ქართული პოსტერების ბიზნეს იდეა, რომლისაც არავის სჯეროდა – „ჯეოპოსტერი“

ქართული პოსტერების ბიზნეს იდეა, რომლისაც არავის სჯეროდა – „ჯეოპოსტერი“

access_time2020-02-15 12:00:53

“პოსტერებს ბავშვობიდან ვაგროვებდი უფრო იმ ბენდებისას რომლებსაც მაშინ ვუსმენდი საქართველოში პოსტერი იშვიათობა იყო და ჩემს მეგობარს ჩამოქონდა ხოლმე ყოველთვის. პოსტერებს ვცვლიდი კალმებში, ბლოკნოტებში… შემდეგ უკვე მოგზაურობისას, ტურისტული პოსტერები განსაკუთრებული ინტერესი გახდა ჩემთვის”, – ასე დაიწყო ლიკა ჭალაგანიძის ურთიერთობა ფერად, ნახატებიან ბარათებთან. უკვე მოგვიანებით, მეუღლესთან, ისტორიკოს ბუბა კუდავასთან ერთად, მოგზაურობისას და სუვენირების შერჩევისას გაუჩნდა სურვილი, შეექმნა რაღაც ისეთი, რაც საქართველოში ჩამოსულ ტურისტს გაუხალისებდა განყობას, დააახლოვებდა საქართველოსთან და თან გაიყოლებდა. თანაც, სურდათ, ახალი ჩანაფიქრი უკვე არსებულ სამუშაოსთან, საგამომცემლო საქმესთან ყოფილიყო დაკავშირებული.

“თუმცა მთავარი შთაგონების წყარო პრაღაში აღმოჩენილი კაფკას პოსტერი გახდა. ვფიქრობდი, რომ საქართველოსაც შეიძლებოდა ჰქონოდა გამორჩეული დიზაინის ტურისტული პოსტერები. მითუმეტეს როდესაც ეს ქვეყანა ამ მხრივ უამრავ საინტერესოს გვთავაზობს. ამიტომ ავარჩიეთ მიმართულება რომელიც სრულიად ახალი იქნებოდა ქართული ბაზრისთვის და ახალი გამოწვევებით იქნებოდა სავსე,” – ასე დაიბადა “ჯეოპოსტერი” – სტარტაპი, რომელიც ქმნის პოსტერებსა და ამავე დიზაინის სხვა სუვენირებს: ღია ბარათებს, ბლოკნოტებს, სტიკერებს, ჩანთებს… ფერადი ილუსტრაციები ქართველი ხელოვანების მიერაა შექმნილი. ყოველი მათგანი საქართველოს ტურისტულ პოტენციალზე გვიამბობს, აქაურ კუთხეებზე, ისტორიულ ძეგლებზე, ტურისტულ ადგილებზე, ან, სულაც, ლიკასა და ბუბას ტყუპ შვილებზე – 3 წლის თუთასა და მარიამზე, იმ მოგონებებსა თუ მეხსიერებაში დალექილ კადრებზე, რაც ილუსტრაციის ავტორმა ძვირფასად მიიჩნია.

  •  რა საჭიროება დაინახეთ ბაზარზე, რის გამოც ამ სტარტაპის დაარსება გადაწყვიტეთ?

ჩვენი დაკვრივებით, საქართველში სუვენირების მიმართულება, ბოლო წლების განმავლობაში საკმაოდ განვითარდა, თუმცა ტურისტული პოსტერების ნიშა მაინც თავისუფალი რჩებოდა. ამიტომ გადავწყვიტეთ , რომ შეგვექმნა ბრენდი, რომელიც შექმნიდა ქართული წარმოების გემოვნებიან და ხარისხიან პოსტერებს და ამასთანავე ხელს შეუწყობდა საქართველოს კულტურის და ქვეყნის პოპულარიზაციას როგორც ერთ-ერთ საინტერესო ტურისტულ ლოკაციას.

  •  როგორ დაიწყეთ – რა რესურსი იყო თავდაპირველად საჭირო და როგორ მოიძიეთ?

პირველი პოსტერი საცდელად გავაკეთეთ, თბილისის პოსტერზე დიზაინერთან ნათია ზედელაშვილთან ერთად ვიმუშავეთ.
ეს დიზაინი, დღემდე ჩვენი ერთ-ერთი ბესტსელერი პოსტერია.

  •  როგორ იზიდავთ მოხმარებლებს, რა საკომუნიკაციო არხებს იყენებთ საამისოდ?

კომუნიკაციისთვის ვიყენებთ სოციალურ მედიას. განსაკუთრებით ხელი შეგვიწყო სთოლის მარკეტებმა (Stall). ასევე, ვიღებთ მონაწილეობას სხვადასხვა ფესტივალებში და გამოფენებში.

  •  სად შეიძლება ჯეოპოსტერის შეძენა?

“ჯეოპოსტერის” პროდუქციის შეძენა შეიძლება ჩვენი ფეისბუქ გვერდიდან, სთოლის მარკეტებზე, წიგნის მაღაზიებში: შაქრო ბაბუა, ბიბლუსი, სტამბის წიგნები. სხვადასხვა სუვენირების მაღაზიებში, ასევე რეგიონებში: მესტიის მუზუმში, სიღნაღის მუზეუმსა და ბათუმში.

