ქართული ნეონაციზმის ანატომია

ქართული ნეონაციზმის ანატომია

access_time2018-05-17 15:20:03


საერთაშორისო გამჭვირვალობა-საქართველომ”  17 მაისს გამოქვეყნა კვლევა, რომელიც მიზნად ისახავს იმ ნეონაცისტური ჯგუფებისა და მათთან დაკავშირებული ადამიანების იდენტიფიცირების მცდელობას, რომლებიც ბოლო პერიოდში ლიბერალური შეხედულებების მქონე ჯგუფების მიმართ ძალადობითა და აგრესიით გამოირჩევიან. ორგანიზაციის განცხადებითისინი ხშირ შემთხვევაში არაფორმალური გაერთიანებების წევრები არიან და ამიტომ სია, შესაძლოა, გაცილებით ვრცელი იყოს.

კვლევაში მართალია, ნეონაცისტური ორგანიზაციების დაფინანსების პირდაპირი წყაროების იდენტიფიცირება ვერ ხდება, თუმცა, მათი მტკიცებით, ცალკეული ლიდერები პირდაპირ უკავშირდებიან რუსეთის სახელმწიფოს ან ადგილობრივ პოლიტიკურ ორგანიზაციებს.

 

 რა არისქართული მარში”?

 

„ქართული მარში” არაფორმალური გაერთიანებაა, რომელიც სხვადასხვა ნეონაცისტურ ორგანიზაციას აერთიანებს. „ქართული მარშის” სახელით მოქმედმა გაერთიანებამ საქმიანობა 2017 წლის ზაფხულში დაიწყო, როდესაც ირანის მოქალაქის მხრიდან არასრულწლოვანი პირების მიმართ გარყვნილი ქმედება გააპროტესტეს. ქსენოფობიური აქციის მთავარი მოწოდება ქვეყნიდან არალეგალი მიგრანტების გაძევება იყო. თუმცა, გაერთიანებაში შემავალი პირები თუ ორგანიზაციები, უკვე წლებია, გამოირჩევიან ჰომოფობიური და რასისტული გამონათქვამებით და ხშირად მონაწილეობენ ძალადობრივ აქციებში:

 

„ქართულმა მარშმა” აქციით გააპროტესტა ფეხბურთელ გურამ კაშიას ქმედება, რომელმაც ჰოლანდიის საფეხბურთო ჩემპიონატში მოწყობილი აქციის ფარგლებში ლგბტ თემისადმი სოლიდარობის გამომხატველი სამკლაურით ითამაშა.  აქციაზე დაწვეს ლგბტ დროშა და კაშიას ნაკრებიდან მოკვეთას ითხოვდნენ.


ამას მოჰყვა აქციები  საქართველოსა და ბელორუსს შორის ქუთაისში გამართულ ამხანაგურ მატჩზე,   „რუსთავი 2”-თან, ფიზიკური ანგარიშსწორებები და  თავდასხმები კონკრეტულ პირებზე სოციალურ ქსელებში და ა. შ. 


 

ქართულ მარშთან დაკავშირებული ორგანიზაციები და ცალკეული პირები


ეროვნულ ძალთა შეთანხმება

 

მიმდინარე წლის 11-13 მაისს რუსთაველის გამზირზე გამართულ აქციაზე ახალგაზრდები ღამის კლუბებში სპეცოპერაციასა და სამართალდამცავთა მხრიდან სავარაუდო ძალის გადამეტებას აპროტესტებდნენ. პარალელურად გაიმართა კონტაქცია, რომლის გაკონტროლებაზე ხელისუფლებამ სრული პასუხისმგებლობა ვერ აიღო.


სწორედ ამ დროს ცალკეულ ნეონაცისტური მოძრაობის წარმომადგენლებსა თუ შეხედულებების მქონე პირებს შორის ე.წ. “ეროვნულ ძალთა შეთანხმება” შედგა.


კვლევის ავტორთა აზრით, ე.წ. “ეროვნულ ძალთა შეთანხმების” უკან რუსული კვალი ჩანს.


მოძრაობის ერთ-ერთმა ლიდერმა, დიმიტრი ლორთქიფანიძემ ორი თვის წინ განაცხადა, რომ პარტია “დემოკრატიულ მოძრაობას” ტოვებს, სამოქალაქო სექტორში გაადვიდა.


საჯარო რეესტრის მონაცემით, რამდენიმე დღით ადრე ლორთქიფანიძე „ე.მ. პრიმაკოვის სახელობის ქართულ-რუსული საზოგადოებრივი ცენტრის” დირექტორი გახდა.




