ქართველმა ბანკირებმა: რამაზ კუკულაძემ, ნიკა გამყრელიძემ და არჩილ კონცელიძემ ღია უნივერსიტეტი შეიძინეს

ქართველმა ბანკირებმა: რამაზ კუკულაძემ, ნიკა გამყრელიძემ და არჩილ კონცელიძემ ღია უნივერსიტეტი შეიძინეს

access_time2021-03-07 18:24:25

“თბილისის ღია სასწავლო უნივერსიტეტი” გაიყიდა - სასწავლებელი, რომლის 100%-იანი წილი ზაურ ამილახვარს ეკუთვნოდა შპს “ველოქს ედუქეიშენმა” იყიდა. “ველოქს ედუქეიშენის” დირექტორი “საქართველოს ბანკის” დირექტორის ყოფილი მოადგილე რამაზ კუკულაძეა, კომპანიაში მისი ბიზნესპარტნიორები  საფინანსო სფეროს აღმასრულებლები არიან. მათ შორისაა “საქართველოს ჯანდაცვის ჯგუფის” CEO ნიკოლოზ გამყრელიძე და VTB ბანკის CEO არჩილ კონცელიძე. 

BMG-სთან ინტერვიუში რამაზ კუკულაძემ “ღია სასწავლო უნივერსიტეტის” სამომავლო განვითარების სტრატეგიის შესახებ ისაუბრა. მისი თქმით, 2022 წლიდან უნივერსიტეტში კომპიუტერული მეცნიერებების მიმართულების დამატება არის დაგეგმილი, ამასთანავე, უნივერსიტეტის საერთაშორისო ბაზარზე პოზიციონირების გაძლიერებაც იგეგმება. 

“ჩვენი შეფასებით ამ პროექტს საკმაოდ დიდი პერსპექტივა აქვს. ქვეყანას სჭირდება ბევრი განათლებული ადამიანი, შესაბამისად, ვფიქრობთ რომ უნივერსიტეტი არის სფერო, რომლითაც ამ მხრივ განვითარება შეგვეძელბა. ჩვენ პროექტში გაერთიანებული ვართ ხალხი, ვისაც ამბიცია გვაქვს, რომ განსხვავებული და კარგი რამ შევქმნათ ქართულ ბაზარზე და არამხოლოდ ქართულ ბაზარზე, რადგან რეგიონალური ამბიციები გვაქვს. 

დღეს უნივერსიტეტს აქვს 4 სკოლა, ეს არის სამედიცინო მიმართულება, ეს არის სამართლის სკოლა, არის ბიზნესის ადმინისტრირების მიმართულება, არის ასევე ჰუმანიტარული მეცნიერებების სკოლა. ამ ოთხივე მიმართულებას ვაგრძელებთ, ამბიცია გვაქვს, რომ გავაუმჯობესოთ ისინი. ასევე, 2022 წლიდან დავამატოთ კომპიუტერული მეცნიერებების მიმართულება, მანამდე ბიზნესის ადმინისტრირების სკოლას გავაკეთებთ უკეთესს და სამედიცინო მიმართულებას გავაძლიერებთ,”- BMG-სთან საუბარში განაცხადა რამაზ კუკულაძემ.

ნიკოლოზ გამყრელიძის და არჩილ კონცელიძის გარდა, უნივერსიტეტის ახალ მფლობელებს შორის არიან ინვესტორთა საბჭოს სამდივნოს ყოფილი ხელმძღვანელი მარიამ მეღვინეთუხუცესი, ასევე “საქართველოს კაპიტალის” დირექტორის მოადგილე ავთანდილ ნამიჩეიშვილი და “ლიბერთი ბანკის” დირექტორის მოადგილე დავით წიკლაური.

“ღია სასწავლო უნივერსიტეტში” 1500-მდე სტუდენტი სწავლობს. უმაღლესი სასწავლებელი 2002 წელს არის დაფუძნებული. 2020 წლის საპარლამენტო არჩევნებამდე უნივერსიტეტის ვიცე-რექტორი გიორგი ამილახვარი იყო, რომელიც ამჟამად “ქართული ოცნების” დეპუტატია.

