ქართველმა DJ-იმ ლონდონში 24-საათიანი კლუბი გახსნა

ქართველმა DJ-იმ ლონდონში 24-საათიანი კლუბი გახსნა

access_time2018-08-03 20:00:35


 

 

Voicedrone-ის სახელით ცნობილმა ქართველმა DJ-იმ, ლაშა ჟორჟოლიანმა ლონდონის აღმოსავლეთ ნაწილში 24-საათიანი კლუბი გახსნა. სხვათა შორის, უკანასკნელი 10 წლის ტენდენციით, ინგლისის დედაქალაქში არაერთი ცნობილი ღამის კლუბი დაიკეტა. აქედან გამომდინარე, სავარაუდოა, რომ ინგლისის დედაქალაქში ქართველი DJ-ის 24 - საათიანი კლუბის გახსნას დიდი მნიშვნელობა მიენიჭება.



 

„კომერსანტი“  ლონდონში დაუკავშირდა ლაშა ჟორჟოლიანს. ქართველი DJ-ის განცხადებით, ეს იქნება პირველი კლუბი, რომელიც 600 ადამიანს იტევს და ლონდონში 24 საათის განმავლობაში იმუშავებს.



 


ლონდონელები ძალიან მკაცრად უდგებიან ახალი ადგილების გახსნის საკითხს. მშენებლობას დამოუკიდებლად ვუძღვებოდით და ამ 9-თვიანი პროცესის პარალელურად, მერიასთან მუდმივად მოლაპარაკებები მიმდინარეობდა. ლონდონში უსაფრთხოების საკითხი ძალიან მაღალ დონეა აყვანილი და ყველა სტანდარტის დაცვისათვის, ჩვენ უდიდესი შრომა ჩავდეთ,“ - ამბობს ლაშა ჟორჟოლიანი.

 

ცნობილია, რომ კლუბში, სახელწოდებით FOLD, 24-საათიანი მუსიკალური სესიები შაბათობით გაიმართება, შუა კვირაში კი მუსიკის მოსმენა და ცეკვა მსურველებს ღამის 3 საათამდე შეეძლებათ.

 

სებ გლოვერი კლუბის თანადამფუძნებელია. იგი მიიჩნევს, რომ FOLD-ი არტისტებისა და მსმენელებისთვის ერთგვარ თავშესაფრად გადაიქცევა:

 

ჩვენ სხვანაირი მიდგომები გვაქვს და ლონდონში ევროპულ მიდგომას ვნერგავთ. შესაბამისად, ვქმნით ადგილს, სადაც დროის გატარება დიდი ხნით იქნება შესაძლებელი. ჩვენ უსაფრთხო სივრცის შექმნაზე ვართ ფოკუსირებული, რომელიც თავისუფალი იქნება ლონდონის ყოველდღიური ცხოვრების მძიმე წნეხისგან, ხელს შეუწყობს გამოხატვის თავისუფლებას, პოტიზივსა და ინსპირაციას, - აღნიშნა მან.

 

ლაშა ჟორჟოლიანი მიიჩნევს, რომ FOLD-ი ლონდონს ღამის კულტურის განვითარებაში დაეხმარება, ამ პროცესში კი ქართველი არტისტებიც მიიღებენ მონაწილეობას: „ძალიან დიდი გამოხმაურება და მხარდაჭერა მივიღეთ ინგლისიდან, ასევე ევროპის სხვადასხვა ქვეყნებიდან, საქართველოდანაც. კლუბში აუცილებლად დაუკრავენ ქართველი არტისტები, ბასიანის შოუქეისთან დაკავშირებით უკვე მოლაპარაკებები გვაქვს.“

 

პირველი წვეულება FOLD-ში 18 აგვისტოს გაიმართება. მუსიკალური არტისტების სრული სია ჯერ არ გამოქვეყნებულა, თუმცა ცნობილია, რომ პირველ საღამოს FOLD-ის სცენაზე ისეთი არტისტები დაუკრავენ, როგორებიც REVIVEHER, Make Me, Test Pressing, Dimensions და EarToGround არიან.



