ქართველი მინისტრის პორტრეტი: სად ცხოვრობს, რით ერთობა და რა ქონებას ფლობს

ქართველი მინისტრის პორტრეტი: სად ცხოვრობს, რით ერთობა და რა ქონებას ფლობს

access_time2019-02-26 20:30:22

  • 11 მინისტრიდან ერთის გამოკლებით ყველა ფლობს კერძო სახლს;


  • მინისტრების თითქმის ნახევარს ერთზე მეტი საცხოვრებელ სახლი აქვს;



  • მინისტრების მესამედი ფლობს ბინას ვაკეში და მათი სახლები ჭავჭავაძის გამზირზე, აბაშიძის ან ფალიაშვილის ქუჩებზე მდებარეობს;



  • მხოლოდ ერთს ჰყავს 1-ზე მეტი მანქანა, 3-ს კი ავტომობილი საერთოდ არ ჰყავს;



  • 11-დან 3 მინისტრი შემოსავალს იღებს უძრავი ქონების გაქირავებით;



  • ყველა მინისტრს, შვილი ან შვილები კერძო სკოლებში დაჰყავს;



  • მინისტრთა უმეტესობას აქვს დანაზოგი, რომელიც 10 000 ლარზე მეტია.


მონაცემები ეყრდობა მინისტრების სხვადასხვა წლებში შევსებულ ქონებრივ დეკლარაციებს, სადაც გარდა არსებული ქონებისა, საინტერესო დანახარჯებიც ჩანს.


აი მაგალითად:


  • იუსტიციის მინისტრმა თეა წულუკიანმა 2017 წელს 31 205,55 ლარი საზეიმო ცერემონიების ორგანიზებასა და სტუმრების მომსახურებაში დახარჯა, 7 826,5 ლარი კი ხეების შესყიდვაში, 24 033 ლარი აუზის მოწყობაში.



  • შინაგან საქმეთა მინისტრმა გიორგი გახარიამ 2018 წელს 120 000 $ აჩუქა მამას, მშობლების საცხოვრებელი ბინის რემონტისთვის კი 50 000 ლარი გამოყო. მისმა მეუღლემ 2018 წელს 720 000 ლარის ღირებულების უძრავი ნივთი შეიძინა, რომელიც დეკლარირებული არ არის ქონებაში.



  • ფინანსთა მინისტრმა ივანე მაჭავარიანმა ოჯახის წევრების სპორტულ აბონემენტებში 5890 ლარი გადაიხადა, შვილების სწავლის საფასურში კი თითქმის 30 000 ლარი.




  • ეკონომიკის მინისტრმა გიორგი ქობულიამ ბინის გაქირავებით გასულ წელს 112 000 ლარის შემოსავალი მიიღო. ამ მინისტრმა გასულ წელს 2 მილიონზე მეტის აქციები შეიძინა. გიორგი ქობულია ფლობს ასევე მინისტრებს შორის ყველაზე ძვირადღირებულ მანქანას, 2012 წელს 123 453 ევროდ შეძენილ პორშე პანამერას.




  • განათლების, კულტურისა და სპორტის მინისტრი, მიხელ ბატიაშვილი ერთადერთია მინისტრებს შორის, რომლის ქონებრივ დეკლარაციებშიც ტანსაცმელში დახარჯულ ფულს ვხდებით. მინისტმა 2018 წელს 1224 ევროს და 2276 ლარის სამოსი შეიძინა.
    პრემიერ მინისტრს, მამუკა ბახტაძეს თბილისში უძრავი ქონება არ გააჩნია. მის ქონებას შეადგენს მცხეთაში, კოსმონავტების ქუჩაზე 2016 წელს საჩუქრად მიღებული 355 კვ.მ-ის საცხოვრებელი სახლი და მიწის ნაკვეთი.




  • თავდაცვის მინისტრი ლევან იზორია მინისტრობის გარდა ივანე ჯავახიშვილის თბილისის სახელმწიფო უნივერსტეტში უმცროსი მეცნიერ-თანამშრომელიცაა და წელიწადში ამ საქმიანობიდან 7200 ლარს იღებს.


ქონება საქართველოს საზღვრებს გარეთ



2018 და 2016 წლებში აქვს შეძენილი მოსკოვში ბინა, არასაცხოვრებელი ფართი და ავტოფარეხი ეკონომიკის მინისტრ გიორგი ქობულიას.


2013 წელს შევსებული დეკლარაციით შინაგან საქმეთა მინისტრი, გიორი გახარია ფლობს ქონებას რუსეთში, მისი ცოლი კი 395 კვ.მ ფართს თბილისში, მაზნიაშვილის ქუჩაზე. მშობლებს აქვთ ორი ბინა თბილისში, ორი მიწის ნაკვეთი ხორნაბუჯსა და წავკისში და ერთი ავტოფარეხი თბილისში. ამავე დეკლარაციის მიხედვით ის იყო პარტნიორი რუსეთის ფედერაციაში რეგისტირებული კომპანიისა LLS "Koxta", საიდანაც 2012 წელს 82000. დოლარის შემოსავალი მიიღო. ამ კომპანიიდან 136000.00 დოლარის შემოსავალი ჩანს 2015 წლის დეკლარაციაშიც.


