„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

access_time2020-09-25 19:30:42

„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“.


„იმის ნაცვლად რომ ქვეყნის ეკონომიკაზე  მსჯელობდეს ეკონომიკის კომიტეტი და  კომიტეტის  თავჯდომარე  კონცენტრაციას ამ საკითხებზე  აკეთებდეს, რომელიც  საბოლოო ჯამში  ყოველდღიურობაზე  აისახება, თითოეული ადამიანის შეჭირვებულ მდგომარეობაზე, ამის  ნაცვლად  სარკაზმულ განცხადებებს  აკეთებს, ამას სჯობს დაჯდეს,  წაიკითხოს „მარშალის გეგმა“,  მართლა კარგი რაღაცეები  წერია, თუ  როგორ  უნდა გამოვიდეს ქვეყნის ეკონომიკა კრიზისიდან, ადგილობრივი რესურსი როგორ  უნდა იყოს  გამოყენებული საერთაშორისო  პროცესებში, ფინანსურში ეკონომიკაში, კაპიტალის ბაზარში როგორ უნდა  ჩაერთოს  საქართველო, ახლა ფაქტობრივად იზოლირებულია ქვეყანა. არ აინტერესებს ეკონომიკის კომიტეტის თავჯდომარეს, როგორ უნდა  ჰქონდეს  მინიმუმ  300 ლარი თითო ადამიანს შემოსავალი. არჩევნები იმისთვის არის, რომ პარტიები საჯაროდ ისხდნენ და  საუბრობდნენ  თავის  მოსაზრებებს. როგორც  ჩანს,  რომან კაკულია  ბილბორდების ეკონომიკის დამკვიდრებას  აპირებს ქვეყანაში, დღეს „ქართული ოცნების“ სახეები მხოლოდ ბილბორდებიდან გვიყურებენ. ჩვენს პროგრამაზე რომ საუბრობს, „ქართული ოცნების“  პროგრამა  ცარიელი რვეულია, რომელსაც სარჩევიც არ აქვს. დღეს, რაც ეკონომიკაში, ლარის კურსთან მიმართებით ხდება, მათ შორის რომან კაკულიას პასუხისმგებლობაც არის, როგორც ეკონომიკის კომიტეტის თავმჯდომარის, ამიტომ სჯობს ამ საკითხებს მიხედოს“, - აცხადებს ლევან კობერიძე.


ლევან კობერიძემ „მარშალის გეგმაზე“, მსოფლიოში არსებულ მსგავს პრაქტიკაზე და მევახშეობის აკრძალვაზე ისაუბრა. მისი განცხადებით, ის მზად არის რომან კაკულიასთან ეკონომიკური მიმართულებით დებატებისთვის.



„დავიწყოთ იქიდან, რომ რეალურად ჩვენ გვაქვს აბსოლუტურად სრულყოფილი გეგმა, ქართული ოცნებისგან განსხვავებით რომელსაც ის საერთოდ არ გამოუქვეყნებია. პირველ რიგში, კარგი იქნება თუ მართლა გაეცნობიან მთლიანად „მარშალის გეგმას“ და ეკონომიკის ნაწილს, ამის  შემდეგ  მზად ვართ, რომ  ნებისმიერ ფორმატში საჯარო  ფორმატში ვესაუბროთ. გამოვიდნენ ჩრდილიდან, ნუ იმალებიან, გაყოფილი ჰყავთ მედია თავის კონტროლირებად და არაკონტროლირებად არხებად, თუმცა ნებისმიერ საჯარო ფორმატში, თუნდაც მათსავე კონტროლირებად არხებზე, მზად ვართ,  რომ დავსხდეთ და გავმართოთ დისკუსია საკითხზე, თუ როგორ უნდა გამოვიდეს კრიზისიდან ეკონომიკა.


ბატონი რომანი ასეთ კომენტარს როცა აკეთებს, უნდა აცნობიერებდეს, რომ როგორც  ეკონომიკის  კომიტეტის  თავჯდომარე, რომელიც არის  საზედამხედველო ფუნქციით აღჭურვილი, რეალურად უნდა აკონტროლებდეს, იბარებდეს, მსჯელობას მართავდეს იმასთან დაკავშირებით  თუ  როგორ  უნდა  გამოვიდეს  კრიზისიდან ეკონომიკა.  ბოლო ორი  წელია  პრაქტიკულად რეალურად  ეკონომიკის კომიტეტი არის ერთ-ერთი ყველაზე მიძინებული კომიტეტი პარლამენტში. ამიტომ ქილიკს, სჯობს  თვითონ  კარგად დაფიქრდეს, დაწეროს და წარმოადგინოს „ქართულმა ოცნებამ“ რაიმე  გეგმა თუ  აქვს. შემდეგ ჩვენ მზად  ვართ, რომ ამასთან დაკავშირებით გავმართოთ მსჯელობა და ასევე განვიხილოთ „მარშალის გეგმა“.


