"მოამრავლებს თუ არა სამუშაო ადგილებს დონალდ ტრამპის მიერ დაპირებული საგადასახადო არდადეგები"

"მოამრავლებს თუ არა სამუშაო ადგილებს დონალდ ტრამპის მიერ დაპირებული საგადასახადო არდადეგები"

access_time2016-12-29 13:10:13

"მოამრავლებს თუ არა სამუშაო ადგილებს დონალდ ტრამპის მიერ დაპირებული საგადასახადო არდადეგები" - ამ სათაურით აქვეყნებს გაზეთი "ნიუ-იორკ თაიმსი" ლესლი პიკერის სტატიას რომელშიც ვკითხულობთ:

 

 

 

"ახლადარჩეულ პრეზიდენტს დონალდ ტრამპს არაერთგზის უთქვია, რომ მის მიერ შეთავაზებული "საგადასახადო არდადეგები" დაეხმარება ამერიკულ კომპანიებს საზღვარგარეთ შედარებით ნაკლებად მომგებიანი შემოსავლების შინ დაბრუნებაში. ტრამპის აზრით, დაბრუნებული ფულის ნაკადი შექმნის სამუშაო ადგილებს.

 

 

 

მიუხედავად ამისა, ამერიკის კორპორატიულ საბჭოებსა და აღმასრულებელ მენეჯმენეტს შესაძლოა სხვა მოსაზრებები ჰქონდეთ ამის თაობაზე.

 

 

 

მათთვის უფრო ხელსაყრელი იქნება საზღვარგარეთ ინვესტირებული 2 ტრილიონი დოლარიდან დაბრუნებული კაპიტალის გამოყენება ამერიკაში ბიზნესების შესაძენად, საფონდო ბირჟებზე საკუთარი კომპანიების აქციათა გამოსასყიდად. ასეთი შეხედულება აქვთ წამყვან ამერიკელ სპეციალისტებსა და მრჩევლებს.

 

 

 

როგორც ცნობილია, მრავალ ამერიკულ კომპანიას დაგროვილი აქვს საზღვარგარეთ შემოსავლები, რამეთუ შეერთებულ შტატებში მათი დაბრუნება, დღევანდელი საგადასახადო ნორმებით, გამოიწვევს მნიშვნელოვან დაბეგვრას.

 

 

 


ამის გამოა რომ დონალდ ტრამპი აცხადებს, რომ მისი ინიციატივით, საზღვარგარეთიდან რეპატრიაციისას, კორპორატიული მოგებები ერთჯერადად დაიბეგრება 10 პროცენტით. ესაა დაახლოებით ერთი მესამედი იმ დაბეგვრისა, რომელსაც ამჟამად მოქმედი კანონმდებლობა მოითხოვს. ეს უკანასკნელი, როგორც ცნობილია, 35-ეტ პროცენტიან ფედერალურ საგადასახადო დაბეგვრას ითვალისწინებს. თუმცა, ხსენებულ კომპანიებს შეღავათების სახით იმ თანხების დაბრუნებაც ეკუთვნით, რომლებიც მათ საზღვარგარეთ გადასახადების სახით გადაიხადეს. მაგრამ უმრავლეს შემთხვევაში, საზღვარგარეთ გადასაახადების სახით გადახდილი თანხები მნიშვნელოვნად მცირეა იმ გადასახადებზე, რომლებსაც შეერთებულ შტატებში იხდიან.

 

 

 

დონალდ ტრამპის გეგმის თანახმად, თუკი შეღავათიან პირობებში ამერიკული კომპანიები დააბრუნებენ საზღვარგარეთიდან კაპიტალს, მაშინ ეს უკანასკნელი უსათუოდ გამოყენებული იქნება სამუშაო ადგილების შესაქმნელად. თუმცა, რელობაში ეს იქნება მხოლოდ ერთერთი ვარიანტი კაპიტალის გამოყენებისა.

