"ეროვნულმა ბანკმა უნდა გაამკაცროს ზედამხედველობა როგორც საბანკო, ასევე მომავალში არასაბანკო ნაწილშიც"

"ეროვნულმა ბანკმა უნდა გაამკაცროს ზედამხედველობა როგორც საბანკო, ასევე მომავალში არასაბანკო ნაწილშიც"

access_time2017-03-10 10:10:37

პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე დეპუტატებს მიმართავს  წინადადებით, მხარი დაუჭირონ საბანკო ზედამხედველობის ფუნქციის საქართველოს ეროვნულ ბანკში დაბრუნების საკითხს იმ პირობით, რომ ეროვნული ბანკი გაამკაცრებს ზედამხედველობას როგორც საბანკო, ასევე მომავალში არასაბანკო საფინანსო ნაწილშიც და, რომ მიდგომა იქნება ერთგვაროვანი ბაზრის ნებისმიერი მოთამაშის მიმართ.

 

 

„ჩვენი ქვეყნისთვის უმთავრესია, საბანკო ზედამხედველობა იყოს დამოუკიდებელი და ადეკვატური. ამ საკითხს განსაკუთრებით ვუსვამ ხაზს. ზედამხედველობა უნდა იყოს მკაცრი, ადეკვატური, დამოუკიდებელი ყველანაირი მათ შორის, ნებისმიერი პოლიტიკური გავლენებისგან. ზედამხედველობა გაძლიერებული უნდა იყოს როგორც საბანკო, ასევე მომავალში არასაბანკო სექტრში. უნდა აღინიშნოს, რომ დღეს არასაბანკო სექტორის ზედამხედველობას სჭირდება სრულყოფა. როდესაც ჩვენ ზედამხედველობის ფუნქციას, ფორმალურად, დავუბრუნებთ ეროვნულ ბანკს, მისი ვალდებულება იქნება (რასაც პირადად დავუჭერ მხარს), ფინანსთა სამინისტროსთან ერთად პარლამენტში შემოვიდეს საკანონმდებლო პაკეტით, რომელიც არასაბანკო ნაწილშიც გაამკაცრებს ზედამხედველობას. საქართველოს მოსახლეობის გარკვეული ნაწილი საფინანსო სექტორის, არასაბანკო ნაწილში შექმნილ პრობლემას ყოველდღიურად აწყდება. ამიტომ ვხედავთ მიტინგებს პარლამენტის, ეროვნული ბანკის წინ თუ სხვაგან" - განაცხადა ირაკლი კოვზანაძემ.

 

 

მისი თქმით, მსოფლიოში არსებობს 220-ზე მეტი ქვეყანა და აქედან 195 სახელმწიფოში არის ცენტრალური ბანკი ან მსგავსი ტიპის დაწესებულება, რომელიც საფინანსო სექტორის ზედამხედველობას ახორციელებს. "აქედან ნაწილში არის სისტემა, როცა ზედამხედველობა ხორციელდება ცენტრალური ბანკის მიერ არის ქვეყნები, სადაც არსებობს მეგარეგულატორი. ასევე არსებობს მოდელი, სადაც ფინანსთა სამინისტრო ასრულებს ზედამხედველობას და არსებობს შერეული ტიპის მოდელიც. ეს დამოკიდებულია იმ ქვეყნის პოლიტიკურ გადაწყვეტილებაზე, რომელსაც ისინი ირჩევენ. ყველა ქვეყანას აქვს თავისი გამოცდილება და არსებობს თვითოეული მოდელის წარმატებული მაგალითები.

 


საქართველო ცოტა ხანში ელოდება რამდენიმე მნიშვნელოვანი რეფორმას - ეს არის საპენსიო რეფორმა, ფინანსური ბაზრის რეფორმა და დეპოზიტების დაზღვევის სისტემის დანერგვა. ეს უკანასკნელი კანონპროექტი უკვე შემოსულია პარლამენტში და საფინანსო-საბიუჯეტო კომიტეტი რამდენიმე დღეში დაიწყებს მის განხილვას. ამ საკითხებს სჭირდება საფინანსო სექტორის მკაცრი ზედამხედველობა, საბანკო ზედამხედველობა, ეროვნული ბანკის კიდევ უფრო გაძლიერება და ა.შ.. ამ მიმართულებით ჩვენ სწრაფად უნდა წავიდეთ წინ." - აღნიშნა საფინანსო-საბიუჯეტო კომიტეტის თავმჯდომარემ.


