რომ მთავრობამ გასულ წელს ამ საკითხზე მიიღო გადაწყვეტილება და მსგავსი ავტომობილების რეგისტრაციის აკრძალვა მიმდინარე წლის მარტიდან უნდა მომხდარიყო, ვადამ 2017 მომდევნო წლის 1 იანვრამდე გადაიწია.


ავტოდილერები კანონპროექტის ამოქმედებას ეწინააღმდეგებოდნენ და აცხადებდნენ, რომ ამ რეგულაციის ამოქმედებით უამრავი კომპანია გაკოტრდება.

 

ეკონომიკის ექსპერტი ემზარ ჯგერენაია ამბობს, რომ ამ მოწვევის პარლამენტის მუშაობა შეიძლება შეფასდეს როგორც სუსტი. მისი თქმით, მნიშვნელოვანი პრობლემა იყო ის, რომ საკანონმდებლო ორგანოში არ იყო ერთიანობა და არ იყო განსაზღვრული ეკონომიკური ხედვა.

 


„რაოდენობრივად ბევრი კანონპროექტი განიხილეს, თუმცა, ერთიანობა, ერთიანი ხედვა და ჩამოყალიბებული ეკონომიკური პოლიტიკა არ იყო"-აცხადებს ჯგერენაია. მისი თქმით, არ უმუშავია არც პრემიერის ეკონომიკურ საბჭოს და არც პარლამენტის ეკონომიკურ კომიტეტებს.


ამ მოწვევის პარლამენტის მუშაობას საკმაოდ ნეგატიურად აფასებს ეკონომიკის ექსპერტი ეკა გეგეშიძე და ამბობს, რომ „ქართული ოცნების" ხელისუფლების პირობებში არსებულ საკანონმდებლო ორგანოს საკუთარი ინიციატივით სავარაუდოდ არცერთი ეკონომიკური კანონპროექტი არ მიუღია. „მე ვერ დამისახელებთ ვერანაირ მნიშვნელოვან ცვლილებას, რომელიც ეკონომიკური მიმართულებით განხორციელდა და ეს იყო პარლამენტის მიერ ინიცირებული"-აცხადებს გეგეშიძე.


მისი თქმით, მაგალითად, საგადასახადო კოდექსი, რაც აქამდე იყო, დღესაც დაახლოებით იგივეა. არანაირი ძირეული ცვლილება ამ მიმართულებით არ მომხდარა.

 

გეგეშიძე ამის მიზეზად სუსტ ეკონომიკურ ჯგუფს ასახელებს. მისი შეფასებით, მას შემდეგ, რაც პარლამენტიდან ახლანდელი ფინანსთა მინისტრი ნოდარ ხადური წავიდა, ფაქტობრივად, საკანონმდებლო ორგანო ნორმალური ეკონომისტის გარეშე დარჩა.

 

როგორც გეგეშიძე ამბობს, პარლამენტში არავინ არ არის ისეთი, რომელიც ნორმალურად წაიკითხავს აუდიტის ანგარიშებს და მოამზადებს პროგრამულ ბიუჯეტებს. მისი თქმით, ამ მოწვევის პარლამენტში ძალიან ბევრი იურისტია, ამ მხრივ ორგანო საკმაოდ წარმომადგენლობითია, თუმცა, ეკონომიკური ჯგუფი საკმაოდ სუსტად არის წარმოდგენილი.


„მაგალითად, ფინანსთა სამინისტრო თუ მოამზადებს კანონპროექტს. იმას მიიღებს პარლამენტი. აუცილებლად უნდა ითქვას, რომ პარლამენტის ძირითადი ფუნქცია არის არამარტო მთავრობის დაკვეთების შესრულება, კანონპროექტების მიღება ან ჩასწორება, არამედ თავად უნდა მოახდინოს საჭიროებათა კვლევა და თვითონ გააკეთოს დამატებითი კანონები. არის გარკვეული კანონები, რომლებიც ამ 4 წლის განმავლობაში საკანონმდებლო ორგანომ მიიღო, მაგრამ მათგან არცერთი პარლამენტის ეკონომიკური გუნდის მიერ ინიცირებული არ არის,"-აცხადებს გეგეშიძე.


