ქართველი მეთხილეების ინფორმაციით, 2020-2021 წლების სეზონზე ქვეყანაში ნიგოზზე უჩვეულოდ დაბალი ფასები დაფიქსირდა.
მათი აზრით, ეს არაბუნებრივია იმის გათვალისწინებით, რომ 2020 წელს რამდენიმე რეგიონში ყინვების გამო ამ პროდუქტის მოსავლის ნაწილი განადგურდა, შესაბამისად, მოსალოდნელი იყო ფასების არა ვარდნა, არამედ ზრდა.
თუმცა, როგორც ჩანს, მათი მოლოდინები არ გამართლდა - ფასები ნიგოზზე საქართველოში წინა სეზონთან შედარებით 14%-ით შემცირებულია.
ქართველი ფერმერებისგან განსხვავებით, საერთაშორისო ექსპერტები თვლიან, რომ პირიქით, დღეს ქვეყანაში ნიგვზის ფასის მნიშვნელოვანი შემცირებისთვის ყველანაირი წინაპირობა არსებობს.
„ნიგოზზე ფასების ვარდნისთვის საქართველოში საკმაოდ სერიოზული მიზეზებია - პირველ რიგში ის, რომ ქვეყანა და მათ შორის ბაზრის ეს სეგმენტი, საერთშორისო ეკონომიკაში საკმაოდ კარგადაა ინტეგრირებული. გლობალურ ბაზარზე კი სადღეისოდ ნიგოზზე ძალიან დაბალი ფასებია - პირველ რიგში კალიფორნიაში დიდი მოსავლის და შტატებში მოთხოვნის მკვეთრი ვარდნის ფონზე“ - თვლის სურსათის საერთაშორისო ორგანიზაციის საინვესტიციო დეპარტამენტის ეკონომისტი ანრდეი ერმაკი.
ნიგვზის გარდა, საერთაშორისო ბაზარზე ნუშიც გაიაფდა.
ფასების ვარდნას ხელს ასევე საქართველოში მოთხოვნის შემცირება უწყობს - ამის მიზეზებია რესტორნების დახურვა და ტურისტული სეზონის სრული ჩავარდნა. ასე იყო 2020 წელს, და 2021-შიც იგივე გრძელდება - საერთაშორისო ტურიზმისთვის საქართველო კვლავაც დაკეტილი რჩება.
ეს კი მაშინ, როდესაც ნიგოზზე ძირითადი მოთხოვნა სწორედ სასტუმრო-სარესტორნო ბიზნესზე მოდიოდა - ქართულ ტრადიციულ სამზარეულოშია ძალიან ბევრია ნიგვზის შემცველი პოპულარული კერძი.
ამ დროისთვის უკრაინიდან იმპორტირებული ნიგზი 1 კილო 20-21 ლარი ღირს, ადგილობრივი - 22-24.
საქართველოში ნიგვზის მოსავლის ოფიციალური მონაცემები ჯერ არ გამოქვეყნებულა, თუმცა, სავარაუდოდ, ის წინა სეზონზე დაბალი იქნება. 2019 წელს ამ მაჩვენებელმა 6600 ტონა შეადგინა, რაც 100% მეტი იყო, ვიდრე 2016 წელს.
2020 წელს ასევე ნიგვზის იმპორტის მკვეთრი ვარდნა დაფიქსირდა - 4,1 მლნ. დოლარიდან 1,1 მლნ.-მდე.
2020 წელს საქართველოში ნიგოზის მთავარი მიმწოდებელი უკრაინა იყო, რომელზეც იმპორტის 82% მოდიოდა. იმპორტული ნიგოზის 10% უზბეკეთიდან, ხოლო 7% ყირგიზეთიდან შემოვიდა.
სამივე ქვეყანაში ნიგვზის შესასყიდი ფასი 4 დოლარი იყო.
უკრაინიდან ამ პროდუქტის იმპორტი 2019 წელთან შედარებით 4-ჯერ შემცირდა.
პარალელურად საქართველოდან ნიგვზის ექსპორტიც გაიზრდა. მატებამ 2014-2018 წლებთან შედარებით 400% შეადგინა, თუმცა 2019 წელთან 25%-ით ვარდნა დაფიქსირდა.
2020 წელს ექსპორტზე 1 მლნ. დოლარის ნიგოზი გავიდა. ქართული ნიგოზის მთავარი იმპორტიორები სომხეთი (66%) და ემირატებია (31%).
EASFRUIT.COM
მოამზადა თენგიზ აბლოთიამ