რამდენიმე თვის წინ კახა კალაძემ თბილისში მიკროავტობუსების წარმოების შესაძლო დაწყება დააანონსა. „კომერსანტი“ დაინტერესდა რა ეტაპზე პროექტი, რომელშიც დედაქალაქის მერის ინფორმაციით, ინვესტორი $30 მილიონის ჩადებას გეგმავდა.
როგორც ცნობილია ქარხნის მშენებლობასთან დაკავშირებით ინვესტორთან მოლაპარაკებებს „თბილისის მიკროავტობუსი“ აწარმოებს. დღეს კომპანიაში აცხადებენ, რომ მიმდინარეობს პროექტზე მუშაობა. „კომერსანტის“ კითხვაზე -ვისთან მიმდინარეობს მოლაპარაკებები, რა ეტაპზეა ახლა პროექტი და როდის დასრულდება მასზე მუშაობა „თბილისის მიკროავტობუსში“ არ გვპასუხობენ.
კონკრეტული დეტალები და კომპანია, ფეისბუქ ლაივის მეშვეობით თბილისის მერსაც არ დაუსახელებია. მაშინ კალაძემ იმ ავტომობილის მოდელზე ისაუბრა, რომელზეც, სავარაუდოდ, დედაქალაქის პირველი პირი არჩევანს შეაჩერებს.
მაშინ „კომერსანტმა“ გაარკვია, რომ ქართული წარმოების მიკროავტობუსი, რომელსაც “ელვა“ ერქმევა, რუსული კომპანია „Группа ГАЗ“-ის მიერ წარმოებული ГАЗель NEXT -ის იდენტური იქნება.
ГАЗель-ის მიკროავტობუსების წარმოების საქართველოში დაწყებასთან დაკავშირებით გაკეთებული განმარტებით, კალაძისგან მხოლოდ ის გახდა ცნობილი, რომ მომავალ ინვესტორთან მოლაპარაკებებს „თბილისის მიკროავტობუსი“ მართავს. მისთვის კი მთავარი იყო ის, რომ ქართული ბრენდი შეიქმნებოდა.
„თბილისის მიკროავტობუსში“ ორი თვის წინ „კომერსანტს“ განუცხადეს, რომ მოლაპარაკებები ქარხნის მშენებლობასთან დაკავშირებით ნამდვილად მიმდინარეობდა. ინვესტორის ვინაობას არც მაშინ ასახელებდნენ. მსგავსი ტიპის მიკროავტობუსს აწარმოებენ როგორც რუსეთში, ასევე თურქეთში. ამ ეტაპზე რომელ კომპანიასთან შედგება მოლაპარაკება კომერციული ინტერესებიდან გამომდინარე, ვერ დავასახლებთ“, - განმარტავდნენ „თბილისის მიკროავტობუსში“ .
გეტყვით იმასაც, რომ კალაძის მიერ ორი თვის წინ მაგალითის სახით წარმოდგენილი ლურჯი ფერის მიკროავტობუსი, რუსული კომპანია „Группа ГАЗ“- ის მიერ წარმოებული ГАЗель NEXT -ის იდენტურია. ეს არის რუსული კომპანია, სადაც წილი რუსეთის სახელმწიფოსაც აქვს. რუსეთში მანქანების ერთ-ერთ უმსხვილეს კომპანიაში წილები შემდეგნაირად ნაწილდება:
«Русские машины» 65,56 %
Ингосстрах-Инвестиции 17,52 %
რუსეთის სახელმწიფო — 0,16 %.
დანარჩენი - 16,76 %
1. რუსული ГАЗель-ის ლოგო
2. ქართული წარმოების „ელვას“-ს ლოგო
ბაჩო ადამია