"2016 წელს ხელისუფლების მიერ გატარებული ეკონომიკური ღონისძიებები არაგონივრული იყო"

"2016 წელს ხელისუფლების მიერ გატარებული ეკონომიკური ღონისძიებები არაგონივრული იყო"

access_time2017-01-18 10:10:16

საქართველოს მოსახლეობის კეთილდღეობის დონის გაუარესებაზე NDI–ის მიერ ჩატარებული კვლევის შედეგებიც მიუთითებს. ორგანიზაციის მიერ გამოკითხულთა 82% მიიჩნევს, რომ 2012 წლის შემდეგ მათი მდგომარეობა არ შეცვლილა, მათი უმეტესობა კი თვლის, რომ გაუარესდა.

 

„წინა კვლევის მსგავსად გამოიხატა, რომ მოსახლეობას ეკონომიკური პრობლემები აწუხებს. მოქალაქეებისთვის ყველაზე მნიშვნელოვანია დასაქმება, მზარდი ფასები და სიღარიბე. 66% თავს უმუშევრად თვლის. მხოლოდ მესამედი თვლის, რომ 12 თვეში მათი ეკონომიკური მდგომაროება გაუმჯობესდა. 2012 წლის შემდეგ 82% ამბობს, რომ მათ ოჯახებში მდგომარეობა არ შეცვლილა ან გაუარესდა." - განაცხადა NDI-ის საქართველოს ოფისის დირექტორმა ლორა ტორნტონმა.

 

ამასთან, ეროვნულ-დემოკრატიული ინსტიტუტის კვლევის მიხედვით, გამოკითხულთა 56% მიიჩნევს, რომ 2012 წლის ოქტომბერთან შედარებით ის და მისი ოჯახი იგივე მდგომარეობაშია. NDI-ის კვლევის მიხედვით, გამოკითხულთა 26% მიიჩნევს, რომ მათი და მათი ოჯახების მდგომარეობა გაუარესებულია, 17% კი ფიქრობს, რომ 2012 წლის შემდეგ მათი მდგომარეობა გაუმჯობესდა.

 

2016 წელს რომ საქართველოს მოსახლეობის კეთილდღეობის დონე ფაქტობრივად, მთელი წლის განმავლობაში უარესდებოდა, "კომერსანტი" უკვე წერდა. 

 

რატომ ვერ ან არ მოახდინა გავლენა თითოეული მოქალაქის კეთილდღეობაზე ხელისუფლების მიერ გატარებულმა ეკონომიკურმა ღონისძიებებმა და რატომ აცხადებენ მოქალაქეები, რომ მათი სოციალური მდგომარეობა არ გამოსწორებულა? ეკონომისტების პოზიციით, 2016 წელს მთავრობას ისეთი აქტიური ნაბიჯები არ გადაუდგამს, რომ მოსახლეობის კეთილდღეობაზე ასახულიყო.


 

ეკონომიკური პოლიტიკის ექსპერტთა ცენტრის ვიცე–პრეზიდენტი, ეკონომისტი ვეფხია გიორგაძე „კომერანტთან" საუბრისას აცხადებს, რომ 2016 წელს არ ახსოვს მთავრობის მიერ მიღებული ისეთი ეკონომიკური გადაწყვეტილებები, რომელიც მოსახლეობის კეთილდღეობაზე აისახებოდა. გიორგაძის განცხადებით, შარშან ხელისუფლების მიერ გატარებული ეკონომიკური ღონისძიებები არაგონივრული იყო.

 


"ეს ყველაფერი რა თქმა უნდა, იმ ეკონომიკური პოლიტიკის გამოძახილია რომელსაც 2016 წელს დღევანდელი ხელისუფლება აწარმოებდა. ლარის გაუფასურებამ სიღარიბის ზღვარს მიღმა მყოფ მოსახლეობაზე განსაკუთრებულად იმოქმედა. არ მახსენდება მთავრობას ისეთი ეკონომიკური ღონისძიება გაეტარებინოს, რომელიც პირდაპირ მოსახლეობის კეთილდღეობაზე აისახებოდა. 2016 წელს ხელისუფლების მიერ გატარებული ეკონომიკური ღონისძიებები არაგონივრული იყო." - განაცხადა გიორგაძემ.

 

 

თბილისის სახელმწიფო უნივერსიტეტის ანალიზისა და პროგნოზირების ცენტრის დირექტორის ვახტანგ ჭარაიას განცხადებით, შარშან მთავრობის მხრიდან ისეთი აქტიური ნაბიჯები არ გადადგმულა, რომ მოსახლეობას შვება ეგრძნო.

