"არჩევნები, როგორც სტაბილურობის ტესტი ეკონომიკური პრობლემების ფონზე" – დასავლური მედია საქართველოში მიმდინარე არჩევნებს აფასებს

"არჩევნები, როგორც სტაბილურობის ტესტი ეკონომიკური პრობლემების ფონზე" – დასავლური მედია საქართველოში მიმდინარე არჩევნებს აფასებს

access_time2016-10-08 15:50:16

საქართველოში მიმდინარე საპარლამენტო არჩევნები არა მარტო ქართული, არამედ მსოფლიო მედიის ყურადღების ცენტრშია. გამოცემა Bloomberg წერს, რომ 2016 წლის არჩევნებში დომინანტური თემა ეკონომიკური საკითხები იყო. გამოცემა აქცენტს აკეთებს ჩინეთთან თავისუფალი ვაჭრობის შეთნხმებაზე და ანაკლიის პორტის მშენებლობის მიმართულებით გადადგმულ ნაბიჯებზე.

 

 

"ბლუმბერგის" შეფასებით, ეს არჩევნები უდიდესი ტესტია მმართველი პარტიის - ქართული ოცნებისთვის. ბოლო ერთი წლის მთავარ გამოწვევად დასახელებულია ეროვნული ვალუტის გაუფასურება - "ბლუმბერგის" მიხედვით, თებერვალში ლარი რეკორდულად დაეცა, როცა დოლარი 2,5 ლარი ღირდა, 2015 წელს კი 21%-ით გაუფასურდა. ბლუმბერგი წერს, რომ ეროვნული ვალუტა მას შემდეგ მეტ-ნაკლებად დასტაბილურდა, თუმცა წინასაარჩევნო მარათონის ზეწოლამ ისევ რყევები გამოიწვია, რის გამოც ეროვნულმა ბანკმა ინტერვენციები განახორციელა. სწორედ ლარის კურსია, ბლუმბერგის შეფასებით, ერთ-ერთი ის მთავარი მიზეზი, რის გამოც წინასაარჩევნო დღის წესრიგი ეკონომიკამ განსაზღვრა. 

 

 

სხვა გამოცემების მსგავსად Bloomberg-იც „ქართული ოცნების" მთავარ კონკურენტად ერთიან ნაციონალურ მოძრაობას ასახელებს.

 

 

 

"არჩევნები, როგორც სტაბილურობის ტესტი ეკონომიკური პრობლემების ფონზე" - ამ სათაურით აშუქებს საპარლამენტო არჩევნებს როიტერსი. გამოცემა ხაზს უსვამს იმ ფაქტს, რომ საქართველოს ტერიტორიის მეხუთედი პრო-რუსი სეპარატისტების კონტროლს ექვემდებარება - 2008 წლის მოკლე ომის შემდეგ რუსეთთან, - ეკონომიკა შენელებულია, რაც ცხოვრების სტანდარტს აუარესებს.


 

 

"როიტერსი" ეყრდნობა საზოგადოებრივი კვლევის შედეგებს და ამბობს, რომ სავარაუდოდ ქართული ოცნება გაიმარჯვებს, თუმცა აღნიშნავს, რომ კვლევები ასევე ამომრჩევლის ძლიერ მხარდაჭერას აჩვენებს ერთიანი ნაციონალური მოძრაობის მიმართ. გამოცემის შეფასებით, ორივე - მთავრობაც და ნაციონალური მოძრაობაც - საქართველოს ევროატლანტიკურ სივრცეში ინტეგრაციის მომხრეა, რასაც მკვეთრად ეწინააღმდეგება მოსკოვი. „ქართული ოცნება რუსეთთან უფრო მჭიდრო კავშირების მომხრეა".

