ერთ-ერთმა ყველაზე ცნობილმა საერთაშორისო ორგანიზაციამ, „ვებომეტრიქსმა“ (http://www.webometrics.info/), რომელიც მსოფლიო უნივერსიტეტების რეიტინგებს წელიწადში ორჯერ იკვლევს, მორიგი კვლევა გამოაქვეყნა. კვლევა მოიცავს 31 ათასამდე უმაღლეს სასწავლებელს 200-ზე მეტი ქვეყნიდან, მათ შორის საქართველოდან.
„ვებომექტრიქსი“ იკვლევს, უნივერსიტეტების სამეცნიერო წარმატებას და მათი ონლაინ-რესურსების გავლენიანობას. სამეცნიერო კრიტერიუმები ითვალისწინებს უნივერსიტეტის აკადემიური პუბლიკაციების ციტირებადობას საერთაშორისო სამეცნიერო ბაზაში.
ივლისის მონაცემებით, „ვებომეტრიქსში“ არსებულ 67 ქართულ უმაღლეს სახელმწიფო სასწავლებლებს შორის პირველ ადგილზე ადგილზე თბილისის სახელმწიფო უნივერსიტეტია, მეორე და მესამე ადგილზე კი ილიას სახელმწიფო უნივერსიტეტი და ტექნიკური უნივერსიტეტია.
კვლევის თანახმად, საქართველოში მოქმედი კერძო უნივერსიტეტებიდან კი რეიტინგით პირველ ადგილს საქართველოს უნივერსიტეტი იკავებს, რომელიც 67 ქართული უმაღლესი სასწავლებლებიდან მე-6 ადგილზეა.
შეგახსენებთ, რომ ვებომეტრიქსის რეიტინგს მადრიდში მდებარე ესპანეთის ეროვნული კვლევითი საბჭო ამზადებს, რომლის რეიტინგი 2004 წლიდან ქვეყნდება.