  •  როგორ შემოიკრიბეთ ეს არტისტები და როგორია ერთობლივი მუშაობის პროცესი?

ვმუშაობთ კონკრეტულ კონცეფციაზე, ვარჩევთ კონკრეტულ ადგილებს თუ თემატიკას რისი დამუშავებაც გვინდა. ვარჩევთ ფოტომასალას ან ვიღებთ ფოტოებს. კონკრეტულ თემატიკაზე მუშაობისას მეც ბევრჯერ თავიდან აღმომიჩენია საქართველო.

შემდეგ უკვე ვუკავშირდებით სხვდასახვა ილუსტრატორებს. იმისათვის, რომ ჩვენი პრდუქცია საინტერესო და მრავალფეროვანი იყოს ვთანამშრომლობთ სხვადასხვა ილუსტრატორებთან. ვთანამშრომლობთ როგორც, საქართველოში ცნობილ არტისტებთან, ასევე დამწყებ დიზაინერებთანაც.




დიზაინები ძალიან სიფრთხილით და დიდი ყურადღებით იქმნება. სამუშაო პროცესი მუდმივად ცვალებადია. რაც თავიდან არის ჩადებული, ხშირად სულ სხვა სახით სრულდება. გვქონია შემთხვევა, როდესაც ერთ პოსტერზე თვეზე მეტი გვიმუშავია, თუმცა არის ისეთებიც, რომლებიც ერთ დღეში დაგვისრულებია.

ბუბა ისტორიკოსია და მუდმივად ჩართულია შექმნის პროცესში, რაც აუცილებელია იმისთვის, რომ ქართული მახასიათებლები სწორი სახით შევინარჩუნოთ. ვფიქრობ, “ჯეოპოსტერი” სხვა თვალით გვანახებს ჩვენს ქვეყანას, იმას სადაც ვცხოვრობთ, რასაც კარგად ვიცნობთ, რაც გვიყვარს, რასაც ვეღარ ვამჩნევთ, რაც მიგვავიწყდა და იმასაც რაც არ მოგვწონს.


-  როგორ არჩევთ პოსტერის თემატიკას?

არქიტექტურა, ისტორიული ძეგლები, ურბანული ადგილები, ტურისტული ადგილები – ის, რაც ქართულია, რაც პოპულარულია, ან ადგილი, რომელიც არ არის პოპულარული და გვინდა, რომ მომხმარებელს გავაცნოთ. “ჯეოპოსტერში” გვაქვს საბავშვო ანბანის პოსტერი, რომელიც სპეციალურად ჩვენი ტყუპებისთვის დავამზადეთ. ასევე, კახეთის პოსტერი სადაც, ჩვენი სოფლის სახლია დახატული. კიდევ, არქიტექტურული ძეგლები, რომლებთანაც კონკრეტულ არტისტს თავისი სენტიმეტები აქვს, მანქანა, რომელიც ჩვენი დიზაინერის ბაბუას ეკუთვნოდა. ყველაფერი ეს კიდევ უფრო საინტერესოს ხდის პოსტერებს და სხვა დატვირთვას აძლევს.

  •  რა მიგაჩნიათ, ამჟამად, “ჯეოპოსტერის” ყველაზე დიდ წარმატებად?

საქართველოში დღეს უკვე შეიძლება საქართველოს ტურისტული პოსტერების შეძენა, რაც რამოდენიმე წლის წინ არც არსებობდა. ვქმნით გემოვნებიან და თანამედროვე სუვენირს, რომელიც საუკეთესო კუთხით წარმოაჩენს ქვეყანას.

ქართველ მომხმარებელში გავაჩინეთ საკუთარი ქვეყნის მიმართ სიამაყის შეგრძნება, რადგან საქართველოში იქმნება ხარისხიანი, საინტერესო სუვენირები.

  •  სამომავლოდ…

ვაპირებთ, შევქმნათ ახალი ადგილიების პოსტერები და დავამატოთ სხვა სახის პროდუქცია.

 

MARKETER





რეგიონის ქვეყნების ვალუტებიდან მხოლოდ ლარი გაუფასურდა

რეგიონის ქვეყნების ვალუტებიდან მხოლოდ ლარი გაუფასურდა
access_time2021-06-25 18:00:54
რამდენიმე დღიანი გამყარების შემდეგ ლარმა კვირა გაუფასურებით დაასრულა. 25 ივნისის ვაჭრობის შედეგად ლარი დოლართან მიმართებაში 0.19 თეთრით 3.1489-მდე გაუფასურდა. Bloomberg-ის სავაჭრო პლატფორმაზე კი კურსი უცვლელად 3.1450-ზე ნარჩუნდება. დოლარის გარდა ლარი 0.1 თეთრით 3.7601-მდე გაუფასურდა, ფუნტთან მიმართებაში კი პირიქით 1.97 თეთრით 4.3789-მდე გაუფასურდა. რაც შეეხება მეზობელი ქვეყნების ვალუტებს, ლარი თირქულ ლირასთან 0.02 თეთრით 0.3626-მდე გამყარდა, აზერბაიჯანულ მანათთან 0.18...

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...


მსგავსი სიახლეები

up