„ქართული ეკონომიკა წინ მიდის, მაგრამ ეს ხალხის ჯიბეზე არ ისახება“ - აშშ-ს სავაჭრო პალატის წარმომადგენელი IRI-ს კვლევას აფასებს

„ქართული ეკონომიკა წინ მიდის, მაგრამ ეს ხალხის ჯიბეზე არ ისახება“ - აშშ-ს სავაჭრო პალატის წარმომადგენელი IRI-ს კვლევას აფასებს

access_time2019-11-20 10:00:10

„ქართული ეკონომიკა წინ მიდის, მაგრამ ამას ხალხი ვერ გრძნობს, ამ ყველაფერზე პასუხისმგებლობა კი  ბიზნესსაც აქვს და მთავრობასაც. 22 წელია რაც აქ ვმოღვაწეობ და მთავარ გამოწვევად რჩება  ის, რომ ეკონომიკის წინსვლა ვერ აისახა მოსახლეობის კეთილდღეობაზე“- საქართველოში ამერიკის სავაჭრო პალატის წარმომადგენელმა მაიკლ ქაუგილმა „კომერსანტთან“ IRI-ს კვლევის შედეგები მიმოიხილა.


საერთაშორისო რესპუბლიკური ინსტიტუტის (IRI) საქართველოში ივნისის აქციების შემდეგ პირველი კვლევა გამოაქვეყნა. როგორც ორგანიზაციის მიერ გავრცელებულ პრესრელიზშია აღნიშნული, პირველი კვლევის მიხედვით, რომელიც საერთაშორისო რესპუბლიკურმა ინსტიტუტმა საქართველოში 2019 წლის ივნისის ანტირუსული საპროტესტო აქციების შემდეგ ჩაატარა, ხელისუფლებისადმი ნდობის მაჩვენებელმა საგრძნობლად იკლო.


კვლევის თანახმად, გამოკითხულთა 80%-მა ქვეყნის მასშტაბით უმთავრეს პრობლემებად დაასახელა უმუშევრობა, საცხოვრებელი ხარჯები და სიღარიბე.


ზემოაღნიშული, ასევე, წარმოადგენს ყველაზე მთავარ პრობლემებს პიროვნულ დონეზეც. 50%-ის შეხედულებით, უმუშევრობა, დაბალი ხელფასები, სიღარიბე და ზოგადი ეკონომიკური მდგომარეობა არის მათი ოჯახებისთვის წუხილის ძირითადი მიზეზი. გარდა ამისა, რესპოდენტთა უმრავლესობა (59%) ეკონომიკურ პრობლემებს ყველაზე დიდ წინაღობად მიიჩნევს საქართველოს დემოკრატიული განვითარებისთვის“,- აღნიშნულია კვლევაში.



აშშ-ს სავაჭრო პალატის წარმომადგენელი საქართველოში მიიჩნევს, რომ საქართველოს დედაქალაქსა და რეგიონშიეკონომიკური კუთხით  სხვადასხვა სურათია და ეს პასუხია კითხვაზე თუ რატომ არ აისახა მოსახლეობის ჯიბეზე ეკონომიკური ძვრები. მაიკლ ქაუგილის აზრით, პრიორიტეტად უნდა იქცეს რეგიონში შესაბამისი სამუშაო ბაზრის შექმნა, რათა ქვეყნის მოსახლეობის უმეტესობას ქალაქში მძიმე კონკურენციის პირობებში არ უწევდეს ეკონომიკურ კეთილდღეობაზე ზრუნვა.


