„ქართული ოცნების“ პოლიტსაბჭომ მაჟორიტარი დეპუტატობის კანდიდატთა სია დაამტკიცა. ამის შესახებ ინფორმაციას „ქართული ოცნება“ ავრცელებს. 

„პოლიტიკური გაერთიანება „ქართული ოცნება - დემოკრატიული საქართველოს“ ცენტრალურ ოფისში პოლიტსაბჭოს სხდომა გაიმართა.

პოლიტსაბჭომ საქართველოს მასშტაბით მაჟორიტარი დეპუტატობის კანდიდატთა სია დაამტკიცა, რომელსაც „ქართული ოცნება“ საზოგადოებას ხვალ წარუდგენს“, - აღნიშნულია ინფორმაციაში. 

„ქრონიკის“ ინფორმაციით, „ქართული ოცნების“ მაჟორიტარი დეპუტატობის კანდიდატები არიან: ახალციხე - ანტონ ობოლაშვილი; რუსთავი - ნინო ლაცაბიძე; ზესტაფონი - ბეჟან წაქაძე; მცხეთა - შალვა კერესელიძე; ბოლნისი - გოგი მეშველიანი; საბურთალო - დავით სერგეენკო; გლდანი - ლევან კობიაშვილი; ისანი - სოზარ სუბარი; რაჭა - გოჩა ენუქიძე; გურჯაანი - დავით სონღულაშვილი; თელავი - ირაკლი ქადაგიშვილი.

20 ივლისს პოლიტიკური გაერთიანება „ქართული ოცნება - დემოკრატიული საქართველო“ 2020 წლის საპარლამენტო არჩევნების წინასაარჩევნო კამპანიას ხსნის და საქართველოს მასშტაბით მაჟორიტარი დეპუტატობის კანდიდატებს ოფიციალურად ხვალ დაასახელებს. საქართველოში საპარლამენტო არჩევნები 31 ოქტომბერს ჩატარდება.

Imedinews