"კომერსანტმა" თბილისში ყავის ქარხნის მშენებლობის დეტალები გაარკვია – ექნება თუ არა მას კავშირი Starbucks–თან?

"კომერსანტმა" თბილისში ყავის ქარხნის მშენებლობის დეტალები გაარკვია – ექნება თუ არა მას კავშირი Starbucks–თან?

person access_time2017-03-27 16:00:00

საქართველოში ყავის მსოფლიო ბრენდის Starbucks-ის შესაძლო შემოსვლასთან დაკავშირებით გავრცელებულ ინფორმაციას სერიოზული რეზონანსი მოჰყვა. როგორც ინფორმაციაში იყო აღნიშნული, Starbucks-ი თბილისში ქარხნის მშენებლობით  დაინტერესდა.

 

პროექტის შესახებ დეტალები არ გაჟღერებულა, თუმცა, ითქვა, რომ დამტკიცებულია განაშენიანების რეგულირების გეგმა და გადაწყვეტილია, რომ ქარხანა თბილისში, კახეთის გზატკეცილზე, ეროვნული ბანკის საკასო ცენტრის უკან მდებარე ტერიტორიაზე აშენდება.  

 

უკვე დღეს, გავრცელებული ინფორმაციის თანახმად, კახეთის გზატკეცილზე ყავის საკმაოდ მასშტაბური ქარხანა შენდება,  რომელიც შესაძლოა,  გახდეს კიდეც Starbucks-ის  რეგიონალური ცენტრი.

 


„კომერსანტი" დაინტერსდა, ვინ აშენებს კახეთის გზატკეცილზე ყავის თანამედროვე სტანდარტების მქონე ქარხანას და იქნება თუ არა  ის დაკავშირებული  ამერიკულ კომპანია Starbucks- თან?

 


როგორც "კომერსანტმა" გაარკვია, დასახელებულ ტერიტორიაზე ყავის ქარხანას შპს „კაფსულო" აშენებს და მას Starbucks-თან პირდაპირი 
კავშირი არ აქვსთბილისის მერიის არქიტექტურის სამსახურში კი თავდაპირველი ვერსია უარყვეს და ამჯერად განაცხადეს, რომ მერიაში კახეთის გზატკეცილზე მასშტაბური ყავის ქარხნის მშენებლობის ნებართვის მისაღებად განაცხადი შპს „კაფსულომ" შეიტანა და ამ ეტაპზე Starbucks–ი არ ფიგურირებს. მერიის განმარტებით, ამ დროისთვის, დამტკიცებულია განაშენიანების რეგულირების გეგმა (გრგ), რომელიც ნებართვის გაცემის საწყისი სტადიაა.



რაც შეეხება თავად შპს „კაფსულოს", როგორც გაირკვა, აღნიშნული კომპანია კახეთის გზატკეცილზე ყავის ქარხანას აშენებს, თუმცა, მას არანაირი პირდაპირი კავშირი ყავის მსოფლიო ბრენდ Starbucks-თან არ ექნება. „კახეთის გზატკეცილზე სხვა მიწებიც არის, სხვა ტერიტორიებიც არის. ჩვენ Starbucks-თან არანაირი კავშირი არ გვაქვს"-აცხადებს „კომერსანტთან" საუბრისას შპს „კაფსულოს" ხელმღვანელი ბეჟან გურგენიძე.



მისი განმარტებით, კომპანია შპს „კაფსულო" პირველად საქართველოში აპარატის ყავის წარმოებას იწყებს. გურგენიძე განმარტავს, რომ კომპანია მიმდინარე წლის შემოდგომაზე ბაზარზე პირველ, სატესტო პროდუქციას გამოიტანს. მისივე განცხადებით, ყავა სარეალიზაციო ქსელში კაფსულის ფორმებში გამოვა.



„კომერსანტის" კითხვაზე, რა ბრენდის ქვეშ გაიყიდება შპს „კაფსულოს" მიერ წარმოებული, ე.წ. აპარატის ყავა,რა საფასო სეგმენტში იქნება წარმოდგენილი  და ხომ არ აპირებს ყავის მსოფლიო ბრენდებთან თანამშრომლობას, გურგენიძე განმარტავს,რომ ბრენდის სახელზე მუშაობა ახლა მიმდინარეობს, შესაბამისად,სახელწოდება მოგვიანებით გახდება ცნობილი.