საფრანგეთში, სტრასბურგში ფლობდა უძრავ ქონებას იუსტიციის მინისტრი თეა წულუკიანი, რომელმაც მისი კუთვნილი სახლი 2016 წელს 222 519 ევროდ გაყიდა. გაყიდვამდე ამ ბინის გაქირავებით მინისტრი წელიწადში 13 200 ევროს იღებდა.


გერმანიასა და ხორვატიაში ფლობს უძრავ ქონებას შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილიც. 2018 წლის დეკლარაციაში ჩანს 1959 წელს მისი ქმრის მემკვიდრეობით მიღებული 280 კვადრატული საცხოვრებელი სახლი, რომლის რესტავრაციაშიც ოჯახმა 220000 ევრო გადაიხადა. ციხელაშვილის ოჯახის ქონებას შეადგენს ასევე ერთი სახლი და ერთი ბინა ბერლინში, რომელთა საერთო ღირებულება 600 000 ევროს შეადგენს და 200 000 ევროს ღირებულების სახლი ხორვატიაში, რომლის 80%-იანი წილის მფლობელიც მინისტრის ქმარია. ოჯახი საქართველოში წყნეთში აუქციონის წესით ქირაობს სამთავრობო აგარაკს.


რადიო თავისუფლება






შემოსავლიანი სექტორები ბანკებისთვის

შემოსავლიანი სექტორები ბანკებისთვის
access_time2020-07-08 16:00:33
2019 წელი საქართველოს საბანკო სისტემისთვის მნიშვნელოვანი გარდაქმნების პერიოდი იყო. პასუხისმგებლობიანი დაკრედიტების სისტემის ამოქმედებამ, რომელიც 2020 წლის აპრილში ნაწილობრივ შემსუბუქდა, ძირეულად შეცვალა ის მოდელი, რომელიც მოქალაქეთა დაკრედიტების მიმართულებით წლების განმავლობაში არსებობდა. შემოსავლების დადასტურების გამკაცრებული მოთხოვნების და PTI კოეფიციენტების განსაზღვრას ქვეყანაში საცალო სესხების ზრდის ტემპის ვარდნა მოჰყვა. ზოგიერთი კატეგორიის საცალო სესხების პორტფელი...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...

შპს „ყვარლის ედემის“ ადმინისტრაციამ „ქართულ ოცნებას“ მარტში 65 000 ლარი შესწირა

შპს „ყვარლის ედემის“ ადმინისტრაციამ „ქართულ ოცნებას“  მარტში 65 000 ლარი შესწირა
access_time2020-07-08 13:01:37
შპს „ყვარლის ედემის“ მფლობელებმა და დირექტორმა 2020 წლის 20 და 23 მარტს „ქართულ ოცნებას” ჯამში 65,000 ლარი შესწირეს და რამდენიმე დღეში საქართველოს ტურიზმის ეროვნული ადმინისტრაციისგან გამარტივებული შესყიდვის გზით 277,300 ლარიანი კონტრაქტი მიიღეს. ამის შესახებ „საერთაშორისო გამჭირვალობა საქართველოს“ კვლევაშია აღნიშნული.  „სასტუმროს 2013-2019 წლებში 400,000 ლარის ღირებულების გამარტივებული სახელმწიფო შესყიდვის კონტრაქტები აქვს გაფორმებული, თუმცა აქამდე...

საზღვრების გახსნით ეკონომიკური ზრდა არ გვექნება, თუმცა, ეკონომიკური ვარდნა შეგვიმსუბუქდება

საზღვრების გახსნით ეკონომიკური ზრდა არ გვექნება, თუმცა, ეკონომიკური ვარდნა შეგვიმსუბუქდება
access_time2020-07-08 12:00:10
„საზღვრების გახსნით ეკონომიკური ზრდა არ გვექნება, რადგან ტურისტებიც დიდწილად შეიკავებენ თავს მოგზაურობისგან, თუმცა თუ ტურისტებს დავუშვებთ ეკონომიკური ვარდნა აუცილებლად შეგვიმსუბუქდება“,- ამის შესახებ კომერსანტს ბიზნესმენმა და ეკონომისტმა კონსტანტინე მოსიძემ განუცხადა.  მისი თქმით, დღეს ქვეყანაში შექმნილი ეპიდემიოლოგიური მდგომარეობა იძლევა შესაძლებლობას, რომ საზღვრები გახსნას და ფრენები აღდგეს.   „საზღვრების ჩაკეტვის გამო ჩვენს მოსახლეობას...


მსგავსი სიახლეები

up