 

ცნობისათვის, პარლამენტმა 92 ხმით - ერთხმად, პირველი მოსმენით უკვე მიიღო მთავრობის საკანონმდებლო პაკეტი, რომელიც ეროვნულ ბანკში 2015 წლამდე არსებული სტატუს-კვოს აღდგენას და მის შემადგენლობაში ფინანსური ზედამხედველობის სამსახურის დაბრუნებას ითვალისწინებს. საკითხი პარლამენტს ფინანსთა მინისტრის მოადგილემ ნიკოლოზ გაგუამ წარუდგინა.

 


ცვლილებების თანახმად, საფინანსო სექტორის ზედამხედველობის განმახორციელებელ ორგანოდ საჯარო სამართლის იურიდიული პირის - საქართველოს საფინანსო ზედამხედველობის სააგენტოს ნაცვლად, ეროვნულ ბანკი განისაზღვრება.

 

როგორც ნიკოლოზ გაგუამ განმარტა, საქართველოს მთავრობამ საფინანსო სექტორის სტაბილურობის გასაძლიერებლად, ასევე საერთაშორისო საფინანსო ინსტიტუტების რეკომენდაციის გათვალისწინებით, საჭიროდ ჩათვალა 2015 წელს მიღებული გადაწყვეტილების გაუქმება და ზედამხედველობის ფუნქციის ეროვნული ბანკისთვის დაბრუნება პირვანდელი სახით.

 

"საქართველოს ეროვნული ბანკის შესახებ" ორგანულ კანონში 2015 წლის სექტემბერში განხორციელებული ცვლილებებით, საფინანსო სექტორის ზედამხედველობის ფუნქცია საქართველოს საფინანსო ზედამხედველობის სააგენტოს გადაეცა, თუმცა საკონსტიტუციო სასამართლომ, საბოლოო გადაწყვეტილების მიღებამდე, აღნიშნული ცვლილებების მოქმედება შეაჩერდა. შესაბამისად, საფინანსო სექტორის ზედამხედველობის ფუნქციის განმახორციელებელ ორგანოს დღემდე ეროვნული ბანკი წარმოადგენს.

 

საკანონმდებლო პაკეტს პარლამენტი დაჩქარებული წესით იხილავს.

 

 

"კომერსანტი"



„თბილისის შუაგულში არსებულ ყველა ბიზნეს ცენტრზე დაბალი ფასები გვაქვს“-„ქარვასლას“ გენერალური დირექტორი

„თბილისის შუაგულში არსებულ ყველა ბიზნეს ცენტრზე დაბალი ფასები გვაქვს“-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?
access_time2020-07-03 18:00:58
იმედი, რომ ახალი „შრომის კოდექსი“, რომელზეც ახლა პარლამენტში მსჯელობენ, არსებულზე გაცილებით სრულყოფილი და ევროპულ სტანდარდარტებთან მიახლოებული იქნებოდა, ნელ-ნელა უქრებათ მშრომელთა უფლებებზე მომუშავე არასამთავრობო ორგანიზაციებს.კომიტეტებში კანონპროექტის განხილვისას გამოჩნდა, რომ უმრავლესობაში არსებობს წინააღმდეგობა კანონში არაერთი ჩანაწერის მიმართ.კანონპროექტის თავდაპირველი ვერსია უკვე საგრძნობლად შეცვლილი და როგორც სამოქალაქო სექტორი ამბობს, „დაჩეხილია“. თუმცა მთავარი...

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...

დეპუტატ ვიქტორ ჯაფარიძესთან დაკავშირებულმა კომპანიებმა შესყიდვებიდან 6 მილიონ ლარზე მეტი მიიღეს-TI

დეპუტატ ვიქტორ ჯაფარიძესთან დაკავშირებულმა კომპანიებმა შესყიდვებიდან 6 მილიონ ლარზე მეტი მიიღეს-TI
access_time2020-07-03 12:00:43
საქართველოს პარლამენტის წევრის, ვიქტორ ჯაფარიძის და მისი შვილის, ოთარ ჯაფარიძის წილობრივ მფლობელობაში არსებული კომპანიები ტენდერებს იგებენ. 2018 წლიდან დღემდე მიღებული კონტრაქტების ჯამურმა ღირებულებამ 6,264,688 ლარი შეადგინა. ამის შესახებ ინფორმაციას არასამთავრობო ორგანიზაცია „საერთაშორისო გამჭვირვალობა - საქართველო“ ავრცელებს. მათივე ცნობით, ვიქტორ ჯაფარიძე 16 წელია საქართველოს პარლამენტის წევრია, იგი ორჯერ იყო მესტიის მაჟორიტარი დეპუტატი, ბოლოს კი პარლამენტის წევრი...


მსგავსი სიახლეები

up