"ნაავარიები და ამორტიზებული მანქანები ტექდათვალიერებას ვერ გაივლის"

"ნაავარიები და ამორტიზებული მანქანები ტექდათვალიერებას ვერ გაივლის"

access_time2017-05-23 13:00:30

საქართველოში გაუმართავი, სტიქიაგამოვლილი მანქანები ჩამოჰყავთ და აქ როგორც კარგად მოვლილს, ისე ყიდიან. ავტომობილების უმრავლესობა საერთოდ ამორტიზებულია და აქ ადგილზე აწყობენ. ასეთი მანქანით გადაადგილება სიცოცხლისთვის საშიშია და შეიძლება, ნებისმიერი მგზავრობა ფატალურად დასრულდეს. როგორც გაზეთი „რეზონანსი" წერს, ტრანსპორტის სფეროს სპეციალისტები ამბობენ, რომ ამგვარ მანქანებს სავალდებულო ტექნიკური დათვალიერების დროს აუცილებლად მიექცევა ყურადღება. პრობლემაზე საუბრობენ კერძო იმპორტიორები და მომხმარებლებიც, რომლებიც ამერიკიდან ჩამოყვანილი უვარგისი მანქანის შემდეგ ფინანსურად დაზარალდნენ.

 

 

იმპორტირებული მანქანების პრობლემა მათი გაუმართაობაა. საქართველოში ყოველთვის შემოდიოდა ნაავარიები ავტომობილები, მაგრამ ბოლო დროს ამას მასობრივი სახე აქვს. მას შემდეგ, რაც მოსახლეობის მსყიდველუნარიანობა შემცირდა, დილერები ცდილობენ, რაც შეიძლება იაფად იშოვონ მანქანები საზღვარგარეთ და საქართველოში მინიმალურ ფასად გაყიდონ. ეს მხოლოდ იმ შემთხვევაში ხდება, თუკი სატრანსპორტო საშუალება პრობლემურია ან სტიქიურ ზონაშია მოყოლილი. თამამად შეიძლება ითქვას, რომ იმპორტირებული მანქანების 2/3 ამორტიზებულია.

 

 

ნაავარიები, ამორტიზებული ავტომობილები საქართველოში პირვანდელ სახეს იღებს და მყიდველს ელოდება. ასეთი მანქანები ტექნიკურ დათვალიერებას აღარ ექვემდებარება, გარდა იმ შემთხვევისა, თუ ტრანსპორტს ძრავა გამოცვლილი აქვს გაუმართაობის გამო და ეს ცვლილება აღწერილია როგორც მის პირად დოკუმენტში, ასევე დადასტურებულია მომსახურების სააგენტოში.

 

 

იმპორტირებული ავტომობილების ტექნიკურ გაუმართაობაზე საუბრობს "ეკო ტრანსპორტ ცენტრის" დირექტორი ვასო ურუშაძე. მისი თქმით, პრობლემური მანქანები ძირითადად ამერიკიდან შემოდის და ამ მხრივ ყველაზე მოწესრიგებული ბაზარი იაპონიას აქვს. ეს არის ქვეყანა, სადაც მანქანები მკაცრ შემოწმებას გადიან და შემდეგ ხდება მათი რეალიზაცია. ამ სტანდარტებს ამერიკის ბაზარი ვერ აკმაყოფილებს.

 

 

"თუ შევადარებთ სხვადასხვა ქვეყნიდან ავტომობილების იმპორტს, რომელიც საქართველოში ხორციელდება, იაპონია ყველაზე მოწესრიგებული ქვეყანაა, რასაც ამერიკის შეერთებულ შტატებზე ვერ ვიტყვით. არის ისეთი საიტები, სადაც აუქციონზე ხვდება გაუმართავი ავტომობილები რომლებიც ავტოსაგზაო შემთხვევების გამო ისეა დაზიანებული, აღდგენასაც კი არ ექვემდებარება. ასეთი მანქანები საქართველოს მსგავს ქვეყნებში გადის.

 

 


ნაავარიები ავტომობილები, საზღვრის გადმოკვეთის შემდეგ, პირდაპირ პროფილაქტიკაში მიდის. მას ტექნიკურ რეაბილიტაციას უტარებენ და შემდეგ ხდება მისი რეალიზაცია.

