"ეკონომიკური თავისუფლების ინდექსის გაუმჯობესება რეალურ ეკონომიკაზე აუცილებლად უნდა აისახოს"”

"ეკონომიკური თავისუფლების ინდექსის გაუმჯობესება რეალურ ეკონომიკაზე აუცილებლად უნდა აისახოს"”

access_time2016-09-24 16:20:19

გლობალურ ეკონომიკურ თავისუფლებაში ცვლილებებია. საქართველო თანაბარი შეფასებით V-IX ადგილებს იყოფს 159 ქვეყანას შორის. რეიტინგი ემყარება მონაცემებს 2014 წლიდან და ზომავს ეკონომიკური თავისუფლების დონეს (არჩევანის თავისუფლების, ბაზრებზე შეღწევადობის, კერძო საკუთრების დაცულობის, მართლწესრიგის და ა.შ.) 159 ქვეყნის პოლიტიკის და ინსტიტუციების ანალიზით.

 


2015 წელს საქართველო მე-11 ადგილს იკავებდა აღნიშნულ რეიტინგში. განახლებული, 2016 წლის მონაცემებით კი ექვსი საფეხურით წაიწია წინ და მეხუთე პოზიციაზე გადავიდა.

 


ეკონომიკური თავისუფლება მსოფლიოში - 2016-ის შემაჯამებელი ანგარიშის მიხედვით, საქართველო 159 ქვეყანას შორის, რომლებიც ჩართულნი არიან საერთაშორისო რეიტინგში, მე-5 ადგილს იკავებს. ამ მონაცემს კანადური "ფრაზერის ინსტიტუტი" ავრცელებს. "ფრეზერის ინსტიტუტი" აღნიშნულ რეიტინგს ეკონომიკური თავისუფლების ქსელის წევრ დამოუკიდებელ მკვლევარებთან და საგანმანათლებლო ინსტიტუტებთან ერთად ამუშავებს და ადგენს. ამ სამუშაოში მსოფლიოს 100-ზე მეტი ქვეყნის მკვლევარია ჩართული. 

 

ეს კვლევა არის ყველაზე მასშტაბური შედარება და შემდგომ რანჟირება ქვეყნების 5 ძირითადი სფეროს მიხედვით: მთავრობის ზომა; საკუთრების უფლების დაცულობა და სასამართლო; მყარი ფულადი პოლიტიკა; საერთაშორისო ვაჭრობის თავისუფლება; კრედიტების, დასაქმებისა და ბიზნესის რეგულაციები.

 


საქართველოს მონაცემების ცვლილებები 5 ძირითადი სფეროს მიხედვით ასეთია (1-დან 10-მდე შკალაზე, სადაც მაღალი კოეფიციენტი ნიშნავს ეკონომიკური თავისულების ზომის მაღალ დონეს):

 


- მთავრობის ზომა: ბოლო წლის განმავლობაში შეიცვალა 7.85-დან 7.83-მდე - მცირედი გაუარესება;

 


- საკუთრების უფლების დაცულობა და სასამართლო: ბოლო წლის განმავლობაში შეიცვალა 6.19-დან 6.61-მდე - საგრძნობი გაუმჯობესება;

 


- ჯანსაღი ფულადი პოლიტიკა: ბოლო წლის განმავლობაში შეიცვალა 8.92-დან 9.11-მდე, გაუმჯობესება;

 


- საერთაშორისო ვაჭრობის თავისუფლება: ბოლო წლის განმავლობაში არ შეცვლილია და 8.45 უდრის;

 


- კრედიტების, დასაქმებისა და ბიზნესის რეგულაციები: ბოლო წლის განმავლობაში შეიცვალა 7.91-დან 7.90-მდე - მცირედი გაუარესება.
ანუ ორ სფეროში გაუარესება, ორ სფეროში გაუმჯობესება და ერთ სფეროში შედეგის გამეორება ფიქსირდება.

 


რაც შეეხება მთლიანი რეიტინგის შედეგებს, ჰონგ-კონგი კვლავ პირველია და მისი მაჩვენებელი 10 ქულიან შკალაზე 9.03 შეადგენს, შემდეგი განაწილება ასეთია: 2. სინგაპური 8.71; 3. ახალი ზელანდია 8.35; 4. შვეიცარია 8.25; 5. კანადა 7.98; 5. საქართველო 7.98; 5. ირლანდია 7.98; 5. მავრიმის კუნძულები 7.98; 5. არაბეთის გაერთიანებული ემირატები 7.98; 9. ავსტრალია 7.93 და 10. დიდი ბრიტანეთი 7.93.

 


უკანასკნელი ათეულის ქვეყნებს წარმოადგენენ: ირანი, ალჟირი, ჩადი, გვინეა, ანგოლა, ცენტრალური აფრიკის რესპუბლიკა, არგენტინა, კონგოს რესპუბლიკა, ლიბია და სულ ბოლოს ვენესუელა. ხოლო ისეთი დიქტატორული ქვეყნები, როგორებიც ჩრ. კორეა და კუბა არიან, საერთოდ ვერ ხვდებიან რეიტინგში, რადგან მათ შესახებ მონაცმებების არ არსებობს.

