"კომერსანტის" ექსკლუზივი – პარლამენტმა ორ უმსხვილეს ბანკს ბიუჯეტის ხარჯზე მილიონობით ლარის საგადასახადო შეღავათი დაუწესა

"კომერსანტის" ექსკლუზივი – პარლამენტმა ორ უმსხვილეს ბანკს ბიუჯეტის ხარჯზე მილიონობით ლარის საგადასახადო შეღავათი დაუწესა

person access_time2016-02-01 12:15:53

პარლამენტმა უმსხვილეს ფინანსურ ორგანიზაციებს საგადასახადო შეღავათები დაუწესა.


საკანონმდებლო ცვლილების თანახმად, ბიუჯეტში თანხების შეტანისგან თავისუფლდებიან კომპანიები, რომლებიც საერთაშორისო ბირჟებზე გადიან.

 

დღეის მონაცემებით კი, ასეთი სულ სამი მოთამაშეა და სამივე უმსხვილეს კომპანიას წარმოადგენს – საქართველოს ბანკი, მის მიერვე დაარსებული სამედიცინო კორპორაცია ევექსი და თიბისი ბანკი.

 

პარლამენტის მიერ დამტკიცებული ცვლილების შედეგად, აღნიშნული კომპანიები პარლამენტმა ბიუჯეტში მილიონობით ლარის შეტანის ვალდებულებისგან გაათავისუფლა.

 

კერძოდ: საქართველოს პრეზიდენტის 2015 წლის 24 დეკემბრის №4720- რს კანონის თანახმად ცვლილება შევიდა საქართველოს საგადასახადო კოდექსში. კერძოდ 105-ე მუხლის მე-4 ნაწილს დაემატა „გ“ ქვეპუნქტი, რომლის თანახმადაც გადასახადის გადამხდელს უფლება აქვს ერთობლივი შემოსავლიდან გამოქვითოს წილობრივი ფასიანი ქაღალდების ან/ და საერთაშორისო დეპოზიტარული ხელწერილების საფონდო ბირჟაზე (მათ შორის, უცხო ქვეყნის აღიარებულ საფონდო ბირჟაზე) განთავსებასთან და გამოშვებასთან, აგრეთვე ლისტინგის კატეგორიის/რეჟიმის ცვლილებასთან დაკავშირებული დანახარჯები. ამ ცვლილების მოქმედება ვრცელდება 2012 წლის 1 იანვრიდან წარმოშობილ სამართლებრივ ურთიერთობებზე.


ცვლილების არსს განმარტავს აუდიტორული და ბიზნეს საკონსულტაციო კომპანია ბიდიოს მმართველი პარტნიორი ზურაბ ლალაზაშვილი, რომლის თქმითაც, საერთაშორისო ბირჟებზე გასვლასთან დაკავშირებული დანახარჯები მოგების გადასახადისგან გამოქვითვადი ხდება. 


ლალაზაშვილი აცხადებს, რომ ეს ძალიან მნიშვნელოვანი ცვლილებაა, რადგან ბევრი კომპანიისთვის ეს დანახარჯები საკმაოდ დიდი იყო. საუბარია, მაგალითად, კონსულტანტების დაქირავების ხარჯზე და ასე შემდეგ, რომელიც როგორც წესი კომპანიებს რამდენიმე მილიონი უჯდებოდათ.



„თუ კომპანია აპირებს ლონდონის ბირჟაზე გასვლას, დანახარჯი შეიძლება რამდენიმე მილიონი ჰქონდეს. აქედან გამომდინარე, ეს დანახარჯები ხდება გამოქვითვადი მოგების გადასახადისგან. ანუ მოგების გადასახადისგან არ დაიბეგრება ასეთი ხარჯები, რაც ვფიქრობ, ძალიან მნიშვნელოვანი ცვლილებაა"-აცხადებს ლალაზაშვილი.

 

მისი თქმით, საგადასახადო კოდექსში აღნიშნული სახის ცვლილება კომპანიების მოთხოვნამ განაპირობა. ლალაზაშვილის თქმით, ეს ფაქტი კომპანიებისთვის საერთაშორისო საფონდო ბირჟაზე გასასვლელად ერთგვარი სტიმული იქნება.


