"ბანკები და ფინანსები": დაძლია თუ არა ლარმა კრიზისი

"ბანკები და ფინანსები": დაძლია თუ არა ლარმა კრიზისი

access_time2017-02-20 12:00:59

ექსპერტების და ანალიტიკოსების უმრავლესობა იანვარ-თებერვალში ლარის კურსის უფრო მეტად გაუფასურებას ელოდა. თუმცა, მოხდა საპირისპიროდ, კურსმა გამყარების ტენდენცია აჩვენა და პიკური ნიშნულიდან, როდესაც ერთი ამერიკული დოლარი 2,78 ლარი ღირდა, 17 თებერვლის ეროვნული ბანკის მონაცემებით, ერთი ამერიკული დოლარის ფასმა 2,6429 შეადგინა.

 

ლარის კურსის გამყარების რამდენიმე ხელშემწყობი ფაქტორი დაფიქსირდა. კერძოდ, ფულადი გზავნილების მოცულობა 26,1%-ით გაიზარდა. 2017 წლის იანვარში ქვეყანაში შემოსული ფულადი გზავნილების ნაკადების მოცულობამ 83,9 მლნ აშშ დოლარი, ანუ 226,7 მლნ ლარი შეადგინა, რაც 26.1 პროცენტით (17.4 მლნ აშშ დოლარით) მეტია 2016 წლის იანვრის ანალოგიურ მაჩვენებელზე.

 

უცხოეთიდან საქართველოში ფულადი გზავნილების 88.6% იმ უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ იანვარში 1 მლნ აშშ დოლარს გადააჭარბა. იმავე 10 ქვეყანაზე გასული წლის იანვარში მთელი ფულადი გზავნილების 86.2 პროცენტი მოდიოდა.

 

საქართველოს ეროვნული ბანკის მონაცემებით, ფულადი გზავნილების მხრივ, ყველაზე აქტიურ ათ ქვეყანას შორის ოთხი ევროკავშირის წევრი ქვეყანაა.

 

"რუსეთი - 26.5 მლნ აშშ დოლარი; იტალია - 9.6 მლნ აშშ დოლარი; ამერიკის შეერთებული შტატები - 9,6 მლნ აშშ დოლარი; ისრაელი - 6.4 მლნ აშშ დოლარი; თურქეთი - 6,2 მლნ აშშ დოლარი; ესპანეთი - 2.1 მლნ აშშ დოლარი; გერმანია - 2.0 მლნ აშშ დოლარი; უკრაინა - 1.5 მლნ აშშ დოლარი; აზერბაიჯანი - 1.3 მლნ აშშ დოლარი", - აღნიშნულია ეროვნული ბანკის მონაცემებში.

 

ეროვნული ბანკის ცნობით, 2017 წლის იანვარში საქართველოდან საზღვარგარეთ 13.4 მლნ აშშ დოლარი (36.1 მლნ ლარი) გადაიგზავნა, გასული წლის იანვარში კი ეს მონაცემი შეადგენდა 11.9 მლნ აშშ დოლარს (29.0 მლნ ლარი).

 

ლარის კურსის გამყარებას ხელი შეუწყო იანვრის თვეში ექსპორტის ზრდამაც. 2017 წლის იანვარში წინა წლის ანალოგიურ პერიოდთან შედარებით, ექსპორტის მოცულობა 48+-ით გაიზარდა, ხოლო წინა წლის ანალოგიურ პერიოდთან შედარებით, 2017 წლის იანვარში საქართველოს საგარეო ვაჭრობა 22%-ით გაიზარდა.


 

სტატისტიკის ეროვნული სამსახური საქართველოს საგარეო ვაჭრობის შესახებ 2017 წლის იანვრის წინასწარ მონაცემებს აქვეყნებს, რომლის თანახმადაც, 2017 წლის იანვარში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 651 მლნ აშშ დოლარი შეადგინა, რაც წინა წლის შესაბამისი პერიოდის მაჩვენებელზე 22 პროცენტით მეტია.