კითხვაზე თუ რა თანხა გადაიხადა ველოქს დეველოპმენტმა უნივერსიტეტის 100%-იანი წილის შეძენაში, რამაზ კუკულაძე პასუხობს, რომ ეს კონფიდენციალურ ინფორმაციას წარმოადგენს. საჯარო რეესტრის თანახმად, უნივერსიტეტის ახალი ინვესტორები სასწავლებლის უძრავი ქონების იჯარაში თვეში 60,000 ლარს გადაიხდიან.

2019 წლის ფინანსური ანგარიშის თანახმად, ღია სასწავლო უნივერსიტეტის შემოსავალი 3.2 მილიონი ლარი იყო.

bm.ge





ქაღალდი ჩამოცვენილი ფოთლებიდან - უკრაინული სტარტაპის იდეა

ქაღალდი ჩამოცვენილი ფოთლებიდან - უკრაინული სტარტაპის იდეა
access_time2021-04-11 20:00:56
უკრაინის ზაკარპატიეს ოლქში დაბადებულმა ვალენტინ ფრეჩკამ ჩამოცვენილი ფოთლების გადამუშავების და მათგან ქაღალდის წარმოების ტექნოლოგია ჯერ კიდევ სკოლაში მოიფიქრა.დღეს მის მიერ დაარსებული სტარტაპი ხარკოვში და რივნოში ამ უჩვეულო მასალიდან ქაღალდის პაკეტებს აწარმოებს, რომლებიც 8 კგ. -ს წონას უძლებენ.კომპანიაში 7 ტონა ფოთლები გადაამუშავეს და ამაზე შეჩერებას არ აპირებენ - ასეთი ქაღალდისგან კიდევ ბევრი რამის გაკეთება შეიძლება -...

Süddeutsche Zeitung: საიდან არის მოსალოდნელი შემდეგი პანდემია?

Süddeutsche Zeitung: საიდან არის მოსალოდნელი შემდეგი პანდემია?
access_time2021-04-11 18:00:37
ადრე იყო ერთი მონადირის ისტორია ცენტრალურ აფრიკაში, რომელმაც მაიმუნი მოკლა. შესაძლოა, მან ცხოველთან ბრძოლის დროს დაზიანება მიიღო, ან მაიმუნის სისხლის მის ორგანიზმში ხორცის დამუშავების დროს მოხვდა. ეს ზუსტად არავინ იცის.ასე იყო თუ ისე, ცხოველის ფიზიოლოგიურ სითხესთან ერთად მის ორგანიზმში ვირუსმა შეაღწია. ეს ისტორიული მოვლენა დაახლოებთ 100 წლის წინ მოხდა, და სრულიად შეუმჩნევლად ჩაირა, თუმცა, ათეულობით წლის შემდეგ ამან უამრავი ადამიანის...

“რას მართავენ წარმატებით ? ” - ვახო სანაია

“რას მართავენ წარმატებით ? ” - ვახო სანაია
access_time2021-04-11 18:06:12
“კოვიდს წარმატებით ვმართავთო. შეგიძლიათ, მითხრათ, რა იგულისხმება ამ სიტყვებს მიღმა ?” — ამის შესახებ სოციალურ ქსელში ჟურნალისტი ვახო სანაია წერს.“● პირველი ტალღა გვქონდა● მეორე ტალღაც გვქონდა ● ახლა მესამე ტალღაც გვაქვსო ● როცა საჭირო იყო, ტესტირება პრობლემა გახდა. ● ერთი ლოქდაუნი გვქონდა● მეორე ლოქდაუნიც გვქონდა ● ქვეყანა ახლაც ჩაკეტილია ● უახლოეს მომავალში სავარაუდოდ კიდევ...

LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...


მსგავსი სიახლეები

up