 

 

 

თუკი პრიორიტეტად დადგება დაბრუნებული კაპიტალის დაბრუნება კორპორატიული გარიგებების განხორციელებისთვის, მაშინ ამით ყველაზე გახარებულნი ალბათ ფინანსური მრჩევლები უნდა იყვნენ, რამეთუ ისინი უხვი გასამრჯელოების მოლოდინში იქნებიან თავიანთი საქმიანობიდან. ამასთანავე, დიდ ვერაფერ სარგებელს ნახავენ ამერიკელი მუშა-მოსამსახურეები, რამეთუ ხშირია სამუშაოდან მათი დათხოვება ორი, ან მეტი კომპანიის გაერთიანებისა და შედეგობრივი ოპტიმიზაციის გამო" - ნათქვამია გაზეთის სტატიაში.

 

 

 


"სამუშაო ადგილების რაოდენობა შემცირდა, როცა 2004 წელს კონგრესის მიერ ინიციირებულ იქნა საგადასახადო არდადეგები. იმ დროს 15-მა ყველაზე მსხვილმა კომპანიამ დააბრუნა შეერთებულ შტატებში საერთო ჯამში 150 მილიარდი დოლარის კაპიტალი. მაგრამ, სწორედ ამ კომპანიებმა, ოფიციალური მონაცემებით, ჯამში 20,931-თ შეამცირეს თავიანთ რიგებში სამუშაო ადგილთა რაოდენობა.

 

 

 


თუმცა, არის ისეთი კომპანიებიც, რომლებიც შესაძლოა, არ იყვნენ დაინტერესებულნი სხვა კომპანიების შეძენით. ერთი ასეთი მაგალითია ფირმა Apple, რომელსაც საზღვარგარეთ უზარმაზარი კაპიტალი აქვს დაგროვილი. ამავე დროს, ისტორიულად ხსენებული ფირმა არ გამოირჩევა აქტიურობით კორპორატიულ შერწყმათა ბაზარზე. როგორც მოელიან, საზღვარგარეთ დაგროვილი კაპიტალის რეპატრიაციას Apple-ს ფირმა გამოიყენებს იმ ხარჯების დასაფარად, რომელიც მას დაუჯდა გასულ ივლისში გამოცხადებული შეძენა კომპანია LinkeIn-ისა. როგორც ცნობილია. შეძენის ფასმა 26 მილიარდი დოლარი შეადგინა.

 

 

 


ასევე გასათვალისწინებელია ის გარემოება, რომ კომპანიები, როგორც წესი, თავიანთ ბალანსებზე დიდხანს არ ტოვებენ გამოუყენებლად მნიშვნელოვან ფულად თანხებს. ყველზე მეტად ხსენებული თანხების გამოყენებას კომპანიების აქციონერი-ინვესტორები ითხოვენ ხოლმე.

 

 

 


შესაძლოა ხსენებული გარემოება ოპტიმიზმს უსახავს მრავალ ინვესტორს, რომელთა ბოლოდროინდელი აქტიურობა აისახება საფონდო ბირჟების აღმასვლაზე" - ნათქვამია გაზეთ "ნიუ-იორკ თაიმსის" სტატიაში.

 

 

 

საერთაშორისო მიმომხილველი გიორგი ჩხუბიანიშვილი

 

 


 

 

 



ვითიბი წარმატებით განაგრძობს ქართული ღვინის სექტორის ექსპორტის ფინანსირებას

ვითიბი წარმატებით განაგრძობს ქართული ღვინის სექტორის ექსპორტის ფინანსირებას
access_time2022-01-20 12:55:23
ვითიბი ბანკი, როგორც ქართული ბიზნენის #1 ქომაგი, აქტიურად აგრძელებს ბიზნესის მხარდაჭერას. ბანკის მთავარი აქციონერის თანადგომით, საერთაშორისო ფაქტორინგულ ბაზარზე, ვითიბი ბანკმა, პირველი ნაბიჯები, ქართული ღვინის სექტორის  ფინანსირებაში გადადგა. 2015 წელს დაწყებულ კურსს, ბანკი, ახლაც წარმატებით აგრძელებს და კლასიკური FCI Edifactoring-ის პლატფორმის საშუალებით ახორციელებს ქართული ღვინის სექტორის ექსპორტის ფინანსირების სტანდარტიზებულ...

