სომხეთში $13,5–მილიონიან ტენდერში გამარჯვებული ქართული კომპანია ხიდების მშენებლობას წელს დაასრულებს

სომხეთში $13,5–მილიონიან ტენდერში გამარჯვებული ქართული კომპანია ხიდების მშენებლობას წელს დაასრულებს

access_time2021-10-06 14:00:58

მაშინ, როცა უცხოური სახელმწიფო კომპანიები გზებს საქართველოში აშენებენ, საქართველოს მთავრობა კი ქართულ კომპანიებს მასშტაბური პროექტების განხორციელების გამოცდილებას უწუნებს, „კავკასუს როუდ პროჯექტი“ ინფრასტრუქტურულ პროექტს საზღვარგარეთ ახორციელებს. კომპანიის დამფუძნებელი და გენერალური დირექტორის პაატა ტრაპაიძე გვიყვება, რომ სომხეთში 255 მეტრი სიგრძის 2 ახალი ხიდის მშენებლობა წლის ბოლომდე დასრულდება.

 



„პროექტზე მუშობა 2020 წლის იანვარში დავიწყეთ. ეს არის ტენდერი, რომელიც ორჯერ ჩაიშალა. პირველად, 2010 წელს, პროექტს იტალიელები ახორციელებდნენ, თუმცა სამუშაოები არ შესრულდა, ტენდერი ვერც მეორედ განხორციელდა. 2019 წელს სახელმწიფო შესყიდვა კიდე ერთხელ გამოცხადდა, რომელშიც მონაწილეობა მივიღეთ. ეს არის 13,5 მლნ დოლარის ღირებულების ტენდერი, რომელიც 255 მეტრი სიგრძის 6 მალიანი, ავტობანის 2 ხიდის აშენებას გულისხმობდა. აღსანიშნავია ის ფაქტი, რომ მუშებიც კი საქართველოდან წავიყვანეთ, ძალიან ბევრი რკინის კონსტრუქცია მზადდება საქართველოში და ისე მიგვაქვს. მიუხედავად პანდემიისა და სომხეთში განვითარებული საომარი მოქმედებებისა, ჩვენ მუშაობა არ გაგვიჩერებია. შესაბამისად, ჩვენი დამკვეთი ერევნის მერია სამუშაოთი კმაყოფილია. ჩემი აზრით, ეს არის წარმატებული ქართული სამშენებლო ექსპორტი“, - განაცხადა პაატა ტრაპაიძემ.

 



255 მეტრი სიგრძის 2 ახალ ხიდის მშენებლობა „კავკასუს როუდ პროჯექტისთვის“ პირველი პროექტი არ ყოფილა, რომელსაც საზღვარგარეთ ახორციელებს. პაატა ტრაპაიძე გვიყვება, რომ უმსხვილეს ავსტრიულ კომპანია „Strabag“-თან ერთად 2013 წელს ყაზახეთში იმუშავეს, სადაც კომპანიამ ბეტონის გზები დააგო.  „კომერსანტის“ კითხვაზე, ხომ არ აპირებს „კავკასუს როუდ პროჯექტი“ სხვა მეზობელი ქვეყნების მიმართულებითაც მუშაობის გააქტიურებას, ბიზნესმენი ამბობს, რომ ამ ეტაპზე იმ ქვეყნების ტენდერებში არ იღებს მონაწილეობას, სადაც კორუფციული რისკები არსებობს.


 


„სურვილი ერთია და რეალობა მეორე, აზერბაიჯანში ძალიანაც რომ მოვინდომოთ, მაინც ვერ მივიღებთ ტენდერში მონაწილეობას, რადგან საშინელი კორუფციაა. სომხეთში ჩვენ რამდენჯერმე ვცადეთ მონაწილეობა, მაგრამ სანამ ხელისუფლება არ შეიცვალა, არაფერი გამოვიდა. დღეს სომხეთში კონკურენტული გარემო შეიქმნა და ქრთამს არავინ ითხოვს. მეორე წელია, რაც მეზობელ ქვეყანაში ვმუშაობთ და დამკვეთთან პრობლემა არ გვქონია, პირიქით – დამკვეთი სამუშაოთი კმაყოფილია, რადგან როდესაც ყველა გაჩერებული იყო, ჩვენ ვმუშაობდით“, - აცხადებს პაატა ტრაპაიძე.

 




„კავკასუს როუდ პროჯექტი“ დიდი მოცულობის პროექტებში მონაწილეობას საქართველოშიც იღებს. პაატა ტრაპაიძე იმ პრობლემებზე საუბრობს, რომელსაც ქართულ კომპანიები სახელმწიფო შესყიდვებში მონაწილეობის დროს აწყდებიან. პრობლემებზე, რომლის შესახებაც ინფრასტრუქტურის სამინისტრომ იცის, თუმცა მათი მოგვარების მიზნით ქმედითი ნაბიჯი ამ დრომდე არ გადადგმულა.

