ქრისტე კინოსეანსზე

ქრისტე კინოსეანსზე

access_time2019-11-15 19:30:05

“ლეგიონია ჩემი სახელი, ვინაიდან ბევრნი ვართ” მარკოზის სახარება. თავი 5. 9


მე ვუყურე ამ ფილმს. მართალია კინოსეანსზე ვერ მივედი ჩემი გადატვირთული გრაფიკის გადამკიდე, მაგრამ ფილმს მაინც ვუყურე სოციალურ ქსელში. სიმართლე გითხრათ ძალიან თუ მოვინდომებდი გადატვირთულ გრაფიკს ალბათ რამეს მოვუხერხებდი, მაგრამ დამეზარა. ჩავთვალე, რომ ეს ფილმი ჩვეულებრივი „კიჩი“ იქნებოდა და არ ღირდა დროის კარგვად. თან მაგრად მეზარებოდა კინოთეატრების წინ შეკრებილი, უმეტესწილად პოლიტიკურად მოტივირებული სადუკეველების ყიჟინის მოსმენა და რომ არა სოციალურ ქსელში შემთხვევით შემოთავაზებული ლინკი, ალბათ არც ფილმს ვუყურებდი და არც ეს ბლოგი დაიწერებოდა.


სახარების თანახმად, როდესაც იესო ქრისტე მებაჟეებთან და ცოდვილებთან ტეხს პურს, მივლენ ფარისევლები მის მოწაფეებთან და იკითხავენ, რატომ ჭამს და სვამს მათი მოძღვარი მებაჟეებთან და ცოდვილებთან ერთად, რაზეც იესო უპასუხებს მათ: “მკურნალი ჯანმრთელებს კი არა სნეულებს სჭირდებათ”.


პრინციპში მთელი სახარებაც ხომ სწორედ ბრძოლასა და მიმტევებლობაზეა. უფრო ზუსტად თუ ვიტყვით, შემწყნარებლობით ბრძოლაზე ფარისევლობის, ცოდვის და ბოროტების მიმართ. ბოროტების, რომელიც როგორც წესი, ისტორიულად უმრავლესობით არის ხოლმე წარმოდგენილი საზოგადოებაში.


რა თქმა უნდა ეს ფილმი არ არის ჰომოსექსუალიზმის პროპაგანდა. მეტიც ეს ფილმი საერთოდ არ არის ჰომოსექსუალიზმზე, როგორც კარგ ან ცუდ მოვლენაზე. ცოდვაზე ან სიკეთეზე. ჰომოსექსუალიზმი, როგორც თავისთავადი, ბუნებრივი მოვლენა, რეჟისორისათვის ამ ფილმში არის მხოლოდ საშუალება, ერთგვარი ხერხი, ჩაგვახედოს სარკეში, საკუთარ სულებში გამეფებული ფარისევლობის, სისასტიკის და დამახინჯებული რწმენის დასანახად.


რა თქმა უნდა ამ ფილმში არის მომენტები, რომელიც რბილად რომ ვთქვათ პროვოკაციული, გაზვიადებული, უტრირებული და ზოგჯერ შეურაცხმყოფელიც კია კონსერვატორული აზროვნებისათვის. რა თქმა უნდა, რეჟისორმა კარგად იცის, რომ ქართული საზოგადოების დიდი ნაწილისათვის, ქვევრის ფონზე, ორ ქართველ ვაჟს შორის დამყარებული სქესობრივი აქტი, უკიდურესად მიუღებელი სცენაა. ისევე როგორც თავად ქართული ცეკვა, კონსერვატორი ქართველისათვის ფუნდამენტურად შეუთავსებელია ჰომოსექსუალიზმთან, რადგან იგი ჩოხას, მანდილს, ფეხის გასმას და ხანჯალს, ბუნებრივად აიგივებს ქრისტიანობასთან და შესაბამისად საკუთარ იდენტობასთან.


უთხრა ასეთ ქართველს, რომ ვაჟს შეიძლება პირველი, ნამდვილი სიყვარულით შეუყვარდეს არა კდემამოსილი ქალწული, არამედ მისივე სქესის წარმომადგენელი, იგივეა რომ მას წაართვა ყველაზე ინფანტილური წარმოდგენა პირველ სიყვარულზე, როგორც საკრალურ და იდუმალ პროცესზე, რომლისკენაც იგი მუდმივად მიისწრაფვის და რასთანაც ქვეცნობიერ დონეზე აიგივებს ქვევრს, ვაზს, ქართულ ცეკვას და რაც მთავარია ქრისტიანულ სარწმუნოებას, როგორც საკუთარი იდენტობის გადარჩენის ერთადერთ ლოგიკურ ახსნას ისტორიული ქარტეხილებით და მტრებით გარემოცულ სამყაროში.


ამიტომაც იყო და იქნება ეს ფილმი მიუღებელი უმრავლესობისათვის ამ ქვეყანაში.


ამიტომაც ვერ იქცევა ეს ფილმი ხელოვნების ნიმუშად საქართველოში და განწირულია იგი უარყოფისათვის.