 

"როიტერსი" ხაზს უსვამს ასევე იმ ფაქტს, რომ ამომრჩეველთა დიდი ნაწილი გადაუწყვეტელია. სტატიის ავტორი აღნიშნავს, რომ წინასაარჩევნო პერიოდში მთავარი პრობლემები უკავშირდებოდა გივი თარგმაძის და ირაკლი ოქრუაშვილის შემთხვევებს. პრო-რუსული და პრო-დასავლური ორიენტაციის მქონე პარტიებიდან, გამოცემ გამოყოფს თავისუფალ დემოკრატებს და პატრიოტთა ალიანსს - "როიტერსი", ანალიტიკოსებზე დაყრდნობით, წერს, რომ სხვა პარტიებიდან, სწორედ ამ პოლიტიკურ ძალებს აქვთ ყველაზე მეტი შანსი გადალახონ 5%-იანი ბარიერი. ამასთან სტატიაში საუბარია ქართული ოცნების მმართველობის პერიოდში ძველი ხელისუფლების მაღალჩინოსნების დაკავების ფაქტებზე, ასევე იმაზე რომ ზოგიერთმა დასავლურმა ქვეყანამ საქართველოს მთავრობა შერჩევითი სამართლის გამოყენებისთვის გააკრიტიკა.

 

„საქართველოს ბევრი მოქალაქე მთავრობას აკრიტიკებს სუსტი ეკონომიკის გამო, რომელიც ექსპორტის და გადმორიცხვების შემცირების ფონზე, ამ წლის პირველი რვა თვის განმავლობაში მაინც 2.7%-ით გაიზარდა", - ვკითხულობთ სტატიაში, - წერს "ბიზნესკონტრაქტი". 

 

 

ავსტრიული Die Press- წერს, რომ "საქართველოში ამჟამად მიმდინარე წინაარჩევნო კამპანიაში ძირითადად ორი ფიგურა დომინირებს, მაგრამ არცერთი უშუალოდ თვითონ არჩევნებში არ მონაწილეობს: ბიძინა ივანიშვილი და მიხეილ სააკაშვილი. პირველი მილიარდერია, მმართველი პარტია „ქართული ოცნების" დაამაარსებელი, რომელიც ჯერ პრემიერ-მინისტრი იყო, შემდეგ კი გადადგა, მეორე კი ქვეყნის ყოფილი პრეზიდენტია, 2012 წლის არჩევნებში დამარცხებული პარტია „ერთიანი ნაციონალური მოძრაობის" ლიდერი, რომელიც დღეს უკრაინის ოდესის ოლქის გუბერნატორია. მის წინააღმდეგ საქართველოში სისხლის სამართლის საქმე აღძრული პრეზიდენტობის დროს ჩადენილი დანაშაულებათა გამო და ამიტომ სამშობლოში ჩასვლას ვერ ბედავს - დააპატიმრებენ" .

 

 

როგორც სტატიაშია აღნიშნულია, ხელისუფლებაში ყოფნის ოთხი წლის განმავლობაში „ქართულმა ოცნებამ" ევროატლანტიკური ინტეგრაციის გზაზე სვლა გააგრძელა. მართალია, დაპირებებიდან მაინცდამაინც ბევრი რამ არ შესრულებულა, მაგრამ მთავრობის აქტივებში უნდა ჩაიწეროს ევროკავშირთან ასოცირების ხელშეკრულების გაფორმება და რუსეთთან ეკონომიკური ურთიერთობის გამოცოცხლება კონფლიქტის ესკალაციის გარეშე.

 

"არჩევნები საკმაოდ რთული ეკონომიკური მდგომარეობის ფონზე ტარდება. რუსეთში არსებული კრიზისი საქართველოზეც ახდენს თავის უარყოფით გავლენას. ადრე რუსეტში მყოფი ქართული დიასპორა სამშობლოში საკმაოდ მნიშვნელოვან თანხას აგზავნიდა, ახლა კი მათი მოცულობა შემცირებულია. გარდა ამისა, მოსახლეობაში შეინიშნება ევროკავშირისადმი გარკვეული იმედგაცრუებაც: ამის ერთ-ერთი მიზეზი ისიცაა, რომ ევროკავშირმა ძალიან გააჭიანურა საქართველოს მოქალაქეებისთვის უვიზო რეჟიმის დაწესება, - აღნიშნავს Die Press-ის ჟურნალისტი.