 

ნიკა ქავთარაძე





როგორი იქნება ახალი სარეკრეაციო სივრცე ყაზბეგში (ფოტოები)

როგორი იქნება ახალი სარეკრეაციო სივრცე ყაზბეგში (ფოტოები)
access_time2020-08-04 12:20:14
ყაზბეგის მუნიციპალიტეტის დაკვეთით დაბა სტეფანწმინდაში ახალი სარეკრეაციო სივრცე „ელიას პარკი“ ეწყობა.მოსასვენებელი სივრცის პროექტირებას არქიტექტურული კომპანია „სპექტრუმი“ ახორციელებს, რომელიც მიზნად 15 590 კვ.მ. რეკრეაციული ტერიტორიის რეაბილიტაციასა და მრავალფუნქციური სივრცის მოწყობას ისახავს. საპროექტო პარკის ცენტრს, როგორც იდეოლოგიურს, ასევე ფუნქციურს წარმოადგენს ლითონის კონსტრუქციით შექმნილი, დაახლოებით 25 მეტრის სიმაღლის მქონე გადმოსახედი ეწ. ბელვედერი,...

ბანკები გადავადებულ პროცენტებს ერთბაშად ითხოვენ?!

ბანკები გადავადებულ პროცენტებს ერთბაშად ითხოვენ?!
access_time2020-08-04 17:00:31
კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის. პირველ ეტაპზე, სამთვიანი საშეღავათო პერიოდი, უგამონაკლისოდ, ყველა კომერციულმა ბანკმა დაუწესა მსესხებლებს. მიზეზი პანდემია და საგანგებო რეჟიმი იყო, რომლის გამოც, მოქალაქეები შემოსავლის გარეშე დარჩნენ . ბანკებისა და მთავრობის ერთობლივი...

მთავრობა „შტადლერის“ ქარხნის მშენებლობის მოლოდინშია

მთავრობა „შტადლერის“ ქარხნის მშენებლობის მოლოდინშია
access_time2020-08-04 14:05:06
უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა. შეხვედრას ასევე ესწრებოდნენ „შტადლერის მარკეტინგისა და გაყიდვების აღმასრულებელი ვიცე-პრეზიდენტი ანსგარ ბროკმაიერი, დსთ-ის ქვეყნების მარკეტინგისა და გაყიდვების დირექტორი მატიას შტორი, საქართველოში შვეიცარიის ელჩი პატრინ...

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე
access_time2020-08-04 14:40:36
პოლიტიკურმა პლატფორმამ „სტრატეგია აღმაშენებელი“ საარჩევნო კამპანია ოფიციალურად გახსნა, პრემიერ-მინისტრობის კანდიდატად კი გიორგი ვაშაძე წარადგინა. გიორგი ვაშაძემ 5 მთავარი დაპირების შესახებ ისაუბრა, რომელიც სამუშაო ადგილების შექმნას, დაბალპროცენტიან სესხებს, ანტიმონოპოლიურ საბანკო სისტემას, მედიკამენტების გაიაფებას და მცირე და საშუალო ბიზნესის დამატებითი გადასახადისგან გათავისუფლებას გულისხმობს: „სტრატეგია აღმაშენებლის გუნდის დაპირება ნომერი...

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“
access_time2020-08-04 15:20:33
თევზისა და თევზის პროდუქტების მწარმოებელი კომპანია „ქართული ხიზილალა“ სხვა ადგილობრივ მწარმოებლებთან ერთად, 3-5 წლიან პერიოდში ქართულ ბაზარზე იმპორტირებული ხიზილალის წილის მინიმუმამდე დაყვანას გეგმავს, - განუცხადა „ბიზნესპარტნიორს“ კომპანიის დამფუძნებელმა ალექსანდრე დადიანიძემ. კომპანიის საკუთრებაშია გორის რაიონის სოფელ კარალეთში 3 თევზსაშენი და რესტორანი „თევზის სახლი“. მისი ინფორმაციით, დღეს ბაზარზე იმპორტირებული ხიზილალის წილი 90-დან 70%-მდე არის...


მსგავსი სიახლეები

up