„ბიზნესის წარმომადგენლები და  ბიზნესასოციაციები ვმუშაობთ იმაზე, რომ მეტი სამუშაო ადგილი შევქმნათ. ყველანი ვთანხმდებით, რომ უმუშევრობა პრობლემაა. ვცდილობთ მოვიზიდოთ მეტი ინვესტორი ქვეყნის გარეთ, მაგრამ ასევე უზრუნველვყოთ ის, რომ ადგილობრივმა ინვესტორებმა განაგრძონ ბიზნესების გაფართოება. ეს ჩვენთვის ნომერ პირველი ამოცანაა. მე განათლების სფეროშიც ვმოღვაწეობ და  მინდა, რომ ჩემი სტუდენტები უკეთ იყვნენ მომზადებული იმ სამუშაო ბაზრისთვის, რაც მათ ელოდებათ. როცა ვამბობ რომ ეს პრობლემაა, ასევე ვგულისხმობ, რომ ეს გამოწვევაა. მეტი სამუშაო ადგილი დაეხმარება სიღარიბის შემცირებასაც.  IRI-ს კვლევას ვეთანხმები იმაში, რომ ხალხი ნამდვილად გრძნობს ამ პრობლემების გავლენას საკუთარ  კეთილდღეობაზე. უნდა აღვნიშნო, რომ ბიზნესი წინ მიდის - განსაკუთრებით ტურიზმის, სასტუმროების ბიზნესი და მშენებლობა.  მთლიანი შიდა პროდუქტის მაშვენებელი იზრდება იმაზე უკეთ, ვიდრე სხვა რომელიმე ქვეყანაში რეგიონის მასშტაბით. ჩვენ გვაქვს ეკონომიკა, მაგრამ 22 წელია რაც აქ ვმოღვაწეობ და მთავარ გამოწვევას ვხედავ - ეს ხალხის ცხოვრების დონეზე ეს არ აისახება. ჩემი აზრით, ბიზნესმაც და მთავრობამაც ამას უნდა მიაქციოს დიდი ყურადღება. ხალხმა უნდა იგრძოს, რომ მათი ქვეყნის ეკონომიკური სიტუაცია უმჯობესდება. ამის მისაღწევად ერთადერთი პასუხი მაქვს, მეტი ყურადღება უნდა მიექცეს რეგიონებს.დედაქალაქში და რაიონებში სხვადასხვა შედეგებს აჩვენებს ყველა კვლევა,  რაც კი არსებობს. სტუდენტები ცდილობენ დედაქალაქში თავის დამკვიდრებას იმიტომ, რომ რეგიონში იგივე შესაძლებლობები არ აქვთ.  ამის გამოსწორება ჩვენზე, ბიზნესებზეც არის დამოკიდებული. ჩვენ მეტი ყურადღება უნდა მივაქციოთ რეგიონებს. შევუქმნათ ის პირობები ქუთაისში სტუდენტებს, რაც ინდუსტრიული ქალაქში შეიძლება იყოს და სხვა რეგიონებში, რომლებიც განსაკუთრებულ პოტენციალს ვერ იყენებენ.“- აღნიშნავს ქაუგილი.


ამერიკელმა ბიზნესმენმა ქვეყანაში მიმდინარე პოლარიზაციაც შეაფასა მოსახლეობასა და ხელისუფლებას შორის. მისი თქმით, ხალხის სამართლიანი პროტესტი უჩვეულო ნამდვილად არ არის , თუმცა ჭკვიანი ინვესტორი უნდა მიხვდეს, რომ ეს დროებითია და ქართულ ეკონომიკაში ფინანსების მოზიდვა ჩვეული და თან მზარდი ტემპით უნდა განაგრძოს.


„ყოველ წელს მაინც მსგავსი სიტუაცია ქვეყანაში თითქმის ჩვეულებად იქცა. მაგრამ  ინვესტორი საკმაოდ ჭკვიანია და იცის, რომ ასეთი მდგომარეობა დროებითია და  ეკონომიკის დესტაბილიზაციას არ მოახდენს. ხალხმა იმედგაცრუება გამოხატა და ეს ბუნებრივია, მათ აქვთ უფლება იყვნენ იმედგაცრუებულები, თუმცა, ეს კანონის ფარგლებში უნდა გამოიხატოს. ინვესტორს რისკის შემცველი სიტუაციები საქართველოში ხშირად ხვდება, თუმცა, უნდა ესმოდეს რომ აქაური პოტენციალის გათვალისწინებით მსგავს დესტაბილიზაციას ეკონომიკაზე გავლენის უფლება არ უნდა მისცეს.“ - ამბობს ქაუგილი.