ექსპორტმა ჩინეთში $600 მლნ-ს გადააჭარბა

ექსპორტმა ჩინეთში $600 მლნ-ს გადააჭარბა
access_time2022-01-20 12:00:37
2021 წელს ექსპორტი 2020 წელთან შედარებით 26.9%-ით. 2019 წელთან შედარებით კი 11.7%-ით გაიზარდა და დამოუკიდებელი საქართველოს ისტორიაში რეკორდულ მაჩვენებელს $4.243 მლრდ-ს მიაღწია. ექსპორტის 14.5% - $616 მლნ ჩინეთში განხორციელდა. 2021 წელს ჩინეთში უფრო მეტი პროდუქცია გაიყიდა, ვიდრე 1995-2016 წლებში ერთად, რასაც ხელი 2018 წლის იანვრიდან ამოქმედებულმა თავისუფალმა სავაჭრო ხელშეკრულებამ შეუწყო.   ჩინეთში გატანილ ექსპორტში $497 მლნ-ით სპილენძის მადნების წილი 81%-ს აღწევს, რაც...

საქართველომ 2021 წელს ოკუპირებული აფხაზეთისთვის 1 მლრდ კვტ/სთ ელექტროენერგია შეიძინა

საქართველომ 2021 წელს ოკუპირებული აფხაზეთისთვის 1 მლრდ კვტ/სთ ელექტროენერგია შეიძინა
access_time2022-01-19 18:00:57
2021 წელს საქართველოში ელექტროენერგიის გამომუშავება 13.3%-ით 12.645 მლრდ კვტ/სთ-მდე, მოხმარება კი 13.1%-ით 13.753 მლრდ კვტ/სთ-მდე გაიზარდა. იმპორტმა კი დამოუკიდებელ საქართველოში პირველად 2 მლრდ კვტ/სთ-ს გადააჭარბა, საიდანაც 1 მლრდ კვტ/სთ ოკუპირებულ აფხაზეთს მოხმარდა. ამის შესახებ ინფორმაციას ელექტროენერგეტიკული ბაზრის ოპერატორი - ესკო ავრცელებს.   2021 წელს საქართველოში ექსპლუატაციაში რომელიმე დიდი ჰესი არ შესულა და არც ახალი...

უკრაინა გერმანიას საბრძოლო ხომალდებს და საზენიტო კომპლექსებს სთხოვს

უკრაინა გერმანიას საბრძოლო ხომალდებს და საზენიტო კომპლექსებს სთხოვს
access_time2022-01-19 20:00:19
გერმანიის მთავრობამ უარი განაცხადა შეიარაღების მიწოდებაზე უკრაინისთვის, რომელიც რუსეთთან კონფლიქტის მდგომარეობაშია. უკრაინის ელჩს გერმანიაში ანდრეი მელნიკს კი არ სურს ბერლინის ამ გადაწყვეტილებასთან შეგუება და კვლავაც დაჟინებით ითხოვს იარაღის მიწოდებას, თანაც კონკრეტულ სახეობებს ასახელებს. „პირველ რიგში საუბარია საბრძოლო ხომალდებზე, რომლებიც საუკეთესოა მსოფლიოში და რომლებიც ჩვენ უკიდურესად გვჭირდება შავი და აზოვის ზღვების გრძელი სანაპიროების დასაცავად“, -...

ირაკლი ღარიბაშვილი - საქართველოს გადაეცა მიწა მდინარე იორდანესთან მაცხოვრის ნათლობის ადგილის მიმდებარედ - პატრიარქის კურთხევით, აქ აშენდება ქართული კულტურის ცენტრი

ირაკლი ღარიბაშვილი - საქართველოს გადაეცა მიწა მდინარე იორდანესთან მაცხოვრის ნათლობის ადგილის მიმდებარედ - პატრიარქის კურთხევით, აქ აშენდება ქართული კულტურის ცენტრი
access_time2022-01-19 15:00:00
საქართველოს გადაეცა მიწა მდინარე იორდანესთან მაცხოვრის ნათლობის ადგილის მიმდებარედ. პატრიარქის კურთხევით, აქ აშენდება ქართული კულტურის ცენტრი, - ამის შესახებ საქართველოს პრემიერ-მინისტრმა ირაკლი ღარიბაშვილმა, სამების საკათედრო ტაძარში განაცხადა, სადაც სრულიად საქართველოს კათოლიკოს პატრიარქმა ილია მეორემ მთავრობის მეთაური ამბიონზე მიიწვია. ინფორმაციას მთავრობის ადმინისტრაციის პრესსამსახური ავრცელებს. ...


მსგავსი სიახლეები

up