 

აქედან, ექსპორტი 177 მლნ აშშ დოლარი იყო (45 პროცენტით მეტი), ხოლო იმპორტი 474 მლნ აშშ დოლარი (15 პროცენტით მეტი). უარყოფითმა სავაჭრო ბალანსმა 20-17 წლის იანვარში 298 მლნ აშშ დოლარი და საგარეო სავაჭრო ბრუნვის 46 პროცენტი შეადგინა.

 

ლარის გამყარებას, თავის მხრივ, ხელს უწყობს მიმოქცევაში ნაღდი ფულის მასის შემცირება და რეფინანსირების სესხის შეზღუდვაც. 2016 წლის 31 დეკემბრის მდგომარეობით, მიმოქცევაში 2,999 მლრდ ლარი ბრუნავდა, ხოლო 16 თებერვლის მდგომარეობით, 2.821 მლრდ ლარი. ნაღდი ფულის მასა პირველი იანვრიდან დღემდე 178 მლნ-ით შემცირდა.

 

ამ პროცესების კვალდაკვალ, მთავარი ფაქტორი არის მთავრობის მიერ ბიუჯეტის დეფიციტური ხარჯვის შეზღუდვა. თუ დეფიციტური ხარჯვა იზრდება, ლარის კურსი უფასურდება, ხოლო თუ მცირდება, მაშინ მყარდება. თებერვლის თვეში ბიუჯეტის დეფიციტურ ხარჯვის არარსებობამ ხელი შეუწყო კურსის გამყარების ტრენდს.

 

თუმცა, წონასწორობა მცირეოდენით დაირღვა, ასევე 10 თებერვლიდან 15 თებერვლის ჩათვლით, 16 თებერვალთან შედარებით რეფინანსირების სესხების საერთო მოცულობა 1.058-დან 1.200-მდე გაიზარდა და, შედეგად, კურსის მცირეოდენი ცვლილება მივიღეთ გაუფასურების სახით.

 

სპეციალისტთა შეფასებით, ლარის გამყარება დამოკიდებულია იმაზე, თუ რა მიდგომა ექნება სებ-ს რეფინანსირების სესხებთან მიმართებაში. ეროვნული ბანკი კი კვლავ დუმილის პოზიციას არჩევს, თუმცა მონეტარული პოლიტიკის გამკაცრებით, ასევე, სამომავლოდ იმის დაანონსებით, რომ მონეტარული პოლიტიკის განაკვეთი კვლავ მოიმატებს კურსის გამყარებას ხელი უნდა შეეწყოს.

 

მთავრობაში დიდი ოპტიმიზმით არიან, მაგრამ სპეციალისტები რეალურად უყურებენ შექმნილ მდგომარეობას. საყურადღებოა, რომ შარშან იანვარში ძალიან დაბალი იყო ექსპორტის მაჩვენებელი - სულ 122 მლნ დოლარი. ასე რომ, გასული წლის მაჩვენებელთან შედარება დიდ წარმატებას არ მოასწავებს.

 

"შარშანდელ იანვართან შედარებით პატარა ცვლილებაც კი თვალსაჩინოა. თავად იანვრის თვე ნაკლებად გამოდგება გრძელვადიანი ტენდენციის განსაზღვრისთვის. რასაკვირველია, თავად ფაქტი სასიხარულოა, ზრდა ჯობს შემცირებას. შენარჩუნდება თუ არა სამომავლოდაც ეს ტენდენცია, ამაზე საუბარი ჯერ ნაადრევია", - აღნიშნა ეკონომიკის მეცნიერებათა დოქტორმა სოსო არჩვაძემ.

 

კურსის ცვლილება მაკროეკონომიკურ ფაქტორებზეც იქნება დამოკიდებული, თუმცა თუ გავითვალისწინებთ იმასაც, რომ 2017 წლის ბიუჯეტი 2,50 კურსზეა გათვლილი, საკმაოდ მყარი არგუმენტი გვაქვს საამისოდ, რომ მარტში კურსი კიდევ რამდენიმე პუნქტით გამყარდეს.