შპს „კაფსულოს" ხელმღვანელი აცხადებს, რომ კომპანია სამომავლოდ სხვადასხვა პროექტების დაწყებასაც გეგმავს, თუმცა, ამ დროისთის დეტალებზე საუბრისგან თავს იკავებს. „დავკავდებით სხვა, მონათესავე პროფილებითაც. ამიტომ გვჭირდებოდა დიდი ქარხანა და დიდი საწარმოო არეალი""-აცხადებს გურგენიძე.



მისი განმარტებით, ქარხნის მშენებლობა უახლოეს პერიოდში დაიწყება.გურგენიძის განმარტებით, ამ დროისთვის მოსამზადებელი სამუშაოები მიმდინარეობს. როგორც გურგენიძე განმარტავს, პროექტის ღირებულება საწყის ეტაპზე 12 მილიონი ლარი იქნება, თუმცა,მას შემდეგ, რაც კომპანია „კაფსულო" ახალი პროექტების განხორციელებას დაიწყებს, საინვესტიციო ღირებულება 20 მილიონ ლარს გადააჭარბებს.



გურგენიძის განცხადებით, მსგავსი ტიპის პროექტი არათუ რეგიონში, არამედ ევროპის ბევრ ქვეყანაშიც კი არ არის. „პროექტი ამბიციურია, მასშტაბურია და თავისთვად გათვლილი იქნება ექსპორტისთვისაც"-აცხადებს გურგენიძე.

 

 

მისი განმარტებით, კომპანია „კაფსულო" ყავისთვის შესაფუთ მასალას საფრანგეთიდან და შვეიცარიიდან შემოიტანს. რაც შეეხება ნედლეულს, ყავა სხვადასხვა ქვეყნიდან შემოვა, მათ შორის, აფრიკიდან, სამხრეთ ამერიკიდან,ცენტრალური ამერიკიდან და ასე შემდეგ.

 


გურგენიძის ინფორმაციით, შპს „კაფსულომ"თბილისის მერიიდან მშენებლობის ნებართვა უკვე მიიღო.

 

შეგახსენებთ, თბილისში, კახეთის გზატკეცილზე, „ავტოვაზის" მიმდებარედ ყავის გადამამუშავებელი საწარმოს აშენების შესახებ ინფორმაცია 2016 წლის აგვისტოში დაანონსდა. მაშინ ეკონომიკის სამინისტროში აცხადებდნენ, რომ აღნიშნული პროექტის განსახორციელებლად შპს „კაფსულოს" ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ ორი ერთეული 12064 კვ.მ და 4928 კვ.მ არასასოფლო-სამეურნეო დანიშნულების მიწის ნაკვეთები 412 000 ლარად საინვესტიციო პირობებით გადასცა.


აღნიშნულ ობიექტებზე შპს „კაფსულო" ყავის გადამამუშავებელ საწარმოს მშენებლობასთან ერთად საგამოფენო დარბაზების მოწყობას, აღჭურვას და ფუნქციონირებას უზრუნველყოფდა. პროექტის განსახორციელებლად კომპანია არანაკლებ 11 277 000 ლარს დახარჯავდა და ჯამში 30 ადამიანს დაასაქმებდა.


ყავის გადამამუშავებელი საწარმო თანამედროვე ტექნოლოგიებით იქნებოდა აღჭურვილი და წლის განმავლობაში სავარაუდოდ 500 ტონა მწვანე ყავის ნედლეულს შეისყიდიდა, ხოლო წარმოების წლიური მოცულობა დაახლოებით, 1200 ტონა იქნებოდა.


აღსანიშნავია, რომ შპს „კაფსულო" გამოშვებული პროდუქციის 50%-ის ექსპორტზე გატანას გეგმავს. კომპანიის ხელმძღვანელი განმარტავს, რომ ქარხანა ქართულ-უცხოური ინვესტიციით შენდება.

 

 

(ფოტო-fortuna.ge)

 

 




დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up