 

 



გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს

გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს
access_time2020-07-10 12:30:27
პრემიერ-მინისტრი გიორგი გახარია არ გამორიცხავს, რომ 2020 წლის საარჩევნო სიაში „ქართული ოცნების“ თავმჯდომარე ბიძინა ივანიშვილი იყოს. ამის შესახებ გიორგი გახარიამ ჟურნალისტებს განუცხადა, რითაც უპასუხა შეკითხვას, შესაძლებელია თუ არა, რომ საარჩევნო სიაში ბიძინა ივანიშვილიც ვიხილოთ. „რა თქმა უნდა, ბიძინა ივანიშვილი არის „ქართული ოცნების“ დამფუძნებელი და მისი თავმჯდომარე. რა თქმა უნდა...“, - განაცხადა გიორგი გახარიამ. ipn.ge

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა
access_time2020-07-10 10:50:20
„ახალგაზრდა ადვოკატებმა“ „ლიდერფუდის“ საქმეზე განხორციელებული სამართლებრივი დასკვნა და მონიტორინგი საქმის განმხილველ ყველა მოსამართლეს უკვე მიაწოდა, რათა გაცნობილ ყოფილიყო საქმის ირგვლივ ალტერნატიული დასკვნები და შეხედულებები. ამის შესახებ ორგანიზაციის ხელმძღვანელმა არჩილ კაიკაციშვილმა „კომერსანტთან“ საუბრისას აღნიშნა. მისი ინფორმაციით, მონიტორინგის შედეგები, ასევე მიეწოდა უზენაეს სასამართლოში ამავე საქმეზე დანიშნულ მოსამართლეს, მირანდა ერემაძეს, რომელმაც საქმის წარმოებაში...

ვეცდებით პირველი სამი თვე ფასები არ გავზარდოთ -  „Snap Fitness Georgia“  პირველ ეტაპზე ორ ფილიალს გახსნის

ვეცდებით პირველი სამი თვე ფასები არ გავზარდოთ -  „Snap Fitness Georgia“  პირველ ეტაპზე ორ ფილიალს გახსნის
access_time2020-07-10 13:25:20
საკოორდინაციო საბჭომ საცურაო აუზებისა და სპორტული დარბაზების გახსნის გადაწყვეტილება მიიღო. ოთხ თვიანი პაუზის შემდეგ ბიზნესი ახლა შრომის ინსპექციის შემოწმებას ელოდება. ჯანდაცვის სამინისტროს სარეგისტრაციო პორტალზე უკვე დარეგისტრირდა „Snap Fitness Georgia“, სპორტული დარბაზში ახლა სპეციალისტებს ელოდებიან, რომლებიც გადაწყვეტენ გაიხსნება თუ არა ფიტნეს კლუბი. „Snap Fitness Georgia“-ს დირექტორი სოფო სოლოღაშვილი აცხადებს, რომ პირველ ეტაპზე ორ, ყაზბეგის და ცინცაძის ფილიალებს გახსნიან,...

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ
access_time2020-07-10 10:00:28
საერთაშორისო ფარმაცევტული კომპანიები საქართველოში წარმომადგენლობებს ხურავენ. ამის შესახებ „კომერსანტს“ ფარმაცევტული კომპანიების წარმომადგენელთა ასოციაციის აღმასრულებელმა დირექტორმა, ირაკლი მარგველაშვილმა განუცხადა. მისი თქმით, ბოლო პერიოდში საქართველოს ფარმაცევტული ბაზარზე პირდაპირი წარმომადგენლობა დახურა ისეთმა უმსხვილესმა საერთაშორისო კომპანიებმა როგორიცაა Glaxo, Sandoz, astellas pharma. ირაკლი მარგველაშვილი აცხადებს, რომ ფარმაცევტული...

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...


მსგავსი სიახლეები

up