 


რეიტინგში სხვა დიდი ეკონომიკის ქვეყნების ქულები ასეთია:

 


აშშ 7.75; 30. გერმანია 7.55; 40. იაპონია 7.42; 58. საფრანგეთი - 57; 102 რუსეთი 6.66; 113. ინდოეთი 6.50, 113. ჩინეთი 6.45; 124. ბრაზილია.

 

 

საქართველოს მეზობელი ქვეყნები: 18. სომხეთი 7.71; 90. თურქეთი 6.86; 107; აზერბაიჯანი 6.55; 135. უკრაინა 6; 150. ირანი 5.27.

 


კვლევის და ყველაზე რეიტინგული ჟურნალების თანახმად, ის ადამიანები, რომლებიც ცხოვრობენ მაღალი ეკონომიკური თავისუფლების დონის მქონე ქვეყნებში, უფრო სწრაფად მდიდრდებიან და სარგებლობენ მეტი პოლიტიკური და სამოქალაქო თავისუფლებით, ასევე იქ სიცოცხლის ხანგრძლივობის ზრდის გამოკვეთილი ტენდენციაა.

 


მაგალითისთვის, ეკონომიკური თავისუფლების ინდექსის პირველი ოთხეულის ქვეყნების მშპ ერთ სულ მოსახლეზე საშუალოდ 41 228 აშშ დოლარს შეადგენს, როცა უკანასკნელი ოთხეულის იგივე მონაცემი მხოლოდ 5 471 აშშ დოლარია.

 


საქართველოს პრემიერ-მინისტრმა გიორგი კვირიკაშვილმა რეიტინგის შედეგები პოზიტიურ სიახლედ შეაფასა და მთავრობის წევრებს აღნიშნული ინფორმაციის მაქსიმალურად გავრცელებისკენ მოუწოდა.

 


ფინანსისტი ვახტანგ ხომიზურაშვილი, მიიჩნევს რომ რეიტინგში ცვლილება აუცილებლად უნდა აისახოს რეალურ ეკონომიკაზე. ამასთან ის, ფასიანი ქაღალდების ბაზრის განუვითარებლობაზეც საუბრობს.

 


- ეკონომიკური თავისუფლება პირველი, ეს არის საკუთრების დაცვის თავისუფლება, საკუთრების დაცვა ფასიანი ქაღალდების მიხედვით ამ შემთხვევაში ჩვენ არ გაგვაჩნია, განუვითარებელია ფასიანი ქაღალდების ბაზარი, პრაქტიკულად არ არსებობს ღია ტიპის სააქციო საზოგადოებები, კანონი სააქციო საზოგადოებების შესახებ არ არსებობს. მეორე მომენტი, რაც ეკონომიკურ თავისუფლებას ნიშნავს, არის დაბალი უმუშევრობის დონე, ჩვენთან ეს საკმაოდ მაღალია. მესამე მომენტი არის სასესხო დამოკიდებულება, როდესაც მეტ-ნაკლებად მოსახლეობა და ბიზნესი არ არის დამოკიდებული სესხებზე და სასესხო კაპიტალზე, რაც ეკონომიკური თავისუფლების ინდექსის შედგენისას უნდა იყოს გათვალისწინებული.

 


არ ვიცი რამდენად არის იქ ეს ყველაფერი გათვალისწინებული, მაგრამ რეალურად ესეა. ცვლილება აუცილებლად უნდა აისახოს რეალურ ეკონომიკურ მდგომარეობაზე, პორტფელურ ინვესტიციებზე და ა.შ. ჩვენთან ამ მიმართულებით სიტუაცია არ გაუმჯობესებულა. აქედან გამომდინარე შეიძლება სხვა სახით შეფასდეს, ეს არის, მაგალითად, იგივე ტურისტული ნაკადი, გამარტივებული სავიზო რეჟიმი და სხვა. რაიმე განსაკუთრებული არ მომხდარა. ჩემთვის უბრალოდ, გაუგებარია როგორ თვლიან ისინი სიტუაციის გაუმჯობესების მაჩვენებელს.



მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...

დღის Top-10 საინტერესო ამბავი

დღის Top-10 საინტერესო ამბავი
access_time2020-05-25 21:30:49
დღის Top-10 საინტერესო ამბავი 1.ივლისიდან გადაუდებელ სამედიცინო დახმარებასა და კარდიოქირურგიაში სანებართვო მოთხოვნები მკაცრდება საქართველოს მთავრობის № 520-ე დადგენილების ამოქმედების შემდეგ ახალი ცვლილებების დრო დადგა. ამჯერად, საქმე ეხება №385-ე...


მსგავსი სიახლეები

up