IRI-ს კვლევაში აღნიშნულია, რომ „ეკონომიკა და უმუშევრობა საქართველოს მცხოვრებელთათვის ყველაზე დიდ პრობლემას წარმოადგენს ბოლო ათწლეულის განმავლობაში, თუმცა, ქვეყნის პოლიტიკური პარტიების მხრიდან ამ პრობლემების მიმართ ყურადღება არ არის გამახვილებული. პარტიების ლიდერებს აქვთ შესაძლებლობა, შეიმუშაონ დეტალური პროგრამები და პლატფორმები, რომლებიც სწორედ მოსახლეობისთვის ყველაზე მნიშვნელოვანი პრობლემების გადაჭრაზე გააკეთებს აქცენტს“ – განაცხადა საერთაშორისო რესპუბლიკური ინსტიტუტის ევრაზიის განყოფილების დირექტორმა, სტივენ ნიქსმა.

 

 მარიამ მორგოშია





Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...

კომერციულ ბანკებში მოქალაქეთა დეპოზიტების სავალდებულო დაზღვევის ზღვარი 15 000 ლარამდე გაიზარდა

კომერციულ ბანკებში მოქალაქეთა დეპოზიტების სავალდებულო დაზღვევის ზღვარი 15 000 ლარამდე გაიზარდა
access_time2020-07-01 17:25:50
დღეიდან კომერციულ ბანკებში დაზღვეული დეპოზიტების ზღვარი 5 000 ლარიდან 15 000 ლარამდე გაიზარდა. სააგენტოს სადაზღვევო პრემიას ბანკები უხდიან. იმ შემთხვევაში, თუ ბანკს გადახდისუნარიანობის პრობლემა დაუდგება, პროცესში დეპოზიტების სააგენტო ჩაერთვება, რომლის ვალდებულებაა, მოქალაქეს საკუთარ დეპოზიტზე არსებული თანხა 20 დღის ვადაში აუნაზღაუროს. ამ შემთხვევაში, დეპოზიტი გულისხმობს ნებისმიერ პოზიტიურ ბალანსს, რაც ანგარიშზე აქვს მოქალაქეს, ეს შეიძლება, იყოს ვადიანი ანაბარი,...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-01 21:30:48
დღის Top-10 საინტერესო ამბავი 1.საპარტნიორო ფონდი ბიუჯეტიდან არ უნდა დაფინანსდეს, ეს საბჭოთა, კომუნისტური მენტალიტეტია - თემურ ჭყონია „ბიუჯეტით რომ ფინანსდება ზარალიანი კომპანიის აღდგენა, ეს არის კომუნისტური, საბჭოური მენტალიტეტი. კომპანიები, რომლებსაც სახელმწიფოსთვის...

სამუშაოები ჩვეულებრივ რეჟიმში მიმდინარეობს, ტერიტორია დალაგებულია და ნაგავსაყრელი არ არის - „შპს მშენებელი2019“- ის პასუხი კალაძეს

სამუშაოები ჩვეულებრივ რეჟიმში მიმდინარეობს, ტერიტორია დალაგებულია და ნაგავსაყრელი არ არის - „შპს მშენებელი2019“- ის პასუხი კალაძეს
access_time2020-07-01 15:00:48
„სამუშაოები ჩვეულებრივ რეჟიმში მიმდინარეობს, ტერიტორია დალაგებულია და ნაგავსაყრელი არ არის“, - ასე პასუხობს თბილისის მერის დღევანდელ ბრალდებებს „შპს მშენებელი2019“- ის დირექტორი ამირან გელაძე. საუბარია, მუხიანის მეოთხე ა მიკრორაიონში არსებული სკვერის სარეაბილიტაციო სამუშაოებზე. კახი კალაძის განცხადებით, მონიტორინგის შედეგად, ხარვეზები გამოვლინდა. მისი თქმით,...


მსგავსი სიახლეები

up