რატომ გაუკეთა პარლამენტმა სტიმული ბიუჯეტის ხარჯზე უმსხვილეს საბანკო მოთამაშეებს, რომლებსაც ისედაც ყველანაირი სასათბურე პირობები აქვთ შექმნილი და რომლებიც წლიდან წლამდე მასშტაბურ მოგებაზე გადიან? იმ ფონზე, როდესაც პარლამენტში თვეობით და ზოგჯერ წლობითაც კი ჭიანურდება სხვადასხვა საკითხის განხილვა, მათ შორის სოციალური მიმართულების, პარლამენტმა უპრობლემოდ მოიცალა უმსხვილესი ბანკებისთვის და დაჩქარებული წესით, ყოველგვარი „ხმაურის“ გარეშე მიიღო მათთვის შეღავათების დაწესების გადაწყვეტილება ბიუჯეტის ხარჯზე. 

 

განსაკუთრებით მნიშვნელოვანი „დეტალია“ ის, რომ რომ ცვლილებების მოქმედება, რომლებიც ძალაში გასული წლის 26 დეკემბერს შევიდა, 2012 წლის 1 იანვრიდან წარმოშობილ სამართლებრივ ურთიერთობებზე. ეს წარმოშობს ეჭვს, რომ სწორედ დასახელებული ორი ბანკის ძლიერი ლობის შედეგად (ლალაზაშვილი ადასტურებს, რომ ცვლილება კომპანიების მოთხოვნამ განაპირობა)და უშუალოდ ამ ბანკებისთვის  იქნა მიღებული ეს საკანონმდებლო ცვლილება.


ამ ფაქტთან დაკავშირებით „კომერსანტი“ მთავრობას, პარლამენტსა და პრეზიდენტის ადმინისტრაციას მიმართავს შეკითხვებით: 


1. იმ პირობებში, როდესაც უამრავი მცირე კომპანია ხელისუფლებას დახმარებას სთხოვს როგორც საგადასახადო, ისე ბიუროკრატიული წნეხის შემსუბუქების მიმართულებით, რატომ დადგა დღის წესრიგში უმსხვილესი, ფინანსურად ძლიერი კომპანიებისთვის საგადასახადო შეღავათების დაწესება?


2. იმ დროს, როდესაც ლარის დევალვაციის პირობებში, ქართულმა ბანკებმა უდიდესი მოგება მიიღეს, სხვა უამრავ ქართულ კომპანიასა და ფიზიკურ პირს კი ამ ბანკებისადმი საკრედიტო დავალიანების ტვირთი სულის მოთქმის და განვითარების საშუალებას არ აძლევს, რამდენად გამართლებულია როგორც ეკონომიკურად, ისე მორალურად, მილიონიანი შეღავათების მინიჭება უძლიერესი ფინანსური ინსტიტუტებისთვის?


3. ცნობილია თუ არა ხელისუფლებისთვის იმ პრობლემების შესახებ, რომლებიც ლონდონის საფონდო ბირჟაზე გასული სამედიცინო კორპორაცია „ევექსის“ კლინიკებში ხდება როგორც ექიმებისთვის სახელფასო დავალიანების, ისე პაციენტების მომსახურების ხარისხთან დაკავშირებით? და თუ ეს პრობლემები ცნობილია, რატომ გახდა ხელისუფლებისთვის ამ პრობლემებზე რეაგირებაზე პრიორიტეტი ევექსის ფინანსური ინტერესების დაცვა?


4. რა ეკონომიკურ ეფექტს ელოდება ხელისუფლება „თიბისი ბანკის,“ საქართველოს ბანკისა და ევექსისთვის საგადასახადო შეღავათების დაწესების შედეგად?


„კომერსანტი“ თემაზე მუშაობას აგრძელებს, ჩვენ შევეცდებით კომენტარების მიღებას აღნიშნული შეკითხვების ადრესატებისგან.

 



ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up