Bihub.ge-ზე უკვე შესაძლებელია საქართველოს ეკონომიკის მამოძრავებელი აქტიური კომპანიების ფინანსური მონაცემების ერთიან სივრცეში ნახვა. ინტერაქტიულ დეშბორდზე ნახავთ I, II, III და IV კატეგორიაში შემავალი ბიზნესებისა და სდპ პირების ფინანსური შედეგების ანალიტიკას.
3000-ზე მეტი I-III კატეგორიის კომპანიის დეტალური ინდივიდუალური (კონსოლიდირებული) ფინანსური ანგარიშგებები. სულ რამდენიმე კლიკით შესაძლებელია გაიგოთ, თუ როგორაა 25000-ზე მეტი კომპანია, გადანაწილებული სექტორის, ინდუსტრიისა და საქმიანობის მიხედვით; როგორ გამოიყურება ლიდერი კომპანიების სია სექტორის, ინდუსტრიისა და საქმიანობის მიხედვით, როგორია კონკურენტი კომპანიების ფინანსური საქმიანობისა და ეფექტურობის მაჩვენებლები და სხვა.
შეგახსენებთ, რომ Bihub არის ბიზნეს და საჯარო მონაცემების ერთიანი ანალიტიკური პლატფორმა, რომელზეც NGT Group-ის მრავალწლიანი გამოცდილების მქონე ანალიტიკოსთა გუნდმა იმუშავა. საიტი შექმნილია მსოფლიოს წამყვანი ბიზნეს ანალიტიკური სისტემის Qlik BI-ს ბაზაზე, რომელიც დაფუძნებულია Open Data პრინციპზე და გვთავაზობს მონაცემების გამოყენების უნიკალურ მეთოდს.
Bihub.ge-თ სარგებლობას შეძლებს ნებისმიერი რგოლის მენეჯერი, ანალიტიკოსი, ინვესტორები და უბრალოდ ცნობისმოყვარე ადამიანი. სისტემა საკმაოდ ინტუიტიურია და დაფუძნებულია თვითმომსახურების პრინციპზე (Self Service), რაც საგრძნობლად ამარტივებს სასურველი მონაცემების მოძიებას.
ყველასათვის კარგად არის ნაცნობი ინფორმაციის მოძიების სტანდარტული მეთოდი, რომელიც სხვადასხვა წყაროებში ძიებას, სტატიკური ფაილების გადმოტვირთვას, ხანგრძლივ შედარებას და უამრავ სხვა ქმედებას მოითხოვს.
Bihub.ge-ზე სწორედ ამ სტატიკური სტატიკური რეპორტების გვერდის ავლით, მოიძიებთ სასურველ ინფორმაციას, რაც დინამიური და ინტერაქტიული დეშბორდების დახმარებით არის შესაძლებელი. ეს ყველაფერი ნებისმიერ კითხვაზე პასუხის სწრაფად, მარტივად და დამოუკიდებლად (self Service) მიღებაში გვეხმარება.
ავტომატურად განახლებადი მონაცემების Live
ანალიტიკა კი ინფორმაციის სწრაფ და ოპერატიულ დამუშავებაში გვეხმარება. რაც შეეხება სისტემის ინტერფეისს, ის ძალიან მარტივი და ინტუიტურია, რაც მის მოსახერხებელ ვიზუალიზაციაში გამოიხატება.
ქართული კომპანიების ფინანსური მონაცემების ანალიტიკის გარდა საიტზე იხილავთ სხვა ინტერაქტიულ დეშბორდებსაც, რომლებიც სხვადასხვა მიმართულებით არსებული სტატისტიკური მონაცემების ანალიტიკას გთავაზობთ, ესენია: იმპორტ-ექსპორტი, სახელმწიფო შესყიდვები და ტენდერები, დაზღვევის სტატისტიკა, საყოველთაო ჯანდაცვის პროგრამა, Covid19 მსოფლიოში, საქართველოს ავტოპარკის სტატისტიკა.
აღსანიშნავია, რომ NGT ჯგუფი უკვე 5 წელია Qlik-ის ექსკლუზიური პარტნიორია საქართველოში. ამ პერიოდის მანძილზე წარმატებით განხორციელდა 30-ზე მეტი პროექტი და გაეშვა 100-ზე მეტი საპილოტე პროგრამა.
R