 

 

 



თავდამსხმელი 3 მძევალთან ერთად ბანკის შენობიდან გამოვიდა და მანქანით ტერიტორია დატოვა

თავდამსხმელი 3 მძევალთან ერთად ბანკის შენობიდან გამოვიდა და მანქანით ტერიტორია დატოვა
access_time2020-10-21 22:30:43
თავდამსხმელმა 3 მძევლის თანხლებით ზუგდიდში, საქართველოს ბანკის ფილიალის შენობა დატოვა.   ერთ-ერთი განთავისუფლებული მძევლის, ირაკლი კვარაცხელიას ცნობით, პოლიციელებმა თავდამსმხელს ფული მოუტანეს, რის შემდეგაც მან, სამართალდამცველებთან და მძევლებთან ერთად საქართველოს ბანკის ოფისი დატოვა.   გავრცელებულ კადრებში ჩანს, რომ თავდამსხმელს გამოსვლისას გახსნილი ხელყუმბარა ეჭირა ხელში.   ფორმულას ინფორმაციით, თავდამსხმელი პიკაპის ტიპის...

ზუგდიდში „საქართველოს ბანკზე“ თავდამსხმელმა კიდევ 2 მძევალი გაათავისუფლა

ზუგდიდში „საქართველოს ბანკზე“ თავდამსხმელმა კიდევ 2 მძევალი გაათავისუფლა
access_time2020-10-21 19:44:46
ზუგდიდში „საქართველოს ბანკზე“ თავდამსხმელმა 2 მძევალი გაათავისუფლა. როგორც „ინტერპრესნიუსის“ კორესპონდენტი ადგილიდან იუწყება, 2-მა ქალმა შენობა უკვე...

ვახტანგ გომელაური ზუგდიდში ჩავიდა

ვახტანგ გომელაური ზუგდიდში ჩავიდა
access_time2020-10-21 19:15:40
საქართველოს შინაგან საქმეთა მინისტრი ვახტანგ გომელაური ზუგდიდის მერიაში იმყოფება. მინისტრი ხვდება ადგილობრივი ხელისუფლების წარმომადგენლებს, ზუგდიდის მერს, სამეგრელო-ზემო სვანეთის რეგიონში სახელმწიფო რწმუნებულის მოვალეობის შემსრულებელ მალხაზ თორიას, შეხვედრას ესწრება ყველა ძალოვანი უწყების წარმომადგენელი. მერიის შენობის წინ სამხედრო ტექნიკაა მობილიზებული. ასევე, სამართალდამცველები იმყოფებიან „საქართველოს ბანკის“ შენობის პერიმეტრზე და საპოლიციო...

კახა საბანაძე - კატეგორიულად მოვითხოვთ მედიასაშუალებებისგან, მოხდეს ლაივსიგნალის გათიშვა, წინააღმდეგ შემთხვევაში კი, სახელმწიფო გამოიყენებს კანონმდებლობით არსებულ ყველა ბერკეტს

კახა საბანაძე - კატეგორიულად მოვითხოვთ მედიასაშუალებებისგან, მოხდეს ლაივსიგნალის გათიშვა, წინააღმდეგ შემთხვევაში კი, სახელმწიფო გამოიყენებს კანონმდებლობით არსებულ ყველა ბერკეტს
access_time2020-10-21 18:15:49
„მოგესალმებით, როგორც თქვენთვის ცნობილია, ზუგდიდში უმძიმეს შემთხვევასთან გვაქვს საქმე. მძევლად არიან აყვანილი ჩვენი მოქალაქეები. შეტყობინების მიღებისთანავე დაიწყო გამოძიება და მიმდინარეობს გადაუდებელი ოპერატიულ-სამძებრო და საგამოძიებო ღონისძიებები. შინაგან საქმეთა სამინისტრო აკეთებს მაქსიმუმს, რათა მოხდეს მძევლების გათავისუფლება და საპოლიციო ღონისძიება დასრულდეს მშვიდობიანად“ – განაცხადა ბრიფინგზე საქართველოს შინაგან საქმეთა მინისტრის პირველმა მოადგილემ კახაბერ საბანაძემ. ინფორმაციას ამის...

21 ოქტომბერი - რეგიონში მხოლოდ ქართული ლარი გაუფასურდა

21 ოქტომბერი - რეგიონში მხოლოდ ქართული ლარი გაუფასურდა
access_time2020-10-21 18:00:09
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 21 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2274 ლარი შეადგინა....


მსგავსი სიახლეები

up