 

 

ორი წლის წინათ გერმანიის წამყვანმა ტელეარხმა ჩაატარა ჟურნალისტური გამოძიება. გაირკვა, რომ გერმანიაში მდებარე მანქანების სასაფლაოდან (სადაც ნაავარიები და ტექნიკურად გაუმართავი ავტომობილები მიჰყავთ) საქართველოში არალეგალური გზით აგზავნიდნენ მანქანებს. აქ არემონტებდნენ და უბრუნებდნენ ისეთ სახეს, რომ გასაყიდად ვარგისი ყოფილიყო. ხარისხიანი და უხარისხო ავტომობილები

 

ყველგანაა, თუმცა ყველაზე დაცული ბაზარი იაპონიას აქვს, შემდეგ მოდის ევროკავშირის ქვეყნები და შემდეგ _ ამერიკა", _ განუცხადა "ბიზნეს რეზონანსს" ურუშაძემ და იქვე აღნიშნა, რომ ამორტიზებული მანქანები, რომლებიც სხვადასხვა გზით ხვდება საქართველოს ბაზარზე, ტექნიკურ დათვალიერებას ვერ გაივლის.

 

 

"ტექნიკური დათვალიერების დროს ასეთ მანქანებს აუცილებლად მიექცევა ყურადღება. შემოწმების დროს მოხდება ავტომობლის იდენტიფიცირება ინდივიდუალური კოდის მიხედვით (რომელიც ყველა ავტომობილს აქვს). შემოწმების შემდეგ თუ დადგინდა, რომ მანქანა გაუმართავი იყო და ხელახლაა აწყობილი, ასეთი ავტომობილი ტექნიკურ დათვალიერებას აღარ დაექვემდებარება", - აღნიშნა ურუშაძემ.

 

 

მცირე იმპორტიორები, რომლებსაც ავტომობილები იაპონიიდან შემოჰყავთ, საკუთარ მანქანებზე სრულ პასუხისმგებლობას იღებენ. გიორგი ცხომელიძე ერთ-ერთი მათგანია, ვისაც იაპონიიდან ავტომობილები 4 წელია, რეგულარულად შემოჰყავს. როგორც მან "ბიზნეს-რეზონანსთან" საუბრისას აღნიშნა, ხშირ შემთხვევაში მასთან ისეთი ადამიანები მიდიან, რომლებიც ამერიკიდან შემოყვანილი ავტომობილების შეძენის შემდეგ მისი გაუმართაობის გამო ფინანსურად დაზარალდნენ.

 

 

"იაპონიიდან ჩამომყავს მანქანები და სრული პასუხისმგებლობით ვაცხადებ, არანაირი პრობლემა არ მქონია. კმაყოფილი მყიდველი ძალიან ბევრი მყავს. მიკავშირდებიან ისეთებიც, რომლებმაც ამერიკიდან ჩამოყვანილი მანქანა იყიდეს და უკმაყოფილონი არიან. თუკი ავტომობილი ნამდვილად სტიქიაში მოყოლილი და აქ თავიდან ბოლომდე აწყობილია, ასეთი ტრანსპორტით გადაადგილება საფრთხის შემცველია.

 

 

მყავს ნაცნობი, რომელსაც ამერიკიდან ჩამოყავს სრულად ამორტიზებული ავტომობილები, აქ უცვლის ნაწილებს, არემონტებს და როგორც ახალს, ისე ყიდის" _ განუცხადა "ბიზნეს-რეზონანსს" გიორგი ცხომელიძემ.

 

 

დაზარალებული მომხმარებლები ამერიკიდან ჩამოყვანილი ამორტიზებული მანქანების შემთხვევებს იხსენებენ. ცოტნე ჯაოშვილი მანქანის შეძენიდან 3 თვის შემდეგ გადაუჭრელი პრობლემის წინაშე დადგა, რის გამოც ავტომობილის გაყივაც კი მოუწია.