 

 

„2016 წელი რომ შევაჯამოთ, მთელი წლის განმავლობაში მთავრობის მხრიდან ისეთი ინიციატივა არ მახსენდება, რაც მოსახლეობის ეკონომიკურ მდგომარეობას გააუმჯობესებდა. მთელი წლის განმავლობაში საუბარი ესტონურ მოდელზე და ლარიზაციის პროექტზე იყო, რომელიც 2017 წლიდან ამოქმედდა. იგეგმება ასევე შედარებით მცირე პროექტების ამოქმედებაც. შარშან მთავრობის მხრიდან ისეთი აქტიური ნაბიჯები არ გადადგმულა, რომ მოსახლეობას შვება ეგრძნო. უფრო მეტად არსებულ პრობლემებთან გამკლავება ხდებოდა. მე რაიმეს გაუმჯობესებას წელსაც არ ველოდები." - განაცხადა ვახტანგ ჭარაიამ.

 

 

ავტორი: ლიკა გურაბანიძე

 



აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს
access_time2020-09-23 18:13:22
საქართველოში ამერიკის შეერთებული შტატების სამი ყოფილი ელჩი, ჯონ ტეფტი, უილიამ კორტნი და კენეტ იალოვიცი საქართველოში დემოკრატიისა და ბიზნესგარემოს უკუსვლის შესახებ გამოცემა The National Interesrt-ში ერთობლივ სტატიას აქვეყნებენ.   დიპლომატები აღნიშნავენ, რომ პოლარიზებული პოლიტიკური ვითარება, საარჩევნო პროცესში არსებული დარღვევები და საერთაშორისო ინვესტორთა შევიწროების...

23 სექტემბერი - რეგიონში ქართული ლარი და თურქული ლირა უფასურდება

23 სექტემბერი - რეგიონში ქართული ლარი და თურქული ლირა უფასურდება
access_time2020-09-23 18:05:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. დღეს გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 23...

ქართული მოცვი ევროპაში ვერ გადის

ქართული მოცვი ევროპაში ვერ გადის
access_time2020-09-23 16:00:59
იმის მიუხედავად, რომ ლურჯ მოცვზე  ევროკავშირში საქართველოდან შესაძლო ექსპორტზე დიდ იმედებს ამყარებდნენ, ამ პროდუქტმა ევროპის ბაზარზე ადგილი ჯერ ვერ დაიმკვიდრა.   2020 წლის განვლილ პერიოდში ექსპორტზე 650 ტ ლურჯი მოცვი გავიდა, თუმცა 99%  რუსეთში გაიყიდა.   კომპანია „ეფკოს“ დირექტორის იოანე მორჩილაძეს თქმით, ქართული ლურჯი მოცვი სრულფასოვნად ევროპაში ექსპორტზე არც გასულა.   „თუ ვსაუბრობთ მნიშვნელოვან რაოდენობაზე, ევროკავშირში...

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე
access_time2020-09-23 15:30:13
საქართველოს ეროვნული ბანკის პრეზიდენტი კობა გვენეტაძე ლარის გაცვლითი კურსის შესახებ საკუთარ facebook გვერდზე პოსტს აქვეყნებს. კობა გვენეტაძის განცხადებით, პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ეროვნული ბანკის პრეზიდენტი კობა გვენეტაძის პოსტს „კომერსანტი“ უცვლელად გთავაზობთ: „ბოლო დროს ხშირად ისმის განცხადებები: „ეროვნულმა ბანკმა XX მილიონი დოლარი გაყიდა, მაგრამ ლარი მაინც ვერ გაამყარა“. ეს...

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო
access_time2020-09-23 10:30:22
საქართველოს ნავთობისა და გაზის კორპორაცია ევროპის რეკონსტრუქციისა და განვითარების ბანკისგან 217 მილიონ ევროს მიიღებს, რომელიც ევროობლიგაციების რეფინანსირებისთვის გამოიყო. სესხის ხელშეკრულება საქართველოს ნავთობისა და გაზის კორპორაციის მიერ ლონდონის საფონდო ბირჟაზე განთავსებული 250 მილიონი აშშ დოლარის ღირებულების ევროობლიგაციების სრულ რეფინანსირებას ითვალისწინებს. არსებული ევროობლიგაციები კორპორაციამ  2016 წელს 5 წლის ვადით განათავსა და გრაფიკის მიხედვით იგი სრულად 2021 წლის აპრილში უნდა...


მსგავსი სიახლეები

up