ქართველი მოსწავლეების სტარტაპი - გუდაურის სიყვარულით შექმნილი ჰუდები

ქართველი მოსწავლეების სტარტაპი - გუდაურის სიყვარულით შექმნილი ჰუდები

access_time2017-12-23 17:00:53

TwoSix გუდაურის სიყვარულით დაწყებული სტარტაპია, რომელიც ორმა ქართველმა მოსწავლემ სამი თვის წინ შექმნა. საუბარია 14 წლის ანო ჭარელიშვილსა და 17 წლის ჯუბა პატიაშვილზე, რომლებმაც მშობლების ნებართვით კომპანია ოქტომბერში დააარსეს და ჰუდების ონლაინ-მაღაზიაც გახსნეს.


„ეს არის ჩემი და ჩემი მეგობრის ერთობლივი იდეა, რადგან ძალიან გვინდოდა, რომ საქართველოში მაღალი ხარისხის ჰუდები ყოფილიყო. თავიდან გუდაურის სიყვარულის გამო მხოლოდ ჩვენთვის უნდა გაგვეკეთებინა, თუმცა იმდენად პერსპექტიული იდეა იყო, რომ გადავწყვიტეთ კომპანია დაგვეარსებინა. აგვისტოს ბოლოს დავიწყეთ მუშაობა, ოქტომბერში კი უკვე ონლაინ მაღაზიაც გავხსენით. თუმცა, ასაკის გამო კომპანიის შესაქმნელად მშობლებისგან ნებართვა დაგვჭირდა და ასევე ფინანსურადაც ნაწილობრივ მშობლები დაგვეხმარნენ, რაც შეეხება უშუალოდ საქმიანობას, ყველაფერს თავად ვაკეთებთ,“-აღნიშნა ჯუბა პატიაშვილმა.


მისივე თქმით, სეზონიდან გამომდინარე ახლა მხოლოდ გუდაურისა და საახალწლო თემატიკის ჰუდები აქვთ. თუმცა, როგორც ჯუბა „ბიზნესპრესნიუსთან“ საუბრისას აღნიშნავს, ცოტა ხნის წინ დაიწყეს კოლაბორაცია სხვადასხვა დიზაინერებთან, რომლებიც ჰუდებზე გადასატანად საკუთარ დიზაინს სთავაზობენ.


„ვისაც სურდა, რომ მისი დიზაინი ჰუდზე გადაგვეტანა გვიგზავნიდა ფოტოებს, რომელსაც ვამუშავებდით და ვბეჭდავდით. კამპანიის თითოეულ მონაწილეს ჩვენს საიტზე თავისი ხაზი აქვს. აღსანიშნავია, რომ ინტერესი საკმაოდ დიდი იყო და ახლაც რამდენიმე დიზიანერი დაგვემატა. ამასთან, ჩვენი მომხმარებლებისთვის საკმაოდ ცნობილია - ვილიამი, რომელიც ჩვენი გამოგონილი, არარსებული პერსონაჟია. ის არის ჩვენი თავდაჯერებულობა, იმედი, გვეხმარება, რომ რაღაცეები გადავლახოთ. „ფეისბუქზეც“ გვაქვს ჰეშთეგი „იპოვე შენში ვილიამი“ ანუ იპოვე შენი რწმენა, თავდაჯერებულობა და ა.შ.,“-ამბობს ჯუბა.



მისი თქმით, ჰუდები საქართველოში მზადდება, კერძოდ, აქ ყიდულობენ მაღალი ხარისხის სპორტულ ბაიკას და თბილისში საკუთარი დიზაინით აკერინებენ. როგორც ჯუბა აღნიშნავს, მოთხოვნა იმდენად დიდი იყო, რომ თავისი პროდუქცია უკვე „გალერია ქისაშიც“ შეიტანეს და სამომავლოდ, სპორტულ მაღაზიებშიც აპირებენ ჰუდების შეტანას.


„სამომავლოდ, გარდა სპორტული ჰუდებისა, გვინდა დიზაინერული ჰუდებიც დავამზადოთ. ამასთან, ვაპირებთ მომხმარებელს სეზონის მიხედვით შევთავაზოთ პროდუქცია. კერძოდ, ვფიქრობთ თხელი ჰუდების, სათვალის, მისი საწმენდების, ჩანთების წარმოებასაც. ამასთან, გვაქვს კამპანია Giving Back, რომლის ფარგლებშიც პროდუქციის ღირებულებას ემატება გარკვეული თანხა და თუ მოქალაქე ამ ფასად შეიძენს ჰუდს, დამატებულ თანხას ჩვენ ვაორმაგებთ და ეს თანხა საქველმოქმედო მიზნით გამოიყენება,“-აღნიშნა პატიაშვილმა.


რაც შეეხება ფასებს, დაპრინტული ჰუდები 86 ლარი, დაუპრინტავი კი 76 ლარი ღირს. თუმცა, ახლა საახალწლო ფასდაკლებით 76 და 66 ლარად არის მათი შეძენა შესაძლებელი.



bpn.ge




კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...

2019 წელს ტელევიზიების ჯამური შემოსავალი 13.9%-ით გაიზარდა

2019 წელს ტელევიზიების ჯამური შემოსავალი 13.9%-ით გაიზარდა
access_time2020-07-11 18:00:17
ტელევიზიების ჯამური შემოსავალი 2019 წელს, წინა წელთან შედარებით, 11.3 მლნ ლარით (13.9%) გაიზარდა. ამის შესახებ „საერთაშორისო გამჭვირვალობა - საქართველოს” მიერ გამოქვეყნებულ კვლევაშია...

რას ხედავენ ამერიკელები საქართველოში და ვის მოეთხოვება "ჭკუით მოქცევა"

რას ხედავენ ამერიკელები საქართველოში და ვის მოეთხოვება
access_time2020-07-11 16:00:42
რისი მანიშნებელია ამერიკის საბიუჯეტო კანონპროექტის ჩანაწერი საქართველოსთვის შესაძლო სასჯელის დაწესების თაობაზე? რისი მანიშნებელია ოლიგარქებისა და არაფორმალური მმართველობის ხსენება თანდართულ განმარტებებში? არის ეს დიდი სურათის ნაწილი თუ მხოლოდ ცალკეული კონგრესმენების იდეებია? აქვს ...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...


მსგავსი სიახლეები

up