როგორც ექსპერტი განმარტავს, ეკონომიკური პროფილის კომიტეტებში რამდენიმე სპეციალისტია, თუმცა ისინი პარლამენტის აპარატის თანამშრომლები არიან. როგორც გეგეშიძე ამბობს, აპარატი არ ქმნის ამინდს, რომ კანონპროექტის ინიცირება მოახდინოს. მისი თქმით, ამა თუ იმ კანონის საჭიროება პარლამენტის წევრმა უნდა იგრძნოს და არა აპარატის წარმომადგენელმა.


„პარლამენტში უნდა იყვნენ ის ადამიანები, ვინც კანონების წერა და მართვა იცის. ჩვენ კი პარლამენტში გყვავს ფეხბურთელი, მოჭიდავე, მსახიობი. საკანონმდებლო ორგანოში კულტურული სფეროს წარმომადგენლებიც უნდა იყვნენ, მაგრამ მათი რაოდენობა მინიმალური უნდა იყოს"-აცხადებს გეგეშიძე.


მისივე თქმით, სიები, რომლებიც საპარლამენტო არჩევნების ფარგლებში გამოქვეყნდა, ამ მიმართულებით „დამშვიდების" საშუალებას არ იძლევა. გეგეშიძის განცხადებით, წარდგენილ სიებში ეკონომისტები თითქმის არ არიან.


იმის შესახებ, რომ ამჟამინდელი მოწვევის პარლამენტის მიერ მიღებული კანონების უმრავლესობა აღმასრულებელი ხელისუფლების მიერაა ინიცირებული, საკუთარ კვლევაში „საერთაშორისო გამჭვირვალობა საქართველოც“ საუბრობს.

 

ექსპერტების დიდი ნაწილი დარწმუნებულია, რომ კანონპროექტების ჩავარდნის მიზეზიც აღმასრულებელი ხელისუფლების პოზიციაა.



ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

შემოსავლიანი სექტორები ბანკებისთვის

შემოსავლიანი სექტორები ბანკებისთვის
access_time2020-07-08 16:00:33
2019 წელი საქართველოს საბანკო სისტემისთვის მნიშვნელოვანი გარდაქმნების პერიოდი იყო. პასუხისმგებლობიანი დაკრედიტების სისტემის ამოქმედებამ, რომელიც 2020 წლის აპრილში ნაწილობრივ შემსუბუქდა, ძირეულად შეცვალა ის მოდელი, რომელიც მოქალაქეთა დაკრედიტების მიმართულებით წლების განმავლობაში არსებობდა. შემოსავლების დადასტურების გამკაცრებული მოთხოვნების და PTI კოეფიციენტების განსაზღვრას ქვეყანაში საცალო სესხების ზრდის ტემპის ვარდნა მოჰყვა. ზოგიერთი კატეგორიის საცალო სესხების პორტფელი...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...

შპს „ყვარლის ედემის“ ადმინისტრაციამ „ქართულ ოცნებას“ მარტში 65 000 ლარი შესწირა

შპს „ყვარლის ედემის“ ადმინისტრაციამ „ქართულ ოცნებას“  მარტში 65 000 ლარი შესწირა
access_time2020-07-08 13:01:37
შპს „ყვარლის ედემის“ მფლობელებმა და დირექტორმა 2020 წლის 20 და 23 მარტს „ქართულ ოცნებას” ჯამში 65,000 ლარი შესწირეს და რამდენიმე დღეში საქართველოს ტურიზმის ეროვნული ადმინისტრაციისგან გამარტივებული შესყიდვის გზით 277,300 ლარიანი კონტრაქტი მიიღეს. ამის შესახებ „საერთაშორისო გამჭირვალობა საქართველოს“ კვლევაშია აღნიშნული.  „სასტუმროს 2013-2019 წლებში 400,000 ლარის ღირებულების გამარტივებული სახელმწიფო შესყიდვის კონტრაქტები აქვს გაფორმებული, თუმცა აქამდე...


მსგავსი სიახლეები

up