 

 

"შარშანწინ ვიყიდე ამერიკიდან ჩამოყვანილი მანქანა. მაშინ დიდი გამოცდილება არ მქონდა, უბრალოდ, მინდოდა მყოლოდა ავტომობილი, როგორც გადაადგილების სწრაფი საშუალება. ყიდვიდან დაახლოებით 3 თვეში დაიწყო პრობლემები. თითქმის ყოველდღე პროფილაქტიკაში ვიყავი, ხან რა ნაწილი უფუჭდებოდა, ხან _ რა. სასწრაფოდ გავყიდე და ახლობლის რჩევით იაპონიიდან ჩამოყვანილი ვიყიდე. არ ვარ უკმაყოფილო ან წინა შემთხვევიდან გაწამებული, აქ ვეღარ ვმჩნევ ლაფსუსებს. ყველას ვაფრთხილებ, რომ კარგად გამოიკვლიონ და მაქსიმალურად მოერიდონ ნაავარიები ავტომობილების შეძენას", - განუცხადა "ბიზნეს-რეზონანსს" ცოტნე ჯაოშვილმა.

 



დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია
access_time2020-09-23 19:00:54
„დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან“, - ასე ეხმაურება „არქი ჯგუფის“ დამფუძნებელი ილია წულაია კომერსანტის სტატიას, სადაც თამარაშვილის ქუჩაზე მცხოვრები მოსახლეობის პროტესტზეა საუბარი. მმართველი გუნდის დეპუტატი აცხადებს, რომ ძველი იპოდრომის ტერიტორიაზე დეველოპერული კომპანია მშენებლობას დარღვევების გარეშე, კანონის სრული დაცვით ახორციელებს.   „მესმის რომ მეზობლებს არ სიამოვნებთ მშენებლობა, ერჩიათ როდესაც ​გადმოიხედავდნენ...

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს
access_time2020-09-23 18:13:22
საქართველოში ამერიკის შეერთებული შტატების სამი ყოფილი ელჩი, ჯონ ტეფტი, უილიამ კორტნი და კენეტ იალოვიცი საქართველოში დემოკრატიისა და ბიზნესგარემოს უკუსვლის შესახებ გამოცემა The National Interesrt-ში ერთობლივ სტატიას აქვეყნებენ.   დიპლომატები აღნიშნავენ, რომ პოლარიზებული პოლიტიკური ვითარება, საარჩევნო პროცესში არსებული დარღვევები და საერთაშორისო ინვესტორთა შევიწროების...

23 სექტემბერი - რეგიონში ქართული ლარი და თურქული ლირა უფასურდება

23 სექტემბერი - რეგიონში ქართული ლარი და თურქული ლირა უფასურდება
access_time2020-09-23 18:05:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. დღეს გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 23...

ქართული მოცვი ევროპაში ვერ გადის

ქართული მოცვი ევროპაში ვერ გადის
access_time2020-09-23 16:00:59
იმის მიუხედავად, რომ ლურჯ მოცვზე  ევროკავშირში საქართველოდან შესაძლო ექსპორტზე დიდ იმედებს ამყარებდნენ, ამ პროდუქტმა ევროპის ბაზარზე ადგილი ჯერ ვერ დაიმკვიდრა.   2020 წლის განვლილ პერიოდში ექსპორტზე 650 ტ ლურჯი მოცვი გავიდა, თუმცა 99%  რუსეთში გაიყიდა.   კომპანია „ეფკოს“ დირექტორის იოანე მორჩილაძეს თქმით, ქართული ლურჯი მოცვი სრულფასოვნად ევროპაში ექსპორტზე არც გასულა.   „თუ ვსაუბრობთ მნიშვნელოვან რაოდენობაზე, ევროკავშირში...

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე
access_time2020-09-23 15:30:13
საქართველოს ეროვნული ბანკის პრეზიდენტი კობა გვენეტაძე ლარის გაცვლითი კურსის შესახებ საკუთარ facebook გვერდზე პოსტს აქვეყნებს. კობა გვენეტაძის განცხადებით, პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ეროვნული ბანკის პრეზიდენტი კობა გვენეტაძის პოსტს „კომერსანტი“ უცვლელად გთავაზობთ: „ბოლო დროს ხშირად ისმის განცხადებები: „ეროვნულმა ბანკმა XX მილიონი დოლარი გაყიდა, მაგრამ ლარი მაინც ვერ გაამყარა“. ეს...


მსგავსი სიახლეები

up