მაგრამ ამავე დროს, ეს ფილმი, არის სწორედ იმაზე, რასაც სახარებაა გვასწავლის მთელი თავისი მაგიური და განუმეორებელი მიზიდულობით. ეს ფილმი არის მიმტევებლობაზე და სიყვარულზე. უფრო სწორად კი შეუწყნარებლობაზე და სიყვარულის დეფიციტზე ადამიანებს შორის. და რაც მთავარია სისასტიკეზე, თუნდაც საკუთარი ფუნდამენტური, ხშირად დამახინჯებული რწმენის საწინააღმდეგო ღირებულების მქონე ადამიანების მიმართ.


სწორედ ამიტომ ეს ფილმი, ყველაზე ქრისტიანული ფილმია, რაც კი ბოლო დროს მინახავს.


და ერთადერთი რაზეც ვფიქრობდი ამ ფილმის ყურებისას იყო კითხვა, სად იქნებოდა იესო ქრისტე პრემიერის დღეს, იქ სადაც შეუწყნარებლობა და სისასტიკე იყო, თუ იქ სადაც ამ სისასტიკის და დამახინჯებული რწმენის წინააღმდეგ ილაშქრებდნენ, გამოხატვის ყველაზე უფრო კეთილშობილური ფორმით, რასაც შემოქმედებითი გამოხატვის უფლება ეწოდება.


მე მაინც ვფიქრობ, რომ ამ შემთხვევაში, ჩემი ღმერთი, იესო ქრისტე, სადღაც კინოთეატრის დარბაზის ბოლო რიგებში იჯდებოდა, სხვა მრავალ ჩემნაირ ცოდვილთან ერთად და შესანიშნავი ფინალური სცენისას, როდესაც მეგობრებისგან, პედაგოგებისგან და უმრავლესობისგან უარყოფილი მთავარი გმირი, ჩოხას გაიხდის და ბნელ კარში გადის, ტაშსაც დაუკრავდა ნიშნად ჰუმანიზმისა და ადამიანებს შორის სიყვარულის მარადიულობისა.


ამირან გიგუაშვილი

12 ნოემბერი 2019 წელი







5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა
access_time2020-06-05 15:05:18
საქართველოს ბიზნეს ასოციაციამ წევრი კომპანიების წარმომადგენელთა მონაწილეობით, ასოციაციის გარემოს დაცვის კომიტეტის ონლაინ შეხვედრას უმასპინძლა, რომლის მთავარი თემა საქართველოს მთავრობაში მომზადებული „გარემოსდაცვითი პასუხისმგებლობის შესახებ“ კანონის პროექტი გახლდათ. კანონპროექტი, რომელიც თვისობრივად ახალ მიდგომებს ითვალისწინებს გარემოს დაცვის მიმართულებით, ბიზნესსექტორის განსაკუთრებული ინტერესის საგანი ჯერ კიდევ გასულ წელს გახდა, როდესაც მისი პირველადი ვერსია იქნა...

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში
access_time2020-06-05 15:30:42
საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის განვითარება. „პირველ ეტაპზე გაიხსნება შიდა ტურიზმი და დარწმუნებული ვარ, შიდა ტურიზმიც საკმაოდ სერიოზულ მოთხოვნას დააგენერირებს.დღეს ფაქტია, რომ ქართველები საზღვარგარეთ დასასვენებლად ვერ წავლენ, ბოლო რამდენიმე წელია, ძალიან შეუყვარდათ, არ...

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?
access_time2020-06-05 12:00:42
საზოგადოებრივი ტრანსპორტის მომსახურების დაბალი ხარისხისა და გადაადგილების პრობლემების გამო, ბოლო პერიოდში კერძო ავტომობილებით მოძრავი მოქალაქეების რაოდენობა უფრო გაიზარდა, შესაბამისად საპარგინგე ადგილებზე მოთხოვნამაც მოიმატა. როგორც აღმოჩნდა, დედაქალაქის მაცხოვრებლები არასწორი პარკირების ჯარიმას, საურავებსა და მანქანის გადაყვანის საფასურს ზუსტად იმავე წესით იხდიან, როგორც მანამდე და „სითი პარკის“ წასვლის შემდეგ არაფერი შეცვლილა. აღსანიშნავია, რომ აღნიშნული კომპანია...

რატომ შემცირდა „ბიუ-ბიუს“ პროდუქციაზე მოთხოვნა?

რატომ შემცირდა „ბიუ-ბიუს“ პროდუქციაზე მოთხოვნა?
access_time2020-06-05 17:00:09
„ბიუ-ბიუს“ პროდუქციაზე მოთხოვნა მცირდება. ამის შესახებ კომპანიის დამფუძნებელმა რევაზ ვაშაკიძემ „ბიზნესპრესნიუსთან“ საუბრისას განაცხადა. მისი თქმით, ამის მიზეზი იმპორტირებული, დაბალი ხარისხის ქათმის პროდუქციაა, რომელიც შედარებით იაფად იყიდება. როგორც კომპანიის დამფუძნებელი ამბობს, სწორედ მოთხოვნის შემცირების გამო, „ბიუ-ბიუ“ პროდუქტს ჯერჯერობით აღარ გააძვირებს. შეგახსენებთ, რომ საგანგებო მდგომარების დასრულების შემდეგ ქათმის შესაძლო გაძვირებაზე...


მსგავსი სიახლეები

up