მოძრაობაეროვნულები


სანდრო ბრეგაძე -  მოძრაობა „ეროვნულების“ დამფუძნებელია. 2016 წლის თებერვლამდე, “ქართული ოცნების” ხელისუფლებაში ყოფნის დროს, ბრეგაძე დიასპორის საკითხებში სახელმწიფო მინისტრის მოადგილე იყო, მანამდე კი ლტოლვილთა და განსახლების მინისტრის მოადგილის პოზიცია ეკავა.

სხვა დამფუძნებლები: კახაბერ მიგინეიშვილი,   ზურაბ ენუქიძე,  ლევან ჩაჩუა და  გიორგი გაბედავა, რომელიც პარალელურად არის ორგანიზაციების „ლევან ჩაჩუას ფონდის“,  „საქართველოს ახალგარზდა ეროვნული ალიანსის“  და „სამოქალაქო აქტივობის კლუბის“ დამფუძნებელი.


გაბედავას ორგანიზაცია მოქმედებს როგორც ადამიანის უფლებების დამცველი ორგანიზაცია და ძირითადად ახალგაზრდებს აერთიანებს. 



მოძრაობასამოქალაქო სოლიდარობა

 

დამფუძნებლები - გია (გიორგი) კორკოტაშვილი, (პარალელურად საზოგადოებრივ-პოლიტიკური მოძრაობა “ქართული მისიი” დამფუძნებელიცაა). მამუკა არეშიძე - პოლიტოლოგი,  ირაკლი კაკაბაძე - მწერალი, აქტივისტი. დავით ბეგიაშვილი - ბიზნესმენი, “ალბატროს ჯგუფის” დამფუძნებელი; ნათია თხელიძე - ყოფილი პროკურორი, პოლიტმატიმრის სტატუსით გათავისუფლებული.


მოძრაობის გამგეობის თავმჯდომარე იყო 2015 წელს მოკლული ბიზნესმენი ბესარიონ ხარძიანი.


მოძრაობის მიზანი სამართლიანობის აღდგენა, ბიძინა ივანიშვილის  გუნდის წევრების მიერ შეუსრულებული დაპირებების მონიტორინგი და მხილება იყო. ამიტომ ორგანიზაციაში ძირითადად გაერთიანდნენ ნაციონალური მოძრაობის ხელისუფლების პერიოდში დაზარალებული ბიზნესის წარმომადგენლები და პოლიტპატიმრები.


 



კავშირები პოლიტიკურ პარტიაპატრიოტთა ალიანსთან

 

დამფუძნებელები - კონსტანტინე მორგოშია - პატრიოტთა ალიანსის წევრი, სამეწარმეო რეესტრის მიხედვით აქვს წილი შპს “კემ კონსტრაქშენში” და რეგისტრირებულია დირექტორად შპს “გრანდე გრუპ ჯორჯიაში”,  შპს “საინვესტიციო ჯგუფი კონსტანტინეში” და თავმჯდომარე ა(ა)იპ “კავკასიონში”.

ლადო სადღობელაშვილი - ასევე არის “მამული, ენა, სარწმუნოება”-ს თავმჯდომარე და წარმომადგენლობაზე უფლებამოსილი პირია. 

ემზარ კვიციანი - პატრიოტთა ალიანსის დეპუტატი.

 

სხვა ორგანიზაციები და პირები

 

“ქართულ მარშს” სოციალური ქსელით მხარს უჭერდა  „ქართული ძალა“, რომლის დამფუძლებელი და ლიდერია ნიკოლოზ ბურნაძე. 


ქართული მარშის ერთ-ერთი აქტიური მხარდამჭერი იყო რადიკალი ნაციონალისტების მოძრაობა „წინააღმდეგობა - მომავლისთვის“. ამჟამად, მათი ერთ დროს საკმაოდ აქტიური ფეისბუქ გვერდი აღარ იძებნება.


რამაზ გაგნიძე - ქართული მარშის აქტივისტი. 2014 წელს კენჭს იყრიდა დიღმის რაიონის მაჟორიტარობის კანდიდატად კოალიცია “ნინო ბურჯანაძე - ერთიანი ოპოზიციის” სახელით.


მიხეილ ამისულაშვილი მოძრაობის ერთ-ერთი წევრია.


მსახიობი ალეკო თეთრაშვილიც ქართული მარშის მხარდამჭერია.


პოლკოვნიკი ტრისტან წითელაშვილი.


