ქეთევან ციხელაშვილი: გამყოფ ხაზებთან მცხოვრები მოსახლეობა გაზის საფასურის 200 ლარიან ვაუჩერს მიიღებს

ქეთევან ციხელაშვილი: გამყოფ ხაზებთან მცხოვრები მოსახლეობა გაზის საფასურის 200 ლარიან ვაუჩერს მიიღებს

access_time2018-11-08 22:45:00

გამყოფ ხაზებთან მდებარე სოფლებში მცხოვრები თითოეული ოჯახის გათბობის ხარჯები 200 ლარით დაფინანსდება. გადაწყვეტილების შესახებ  მთავრობის სხდომის შემდეგ შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა განაცხადა. მისივე ინფორმაციით, აღნიშნული სოფლებიდან თითოეულ სტუდენტს უმაღლესი განათლების საფასურიც დაუფინანსდება.

სახელმწიფო მინისტრმა  იმ ნაბიჯებზე ისაუბრა, რომლითაც მთავრობა მავთულხლართების პოლიტიკას უპირისპირდება. მისი თქმით, საქართველოს ხელისუფლების პასუხი მეტი განვითარება და პროგრესია.

„დღეს მთავრობის სხდომაზე ძალიან მნიშვნელოვანი გადაწყვეტილება მივიღეთ, რომელიც 5 ნოემბერს გამყოფი ხაზების გასწვრივ მცხოვრები მოსახლეობის საჭიროებებზე რეაგირების კომისიის გადაწყვეტილებას ასახავს. მთავრობის განკარგულებით გადაწყდა, რომ წელს გამოზამთრებაში დავეხმარებით გამყოფ ხაზებთან მდებარე ყველა სოფლის მაცხოვრებელს. თითოეული ოჯახი გაზის საფასურის 200 ლარიან ვაუჩერს მიიღებს. გათბობის ვაუჩერს აგრეთვე მიიღებს ის  რამდენიმე ოჯახიც, სადაც გაზიფიცირება ჯერ არ განხორციელებულა.

„ზოგადად, გამყოფი ხაზების გასწვრივ სოფლებში არსებული საჭიროებების საპასუხოდ, ამ წლების განმავლობაში, ძალიან მნიშვნელოვანი სამუშაო ჩატარდა. ყველა სოფლის გაზიფიკაცია დასრულდა. საუბარია 62-ზე მეტ სოფელზე. ანუ, 14 ათასამდე აბონენტს სახლში ბუნებრივი აირი აქვს. ეს მათთვის ძალიან მნიშვნელოვანი შეღავათია. უკვე რამდენიმე წელია ისინი გაზის საფასურის ვაუჩერს იღებენ და გამონაკლისი არც ეს ზამთარი იქნება, რადგან მათ სახელმწიფოს გვერდში დგომა სჭირდებათ.

„გარდა ამისა, ყველა სტუდენტს, რომელიც გამყოფი ხაზების მახლობლად ცხოვრობს, სახელმწიფო უმაღლეს განათლებას დაუფინანსებს. ეს წლების განმავლობაში ხორციელდება და სასიხარულოა, რომ ბოლო ოთხი წელიწადში სტუდენტთა რაოდენობა 433-დან 1200-მდე გაიზარდა“, – განაცხადა ქეთევან ციხელაშვილმა.


მისივე თქმით, გამყოფი ხაზის პირას მდებარე სოფლებში წყლით მომარაგების  საკითხიც ნაწილობრივ გადაჭრილია – 33 სოფელში სასმელი წყლის პრობლემა სრულად  მოგვარდა. 26 სოფელში პრობლემა ჯერ ისევ დგას, თუმცა აქედან 17-ში წლის ბოლომდე გადაიჭრება.

„ესაა ჩვენი პასუხი მავთულხლართების პოლიტიკაზე. ძალიან მალე წარმოდგენილი იქნება გამყოფი ხაზების გასწვრივ მდებარე სოფლების განვითარების სტრატეგია, რაც მოსახლეობას საშუალებას მისცემს ჰქონდეთ ალტერნატიული შემოსავლის წყაროები, რადგან მავთულხლართების პირობებში ბევრ მათგანს  საკუთარ მიწაზე წვდომა შეზღუდული აქვს.

„ზოგადად, კონფლიქტით დაზარალებულ მოსახლეობაზე ზრუნვა ჩვენი სამშვიდობო პოლიტიკის ძალიან მნიშვნელოვანი ნაწილია. ასევე, ჩვენთვის ძალიან მნიშვნელოვანია იმ მოსახლეობის ბედიც, რომელიც დღეს მავთულხლართების მიღმა, იზოლაციაში ცხოვრობს. ახალი სამშვიდობო ინიციატივებით, მათ შორის ვაჭრობისა და განათლების ახალი შესაძლებლობებით, მომავალში მათ დახმარებასაც აუცილებლად გავაგრძელებთ“, – განაცხადა სახელმწიფო მინისტრმა.

ipress.ge





გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...

ISET-ის კვლევა - საქართველოს სოფლის მეურნეობის „აქილევსის ქუსლი“ მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია

ISET-ის კვლევა - საქართველოს სოფლის მეურნეობის „აქილევსის ქუსლი“  მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია
access_time2019-04-25 14:00:50
საქართველოს დამოუკიდებლობის აღდგენიდან 28 წლის შემდეგ, ჩვენ ყველა, საქართველოს სოფლის მეურნეობით და სოფლის განვითარებით დაინტერესებული მხარე უნდა გამოვფხიზლდეთ და ხმამაღლა ვისაუბროთ იმაზე, რომ „სიმპტომების“ წინააღმდეგ ბრძოლა არაეფექტურია და ჯერ „პრობლემის სათავეს” უნდა ვუმკურნალოთ... ამას კი, პირველ რიგში, მთავრობის მხრიდან აშკარა და ერთმნიშვნელოვანი მხარდაჭერა სჭირდება! — ასეთია  ISET-ის კვლევის...


მსგავსი სიახლეები

up