ქართული წარმოების ველოსიპედის წარმოება გადაიდო -კომპანია აქცენტს სხვა მიმართულებებზე აკეთებს

ქართული წარმოების ველოსიპედის წარმოება გადაიდო -კომპანია აქცენტს სხვა მიმართულებებზე აკეთებს

access_time2019-07-23 12:00:29

ადგილობრივი წარმოების პირველი ველოსიპედის წარმოება გადაიდო. პროექტი 2019 წლის აპრილიდან უნდა გამოჩენილიყო, თუმცა, ქვეყანაში არსებული მაკრო- ეკონომიკური პრობლემების გამო, მისი განხორციელება დაპაუზდა. ამის შესახებ „კომერსანტს“ Georgian Bicycle Group-ის ხელმძღვანელმა ბექა კიკნაველიძემ განუცხადა.



მისი განმარტებით, მას შემდეგ, რაც ქვეყანაში ლარის კურსის გაუფასურების ტრენდია, ამოქმედდა საბანკო რეგულაციები და ზოგადად, ბანკები კლიენტებთან ურთიერთობისას უფრო ფრთხილები გახდნენ, პროექტისთვის საჭირო დაახლოებით, 120 000 აშშ დოლარის (საწყის ეტაპზე) ფინანსური რესურსების მოძიება გართულდა. შესაბამისად, კომპანიამ მიიღო გადაწყვეტილება, ეს იდეა სხვა პროექტით ჩაანაცვლოს. მათ შორისაა, საცალო ქსელების განვითარება და ტურისტულ სააგენტოებთან ერთად ველოსიპედების გაქირავების სისტემის ჩამოყალიბება. 

„ველოტურიზმზე მოთხოვნა ძალიან გაიზარდა, განსაკუთრებით, აქცია spend your summer in georgia-ს შემდეგ. თვეში თუ აქამდე 10-20 ველოსიპედს ვაქირავედით, ახლა დღეში გვიწევს რამდენიმე ველოსიპედის გაქირავება, “ აცხადებს კიკნაველიძე.




რაც შეეხება საცალო ქსელების განვითარებას, ამ დროისთვის კომპანიას უკვე აქვს თბილისში, ვაკეში (აბაშიძის 51) ერთი მაღაზია, ხოლო საწყობი იოსებიძეზე. უახლოეს მომავალში დაგეგმილია მიწის შეძენა ან იჯარით აღება, სადაც ველოსიპედებთან ერთად ელექტრომობილების წარმოების გაერთიანებული ბაზა განთავსდება.


როგორც ცნობილია, კომპანიას, კორპორატიული დაკვეთით უკვე გამოუშვა ქართული ველოსიპედი, თუმცა, მცირე პარტიებით.Georgian Bicycle Group-ი Bikes.ge-ს შვილობილი კომპანიაა. კომპანია ქართულ ბაზარზე ერთი წლის წინ გამოჩნდა. BIKES.GE გერმანული და სლოვაკური ველოსიპედების იმპორტს ახორციელებს.


სოფო ქსოვრელი






27 ოქტომბერი - რეგიონში მხოლოდ ქართული ლარი გამყარდა

27 ოქტომბერი - რეგიონში მხოლოდ ქართული ლარი გამყარდა
access_time2020-10-27 18:05:05
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-27 21:00:05
დღის Top 10 საინტერესო ამბავი     1. „ზუსტად უნდა ვიცოდეთ, რას გულისხმობს ჩვენი მონაწილეობა COVID-ის მართვაში“ - სადაზღვევოები სამინისტროსგან მეტ დეტალებს ითხოვენ   სადაზღვევო კომპანიების ოჯახის ექიმები კორონავირუსის მართვაში დღეიდან ჩაერთვებიან, - ამის შესახებ ჯანდაცვის...

სად გაატარებენ რუსები ახალ წელს? სახლში თუ ოკუპირებულ აფხაზეთში

სად გაატარებენ რუსები ახალ წელს? სახლში თუ ოკუპირებულ აფხაზეთში
access_time2020-10-27 19:00:24
1 აგვისტოდან რუსეთს და ოკუპირებულ აფხაზეთს შორის საზღვარი ოფიციალურად გაიხსნა. მანამდე კი კორონავირუსის გავრცელების თვალსაზრისით თითქმის სტერილურმა არაღიარებულმა რესპუბკლიკამ სწრაფი „დაბინძურება“ დაიწყო.   დიდი ტურისტული ბუმი არ ყოფილა, თუმცა რუსეთის ბევრმა მოქალაქემ ვირუსისგან გაქცევის მიზნით ოკუპირებულ აფხაზეთში სახლები იქირავეს.   თუმცა, გაქცევა არ გამოვიდა - ღია საზღვარმა და ადამიანების უკონტროლო მისვლა-მოსვლამ ეპიდემიის აფეთქებას მაშინ შეუწყო...

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს
access_time2020-10-27 15:20:38
28 ოქტომბერს, სილქნეტი მობილური ქსელის მომხმარებლებს ოთხ სააქციო პაკეტს შეთავაზებს. აქცია ხელმისაწვდომია  ფიზიკური და იურიდიული პირი აბონენტებისათვის.  აქცია საშუალებას მისცემს აბონენტს მინიმალურ ფასად სასურველი პირობა გაიაქტიუროს, ისარგებლოს უსწრაფესი ინტერნეტით და სასაუბრო წუთებით თბილისსა და რეგიონებში.   კომბინაციით *202# მომხმარებელი 30 დღით ჩაირთავს: 2 GB + 100 ლოკალური წუთი - 5...

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსს გამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში უნისონის ოჯახის ექიმთა მინიმალური რაოდენობაა ჩართული....


მსგავსი სიახლეები

up