  

“ქართული მარშის“ აქციის წევრია დავით ნემსაძე. მის  წინააღმდეგ საზოგადოებრივი მაუწყებლის ჟურნალისტმა ლიკა ალელიშვილმა ჟურნალისტური საქმიანობის ხელის შეშლის გამო პოლიციას მიმართა და მოითხოვა, რომ დავით ნემსაძეს მასთან მიახლოება აეკრძალოს.

 

კვლევის სრული ვერსია იხილეთ ბმულზე  http://www.transparency.ge/ge/blog/kartuli-neonacizmis-anatomia

 

 












გია ნოდია: ივანიშვილი აბუჩად იგდებს პრეზიდენტის ინსტიტუტს და "ოცნებას" არ ენოდბა

გია ნოდია: ივანიშვილი აბუჩად იგდებს პრეზიდენტის ინსტიტუტს და
person access_time2018-08-16 19:38:45
პოლიტოლოგი გია ნოდია აცხადებს, რომ ბიძინა ივანიშვილის გადაწყვეტილება რომ მმართველ პარტიას არ ჰყავდეს საკუთარი კანდიდატი საპრეზიდენტო არჩევნებზე ორმაგი აბუჩად აგდებაა. როგორც პოლიტოლოგი Facebook-ში წერს, ის ერთი მხრივ აბუჩად იგდებს პრეზიდენტის ინსტიტუტს, ხოლო მეორე მხრივ "ქართულ ოცნებას", რომელსაც უნდობლობას უცხადებს.   ბიძინა ივანიშვილის გადაწყვეტილება, არ დააყენოს კანდიდატი საპრეზიდენტო არჩევნებში, ორმაგი აბუჩად აგდებაა. ერთი მხრივ ის აბუჩად იგდებს პრეზიდენტის...

კომპანია „სფერო დეველოპმენტი“ „სვეტის“ წინააღმდეგ სამართლებრივ დავას იწყებს

კომპანია „სფერო დეველოპმენტი“  „სვეტის“ წინააღმდეგ სამართლებრივ დავას იწყებს
person access_time2018-08-16 18:31:58
 „სფერო დეველოპმენტი“, სამშენებლო კომპანია „სვეტის“ წინააღმდეგ, რომელთანაც მიმდინარე წლის მაისში ნასყიდობის  წინარე ხელშეკრულება გააფორმა, სამართლებრივ დავას...

პარლამენტს აზარტული თამაშების შესახებ კანონში ცვლილებები შეაქვს, მაგრამ მიღებას ისევ აჭიანურებს

 პარლამენტს აზარტული თამაშების შესახებ კანონში ცვლილებები შეაქვს, მაგრამ მიღებას ისევ აჭიანურებს
person access_time2018-08-16 20:00:00
ცოტა ხნის წინ საქართველოს პარლამენტის იურიდიულ საკითხთა კომიტეტის თავმდჯომარემ ლევან გოგიჩაიშვილმა „აზარტული თამაშების შესახებ“ კანონპროექტში მორიგი ცვლილებების შეტანა დაანონსა. როგორც ლევან გოგიჩაიშვილმა „კომერსანტს“ განუცხადა, აღმასრულებელ ხელისუფლებასთან უკვე შეთანხმებულია და მნიშვნლოვნად გადამუშავდება „ლატარიების, აზარტული და მომგებიანი თამაშობების მოწყობის შესახებ“ კანონში ცვლილებების საკანონმდებლო პაკეტი. ცნობილია, რომ  ცვლილებები პარლამენტის პლენარულ...

სებ: ლარი 3 თეთრით გამყარდა

სებ: ლარი 3 თეთრით გამყარდა
person access_time2018-08-16 16:53:00
...

შრომის უსაფრთხოების კონტროლს ეკონომიკური საქმიანობის ყველა სფერო დაექვემდებარება

შრომის უსაფრთხოების კონტროლს ეკონომიკური საქმიანობის ყველა სფერო დაექვემდებარება
person access_time2018-08-16 16:55:31
შრომის ინსპექტორის უფლებები გაიზრდება და  უსაფრთხოების კონტროლს  ეკონომიკური საქმიანობის ყველა სფერო დაექვემდებარება.  ეს იმას ნიშნავს, რომ 1 აგვისტოდან ამოქმედებული ნორმები მხოლოდ  მომეტებული საფრთხის შემცველ, მძიმე, მავნე და საშიშპირობებიან სამუშაოებზე არ...


მსგავსი სიახლეები

up