 



„საქართველოში ტენდერებთან დაკავშირებით არის ერთი მინუსი, კონტრაქტი ფორმდება ლარში, უცხოური ვალუტის კონვერტაციით გამოწვეულ ზარალს არავინ გვიზღვევს. ძალიან ბევრ რამეს ევროში და დოლარში ვყიდულობთ, რა დროსაც მუშაობა საკმაოდ რთულია. სომხეთში ტენდერში მონაწილეობა იმიტომ მივიღეთ, რომ შესყიდვა დოლარში იყო. მეორე პრობლემა არის ის, რომ ბაზარზე ჩინური სახელმწიფო კომპანიები ოპერირებენ, რომელთაც თავიანთი პოლიტიკური სტრატეგია აქვთ. კომპანიები ტენდერებს ისეთ დაბალ ფასებში იგებენ, შეუძლებელია შესყიდვაში მიიღო მონაწილეობა“, - ამბობს პაატა ტრაპაიძე.


ბაჩო ადამია




ლარის კურსი დოლართან 7.88 თეთრით, ხოლო ევროსთან 5.46 თეთრით გაუფასურდა

ლარის კურსი დოლართან 7.88 თეთრით, ხოლო ევროსთან 5.46 თეთრით გაუფასურდა
access_time2022-08-15 17:05:15
15 აგვისტოს ვაჭრობის შედეგად აშშ დოლარი გამყარდა და 2.7877 ლარი შეადგინა. კურსი, რომელიც დღეს მოქმედებდა, 2.7089 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -7.88 თეთრი შეადგინა. გამყარდა ევრო, რომლის კურსი 2.8426 ლარია. მაშინ როცა დღეს მოქმედი კურსი 2.7880 ლარს შეადგენდა. შესაბამისად, ევროს ცვლილებამ 5.46 თეთრი შეადგინა. გამყარდა თურქული ლირა, რომელიც 0.1552 ლარს შეადგენს, ასევე გამყარდა ფუნტი და 3.3636 ლარი...

შეღავათიანი აგროკრედიტის პროექტში ცვლილებები შედის

შეღავათიანი აგროკრედიტის პროექტში ცვლილებები შედის
access_time2022-08-15 17:00:09
შეღავათიანი აგროკრედიტის პროექტში ცვლილებები შედის. პროექტს გარემოს დაცვისა და სოფლის მეურნეობის სამინისტროს სოფლის განვითარების სააგენტო 9 წელიწადზე მეტია ახორციელებს. პროექტის ძირითად ამოცანებს ფერმერების და სოფლის მეურნეობაში ჩართული მეწარმეების იაფი, გრძელვადიანი და ხელმისაწვდომი ფულადი სახსრებით უზრუნველყოფის გზით, სოფლის მეურნეობის პირველადი წარმოების, გადამმუშავებელი და შენახვა-რეალიზაციის საწარმოო პროცესების გაუმჯობესება...

პრემიერი საწვავის კიდევ უფრო გაიაფებას ელოდება - აგვისტოს ბოლომდე ჯამში 20-30 თეთრით

პრემიერი საწვავის კიდევ უფრო გაიაფებას ელოდება - აგვისტოს ბოლომდე ჯამში 20-30 თეთრით
access_time2022-08-15 15:00:47
გვაქვს ჩვენ განცდა იმისა, რომ შესაბამისად არ ჰპოვა ასახვა საწვავის ფასებმა და არ მოხდა საწვავის ფასების პროპორციულად დაკლება, ამიტომ, საჭიროა, უფრო გავააქტიუროთ მუშაობა საწვავის იმპორტიორებთან, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა. როგორც პრემიერმა აღნიშნა, მან რეკომენდაციით მიმართა კონკურენციის სააგენტოს, დაიწყოს მოკვლევა და შეამოწმონ იმპორტიორების კეთილსინდისიერება, რამდენად სწორად ხდება კონკურენციის პირობების...

არ დაანთოთ ცეცხლი ტყის ან ველის სიახლოვეს - საგანგებო სიტუაციების მართვის სამსახური მოსახლეობას აფრთხილებს

არ დაანთოთ ცეცხლი ტყის ან ველის სიახლოვეს - საგანგებო სიტუაციების მართვის სამსახური მოსახლეობას აფრთხილებს
access_time2022-08-15 15:40:18
მაღალი ტემპერატურიდან გამომდინარე, საგანგებო სიტუაციების მართვის სამსახური მოსახლეობას მაღალი სამოქალაქო პასუხისმგებლობისკენ მოუწოდებს და სთხოვს არ დაანთონ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვონ ცეცხლის კერები უყურადღებოდ. „გაცნობებთ, რომ მომავალი დღეების განმავლობაში მთელი საქართველოს მასშტაბით შენარჩუნდება მომატებული ტემპერატურა და უნალექო ამინდები. გარდა ამისა, მთიან...

13:00 საათისთვის, Bloomberg-ზე 1 დოლარი 2.8050 ლარად ივაჭრება, ბანკებში კი 1 დოლარი 2.8500 და 2,8600 ლარი ღირს

13:00 საათისთვის, Bloomberg-ზე 1 დოლარი 2.8050 ლარად ივაჭრება, ბანკებში კი 1 დოლარი 2.8500  და 2,8600 ლარი ღირს
access_time2022-08-15 13:00:23
Bloomberg-ის სავაჭრო პლატფორმაზე 13:00 საათისთვის ერთი დოლარი 2.8050  ლარად ივაჭრება. პლატფორმაზე ვაჭრობა 2.7050 კურსით დაიწყო.   12 აგვისტოს ვაჭრობის შედეგად აშშ დოლარი გამყარდა და 2.7089 ლარი შეადგინა. კურსი, რომელიც დღეს მოქმედებდა, 2.7016 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -0.73 თეთრი...


მსგავსი სიახლეები

up