„მარშალის გეგმას“ რაც შეეხება, პირველ რიგში მივესალმებით იმ პრაქტიკას რაც ევროპულ ქვეყნებშია. მაგალითად გერმანიაში საერთოდ აკრძალულია, კერძო უკანონო მევახშეობა, ბევრგან ძალიან მკაცრად რეგულირებულია და ა.შ. ეს არის ის თემა  რომელზეც რეალურად საზოგადებამ უნდა იმსჯელოს. თუმცა, ყველაზე  მთავარი აქ მაინც მგონია ის, რომ რეალურად ქვეყანაში  ამ  წუთას ეკონომიკური პოლიტიკა არ არსებობს, ეს  არის  მთელი პრობლემა. რა  ეკონომიკური  პოლიტიკით  პასუხობს დღეს ხელისუფლება, მათ შორის ეკონომიკის კომიტეტი არსებულ ვითარებას? ეკონომიკის  კომიტეტში უნდა ხდებოდეს თავმოყრა იმ მოსაზრებების, რითაც მერე ქვეყანამ უნდა შეიმუშავოს  გარკვეული პოლიტიკა. მაგალითად, როგორ  პასუხობს ამ კორონავირუსის  ფონზე შექმნილ  კრიზისს  ქვეყანა და რა ეკონომიკური  პოლიტიკით აპირებს რომ გამოვიდეს ამ კრიზისიდან. მე  ადრეც ვთქვი, რომ რაც წარმოადგინა გახარიამ, ეს არ არის ეკონომიკის კრიზისიდან გამოყვანის გეგმა,  ეს არის ეკონომიკის  კრიზისთან  შეგუების გეგმა“, - აცხადებს ლევან კობერიძე.





NATO, აშშ, ევროკავშირი გმობს რუსეთის მიერ შავი ზღვის ნაწილების 6 თვით ჩაკეტვის გეგმებს

NATO, აშშ, ევროკავშირი გმობს რუსეთის მიერ შავი ზღვის ნაწილების 6 თვით ჩაკეტვის გეგმებს
access_time2021-04-17 12:04:09
16 აპრილს NATO— ში განაცხადეს, რომ რუსეთის გეგმები ექვსი თვით შავი ზღვის ნაწილებში საზღვაო მიმოსვლის შეზღუდვის შესახებ სამხედრო მანევრების ჩატარების ფონზე გაუმართლებელი და დესტაბილიზაციის გამომწვევი იქნება. NAთO-მ რუსეთს მოსთხოვა, რომ უკრაინას თავისუფალი ნავიგაციის უფლება არ შუზღუდოს.რუსეთის თავდაცვის სამინისტრომ გაავრცელა განცხადება, რომ მოსკოვი 24 აპრილიდან 31 ოქტომბრის ჩათვლით უცხოური სამხედრო გემებისთვის და სხვა გემებისთვის შავი ზღვის ნაწილების...

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი
access_time2021-04-16 18:30:56
„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში, რაზეც უკვე წლებია ვსაუბრობთ* - აცხადებს ჰუალინგის თიზ-ის აღმასრულებელი დირექტორი სოსო ნიბლაძე, თუმცა არ ეთანხმება ქეთი ბოჭორიშვილის მოსაზრებას, რომ თიზ-ებში ინვესტორებს პრობლემების მოგვარება თვითონ უხდებათ და თიზ-ებში არ არის მოწესრიგებული ინფრასტრუქტურა. „ჰუალინგის თიზ-ში გასული 5 წლის განმვალობაში განხორციელდა 50 მლნ დოლარზე მეტი ინვესტიცია, როგორც უშუალოდ ინდუსტრიული პროექტების მოზიდვის...

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს
access_time2021-04-16 19:00:31
რუსეთის შინაგან საქმეთა სამინისტრო დსთ-ს ქვეყნებისგან მოითხოვს, რომ მათ რუსეთში არალეგალურად მყოფი თავისი მოქალაქეები 15 ივნისამდე დაუყოვნებლივ გაიყვანონ. ამის შესახებ საპარლამენტთაშორისო ასამბლეაზე უწყების ხელმძღვანელის მოადგილემ ალექსანდრ გორავოიმ განაცხადა. შინაგან საქმეთა სამინისტროს სტატისტიკის მიხედვით, დღეს რუსეთში 332 ათასი არალეგალი მიგრანტი იმყოფება უზბეკეთიდან, 247 ათასი  - ტაჯიკეთიდან, 152 ათასი - უკრაინიდან, 120 ათასი...

16 აპრილი - რეგიონში მხოლოდ თურქული ლირა გაუფასურდა

16 აპრილი - რეგიონში მხოლოდ თურქული ლირა გაუფასურდა
access_time2021-04-16 18:00:21
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 16 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 16 აპრილის ვაჭრობის შედეგად (რომლის ოფიციალური კურსი 19 აპრილისთვისაა) ეროვნული...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-16 21:00:47
დღის Top 10 საინტერესო ამბავი: 1.„ახალი ობლიგაციების დაბალი საპროცენტო განაკვეთით ბიუჯეტი 350 მლნ ლარს დაზოგავს“ „ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%. ახალი ობლიგაციებით მოხდა 2011 წელს გამოშვებული ევროობლიგაციების...


მსგავსი სიახლეები

up